Unicode
ကျန်းကျယ်ဟန်လဲ ကုန်းကျွင်း လက်ကိုဆွဲကာ ကုန်တိုက်ရှေ့ကိုထွက်လာတော့သည်။
"ကောင်လေး မင်းက အဲ့မိန်းမလိုမိန်းမရကောင်နဲ့ ဘယ်လိုလုပ်ပြိုင်ဘက်ဖြစ်နေရတာလဲ"
"ကျွန်တော်က သူ့ရဲ့ပြိုင်ဘက်မဟုတ်ပါဘူး သူက လိုက်ပြိုင်နေတာ "
"ဒါဆို မင်း နိုင်ငံခြားမှာ အဲ့လိုနှောက်ယှက်တာခံနေကြပေါ့ "
"အင်းလေ ဒါပေမယ့် အဲ့မှာက ကျွန်တော့်ကို ကာကွယ်ပေးမယ့်အကိုကြီးရှိတယ် "
"ဒီမှာကြ မင်းကိုကာကွယ်ပေးမယ့်သူမရှိတော့ သနားစရာလေးပေါ့"
"ခင်ဗျားနော် ကာကွယ်ပေးမယ်မပြောပဲ လှောင်နေလိုက် "
"ဘာလို့ ကိုယ်က မင်းကိုကာကွယ်ပေးရမှာလဲ"
"ဘာလို့လဲဆိုတော့ ကျွန်တော်က ကျန်းလောင်ရှီးရဲ့ တပည့်လေးမို့လို့ပါဗျ "
"ခုမှလူလိုသူလိုပြောတာကြားဖူးတော့တယ် "
"မေ့နေတာ ကာကွယ်တာတွေ မကာကွယ်တာတွေနောက်မှ မွေးနေ့ကိတ်! မွေးနေ့ကိတ်လေ ! "
"မင်းက အပေါ်ကိုပြန်သွားအုံးမှာလဲ သူတို့နဲ့ပြန်တွေ့နေအုံးမယ် "
"ထားလိုက်ပါ ကိတ်မုန့်တစ်လုံးလေးပဲ မယူတော့ဘူး လမ်းမှာပဲ ထပ်ဝယ်သွားကြတာပေါ့"
"သဘောလေ "
ကုန်းကျွင်း က ေကာ့တော့ကော့တော့နဲ့ထွက်သွားတာမို့ ကျန်းကျယ်ဟန် လဲ နောက်ကလိုက်ရပြန်တော့သည်။
:::::::::::::::::::::::::::::::::::::::::::::::::::::::::::::::::::::::::::::
္"နိုင်းနိုင်းရေ ပြန်လာပါပြီ"
"လာကြပြီလား ဘာတွေဝယ်လာတာလဲ မြေးရယ်"
"ဒီကမြေးချောလေးက နိုင်းနိုင်းမွေးနေ့ကို ပျော်ပျော်ရွှင်ရွှင်လေးဖြစ်အောင်လို့ လိုအပ်တာလေးတွေဝယ်လာတာပါနော်"
"အမလေး မြေးလိမ္မာလေးရယ် ပင်ပန်းသွားပြီ ဆရာကျန်းကိုလဲကျေးဇူးတင်ပါတယ် တစ်ခါထဲ နေ့လည်စာပါ စားသွားလိုက်တော့လေ "
"မဟုတ်တာ အန်တီရယ် ကျွန်တော်သွားတော့မယ် မြေးအဖွားနှစ်ယောက် ပျော်ပျော်ရွှင်ရွှင်နေကြပါ "
