ටේහ්යුන්ග් පිටුපස තිබූ අඳුරු ලී වර්ගයකින් සෑදූ දොර වැසී ගියේ කුඩා නිවස පුරාම විශාල ශබ්දයක්ද නගමින්.... සපත්තුවල තිබ්බ හිමත් එක්කම ටේහ්යුන්ග් ගේ ඇතුලට ආවා...
"මේ... ඔයාගෙ ගෙදරද ?" ටේහ්යුන්ග් අහනකොට වටපිට බලපු ජන්කූක් එහෙමම නිදන කාමරයට, පාඩම් කාමරයට, නාන කාමරයට මෙන්ම කිචන් එකටත් දිව්වේ රෝසි ගෙදර නෑ කියලා තවත් තහවුරු කරගන්න ඕන නිසා...
"ඔව්..." ජන්කූක් එහෙමම තමන්ගෙ කෝට් එක ගලවලා සෝෆා එකට විසිකරන ගමන් ටේහ්යුන්ග් දිහා බැලුවා...
"රෝසි ගෙදර නැ...""අපරාදෙ..." හොඳින් වටපිට බලන ගමන් ටේහ්යුන්ග් කිව්වා. "ඇයි එයා නැත්තෙ ?"
"එයා හෙද පාසලේ හරි කොහෙහරි ඇති..." ටේහ්යුන්ග් අඩියක්වත් ඉස්සරහට තියන්න කලින් ඉක්මන් උන ජන්කූක් ටේහ්යුන්ග්ගෙ ශර්ට් එකෙන් ඇදලා අරන් සිපගන්න පටන් ගත්තා...
තත්පර කීපයක් ජන්කූක්ව සිපගත්තත් ටිකකින් ජන්කූක්ව තමන්ගෙන් ඈත් කරපු ටේහ්යුන්ග්, "මට තේ එකක් දෙන්න පුළුවන්ද ?" කියලා ඇහුවා..
ජන්කූක් එහෙමම ටිකක් වෙලා ටේහ්යුන්ග් දිහා බලාගෙන හිටියා.. "හ්ම් ? තේ ? ආහ්... ඔව් ඔව්.. මං ඔයාට තේ එකක් හදල දෙන්නම්..." ටේහ්යුන්ග්ගෙ කනට කරලා රහසින් කිව්ව ජන්කූක් ආයෙත් ටේහ්යුන්ග්ව සිපගන්න පටන් ගත්තා...
තත්පර කීපයක් සිපගත්ත ටේහ්යුන්ග්, ආයෙත් ජන්කූක්ව තමන්ගෙන් ඈත් කරනකොට ජන්කූක් ටිකක් පස්සට යනවත් එක්කම ටේහ්යුන්ග් අනිත් පැත්ත හැරුනා...
"ඉතිං... රෝසි හෙද පාසලට සම්බන්ධ....""මොකද්ද උනේ ?" තමන්ගෙ මුලු ඇතුලාන්තයම අඩපණ වෙලා වගේ දැනෙනකොට ජන්කූක් ඇහුවා... "ඇයි ඔයා මාව සිපගන්නෙ නැත්තෙ ? මං... මං මොකක්හරි වැරැද්දක් කරාද ?"
"හ්ම්...?" තත්පර කීපයක් ජන්කූක් දිහා බලාගෙන හිටපු ටේහ්යුන්ග් ඇහුවා... "ඒක... මේ...." ටේහ්යුන්ග් කතා කරන්න පටන් ගත්තත්, තමන්ව සන්සුන් කරගෙන ඔලුව උස්සලා ජන්කූක් දිහා බැලුවා... "ඇත්තටම මම ඕනවට වඩා දැවටෙන විදියට හැසිරෙන එකට කැමති නෑ..."
YOU ARE READING
Somebody To Love || Taekook [ COMPLETED ]
Fanfiction1950 ගණන්වල තවත් මිනිසෙකු සමඟ ආදරයෙන් බැඳීම කිසි විටෙකත් ටේහ්යුන්ග් හෝ ජන්කුක් සිතූ දෙයක් නොවේ. විශේෂයෙන්ම ඔවුන් දෙදෙනාම විවාහ වී දෙදෙනාටම ලස්සන භාර්යාවන් සිටින විටකදී. නැතහොත් මෙය කිසි විටෙකත් එකිනෙකා වෙනුවෙන් සිටී යැයි අදහස් නොකළ පෙම්වතුන් දෙදෙන...