بعد ذهابهم الي بيت عثمان جميعا اصرت الام ان يتم غداء جماعي بمناسبه شفاء الاب وابنه ثم اردفت قائله الي سمر بأن تذهب هي وهبه لتنادي ام هبه ليجهزوا
جميعا الغداء واصرت والده يحي ايضا ع عمر بأن يتناول الغداء معهم فهي لاتنسي مافعله مع ابنها وانصاع ايضا مراد لطلبها بأن يجلس للغداء معهم
بدأت جميع النساء في تحضير الغداء وجميع الرجال يجلسون في الصاله لاتمام الغداء
عمر وهو ينظر الي يحي بخبث: ايوه بقا ياعم ربنا يتمملك ع خير يحي وهو يحول نظره اليه : هاا ...تقصد ايه عمر وهو يغمز بعينيه: اقصد يالا بقا شد حيلك وفرحنا يحي وهو يعيره كل انتباه: تفتكر هترضي بيا
عمر وهو يبتسم: وهيا هتلاقي احسن منك فين وكمان دي شكلها بتحبك جدا
!يحي وهوا يحدق بعينيه: بتحبني؟
عمر بنفس الابتسامه :اه كان باين اوووي ف المستشفي يحي : ايه اللي حصل ف المستشفي
عمر وابتسامته تتسع: انت ماتعرفش كانت قلقانه عليك ازاي دي كانت منهاره من العياط ومبطلتش دعاء ليك وكانت ع طول تقرأ قران وتدعي ربنا يشفيك يحي وهو يبتسم: بجد ياعمر يعني انت شايف اني اروح اتقدملها
عمر وهو يمزح ببعض الجديه: اه طبعا شايف كده وبقول بقا نعمل فرح جماعي يحي بعدم فهم؛ جماعي ازاي انت هتجوز عمر وهو يغمز بعينيه: اه هتجوز انت موافق
يحي؛ بجد مبروك طبعا موافق نعمل الفرح سوا بس مين دي ماقلتليش قبل كده يعني بتتجوز من ورايا
عمر وهو يضرب بكفيه ع غباء يحي: يا عم انا مش باخد رايك اعمل فرحي معاك انا اصلا مش لسه هستناك انا من الاخر كده عايز اتجوز اختك قولت ايهضحك يحي بصوت عالي لفت انتباه مراد وايمن وعثمان الذين كانوا يتحدثون في امور السياسه
عثمان والد يحي: بتضحك ع ايه كده يايحي مراد: ضحكونا معاكو
ايمن والد هبه: ربنا يسعدكوا دايما قولوا بقا بتضحكوا ع ايه
غمز يحي لعمر وهوا يقول: بص ياعمر انا عن نفسي موافق بس شوف باباها بقا عمر وهو خجل للغايه وبصوت لايكاد يسمع: والله لاوريك يايحي
قال عثمان : قول ياعمر يابني عايز ايه
ضحك يحي مره اخري وهو يقول : عايز يتقدم لسمر
ف المطبخ يتسامر السيدات بينما هبه تقول لسمر: انا الحمدلله فرحانه جدا انهم جم بالسلامه والله روحي كانت بتنسحب مني لما يحي كان ف العمليات كنت خايفه يجرالوا حاجه كان ممكن اموت فيها
سمر وهي تنهي مابيدها وتنظر لها مبتسمه: الحمدلله ياهبه انهم خرجوا بالسلامه الاتنين
ثم غمزت بعينها: وعقبال ماشوفك ف دراعو كده ف الكوشه
ابتسمت هبه بخجل ثم ضربتها ع كتفها برفق: بس يابت بقا اسكتي وكمان انا مش هتجوز الا لما تكوني معايا ف الكوشه انتي كمان متعلقه ف ايد عريسك
سمر وهي تضحك : عريس ايه بس وبتاع ايه انتي لو استنتيني يبقي مش هتجوزيهبه: لا لا مش هينفع احنا مع بعض ع طول ف الحلوه والمره ولازم يبقي فرحنا مع بعض وسوي بس ربنا يسر الحال لاخوكي بقا ويخلص وبعدين نشوف الحكايه بتاعت الفرح دي.. ....... تفتكري اصلا يكون بيفكر فيا
