جوري نزلت بهدوء وهما لاحظوا واستغربوا
جوري بهدوء:انا خدت قرار وقولت اقولهولكوا
صُهيب قام وقف:قرار اي؟؟
احمد:قرار اي دا اللي خدتيه من دماغك وهتقوليه
صُهيب بشك:استني ي احمد انت...قرار اي ي جوري دا
جوري بثبات:قررت اني هنزل الطفل دا
حبيبه بصدمه:اييييييييه؟؟؟
الكل اتصدم من قرارها المفاجئ
جوري:زي م سمعتوا كدا....انا مش عوزاه
حبيبه:انتي واعيه ي جوري للي انتي بتقوليه...بجد انتي واعيه انا لسه كنت مكلماكي فوق وقيلالك اي...حراام ي جوري
جوري:لا مش حرام ي حبيبه
حبيبه بغضب:لا حرام انتي اتجننتي
زويا:اهدي ي حبيبه لو سمحتي وخلينا نسمعها للاخر
جوري:مبدئيا الطفل دا هياخد ديانه الاب يعني هيكون مسيحي وكلنا مسلمين مش هينفع انا كرهاه وكارهه كل حاجه ي حبيبه افهموني بقي متصعبوش الامور قدامي...انتوا لو تعرفوا انا بفكر ف الانتحار كام مره ف اليوم هتعذروني وهتلبولي طلبي
صُهيب:يعني دا اخر قرار
جوري:ايوه ي صُهيب اخر قرار لو سمحت خليني انزلوا عشان انا مش متحمله بجد
صُهيب:تمم بكرا ان شاء الله هنروح المستشفي وتنزليه
حبيبه:صُهيب
صُهيب:خلاص ي حبيبه دا قرارها هي حُره ملناش دعوه
جوري:تمم عن اذنكوا
جوري مشيت وفضل الكل مكانه زي م هما صُهيب راح ع مكتبوا والكل قعد تاني والصمت سيد المكان
حبيبه راحت ورا صُهيب ودخلت وقفلت الباب ووقفت قداموا
حبيبه:انت ازاي توافقها حاجه زي كدا بجد انت مدرك للي انت هتعملوا دا
صُهيب:هعمل اي يعني...مهي عندها حق
حبيبه:لا طبعا..يعني احنا نعمل الحاجه اللي ربنا محرمها انت كدا هتكون شريكها ف الحاجه دي...ونا مستحيل اقبل ب دا
صُهيب بحده:عوزاني اعمل اي يعني ي حبيبه
حبيبه:تمنعها تقولها لا حرام دي روح...انتوا كدا هتموتوا روح بريئه ملهاش ذنب ي صُهيب...ارجوك تعالي نكلمها ونفهمها ان دا غلط وهيكون اكبر غلط...انت ضميرك مش هيريحك وهيفضل يأنبك انك قتلت روح بريئه
صُهيب:والحل بعد م نكلمها ونقنعها هنوديه فين...وهي مش هتكون عوزاه
حبيبه:يجي بس وابقي هتهولي انا ي صُهيب اهتم بيه لحد م تلاقي ابوه انما متموتهوش
صُهيب فضل يفكر ف كلام حبيبه شويه وهي مستنيه ردوا
حبيبه:هاا...موافق
صُهيب بصلها بهدوء:ماشي موافق من هنا لحد معاد ولادتها يكون انا اتحسنت شويه والجرح لم عشان افوق لكل حاجه بقي
حبيبه بابتسامه:شكرا اوي اخيرا اقتنعت...تعالي يلا نقنعها
صُهيب:يلا ي ست حبيبه
عند احمد وايهاب
ايهاب:عملتوا اي بعد م خرجت
احمد:ولا حاجه
ايهاب:يجدع...يعني عاوز تفهمني كل دا ولا حاجه
احمد:الموضوع شخصي ي ايهاب ومينفعش اتكلم
ايهاب:للدرجادي
