ف المستشفي
دخل صُهيب اوضه حبيبه ولقاها نايمه بس بوضعيه غلط راح عشان يعدلها رجعت لوضعيتها تاني صُهيب خاف وحاول يفوقها مش بتفوق اتخض عليها
صُهيب بخوف:حبيبه...حبيبه ردي عليا...ي بنتي فيكي اي حبيباااااه
زويا دخلت ع صوتوا بخوف وقلق
زويا بخوف:في اي ي صُهيب
صُهيب بخوف:نادي الدكتورة بسرعه ي زويا
زويا بخوف:حاضر حاضر
خرجت زويا بقلق وهي رايحه للدكتوره وقفها أسد ومسكها من دراعها بجمود
أسد ببرود:يلا عشان نروح
زويا بذهول:نعم
أسد ولسه علي بروده:يلا عشان نروح
زويا:انت واعي للي بتقولوا انت
أسد بتحذير:زوياااااااا
نفضت ايدو بعيد وهي لسه بصالوا بصدمه:اوعي خليني اروح انادي الدكتوره تشوف اختي فيها اي
أسد:دلوقتي بقت اختك
زويا:ي أسد اوعي بقي اختي تعبانه اوي جوه
أسد:لا مش هسيبك واتفضلي قدامي يلااااااا
يزن لقاهم شدوا قدام بعض راح وقف قدام أسد
يزن:سيب ايديها
أسد:وانت مالك مراتي ونا حُر فيها
يزن:ومراتك دي تبقي اخت مرات اخويا يعني اختي زي م حبيبه اختي
أسد:يلا ي شاطر روح ألعب بعيد
يزن:اظاهر انت لسه متعرفش انا مين واقدر اعمل اي
يزن:روحي انتي ي زويا نادي الدكتوره بسرعه
مشيت زويا بسرعه وهي هتموت من الخوف علي اختها
يزن بثقه وثبات:معاك الرائد يزن عمر عدنان ف ياريت تخلي بالك بقي
أسد:اااه ان شاء الله المره الجايه
جت زويا ومعاها الدكتوره منال ودخلوا ويزن واقف ومعاه أمان
أمان بخفوت:اليوم دا مش هيعدي ع خير
يزن:فعلا هو باين من اولوا...ربنا يسترها
بالداخل....
زويا بلهفه:اتفضلي ي دكتوره اتفضلي
الدكتوره راحت تكشف ع حبيبه وصُهيب وقف جنب زويا
صُهيب:كان بيزعقلك ليه
زويا:فكك منوا عادي هو كدا دايما
صُهيب:بس انا سمعت كلامكوا لان صوتكوا كان عالي....حابه تروحي معاه ولا تفضلي جنب حبيبه
زويا:لا طبعا افضل جنب اختي انا مصدقت اني لاقتها وبعدين هي اكيد محتجاني الفتره دي ونا مش هسيبها واروح معاه
صُهيب باعجاب:مكنتش متخيل ان دا يكون رد فعلك...كبرتي ف نظري
زويا:هو انا كنت حابه أسألك سؤال بس...
الدكتوره منال بمقاطعه:اسفه قطعت عليكوا الكلام
صُهيب:لا عادي خير ي دكتوره
الدكتوره منال:حبيبه حصلتلها حاله اغماء بسبب قله الاكل ومفيش مناعه خالص ي بشمهندس صُهيب لازم تتغذي كويس أوي وهي كمان ضعيفه ومش متحمله
صُهيب:طيب هي دلوقتي حالتها اي
الدكتوره منال:هي دلوقتي نايمه لاني مدياها مهدء عشان تنام وتريح اعصابها شويه وطبعا لازم الفتره الجايه الراحه التامه وتهتم بيها شويه
صُهيب:شكرا جدا ي دكتوره تعبتك معايا
الدكتوره منال:تعبكوا راحه عن اذنكوا
مشيت منال وفضل زويا وصُهيب راح اطمن علي حبيبه وراح ع الفراندا وزويا وراه
صُهيب:كنتي عاوزه تسأليني ع حاجه مش كدا
زويا بتوتر:اا اهه
صُهيب:طيب اسألي اللي انتي عوزاه
زويا بحرج:هو انت...انت تعرف أسد
صُهيب بهدوء:عز المعرفه
زويا باستغراب:ايدا ازاي يعني مش فاهمه
صُهيب:دي قصه طويله أوي ي زويا
زويا:احم ممكن اعرفها ول لا
صُهيب بغموض:هتعرفيها قريب أوي
زويا قلقت وحاسه ان الموضوع كبير دخلوا وبعد ساعه فاقت حبيبه
صُهيب:يزن...يزن
دخل يزن علي صوته:نعم ي صُهيب
صُهيب:معلش روح انت وأمان خلصوا ورق خروج حبيبه
يزن:عيوني حاضر...الف سلامه عليكي ي بيبه
صُهيب بحده:لم نفسك ياض
يزن بمرح:وه؟؟بدلعها ي جدع في اي
صُهيب بغيره:وحياه أمك
أمان:صيبو انت تعبان اهدي يحبيبي في جرح هنا دا بتاع قلب مفتوح اقسم بالله وانت دلوقتي هتلاقيك تعبان ومش قادر يحبيبي ف اهدي شويه وبلاش عصبيه
يزن:يعني انا يغبي هبص لمرات اخويا واختي ي أهبل
زويا بمرح:معلش بقي ي أستاذ يزن الغيره بقي
يزن:عندك حق وبعدين قوليلي يزن ع طول مبحبش شغل الرسميات دا
زويا:اشطا ياباااا
يزن بمرح:طب مانتي حلوه اهو ويابا ويازميلي أومال شغاله رسميات ليه
زويا:الاحترام واجب ي اخينا
صُهيب:طب يلا ي يزن عشان نمشي
حبيبه بتعب وخفوت:صُهيب
صُهيب:نعم ي حبيبتي
حبيبه:انا جعانه
زويا:هنروح هتلاقيهم عملينلك اكل أحسن عشان اكل المستشفيات دا يعععع
أسد:زويا عايزك
زويا:هساعد حبيبه ف اللبس استني لما أخلص
أسد:تعالي دقيقه
زويا:نعم ي أسد
أسد ببرود:عاوز أروح
زويا بانفعال:ولله بتهزر صح
حبيبه بتعب:صُهيب هو في اي زويا بتزعق ليه
صُهيب:مش عارف هروح اشوفهم خليكي زي م انتي
أسد:ونا مش هفضل قاعد هنا كتير ي زويا مش خلصتي
زويا بغضب:اسد انت مستفز ليه
صُهيب ببرود وهو بيبص ل أسد بتحدي:خشي ي زويا ساعدي حبيبه
بصتلوا ودخلت وسابتهم مع بعض
أنت تقرأ
أحببت مريض
Romanceقصه حب ابتدت من اول نظره بس ميعرفوش هل هتدوم والحقيقه المستخبيه هتبان بدري ولا هيكون فات الأوان دا اللي هنعرفوا في روايتنا
