කලු පාට වයර් සහිත බැල්කනියට උඩින් කකුල් පද්දවමින් සිටි රෝසි එහා පැත්තෙ තිබුනු උස ජනේලයෙන් පිටත බැලුවා.. උරහිස ලඟට එනකන් තිබුනු කැරලි ගැසුනු කොණ්ඩය වෙනදට වඩා අද ටිකක් අවුල් වෙලා තිබ්බා.. අතේ අවසාන ඇඟිල්ලේ ලා රෝස පාට නිය ආලේපනයක් ගල්වමින් හිටිය රෝසි තමන්ගෙම අතේ ඇඟිලි දිහා බලමින් සතුටින් සිංදුවක් මුමුණමින් හිටියා...
එක පාරටම ඇහුණු කටහඬ නිසා බැල්කනි එකෙන් පහල බලපු රෝසිගේ ඇස් ලොකු උනේ පහල හිටිය කපල් එක දැක්ක නිසා... බැලූ බැල්මට ඇගේ වයසේ හෝ ඊට වඩා ටිකක් වැඩිමල් පෙනුමක් තියන කෙටි තඹ පාට කොණ්ඩයක් සහිත කාන්තාවක් ඇගේ පෙම්වතා සමඟ පහල හිටියා... උස, පලල් උරහිස් සහිත, කඩවසම්, පිටුපසට පීරපු කලු පාට කොණ්ඩයක් තිබුන ඇගේ පෙම්වතා ඇඟේ මාංශපේෂි වඩාත් හොඳින් කැපිලා පෙනෙන විදියට ඇඟට හිර උනු ශර්ට් එකක් හා කලිසමක් ඇඳලා හිටියා...
"මං ඔයාට ආදරෙයි ඩියේන්... ඔයා ඒක දන්නවා.." ඔහු කියනකොට සතුටින් හිනා උන තරුණිය ඔහුගේ කම්මුලක් සිපගත්තා.. මෙච්චර වෙලා හංගගෙන හිටිය අත ඉස්සරහට ගත්ත ඔහු ඇයට රෝසමලක් දුන්නා.. සතුටින් හිනා උන ඇය ලැජ්ජාවෙන් රතු වෙන ගමන් රෝස මල ගත්තා... "ඇයී... ඔයා හරිම ආදරණීයයිනෙ..." ඇය කියනකොට ඔහු හිනා උනා..
බැල්කනියට වෙලා සතුටින් ඒ දිහා බලාගෙන හිටිය රෝසි, පාර දිගේ සතුටින් අත් අල්ලගෙන යන තවත් කපල් කීපයක් දකිනකොට ගැඹුරු හුස්මක් පිටකරා.. එහෙමම නිය ආලේපනය බිමින් තියපු රෝසි බැල්කනියෙ ඉඳගෙනම ගේ ඇතුල බලනකොට සෝෆා එකේ වාඩි වෙලා පොතක් කියවමින් ඉන්න ජන්කූක්ව දැක්කා...
එහෙමම නැගිට්ට රෝසි ජන්කූක් ලඟට යනකොට, ඇඳගෙන හිටිය තමන්ට වඩා ලොකු සුදු පාට ශර්ට් එකේ එක පැත්තක් කරෙන් පහලට වැටිලා ජන්කූක්ගෙ පටු උරහිස් වගේම collarbone එකත් පේන්න තිබ්බා.. හුස්මක් පිටකරපු රෝසි තාමත් තමන් දිහා නොබලා පොත කියවන ජන්කූක් ඉස්සරහ හිටගෙන හිටියා...
"ජන්කූක්...." රෝසි කියනකොට අමාරුවෙන් පොතෙන් ඇස් ඉවතට ගත්ත ජන්කූක් රෝසි දිහා බැලුවා... "අපි ඇවිදින්න යමු...."
YOU ARE READING
Somebody To Love || Taekook [ COMPLETED ]
Fanfiction1950 ගණන්වල තවත් මිනිසෙකු සමඟ ආදරයෙන් බැඳීම කිසි විටෙකත් ටේහ්යුන්ග් හෝ ජන්කුක් සිතූ දෙයක් නොවේ. විශේෂයෙන්ම ඔවුන් දෙදෙනාම විවාහ වී දෙදෙනාටම ලස්සන භාර්යාවන් සිටින විටකදී. නැතහොත් මෙය කිසි විටෙකත් එකිනෙකා වෙනුවෙන් සිටී යැයි අදහස් නොකළ පෙම්වතුන් දෙදෙන...