أحببت مريض

Part 28

صُهيب بصدمه:خلود
خلود:ممكن ادخل
صُهيب:اهه طبعا اتفضلي
دخلت خلود ووقفت قدامهم بدموع وشكلها متبهدل ومدمعه
حبيبه:ايه اللي عمل فيكي كدا
صدقي:ايه اللي مبهدلك كدا ي بنتي
جريت خلود عليه وحضنتوا وفضلت تعيط بقهر وكسره وهو يهديها وحبيبه مش فاهمه حاجه وبتبص ل زويا باستغراب
صدقي:شششش اهدي واحكيلي حصل ايه ومين اللي عمل فيكي كدا
خلود بدموع:اللي حصل ان...
Flash back
خلود بخوف:ماما ممكن اطلب منك طلب
سهير:خير
خلود:ممكن اروح اشوف بابا واخواتي
سهير بغضب:نعممممم...تشوفي مين انتي عبيطه ولا جرا ل مخك حاجه
خلود:ليه يعني ي ماما هو انا قولتلك انا رايحه كباريه بقولك هروح ازور بابا عشان وحشني
سهير بغضب:وحش ما يلهفك..امشي غوري علي اوضتك ومفيش مرواح ف حته
خلود برجاء:ارجوكي ي ماما انا...
صفعتها سهير بقوه وخلود من شده الصفعه وقعت علي الارض بصدمه وهي مش مصدقه سهير شياطين الدنيا اتجمعت فيها وفضلت تضرب فيها بالحزام بكل قوه ومن غير رحمه وخلود تتوجع وبالرغم من صوت صراخها دا الا انها مرحمتهاش مسابتهاش غير بعد مده وهي بتتوجع ومش متحمله وبتئن من الوجع سهير سابتها ومشيت وهي فضلت تعيط بقهره وكسره
Back
خلود ببكاء:ولله معملت حاجه تستاهل اللي هي عملتوا دا كلوا
حبيبه اتأثرت جامد وصعبت عليها راحت بدون تردد وحضنتها بمواساه وخلود عيطت اكتر
حبيبه:ششش اهدي
خلود بوجع:اااهه
حبيبه بقلق:مالك في اي
خلود بوجع:مش قادره جسمي كلوا واجعني
حبيبه بصت علي ايديها لقت اثار الحزام علي ايديها وكانت باينه اوي حبيبه زعلت عليها وطبطبت عليها هي وزويا بحنان ودلال زعلت عليها بالرغم انها مش بنتها بس زعلت عليها وعلي اللي شافتوا مع امها
حبيبه مسحتلها دموعها بحنان وابتسامه جميله وزويا رتبتلها شعرها واحمد وايهاب راحوا باسوا راسها بحب اخوي
حبيبه:انتي اختنا ومننا ومن هنا ورايح اعتبري مامتي هي مامتك بالظبط ومتزعليش حقك هيجيلك
زويا:انسي واحنا هنضحكك جامد اوي يعني
احمد:ايوه يكون ف علمك انتي ربنا بيحبك عشان ربنا رزقك بينا
زويا:يخويا اتوكس جتك نيله من حلاوتك
احمد:بطلي تنكشي فيا عشان مدكيش بوكس ف مناخيرك ابوظهالك
ايهاب بابتسامه:قوليلي هوبا زي الحلوين دول
خلود بدموع وابتسامه:انا مش عارفه اقولكوا ايه بجد
زويا:لااا لاا دي هتعيط تاني
احمد:اضربلك ايهاب عشان تضحكي
خلود:لا متضربهوش شكلوا طيب وغلبان
احمد:ايهاب؟؟ ولله انتي اللي غلبانه وطيبه وعلي نياتك
زويا:حبيبي علي نياتوا كل البنات اخواتوا
احمد:اخواتوا اوي يعني
ايهاب:متتلم انت وهي بقي عشان مزعلكوش
حبيبه:لا تعالي معايا عشان هيتخانقوا ونا تعبانه ومش عاوزه ضغطي يعلي
حبيبه وزويا خدوها وطلعوا الاوضه وصدقي بيبصلهم بحب وسعاده
صُهيب:حقيقي انا فخور ب حبيبه
اسد:موقفهم حلو اوي بجد..حقيقي ي بختنا بيهم

ف اوضه خلود
حبيبه:بصي بقي ي ستي دي اوضتك واوضتي ف اخر الطرقه علي ايدك الشمال زي اوضتك كدا عشان متهويش وتخبطي ع يزن
خلود:مين يزن؟!
حبيبه:اخو صُهيب جوزي
خلود:اهه..شكرا اوي ليكوا مش عارفه اقولكوا اي حقيقي
زويا:بس ي بت انتي احنا اخوات
حبيبه:والاخوات مفيش مبينهم شكر ولا اي ي زويا
زويا:طبعااا ي بنتي
حبيبه بتعب:ااهه
زويا:مالك في اي
حبيبه:مش عارفه في وجع جه فجأه كدا مش قادره اتحرك
خلود:انتي حامل!؟
زويا:شوفتي ي ستي
خلود بسعاده:الله هكون خالتو هييييييه
زويا بضحك:متستعجليش اوي كدا
خلود:لا انا مبسوطه اوي بجد هيييه فاضلك قد اي
حبيبه:6 شهور
خلود:يوووه لسه بدري
حبيبه:متقلقيش هيعدوا هوا يختي وهيجيلك ويقرفك
خلود:انتي عرفتي هو اي
حبيبه:لا لسه فاضل شهرين تلاته كدا واعرف
خلود:ربنا يتمملك علي خير ي حبيبتي
حبيبه:يلا خشي خدي شاور وارتاحي شويه وخدي الكريم دا عشان يسكنلك الوجع شويه
خلود:شكرا ليكي بجد ربنا يخليكوا ليا
زويا:ويخليكي لينا ي حبيبتي