كارمه بسعاده:بجد ي صُهيب حبيبه حامل
صُهيب بابتسامه:ايوه ي ماما
دلال:انا هطلع اشوفها حد يطلعني ليها
صُهيب:لا هي نايمه دلوقتي خليها بكرا
احمد:خلاص ماشي يلا بقا احنا
صُهيب بتهكم:اطلع يخويا اطلع مستعجل اوي
دلال بضحك:انت مشكله ي صُهيب
صُهيب ببراءه:انا خالص
كارمه:طب يلا كلوا ع اوضتوا يلا عشان ترتاحوا
كل واحد راح اوضته عشان يرتاح بعد اليوم المتعب دا
ف اوضه احمد
احمد بسعاده:يااااااه اخيرا
جوري:انت مبسوط!!!
احمد بسعاده:انا طاير من الفرحه مش شايفه اني مبسوط ولا اي
جوري:مش حساها
احمد بتكشيره:نعم يختي!!! هي الفرحه مش باينه عليا ولا اي
جوري:حاسه انك مغصوب عليا مش عارفه ليه!!!
احمد:امممم انا عارف انك هتبوظي ام الليله وهتقلبيها بنكد
جوري:احمد مش بهزر ومش عوزاك تزعل مني انا بقولك اللي حساه قدر موقفي
احمد:مقدرش ولله وبعدين انا محدش يقدر يغصبني علي حاجه اوكي ي قمر بطلي نكد بقي وروحي غيري عشان تنامي وترتاحي
ف اوضه صُهيب
صُهيب طلع لقي حبيبه نايمه بعمق دخل وقفل الباب وراح جنبها كانت هي نايمه ومديالوا ضهرها شال خصله من شعرها كانت نازله علي عنيها وفضل سرحان فيها وهي نايمه وانها كانت جميله جدا باس خدها بحب وحنان وخدها ف حضنوا وسريعاً نام من كتر التعب
ف اليوم التاني
ف اوضه صُهيب
صحي صُهيب علي اشعه الشمس لقي حبيبه بتتقلب بضيق قام وقفلها الستاره وراح ياخد شاور عشان يفوق
بعد شويه خرج وكان لابس بدله شيك وحاطط برفانه لقي حبيبه لسه نايمه راح وقعد جنبها عشان يصحيها
صُهيب:حبيبه...بيبه مش هتقومي عشان تيجي معايا
حبيبه بنوم:اجي فين بس ي صُهيب انا مشغوله دلوقتي
صُهيب بضحك:مشغوله ف اي طيب
حبيبه بنوم:بغسل المواعين
صُهيب قعد يضحك عليها ومش قادر يبطل ضحك قامت هي بضيق وغيظ والنوم لسه مسيطر عليها ومش مصحصه
كانت لسه هترجع تنام تاني صُهيب لحقها وسندها عشان متنمش بس هي سندت علي كتفوا تكمل نوم
صُهيب بصلها بضحك وبيصحيها:-
حبيبه...قومي يلا كفايه نوم
حبيبه:شويه صغيرين ي ماما
صُهيب بضحك:لا ي حبيبتي انا مش ماما انا جوزك قومي يلا
حبيبه بحنق:هو حرام انام شويه انا ملحقتش انام ي صُهيب
صُهيب:انا اسف لحضرتك ي مدام حبيبه بس ورانا معاد مع الدكتور بتاعي
حبيبه ابتدت تفوق بصتلوا بغيظ وهو لسه بيضحك عليها
حبيبه بغيظ:انت رخم علي فكره
صُهيب بضحك:م انتي مشوفتيش نفسك ونا بصحيكي وبعدين بتغسلي المواعين فين بالظبط
حبيبه:انا قولت بغسل مواعين
صُهيب بضحك:ايوه
حبيبه حست انها عاوزه تنام تاني لسه هترجع عشان تكمل نوم صُهيب مسك دراعها يمنعها
صُهيب بنفاذ صبر:حبيبه فوقي يلا عشان نروح
حبيبه:طب دقيقتين وهقوم
صُهيب:خلاص ي حبيبه هروح لوحدي
حست بيه انه قام وانه زعل منها قامت تحاول تفوق عشان تروح معاه قامت خدت شاور وجهزت خرجت ملقتهوش افتكرت انه مشي بجد لسه هتخرج تشوفوا لقته داخل
حبيبه:افتكرتك مشيت بجد
صُهيب:صحيتي يعني...ارجعي كملي نومك
حبيبه:صُهيب بلاش زعل بقي هو ليه كل م نيجي نروح للدكتور لازم نكون قبلها ي متخانقين ي زعلان مني
صُهيب افتكر اخر مرتين راحوا فيها للدكتور وقلق
صُهيب بهدوء:عندك حق مره ضربتك فيها ومره اتخطفي مني ساعه العمليه وساعتها البيبي راح...خليكي هنا ونا هروح لوحدي
حبيبه:لا مش هسيبك تروح لوحدك
صُهيب:ونا مش مستعد لأي حاجه ممكن تحصل المره دي ولا مستعد اني اخسرك او اخسر البيبي ي حبيبه
حبيبه:ونا مش هسيبك ي صُهيب مهما عملت...انسي اللي حصل المرتين اللي فاتوا وتعالي نروح سوا ونا معاك اهو
صُهيب متردد ياخدها ولا يسيبها بس هو مش مستعد انه يخسر حد فيهم تاني بس بردوا لسه حاسس بقلق لان المرتين اللي فاتوا مكانوش سهلين عليه ابدا
حبيبه:يلا ومتقلقش من حاجه انا معاك اهو
صُهيب بتردد:حبيبه
حبيبه بتشجيع:يلا عشان خاطري..محتاجه اتطمن عليك بجد
صُهيب باستسلام:اوكي يلا
أنت تقرأ
أحببت مريض
عاطفيةقصه حب ابتدت من اول نظره بس ميعرفوش هل هتدوم والحقيقه المستخبيه هتبان بدري ولا هيكون فات الأوان دا اللي هنعرفوا في روايتنا