سمر وهي تضحك: ايه يابنتي الدراما دي انتي ماشفتيش كان بيبصلك ازاي ف المستشفي دا لولا انو كان تعبان كان قال لابوكي عايز اجوزها
ارتاح قلب هبه وهي تقول: يارب اجمعني بيه ف القريب العاجل غير الاجل ع طاعتك يارب
جاء صوت والده يحي من خلفهم وهي تقول: يالا ياسمر اطلعي قوللهم الغدا جهز وحولي الاكل انتي وهبه
سمر وهي تنظر لوالدتها: حاضر ياست الكل خارجه اهو ******** عثمان: صحيح ياعمر اللي يحي بيقولوا
عمر بحرج وارتباك : ايوه ياعمي صحيح انا كنت عايز اطلب ايد الانسه سمرضحك يحي وهو يضرب ع رجليه : انت مش عايز غير ايديها بس يعني طب لما انت تاخد اديها بس هنعمل ايه احنا بالباقي ما انت ياتخدها ع بعضها ياتسبها ع بعضها
ضحك الجميع ماعدا عمر الذي كان يموت من الغيظ وهو ينظر ليحيي:
مابتضحكش ع فكره
اردف عثمان قائلا: انا يبني عن نفسي موافق بس عندي شروط عمر: اشرط براحتك ياعمي وكلها موجابه عثمان وهو يشير بأصبعه
مافيش فرح قبل ماتخلص جمعتها هيا لسه ليها سنه تخلصها وبعدين تجوزوا -١عايزك يابني تصون بنتي وتحميها وتراعي ربنا فيها وتحفظها وتتقي ربنا فيها -٢ وتعنها ع الطاعه
عمر: بس كده دي ف عنيا من جوي ياعمي ربنا يقدرني واسعدسها
همهم يحي ف اذنيه: هههه انت مش كنت بتقول هتجوز قبليا لحقت غيرت رايك
نظر له عمر: حكم ابوك بقا ياعم ماقدرش اقولوا لاء ليقولي ماعنديش بنات للجوز هستني وامري لله
قطعهم حديث عثمان وهو يقول: هاخد راي سمر وهبقي بردوا ارد عليك تاني وربنا يقدم اللي فيه الخير
عمر : ماشي ياعمي مستني ردك
*********
جرت سمر الي المطبخ مسرعه ووجها يشع خجلا وحمرا
اصطدمت بوالدتها التي اردفت قائله لها: قولتلهم ياسمر هااا نطلع الاكل
سمر وهي تنظر الي الارض: لا ياماما ماقلتش حاجه اطلعي انتي وقوللهم انا مش هطلع
الام وهي تضرب كف بكف ليه يابنتي خلصي قوللهم انا مش فاضيه بغرف الاكل خرجت سمر من المطبخ دون ان ترد ع والدتها والجميع مستغرب من فعلهاحولت نظرها الي هبه معلش ياهبه يابنتي اطلعي انتي اسأليهم نحط الاكل دلوقتي ولا نستي
هبه وهي تومأ برأسها: حاضر ياطنط
عمر ينظر ليحي ويضيق عينيه ماشي يايحي والله لوريك حدفعك تمن كسفتك ليا دي ثم نادي علي يحي عمر: يحي يحي: نعم عايز حاجه
عمر بصوت عالي يسمع الجميع
لا مش انا اللي عايز انت اللي كنت عايز تقول للحج ايمن حاجه بس مش عارف تبدأ منين
نظر له يحي بتوعد وهو يقول : لا ماكنتش عايز اقول حاجه مين قال كده
عمر وهو يضحك : يعني انت ماكنتش لسه بتقولي عايز تتقدم لهبه ومش عارف تبدأها منين
يحي وهو يشعر بالخجل ولم يرد
فاكمل عمر ناظر للحج ايمن: هاااا بقا ياعمي ايه رايك انا بخطب هبه ليحي ضحك الجميع من طريقه عمر
ثم قال عثمان: هاااا يا يحي عايز هبه فعلا يابني ولا عمر بيردهالك نظر يحي لاوالده : اه يابابا انا عايز هبه وبطلبها من باباها تحول نظر الجميع لايمن والد هبه ينتظرون الرد
فاجاب ايمن بعد وقت ليس بالقصير: انا عن نفسي موافق يابني بس استني اخد راي بنتي الاول وشروطي هيا نفس الشروط اللي والدك قالها لعمر
