بليل صحي صُهيب ولقي حبيبه قاعده بعيد وسرحانه ومش واخده بالها ان صُهيب فاق
صُهيب:حبيبه...بيبه...حبيباااه
لكن حبيبه منتبهتش خاف عليها وقلق قام بهدوء وشال الكالونه وراح وقف قدامها وهزها برفق لكن بردوا بدون رد قلق جدا وشاكك ف حاجه وبيتمني انها تكون غلط ضربها بخفه علي وجنتها فاقت وبصتلوا بخوف وقلق
حبيبه بقلق:مالك انت تعبان هجبلك الدكتور استني
مسكها من دراعها برفق وقال:انا كويس متخافيش انتي اللي مالك سرحانه ف اي
حبيبه بتنهيده:ول حاجه متقلقش
صُهيب بشك:متاكده ي حبيبه
حبيبه بابتسامه خفيفه:اهه ي حبيبي متقلقش وبعدين انت اي اللي خلاك تقوم من مكانك وشيلت الكالونه ليه
صُهيب:متخافيش كدا كدا كنت هشيلها عشان هخرج دلوقتي
حبيبه:طيب تعالي اجهز يلا عشان نمشي
•••••••••••••••••••••••••••••••
سهير:هااا ي غزاله
غزاله:عملت زي محضرتك عاوزه واللي عرفته ان ليها تؤام بس تايهه من زمان من ساعه حريق البيت اللي عملناه وحضرتك اتعميتي وستها قعدت تدور عليها فتره وملقتهاش ف يأست وفقدت الأمل انها تلاقيها ودلوقتي هي كبرت واتجوزت واحد اسموا اسد بقالها سنه
سهير بغموض:اممممم عندها عيال؟؟؟
غزاله:لا معندهاش بس كانت عايشه مع ناس علموها السرقه وفهموها انهم اهلها عشان هي كانت لسه صغيره ومش فاهمه حاجه واشتغلت حراميه وكانت بتتنكر وتسرق الناس لحد ما قابلت أسد واتغيرت بس طبعا مقتنعه انها مسيحيه عشان كانوا مسيحين ودلوقتي أسد دا مشهور جدا وعارفه طلع ابن مين
سهير باهتمام:مين؟؟؟
غزاله بخبث:ابن الاستاذ عمر عدنان صاحب شركات العدنان جروب وكمان الاستاذ عمر عنده ولدين تانيين من مراته الاولانيه
سهير:اسمهم اي ي غزاله
غزاله بخبث:صُهيب ويزن
سهير بغموض:متجوزين؟؟؟
غزاله:اهه واحد متجوز والتاني لسه
سهير:مين اللي متجوز ومراته مين
غزاله:صُهيب هو اللي متجوز ومراته اسمها حبيبه
سهير بتعجب:حبيبه؟؟؟
غزاله بخبث:شكلك تعرفيها ي مدام
سهير بغموض:دي اعرفها واعرفها اوي كمان
•••••••••••••••••••••••••••••••••••••••••••••
ف المستشفي
صُهيب:حبيبه
حبيبه كانت بتظبطلوا القميص وسرحانه ومش واخده بالها انه بيكلمها
صُهيب ف نفسه:هي مالها بقت بتسرح كتير من ساعه ما قولتلها ع مرضي انا ابتديت اقلق
صُهيب:حبيباااااه
حبيبه:نعم في اي تعبان
صُهيب بنفاذ صبر:حبيبه بطلي تسرحي كتير وقولتلك انا كويس مفيش حاجه
حبيبه بدموع:اسفه اعذرني بس الصدمه كانت صعبه أوي
صُهيب وهو بيمسحلها دموعها:عارف ي حبيبتي وعارف انه صعب عليكي بس انا بقلق لما الاقيكي كل شويه تسرحي كدا وسرحانك بالمنظر دا غلط ي حبيبه
حبيبه:عارفه بس غصب عني بس هحاول مسرحش تاني
صُهيب:حبيبه انتي ممكن تسبيني
حبيبه بصتلوا بحزن:اسيبك؟؟؟؟هو اللي انا بعمله واللي انا فيه دا لسه مبينلكش اني بحبك ومش هسيبك واني بخاف عليك اكتر من نفسي
صُهيب:عارف وحاسس بس معرفش ليه ان انا حاسس انك ممكن تزهقي وتسبيني بس انا مش متحمل الفكره نفسها بتخنق أوي
احتضنته حبيبه بحب ودموع:لا انا مستحيل اسيبك وهنفضل جنب بعض وهفضل سند ليك
صُهيب بضعف ودموع:يعني انتي مش مكسوفه ان انا يعني
قاطعته حبيبه وقبلت خده بحنان:انا فخوره بيك دايما ومستحيل اتكسف او استعر انك جوزي وانا بقي واثقه انك هتتغلب ع كل دا وهنعالج حاجه حاجه يعني خلاص عمليتك الأسبوع الجاي وبعدها كدا بفتره لما تخف خالص ونروح كام جلسه كدا اطمن عليك ساعتها نعالج الباقي بس كل حاجه وليها وقت وانت متياسش ابدا وخليك صُهيب القوي اللي عمره ما استسلم لحاجه او ضعف اوكيه وهتخف بسرعه طول مانا معاك وبساعدك
احتضنها صُهيب بقوه وهو بيشكر ربنا انه رزقوا بزوجه زي حبيبه خلصوا وطلعوا ركبوا العربية واتحرك يزن ف طريقوا للقصر
أنت تقرأ
أحببت مريض
Romanceقصه حب ابتدت من اول نظره بس ميعرفوش هل هتدوم والحقيقه المستخبيه هتبان بدري ولا هيكون فات الأوان دا اللي هنعرفوا في روايتنا
