صُهيب بصدمه:ايه....طب انا جاي حالا
بعد مده وصل صُهيب ولقي تمارا قاعده بتعيط واتصدم لما لقي ايد تمارا مليانه دم خاف ومكنش قادر يتحرك وبيتمني ان اللي ف دماغوا يطلع غلط ضربات قلبه عليت مع تقدمه ليها وهو بيدعي ربنا ان ميكونش في حاجه بس لما وصل اتصدم صدمه الجمته خلته مش قادر يتحرك لقي حبيبه مرميه ع الارض ودمها مغرق الأرض حس ان الوقت وقف بيه ف اللحظه دي قرب بحظر وقعد ع الأرض ومش قادر يتكلم حس ان صوته راح مش قادر حتي يصرخ باسمها وبيبص لتمارا بصدمه ومش عارف دا حصل ازاي ول هي كمان
تمارا بصراخ:حبيباااااه مااااااتتت ي صُهيب حبيباااااه ماااااتت ونت السبب انت اللي موتها ونا مش هسيبك ي صُهيب وهنتقم منك فاااااااااااهم
صحي صُهيب بفزع وبياخد نفسه بالعافيه قام بسرعه وجهز ونزل وخرج من غير ول كلمه راح لبيت تمارا وفضل يخبط ع الباب بهيستريه تمارا وحبيبه اتخضوا من طريقه الخبط حبيبه راحت فتحت لقت صُهيب وهيئته مخيفه وعيونه محمره صُهيب اول م شافها حضنها بكل قوته وهي أتألمت بس مبينتش وفضل يقول الحمد لله ويشكر ربنا بعد مده بعدها عنه وبصلها بحزن
صُهيب:حبيبه انتي زعلانه مني...انا اسف حقك عليا مكنش قصدي اني ازعلك
حبيبه استغربت وبصتلوا وبصت ل تمارا اللي مستغربه
حبيبه:زعلانه منك ف اي ي صُهيب هو انت عملت حاجه تزعلني منك اصلا؟؟؟؟
صُهيب بصلها بدهشه:هو انتي مش زعلانه مني عشان زعقت فيكي جامد وسبتيني ومشيتي
حبيبه بذهول:لا ي صُهيب انا مزعلتش منك ول سبتك مانا سبتك من امبارح لما رجعنا بليل لما كنا بنتمشي
صُهيب حاول يهدي ومش عارف ايه اللي بيحصل معاه
حبيبه:مالك في حاجه ول اي
صُهيب:هاه خلاص دا كان حلم
حبيبه:حلم اي ي صُهيب قولي
حكلها صُهيب الحلم وهي كانت بتسمعوا بدهشه وذهلت لما خلص وحضنها وحست برطوبه ع كتفها ف عرفت انه بيعيط ابتدي شكها يكبر بس بتحاول تعدي او تستناه هو لما يحكلها كان بيشدد ف حضنو ليها كانه خايف مامته تسيبه وتمشي هي سابته يطلع اللي جواه بطريقه العياط لعله يهدي شويه
بعده مده هدي صُهيب وبصلها بدموع وهي مسحت دموعوا بهدوء وبصتلوا بحنان
حبيبه:ممكن اعرف بقي مالك وكنت بتعيط بالطريقه دي كدا ليه انت خوفتني عليك افتكرت حصلك حاجه عشان كدا كنت بالمنظر دا وبراحه عشان مفهمتش منك حاجه ف الأول
صُهيب بهدوء:مفيش بس حلمت حلم وحش
حبيبه:طيب قولي اي هو
صُهيب:ان انتي موتي وسبتيني وماما تمارا كانت ف الحلم واتهمتني بقتلك وقعدت تقولي هنتقم منك ومش هسيبك
حبيبه سكتت شويه وبعدين بصتلوا تاني
حبيبه:طيب سبب موتي كان اي