وقف يحي مكانه وضرب ف الارض بطريقه عسكريه وهو يقول علم وينفذ يا فندم ***********
دخلت هبه غرفه سمر بسرعه فوجدتها بها محمره الوجه ومبتسه هبه لسمر: انتي مالك جيتي من بره وشك عامل كده ليه سمر: مش كنت بقولك انتي لو استنتيني مش هتجوزي هبه وهي تضحك : اه
سمر مبتسمه: شكلي كده هجوز قبلك
ضحكت هبه : واشمعنا بقا هتجوزي قبلي مش يمكن اجوز انا قبلك او معاكي حد عارف
سمر' انا سمعت عمر وهوا بيتقدملي دلوقتي من بابا ويحي وهما موافقين هبه: وانتي ايه رايك ياعروسه
سمر بخجل: وانا من امتا بكسر كلمه لبابا او يحيي
هبه: ههههه وانا كمان مابحبش اكسر كلمه ابويا لما طلعت لاقيت يحيي بيكلموا اخيرا اخوكي نطق اخيرا ربنا استجبلي وحلمي اتحقق
سمر مندهشه: ايه ده بجد يعني خلاص يحي قال لباباكي الحمدلله هبه بخجل: الحمدلله
ابتسمتا الاثنتان بخجل وسرحت كل واحده منهم في عالمها الخاص تفكر في عريسها المستقبلي ***********
جاء صوت الام الغاضب ليقطع عليهم افكارهم: انتو هنا انتو الاتنين وانا مش عارفه احط الاكل ولا لاء محدش فيكي سألهم ليه نظرتا اليها كلا الفتاتين بخجل ووجه محمر وظلا صاتمتين
فأكملت الام حديثها الغاضب بتعجب: انتو مال وشكوا محمر كده ليه هوا كل واحده فيكو تطلع ترجع بوش احمر
ضحكتا الاثنتان بخفوت وظلا صامتين
تعجبت الام منهم وخرجت وهي تتمتم: ما اخرج انا بقا اشوف ايه بره يمكن ارجع محمره زيهم ************
اتفق الرجال ع اخد راي كلاتا الفتاتين وسوف تتم الخطبه جماعيه بنآ ع طلب عمر ويحي
بارك لهما مراد كثير وفرح لهما مع بعض الحزن ايضا الذي كان في قلبه بسبب ولده كيف له بأن يأذي هذه العائله الطيبه وان يتسبب ف جراحهم
افاق ع صوت يحيي وهو يقول ان شاء الله دكتور مراد هيكون شاهد ع العقد
اومأ مراد راسه: طبعا انت وعمر من اغلي الناس ع قلبي وزي ولادي بالظبط بل انتو بالفعل ولادي
خرجت الام في هذه اللحظه وقالت للجميع: الاكل جهز وبرد هتكلوا امتا بقانظر اليها زوجها الحج عثمان: انتي وقعتينا من الجوع يا حجه فين ماحطتوش الاكل لحد دلوقتي ليه
الام وهي متحيره: انا خرجت سمر تقولكو الاكل جهز رجعت ووشها زي الطماطم ومكسوفه موووت ودخلت اوضتها قولت لهبه تطلع تقولكو رجعت زيها والاتنين
مكوسفين ومابيكلموش قولت اطلع انا بقا واشوف ايه اللي عندكو حمر وش البنات كده
ضحك الجميع وعلم عمر ويحي بأن سمر وهبه استمعا الي الحديث فضحكا
اما الحج ايمن والحج عثمان قد علما رد ابنتيهما فلم يشأا ان يحرجهما فباركا لعمر ويحي ع الزواج
عثمان: مبروك ياعمر
عمر بتنهيده ارتياح: الله يبارك فيك ياعمي
ايمن وهو يضع يده ع رجل يحي: مبروك ليك انت كمان يابني عايزك تحطها ف عينك
يحي: دي ف عيني وجوا قلبي من جوا ياعمي ضربه ايمن ع رجليه وهو يقول: اتلم يالا انا قاعد يحي وهو يطأطأ راسه بخجل ؛ احم... حاضر ياعمي ومعلش اسف الام بعدم فهم: انتو بتباركو ع ايه ماتفهمونا معاكو
نظر لها عثمان وهو يقول : عمر ويحي طلبو ايد سمر وهبه واحنا وافقنا وهيجوزو بعد مايخلصوا كليه ان شاء الله