احمد:متزعلش مني انا عارف اني مبخبيش عليك حاجه بس دي بالذات صدقني مش هينفع
ايهاب:تمم
مشي ايهاب واحمد اتنهد عارف انه زعل لانه مبيخبيش عليه حاجه قام ودخل جوه معاهم وقعدوا يتكلموا مع بعض
ف اوضه جوري
جوري:اتفضل
دخلت حبيبه ووراها صُهيب وقعدوا معاها
حبيبه:اسفه ي جوري مكنش قصدي اتعصب عليكي
جوري بابتسامه:عارفه...ونا مزعلتش منك
حبيبه:طيب انا كنت عاوزه اتكلم معاكي ف موضوع كدا
جوري:موضوع اي
حبيبه بصت ل صُهيب بتوتر وهي بتفرك ايديها بتوتر وبصت ل جوري تاني
حبيبه:جوري مش عوزاكي تقطعيني ف الكلام وتسمعيني للاخر
جوري:لو جايه عشان موضوع البيبي ف انا لسه عند قراري
حبيبه:طيب ممكن تسمعيني لو سمحتي للاخر ممكن
جوري:اتفضلي سمعاكي
حبيبه:بصي ي جوري مبدئيا كدا انتي مينفعش تنزلي البيبي وقبل م تعترضي حراااام مينفعش حاجه ربنا محرمها انتي تروحي تعمليها عشان دي روح وانتي كدا هتموتيها وهتفضلي شايله ذنبها طول عمرك وهتتحاسبي عليها يحبيبتي...هو ملهوش ذنب...انتي مش هتنزليه وهتكملي حملك عادي جدا ولما تولدي اديهوني انا هرعاه اعبال م صُهيب يكون خف شويه ويدورلك علي ابوه وهو هيتصرف معاه وساعتها يدهولوا هو وخلاص الحكايه خلصت واحمد هيكون معاكي ساعتها والموضوع خلص
جوري:يعني انتي شايفه كدا؟؟؟
حبيبه بابتسامه:ايوه دا الصح...بلاش تموتيه عشان ضميرك ميأنبكيش طول عمرك واستغفري ربنا
جوري:حاضر...شكرا جدا ليكي ي حبيبه
حبيبه بابتسامه:علي ايه ي حبيبتي انا كمان اتكلمت مع صُهيب بردوا واقتنع وجينا عشان نكلمك ونوعيكي عشان مترجعيش تندمي
جوري حضنتها بدموع وحبيبه بادلتها الحضن بابتسامه
جوري بامتنان:بجد مش عارفه انا من غيرك كنت عملت اي...شكرا حتي كلمه قليله انتي بجد ي بخت اخواتك بيكي
حبيبه:مانتي اختنا الخامسه يحبيبتي ومننا كمان
جوري:ربنا يخليكي ليا ي احلي اخت
حبيبه:ويخليكي لينا ي حبيبتي
صُهيب:طيب هقوم امشي انا بقي
حبيبه بضحك:غيور باااشااااا
جوري باغاظه:خليكي شويه ف حضني ي حبيبتي عشان انا بحبك اوي
صُهيب بغيظ:انا هقوم قبل م اموت حد دلوقتي
صُهيب قام مشي بغيظ وحبيبه قعدت تضحك هي وجوري
حبيبه:اول م يشوفنا هيموتنا
جوري:حصل فعلا...احنا هنتعلق علي باب القصر ي حبيبه
صُهيب بغضب:حبيباااااااه
حبيبه وجوري قاموا جري علي بره بخضه ونزلوا كان هو قاعد وبيبصلها بغضب حبيبه جريت علي دلال تستخبي وراها ودلال قعدت تضحك
كارما:سمر جهزوا الاكل وهاتوه يلا
سمر:امرك ي ست هانم
احمد:اومال زويا واسد فين
دلال:ف الجنينه
احمد بص ل ايهاب بخبث وقاموا راحوا علي الجنينه كان اسد وزويا بيتكلموا ومندمجين احمد وقف وراهم ف النص
