صُهيب:بس في حاجه تاني انتوا لسه متعرفوهاش
بص لحبيبه بضعف خفى وهي شددت علي دراعه انه يقول وميضعفش قدامهم يزن وأمان وتمارا فهموا نظراتهم صُهيب بصلهم تاني وقال بهدوء:انا...انا عندي فيروس سي....وانفصام ف الشخصية
حاله من الصمت الكل مصدوم ومش مصدق ازاي وهما ميعرفوش وكان بيبان طبيعي جدا قدامهم ومفهوش حاجه ازاي مكانوش بيلاحظوا كل دا
كارمه بصدمه ودموع:ه..هو اللي انا سمعتوا دا صح؟؟
صُهيب بصلها بحزن وقال بثبات:ايوه ي امي
كارمه قعدت تعيط ومش قادره تصدق الكل مش عارفين هيعملوا اي قعدوا يعيطوا ومش قادرين يصدقوا
حبيبه لقت الكل منهار ومش قادرين
حبيبه:اوعوا تضعفوا اوعوا تيأسوا خليكوا اقويه خلينا ندعمه ونقف جمبوا بدل ما نعيط وننهار العياط مش هيجيب نتيجه عمليتوا الاسبوع الجاي خلينا جمبوا ونطمنوا....انا عارفه ان الصدمه وحشه اوي وصعبه عليكوا زي م هي كانت صعبه عليا انا كمان بس لازم نواجه ومنضعفش ابدا
كارمه راحت وحضنت صُهيب وقعدت تعيط وهو كان بيحاول يتماسك علي قد ما يقدر عشان ميضعفش قدامهم ف مهما كان اللي عندو او اللي بيحصل مع صُهيب مبيحبش يبين لحد انه ضعيف دايما بيتظاهر بالقوه حضن امه بثبات وايده التانيه ماسكه ايد حبيبه وبيشدد عليها وهي عارفه مدي معاناته وفهمت قصده
كارمه بعدت عنه والكل عمل زيها وحبيبه عرفت ان صُهيب فاضلوا شويه وهينهار
حبيبه:اا..طيب عن اذنكوا بقي عشان صُهيب تعبان ومحتاج يرتاح وعشان ياخد علاجه
كارمه:خلي بالك منه ي بنتي ولو حصل حاجه عرفينا
صُهيب بتعب:يلا ي حبيبه نروح انا تعبان وعاوز ارتاح
يزن:تروح فين لا انت هتقعد هنا لحد ما تعمل عمليتك انت مشوفتش منظر مراتك كانت عامله ازاي لما انت تعبت ومش قادره تتصرف خليك
صُهيب:طيب انا هطلع اوضتي
طلع اوضته وبعديه طلعت حبيبه بعد ما طمنتهم دخلت لقت صُهيب قاعد ع الارض وساند ع السرير وعيونه محمره والدموع محبوسه ف عينه راحت قعدت قدامه وبصتلوا بصلها بتوهان وحاسس انه تايه هربت دمعه منه مسحتها حبيبه بحزن
حبيبه:عيط ي صُهيب عيط وطلع كل اللي جواك
كأنها ادتلوا الإشارة الخضراء وصُهيب انهار ف حضنها وقعد يعيط لمده طويله وحبيبه تهديه وهي مش متحمله ضعفه واستسلامه دا بعد مده ابتدي يهدي بعد عنها وهي مسحتلوا دموعه اللي كانت مغرقه وشه وعيونه اللي بقت بلون الدم وشعره اللي اتبهدل ونزل علي عينه وبقي شكله يجنن وهي فضلت بصاله حبت تلطف الجو
حبيبه بمرح:عارف انا هخليك تعيط كل يوم عشان شكلك بيبقي حلو اوي بعدها وبتبقي حاجه كدا بص قمر
صُهيب بابتسامه:يعني انا قمر بالمنظر دا
حبيبه بضحك:يعم اسكت انت شوفت حاجه دا انت تقول للقمر قوم وانا اقعد مكانك يعم
ضحك صُهيب علي حركاتها وطريقه كلامها وهي ابتسمت لانها نجحت انها تخرجه من اللي هو فيه
حبيبه:ايوه كدا اضحك ووريني غمزتك
صُهيب:غمازه؟؟؟؟
حبيبه بشهقه وتمثيل:ي الله شو هاد ها الذلمه ما بيعرف انو عنده غمازه بتخلي شكله يصير أحلى وأحلى
صُهيب بابتسامه جميله:واو حلوه اللكنه دي حبيتها
حبيبه:تتعلم
صُهيب:اتعلم اي
حبيبه:اعلمك تتكلم كدا
صُهيب:بجد انتي اللي هتعلميني بقي
حبيبه بغرور وثقه:طبعا دانا أحسن واحده تتكلم كدا ي ابني
صُهيب:لا شكرا انا واحد مريض قلب مش ناقص
حبيبه:بكرا حبيبي يخف ويرجع كويس واحسن من الاول كمان
صُهيب:حبيبه انا جعان وعاوز انام
حبيبه:بسكدا عيوني هقوم اجبلك الأكل وتاخد العلاج ونام بعد كدا زي ما انت عاوز
بعد مده كان صُهيب حاطط راسوا ع رجل حبيبه ونايم وهي بتلعب ف شعروا وسرحانه بصت علي صُهيب لقته نايم خدت نفس عميق وقفلت النور ونامت ع وضعيتها
..................................................
أنت تقرأ
أحببت مريض
Romanceقصه حب ابتدت من اول نظره بس ميعرفوش هل هتدوم والحقيقه المستخبيه هتبان بدري ولا هيكون فات الأوان دا اللي هنعرفوا في روايتنا