اطلقت الام زغروطه عاليه دق لها قلب كلا العروستان وخرجت ام هبه وعلمت الخبر فأطلقت الاخري زغروطه وبدأت الامهات تبكين من الفرح انها سيزوجان ابنتيهما اخيرا
سمر وهبه في قمت الفرح والخجل
هبه لسمر: بجد انا فرحانه اوووي انتي عارفه انا نفسي ف ايه دلوقتي سمر وهي تبتسم: نفسك ف ايه
هبه؛ نفسي اروح حالا اتوضا واصلي ركعتين شكر لله انو فعلا استجبلي دعوتي وحقق امنيتي يارب بقا السنه دي تخلص بسرعه عشان نجوز بقا
سمر وهي تضحك وتجر بيدها: طب يالا بسرعه نروح نتوضي ونصلي ركعتين شكر لربنا
يحي لعمر: انا فرحان جدا اخيرا هجوزها عمر : الحمدلله وانا اخيرا هجوز واتلم بقا
يحي: هههه انت فعلا هتتلم دي سمر هتعلمك الادب عمر تعال يالا نصلي يحي: اشطا ماشي يالا
صلا كلا منهم مع صديقه ركعتين شكر لله ع انعامه عليه بالزوجه التي يهواها قلب كل واحد منهم
وتم غرف الطعام وجلس الرجال يأكلون ف الصاله واجتمعت النساء بمرح ف غرفه لتناول الطعام
********* امسك الهاتف من جيبيه ثم ضغط ع الازرار السلام عليكم
يحي: وعليكم السلام ورحمه الله وبركاته اخبارك ايه يايحي
يحي: الحمدلله يادكتور بخير
مراد: جاهز للامتحان النهاردا اول يوم
يحي: اه طبعا يادكتور انتي عارفني ع طول جاهز الحمدلله مراد: هههه اه عارف طب انا كمان رايح الجامعه النهاردا هعدي عليك
يحي: لا يدكتور مافيش داعي انا رايح انا وسمر وهبه
مراد: طب وايه اللي فيها بدل ماتتبهدلوا ف الموصلات تعالو معايا خلص بسرعه عيب انك تقولي لاء يحي مستسلم: حاضر يادكتور
مراد: خلصوا بسرعه بقا هعدي عليكو دلوقتي يحي: حاضر يادكتور مراد؛ ف رعايه الله ييني يحي: ف رعايه الله
اغلق يحي الخط واتجه الي غرفه اخته ليتأكد انها تمت من انتهاء ملابسها
اطرق ع الباب بضع طرقات فلم يجد الرد ففتح الباب ليجد اخته مازالت نائمه استشاط غضبا
صرخ بها: سمررررررررررر
قامت من ع السرير بفزع وهي مفتحه عينيها ع اخرها وتقول: ايييييه والله حليت كويس ماتقولش اني سقط
ضحك يحي من بين انفعالاته: يعيني انتي كنتي بتحلمي انك سقطي اسقطي كده ومافيش جواز
انتفضت من ع السرير وهي تقول لاء كلوا الا كده انا هنجح مين قال اني هسقط امال انا كنت بعمل ايه طول الليل
تذكر يحي بأنهما سيتأخران ع د/مراد فصاح بأخته خلصي بسرعه دكتور مراد هيعدي علينا دلوقتي خلصي بسرعه جرت الي الحمام بسرعه حتي لاتتأخر
رن هاتف سمر واضأت الشاشه باسم هبه: فدق قلبه فرحا التقت الهاتف بسرعه وسكت حتي تتكلم هيا الاول
هبه: السلام عليكم ورحمه الله وبركاته
...........يحي
هبه: سمر انتي يابنتي ... .....يحي
هبه: سمر انتي لسه نايمه ولا ايه سمرررر
ظل يحي صامتا مما اثار قلق هبه فأجاب عليها كي يطمئن قلبها يحي: ايوه يهبه انا مش سمر انا يحي هبه بخجل: فين سمر
يحي: دخلت الحمام دي لسه صاحيه يرضيكي كده تأخرنا
هبه وهي تبتسم ف سرها ويدق قلبها فرحا ولاكنها لاتريد الاطاله معه كي لاتغضب الله فإن كان يريد الزواج منها لايكون هذا مبرر للحديث معه ف الهاتف
