Demon University: Satan's School

Chapter 9

Chapter 9 : A NIGHT FULL OF BLOODS

Gill's PoV

"Hindi ko nga siya gusto, okay? I don't like him."

Umupo kami ni Heaven sa kama ko habang sa swivel chair ko naman umupo si Mandy.

"Eh ano lang?" tanong ko kay Mandy.  Sure naman kasi akong hindi iyon sasabihin ni Hevs kung wala siyang pinagbabasehan. Nakikinig lang si Heaven samin habang kumakain ng saging.

"Na........n-nagagwapuhan lang ako sa kaniya. Yun lang." sagot niya pero tinaasan ko lang siya ng kilay.

Bumuntong-hininga naman siya. "Dumaan kasi yung lalaking yun kanina-----"

"You mean si Frost?"

"Yeah. He passed by at the library when I and Heaven was there after eating in the cafeteria with you." pagpapatuloy niya sa kwento niya. Napatango-tango naman ako. "Then, pumasok siya ng library dahil may tumawag sa kaniya. I was staring at him the whole time kaya naman tinanong ako ni Hevs kung... kakilala ko ba siya. I said no. So she assumed that I was staring at him because I have a crush on him. Nasabi ko din kasing-----"

"He's really handsome." Pagpapatuloy ni Hevs at inubos yung saging niya. "So don't blame me for assuming na crush mo yun since hindi mo naman ako sinagot nang tanungin kita kanina kung gusto mo ba siya." pag eexplain pa ni Heaven.

Napabuntong-hininga naman si Mandy. "I really don't blame you. Alam kong kasalanan ko kasi nagsinungaling ako."

"So crush mo nga talaga siya." sabi ulit ni Heaven kaya sinamaan na siya ng tingin ni Mandy.

"Hindi yun." Tumingin si Mandy sa mga kamay niyang pinaglalaruan niya. "I lied about not knowing him when I actually totally knew him." dagdag pa niya.

"Ha? Kilala mo siya? Paano?" naguguluhang tanong ko.

"We went at the same school nung nasa elementary pa lang kami. Grade 3 ako non, tas grade 6 naman siya nung nalaman kong magkaibigan pala yung parents namin." pakukwento niya. "Crush ko naman talaga siya pero noon yon. Gwapo din kasi siya kahit nung bata pa."

"Atleast hindi talaga ako nagsinungaling kanina!! Kulang lang yung info na naibigay ko." walangyang sabi ni Hevs kaya binatukan ko na siya. "Aray ko ha, Gill. Porket student councilor ka na, gaganyanin mo na ako." pagrereklamo niya. Nginitian ko nalang siya ng pilit at hinaplos ang buhok niya.

Baka sabihan akong abusado eh.

"Girls, why are you here?" napalingon kaming lahat kay Head na sumilip sa pinto ng kwarto ko. "It's already late. Go back to your respective rooms." sabi niya kina Mandy at Hevs.

"Good night nalang, Gill. Sabay pa din tayo bukas ha?" tinanguan ko nalang si Hevs.

"Good night, Gill." sabi ni Mandy at sumabay na kay Hevs na lumabas. Nginitian ko sila at kumaway.

Nanatili doon sa pinto si Head. "How's...." tinignan niya ako. "How's your father, Gill?" tanong niya sakin.

Hindi na ako nagulat sa naging tanong niya kasi dati namang nag-aaral dito si daddy. Hindi na ako magtataka kung magkakilala sila.

"He's fine, I guess." simpleng sagot ko.

Ngumiti si Head habang tumatango. Nagpaalam na din siya na matutulog na kaya hindi na siya nagtagal pa rito. Natulog na din ako agad pagkatapos kong maghilamos at magtoothbrush.

Kinabukasan, pinasok ko yung lahat naming subject pero dalawang teacher lang yung dumating at nagdiscuss. Tapos tulog nanaman buong klase si kamatayan. Wala pa ngang planong maglunch kung hindi lang siya binilhan ni Hevs ng pagkain.