صُهيب:مش عارف كنت مدايق ف الحلم ومش طايق اتكلم مع حد ونتي جيتي وحاولتي تتكلمي معايا بس انا اتعصبت عليكي جامد وقولت كلام اول مره اقولوا وانتي زعلتي مني أوي ومشيتي معيطه ولما روحتي دخلتي اوضتك وبعدها ماما تمارا قعدت تخبط عليكي مبتتكلميش ف خافت وحاولت تتصل بيا كتير ونا مبردش لحد مرديت وقالتلي انك حصلك حاجه والباقي انتي عرفاه ف صحيت ونا مخضوض ولأول مرة ف حياتي أخاف...اول مره اخاف ع حد كدا ف لبست وجتلك
حبيبه:امممم...هو حلم زي اي حلم ي صُهيب ومعناه ان عمري طويل ف متخافش ومتقلقش انت مهما تعمل هفضل معاك دايما سميها زي متسميها لازقه..عملك الاسود اللي تقولوا وبعدين مش حلم اللي هيخلي البشمهندس صُهيب عمر راشد عدنان يعيط ول انت شايف اي؟؟؟
كانت بتتكلم بمرح عشان تنسيه وهو فهم وتعمد انه ميقولش السبب الرئيسي اللي كان مخليه كدا ف الحلم
صُهيب:اممممم حاسس اني هتفضح بسبب اللي عملتوا دا هتخليني عبره يعني
حبيبه ببراءه:اناااا؟؟؟عيب عليك ي سيد متقولش كدا احنا اهل ي راجل اوماااال
صُهيب ضحك ع طريقتها ف الكلام وانها قادره بأبسط حاجه تضحكوا وتنسيه هموا
صُهيب:بجد انتي غريبه اوي ي حبيبه
حبيبه باستغراب:غريبه ازاي يعني مش فاهمه
صُهيب:يعني بتضحكي اللي قدامك يعني همك انك تخليه يضحك حتي لو انتي حزينه فيكي حاجه مميزه
حبيبه:اممم...صُهيب هو انا ممكن اسألك سؤال
صُهيب:حبيبه ي حبيبتي سبق وقولتلك اسألي من غير استئذان
حبيبه بتردد وحرج:ه...هو انا اول حب ف حياتك؟؟
صُهيب لاحظ حرجها وترددها وابتسم لخجلها
صُهيب:ايوه ي ستي اول حب واول نظره واول كلمه بحبك واول لمعه عين...انا اصلا محبتش قبل كدا ول كنت فاضي للكلام الاهبل دا شغل اني استني واحده عشان تخلص شغلها والحركات دي مكانتش بتفرق معايا حركات عيال صغيره قولت مش هحب ومش هعلق حد بيا لحد ما شوفتك انتي حسيت اول مره لما شوفتك اني اعرفك كأن في حاجه بتربطنا ببعض قلبي دقلك من أول نظره حاولت كتير ابعد واتجنبك بس بردوا كان في حاجه بتشدني ليكي حاسك مختلفه عنهم كلهم عشان كدا حبيتك غصب عني بعد ما قولت مش هحب ومستحيل احب بس ف الاخر حبيتك انتي
حبيبه كانت مبسوطه من كلاموا وفرحانه جدا اندفعت وحضنتوا بسعاده ومش قادره تتكلم من كتر فرحتها صُهيب اتصدم بس بادلها الحضن وهي لاول مره متخافش ومتبعدهوش
صُهيب بمرح:حبيبه حبيبتي هتخنقيني كدا
حبيبه اتكسفت وبعدت وهو قعد يضحك عليها
صُهيب:علي فكره بقي كنت بهزر معاكي...هي ماما تمارا فين
حبيبه:راحت تتمشي شويه تفك عن نفسها من قاعده البيت
صُهيب:طيب ممكن الاقيها فين
حبيبه:هتلاقيها بره ع اخر الشارع كدا لانها حبت تسبنا شويه يعني
صُهيب:تمم خلي بالك من نفسك ومتفتحيش لحد
حبيبه:حاضر
أنت تقرأ
أحببت مريض
Romanceقصه حب ابتدت من اول نظره بس ميعرفوش هل هتدوم والحقيقه المستخبيه هتبان بدري ولا هيكون فات الأوان دا اللي هنعرفوا في روايتنا