ثم قالت: لاميرضينيش بعد اذنك قولها تخلص بسرعه عشان نلحق نوصل قبل معاد الامتحان
يحي: ماشي هقولها بس انتي خلصتي عشان دكتور مراد هيعدي علينا دلوقتي هبه ماشي واه خلصت السلام عليكم ورحمه الله وبركاته
لم يستطع يحي قول اي شئ اخر : وعليكم السلام ورحمه الله وبركاته
اغلقت الخط وظلت مبتسمه فتره طويله وكلما تذكرت صوته اتسعت ابتسامتها اكثر ودق قلبها اسرع
فظلت تدعوا الله ان يحفظ لها يحي وان يرعاه ويحرسه تأتي سمر من خلف يحي وهي تقول: انا خلصت يحي؛ تمام كلمي هبه بقا وقوللها يالا
سمر وهي تضحك وتغمز بعينيها: طب ماتكلمها انت وتقولها يالا
يحي بغيظ: ايه ياسمر جري ايه اكلمها ازاي يعني حد قالك انها مراتي ولا حاجه سمر وهي مازالت تضحك؛ طب ما انت لسه رادد عليها
يحي بكسوف: رادد عليها عشان كانت بتتصل عليكي وانتي ف الحمام فأكنت بقولها انك لسه صاحيه وبشوفها خلصت ولا لاء عشان مانتأخرش
سمر : طيب ياحبيبي اهدي بس انت متعصب ليه دا كلوا عشان قولتلك كلمها انت انا اصلا كنت بهزر معاك وكنت بختبرك مش اكتر
ضربها يحي ع كتفها بغيظ وهو يقول: اخلصييي ياسمر عندنا امتحان سمر وهي تهم مسرعه بألاتصال بهبه: حاضر حاضر اتصل مراد بيحي ليعلمه انه تحت البيت نزل الجميع مسرعين وركبوا السياره سلم عليهم مراد جميعا واتجه الي الجامعه
التفت مراد ليحي وهو يقود السياره: مذاكر يايحي كويس يحي وهو ينظر له ويبتسم: الحمدلله يادكتور البركه ف حضرتك
التفت الي الفتاتان الجالستين ف الخلف: وانتو ايه اخباركو مستعدين للامتحاناجابت سمر: اه الحمدلله يادكتور يحي شرحلنا المادي دي قبل كده والحمدلله بقت سهله
نظر مراد ليحي مبتسم وهو يقول الحمدلله
وصلوا الي الجامعه وذهب كل منهم الي اللجنه الخاصه به وبدأ الامتحان
نظرت هبه الي الورقه امامها وابتسمت' ياربي دا كل اللي يحي قالوا جه الحمدلله ربنا يسرلك الحال يايحي وتعرف تحل وانتي كمان ياسمر
:ثم بدأت تردد دعاء تيسير الامور
اللهم يامسهل الشديد وياملين الحديد ويامنجز الوعيد وانت كل يوم ف امر جديد اخرجنا من حلق الضيق الي اوسع الطريق بك ادفع مالا اطيق ولا حول ولا قوة الا بالله العلي العظيم ثم بدات ف قرات كل سؤال وحله ع حدي
نظرت سمر الي الامتحان: الحمدلله الامتحان سهل ربنا يكرمك يايحي يا اوخويا يارب وتحل كويس زي ماان شاء الله انا والبت هبه هنحل كويس يالا بقا اما ابدأ بسم الله توكلت ع الله وبدأت ف حل اسألتها
يحي: ينهااااار ايه الامتحان ده دا كلو امتحان هيا عشان اخر سنه هينتقموا مننا ولا ايه يارب سهلها : اللهم لاسهل الا ماجعلته سهلا وانت ياربي تجعل الحزن ان شئت سهلا يارب سهلها يارب ثم بدأ ف حل الاسئله التي يعرفها
انتهت سمر من حل اسئلتها عند منتصف الوقت سلمت الورقه بعد ان راجعت عليها مرارا وتكرارا
اما اخرج بقا واشوف هبه ويحي خلصوا ولا لسه
خرجت من اللجنه واذ بها تصطدم بأحد الشباب الذين كانوا يسيرون ف المرر ع عجلت من امرهم
