ජන්කූක්ට වයස අවුරුදු 11ක් වෙනකොට 'Queer' කියන වචනෙ ඇහුනෙ එයාට නරකම කාලයක් උදා කරලා.
කවදාවත් අහලා තිබ්බෙ නැති වචනයක් නිසා අනිත් පිරිමි ළමයි අතින් කොන් වෙන්න වගේම එයලා කියන දේවල්වලට පුදුම වෙන්නත් ජන්කූක්ට උනේ වෙන්න පුළුවන් නරකම දේ බවට ඒක පත් කරලා.
අවුරුදු 13ක් වෙනකනුත් ජන්කූක් ඒ වචනෙ තේරුම දැනගෙන හිටියේ නෑ. ජන්කූක් දැනගෙන හිටිය එකම දේ තමයි, 'Queer' කියන්නෙ නරක වචනයක්, ලැජ්ජ වෙන්න ඕන වචනයක්, ඇහෙනකොට හිනා වෙන්න ඕන වචනයක් කියල විතරයි.
ජන්කූක්ට වයස අවුරුදු 13දී කාලයක් එයාට 'faggot' කෙනෙක් කියලත් කිව්වා.
ඒ දවස ගැන ජන්කූක්ට අද වගේ මතකයක් තිබ්බා. ජන්කූක් ගහක් යට වාඩිවෙලා 'Darlings & Girls' කියන පොත කියවමින් හිටියේ. 'පිළිගැනීම' සහ 'ආඩම්භරකම' කියන වචන දෙක ජන්කූක්ට හොඳට මතක තිබ්බා. පොතේ හිටිය කාන්තාව පුරුෂයෙක් සිප ගත්ත විදිය ජන්කූක්ට මතක තිබ්බා. ඒත් කතාවෙ අවසානය ගැන පැහැදිලි උනේ නෑ. මොකද ඒ කාන්තාවත් පිරිමියත් කවදාවත් එකට හිටියේ නෑ. සතුටුදායක අවසානයක් තිබ්බෙ නෑ. මොකද ඒ වෙනුවට ඒ කාන්තාව හිටියේ එයාගෙ හොඳම මිතුරිය එක්ක. එහෙම උනේ ඇයි කියල ජන්කූක්ට කවදාවත් තේරුනේ නෑ. ඒ ගැන හෙව්වෙත් නෑ.
තමන්ට වඩා වැඩිමල් පෙනුමක් තියන පිරිමි ළමයි තුන් දෙනෙක් ඇවිත් පොත උදුරලා ගන්නවත් එක්කම ජන්කූක් ඔලුව උස්සලා උඩ බැලුවා. ඇඟට හිර ශර්ට් වගේම කොට කලිසම් ඇඳගෙන උදේට කොලේජ් එකෙ ග්රවුන්ඩ් එක වටේ දුවන පිරිමි ළමයි තුන්දෙනා බව ජන්කූක් දැක්ක ගමන් අඳුරගත්තා. ජන්කූක්ට ඊට වඩා කිසිම දෙයක් මතක තිබ්බෙ නෑ. මතක තිබ්බ එකම දේ ඇවිත් හිටිය පිරිමි ළමයි තුන්දෙනාගෙන් ගුටිකෑව බවයි, තමන් faggot කෙනෙක් කියල කිව්ව එකයි විතරයි.
වේදනාවෙන් ගෙදර ගියපු ජන්කූක් අම්මව බදාගෙන අඬන්න උන නිසා ඒ වෙලාවෙ ඇය ජන්කූක්ව සැනසුවත් ගුටි කාපු හේතුව ඇහුවට පස්සෙ ඇගෙන් ලැබුනෙ වෙනස්ම ප්රතිචාරයක්.
තරහෙන් කෑ ගහන ඇය දිහා ජන්කූක් බලාගෙන හිටියේ පුදුමෙන්. අතකින් ඇදගෙන පල්ලිය ගාවට ගියපු ඇය පැය දෙකක් යාඥා කරන්න කියලා ජන්කූක්ට කිව්වා. යාඥා කරන්න ඕන මොකක් වෙනුවෙන්ද කියල ජන්කූක් දැනගෙන හිටියෙ නෑ. ඒත් එහෙම කරෙ නැත්තං රෑ කෑම දෙන්නෙ නැති බව කිව්ව නිසා හේතුවක් දන්නෙ නැතුවත් ජන්කූක් දිගටම යාඥා කරා.
YOU ARE READING
Somebody To Love || Taekook [ COMPLETED ]
Fanfiction1950 ගණන්වල තවත් මිනිසෙකු සමඟ ආදරයෙන් බැඳීම කිසි විටෙකත් ටේහ්යුන්ග් හෝ ජන්කුක් සිතූ දෙයක් නොවේ. විශේෂයෙන්ම ඔවුන් දෙදෙනාම විවාහ වී දෙදෙනාටම ලස්සන භාර්යාවන් සිටින විටකදී. නැතහොත් මෙය කිසි විටෙකත් එකිනෙකා වෙනුවෙන් සිටී යැයි අදහස් නොකළ පෙම්වතුන් දෙදෙන...