"ඔයා ඩිවෝස් වෙනවද ?" ජිමින් කොහෙත්ම විස්වාස කරන්න බැරි ස්වරූපයකින් ඇහුවා...
මධ්යම රාත්රියට ආසන්න, කිසිසේත්ම පිලිගත නොහැකි වෙලාවක ජිමින්ගෙ ගෙදරට ආව ජන්කූක් සෝෆා එකෙන් වාඩි වෙලා හිටිය අතර, උණුසුම් තේ කෝප්පයක්ද ඒ අත්වල තිබුනා..."මං... මං එහෙම කරන්න ඕන..." ජන්කූක් දුර්වල විදියට කිව්වා...
"අපි ලඟදි ඉඳලා ටිකක් රණ්ඩු උනා...""රණ්ඩු උනා ? ඔයා කවුද ? තරුණ වයසෙ ඉන්න පිරිමි ළමයෙක්ද ? හැමෝම අතර රණ්ඩු ඇතිවෙනවා ජන්කූක්... ඒ වගේ දේකට ඔයාට ඩිවෝස් වෙන්න බෑ..!"
ජිමින් තරහින් කියනකොට ජන්කූක් ඔලුව උස්සලා ඒ දිහා බැලුවා..."මේක වෙනස් ජිමින් ! ඔයාට තේරෙන්නෙ නෑ... ඔයා මැරි කරලා නෑනෙ..."
ජන්කූක් ගැඹුරු හුස්මකුත් පිටකරලා කියනකොට ජිමින් ඊට එහා පැත්තෙන් වාඩි වෙනවත් එක්කම, ජන්කූක් ඔලුව උස්සලා ජිමින් දිහා බැලුවා...
"ඒ... ඒ මම... මං වැරදි දෙයක් කරා... මං එයාව රැවැට්ටුවා...""මොකද්ද...??" එකපාරටම ඇහුන බලාපොරොත්තු නොවුන දේත් එක්ක ඇස් දෙකත් ලොකු උන ජිමින්, තත්පර කීපයක් යනකන් තියුණු බැල්මකින් ජන්කූක් දිහාම බලාගෙන හිටියා...
"ඔයා ? මං කවදාවත් ඒ වගේ දෙයක් බලාපොරොත්තු උනේ නෑ... කවුද එයා ? ඒ ගෑණු ලමයා ? ඔයා දැනගෙන හිටිය කෙනෙක්ද ? අවංකවම කියනව නම්, ඔයා මේ තරම් පහත් තත්වෙකට පත් වෙයි කියලා මං හිතුවෙ නෑ ජන්කූක්...""ජිමින්... මං දන්නවා මං කරපු දේ වැරදියි... ඒත් රෝසි.., එයා මේ මැරේජ් එකට මට බලකරා... මං ඒ ගැන ඔයාට කියලා නැද්ද ? මං එයාව මැරි කරේ නැත්තං මාව ලන්ඩන් යවන්න එපා කියලා එයා මගේ අම්මට ඒත්තු ගැන්නුවා... මට වෙන කරන්න දෙයක් තිබුනේ නෑ... ඇත්තටම මම...."
"ජන්කූක් ඔයා පිරිමියෙක් !" ජිමින් තදින් කියනකොට ඇස් දෙකත් ලොකු කරගත්ත ජන්කූක් එහෙමම බලාගෙන හිටියා...
"වැඩිහිටි අය හිතනවා වගේ විකාර විදියක් ගැන නෙමෙයි මං ඒකෙන් අදහස් කරේ... මං කියන්නේ ඔයත් වැඩිහිටියෙක්... ඔයාට තනියම ඔයාගෙ තීරණ ගන්න පුළුවන් හැකියාව තියෙනවා... ඔයා එයාව මැරි කරනකොට ඔයාට වයස අවුරුදු 22යි... මොකද්ද ඔයා, ඔයාට බලකරා කියන එකෙන් අදහස් කරන්නේ ? ඔයා හොඳටම දන්නවා ඔයා ඒ වෙලාවේ තදින් කිව්වා නම් ඒකට අකමැතියි කියලා, එහෙනං ඒක කවදාවත් සිද්ද නොවෙන්න තිබුනා..."
YOU ARE READING
Somebody To Love || Taekook [ COMPLETED ]
Fanfiction1950 ගණන්වල තවත් මිනිසෙකු සමඟ ආදරයෙන් බැඳීම කිසි විටෙකත් ටේහ්යුන්ග් හෝ ජන්කුක් සිතූ දෙයක් නොවේ. විශේෂයෙන්ම ඔවුන් දෙදෙනාම විවාහ වී දෙදෙනාටම ලස්සන භාර්යාවන් සිටින විටකදී. නැතහොත් මෙය කිසි විටෙකත් එකිනෙකා වෙනුවෙන් සිටී යැයි අදහස් නොකළ පෙම්වතුන් දෙදෙන...