نظر اليها بأسف: انا اسف جدا يا انسه اعذروني ماشفتكيش سمر: ولا يهمك بس انتو يتجرو كده ليه
الشاب : في واحد صحبنا وقع من طولوا من التعب ورايحين نشوفوا بعد اذنك ثم هم مسرعا ليري صديقه
سمر بحزن: ربنا يشفيه ويعافيه ثم ذهبت لتبحث عن ضالتها
خرج يحي من اللجنه هوا الاخر يحمدالله ع هذا الامتحان فهو رغم صعوبته الا ان الله وفقه وحل جميع الاسئله بينما هو متجه الي اسفل المبني ليسلم ع اصدقائه وينظر كلا من اخته وحبيبه قلبه اذ به يري شاب يكاد يسقط ع الارض ذهب له يحي بسرعه وامسكه قبل الوقوع ع الارض واجلسه ع المقعد القريب منهم ثم حاول ان يسعفه بعد ان طلب كتور الجامعه فلم يجد بعدها اتصل بالاسعاف لان الفتي لم يكن بحاله جيده ابدأ لقد تقيأ جميع مافي معدته واصفر وجهه وخارت قواه
خرجت هبه من اللجنه فرحه بشده وتحمدالله وجدت سمر بعد خروجها مباشره ذهبت اليها مبتسمه واطمئنت كل منهم ع الاخري ماذا فعلت ف الامتحان سمر لهبه: انا مش لاقيه يحي مش عارفه خرج ولا لسه ومش عارفه لجنتو هبه: طب رني عليه سمر: برن بس مش بيرد عليا
هبه : خير ان شاء الله تلاقيه لسه ف اللجنه ولا حاجه
سمر: يمكن تعالي ننزل يمكن يكون تحت وكمان نشوف الولد اللي تعبان ده عملوا معاه ايه
هبه باستغراب: ولد مين
سمر: مش عارفه بس ف ولاد كتير كانوا بيجرو عشان يلحقوا صاحبهم اللي تعبان تحت
تعالي يمكن يكون يحي معاهم
انتفض قلب هبه وظلت تدعوا الله ان لايكون قد اصابه اذي او اي مكروه
جاءت الاسعاف سريعا واخذت الشاب وذهب معه اصدقاءه الي المشفي وشكر جميع اصدقاء الفتي يحي الذي ساعد صديقهم
نظر يحي خلفه فإذا به يري سمر وهبه فرح لارؤيه هبه وتمني ان يتقدم معاد كتب كتابهم حتي يستطيع التحدث معها ع راحته ذهب اليهم فوجدهم يلتفتون حولهم
فجاء من خلف سمر ووضع يده ع فمها والاخري ع عينيها مخيفا ايها فصرخت من اسفل يده بقوه صرخه مكتومه انتفض لها قلب هبه ونظرت سريعا لتري يحي
افلت يده وهو يضحك بينما سمر استشاطت غضبا وبدأ بالضرب ع صدر اخيها وكادت ان تبكي
امسك يديها وهو لايستطيع كتم ضحكاته فهو يهوي اخافتها ضحكت هبه هي الاخري من منظر سمر الطفولي مع اخوها الاكبر
اعتذر يحي من سمر واطمئن ع مافعلته كل واحده منهن ف الامتحان اجابت سمر: الحمدلله يايحي كان حلو اوووي وكل حاجه انت قولتها جت ثم حول نظره الي هبه التي كانت تنظر ف الارض : وانتي ياهبه عملتي ايه
دق قلب هبه بشده من نطقه لاسمها وفرحت بشده ثم قالت' الحمدلله كان سهل جدا شكر
يحي بنظرت حب: شكرا ع ايه انا كنت بشرح لاختي ومراتي ........نظرت له هبه بسعاده ثم اكمل ف المستقبل ان شاء الله
تعلقت سمر بيد يحي فأغتاظت هبه كثيرا وبدات الغيره تقفذ ع وجهها فرح يحي عندما راها هكذا واتجهوا جميعا الي البيت
بعد دخولهم طمئنوا والدلهم ع اول يوم ف الامتحان وكيف انه كان ممتاز وسهل
دخلوا جميعا غرفهم ليرتاحوا قبل دخول يحي الي غرفته جلس مع ابيه ليشاوره ف امر مهم بالنسبه ليحي