احمد:يعيني عليا وعلي سنجلتي
زويا واسد اتخضوا وقاموا وايهاب واحمد قعدوا يضحكوا علي منظرهم
اسد بضيق:انت كدا سكر يعني
ايهاب:ي باشا كلنا قاعدين جوه ما عدا انتوا ف قولنا نيجي نرخم شويه كدا
زويا:خضتوني ولله م قادره
احمد:سلامتك يقمر
اسد بغضب:نعممم
ايهاب:احمد
احمد:نعم
ايهاب:اجري يسطااااااا
زويا بضحك:ولله بيقتلوني ضحك
اسد:اتخضيت ولله يخربيت كدا
زويا:تعالي ندخل طيب
كارما:مالكوا بتجروا ليه
احمد:اصلنا رخمنا علي اسد وزويا ويختاي علي منظرهم ولله يقتلك من الضحك
دلال:مش هترتاحوا غير لما يهزقكوا
احمد:ولا يقدر
اسد:بتقول حاجه ي ابو حميد
احمد:احم احم لا بشكر فيك
اسد:اهه بحسب
كارما:يلا ي شباب عشان تتعشوا
قعدوا ياكلوا واحمد مش مخلي ايهاب عارف ياكل
ايهاب:متوعي كدا يسطا مش عارف اكل
احمد:بتقول حاجه يسطا
ايهاب:يعم انت زانقني ومش عارف اكل اتاخر شويه
احمد:المكان واسع مش عاجبك روح كل ف اي حته تانيه
ايهاب:مش قايم انت اللي هتقوم
احمد:ششششش بقي انت رغاي اوي
ايهاب:هزعلك يسطا وربنا
احمد:ولا تقدر
ايهاب:بقي كدا بلاش انت معايا
احمد:ليه هخاف منك يختي
ايهاب بغيظ:طيب انت اللي جبتوا لنفسك
ايهاب خد كوبايه المايه وحدفوا بيها بغيظ واحمد اتخض والكل بيتفرج وكاتم ضحكتوا
احمد بصدمه:انت قد العمله دي ياض انت
ايهاب:اه قدها
احمد قام ومسكوا من التيشرت بتاعه
احمد:طب ولله م انت مكمل اكل بقي
ايهاب:اوعي ياض عشان مزعلكش اكتر من كدا
احمد:تزعل مين ياض انت دانت متعرفنيش
اسد قام وهو ميت من الضحك هو وصُهيب عشان يحوشوهم من بعض
اسد وهو ماسك احمد بيبعدوا:خلاص ي احمد سيبوا
احمد:مش هيحصل يعم اوعي
صُهيب بضحك:خلاص ي ايهاب حقك عليا انا
ايهاب:اوعي يعم صُهيب دا فاكرني هخاف منوا
احمد:ومتخافش ليه دانا همسح بيك الارض ياض
ايهاب:هزعلك
اسد بضحك:خلاص ياض انت وهو هموت من الضحك ولله
حبيبه بضحك:احمد
احمد:ايه؟؟؟
حبيبه بضحك:خد طبق الدقيق دا اديه بيه ف وشو
احمد:تصدقي صح...هاتي
خده احمد وغرق ايهاب بيه اللي اتصدم من اللي عملوا دا وبقي ايهاب متغرق دقيق والكل قعد يضحك علي شكلوا
صُهيب بضحك:حرام عليكوا بقي انا مش قادر من كتر الضحك
حبيبه بضحك:اي خدمه ي هوبااااا
زويا بضحك:تعيش وتاخد غيرها ي برووووووو
كارما:هيموتوا بعض دلوقتي
ايهاب:............
#يتبع
بقلمي:بيسو وليد
أنت تقرأ
أحببت مريض
Roman d'amourقصه حب ابتدت من اول نظره بس ميعرفوش هل هتدوم والحقيقه المستخبيه هتبان بدري ولا هيكون فات الأوان دا اللي هنعرفوا في روايتنا
