Boyayyiyar Alkarya

Chapter 15

(¯'*•.¸,¤°'✿.｡.:*քʀօʄɨƈɨɛռȶ աʀɨȶɛʀֆ*.:｡.✿'°¤,¸.•*'¯)

🌄🌄BOYAYYIYAR ALKARYA🌄🌄(the hidden island)

тнε αвιℓιтү тσ gυι∂ε ιs тнε мσsт ιмρσятαηт qυαℓιтү α ωяιтεя cαη нαvε, ωε *_ρяσғιcιεηт ωяιтεя's αssσcιαтιση_* ωιℓℓ sнαяε тнεsε qυαℓιтιεs.

  (The legendary story)
📒💎↗↗🎿👿👽
written by💟 SADY-SAKHNA💟
               
BOYAYYIYAR ALKARYA(the hidden island )🌄🌄🌄🌄🌄
 
phone number:09035784150

telegram :https://t.me/joinchat/-_Qs5O8XH6cwYjQ0

whatpad :@SAKHNA03

chp[15]
Tafiya su yarima samhal suke acikin filin maliki yaumiddini batare da sunyi arba da wata halitta ba ko kuma wata karashiya ba ,bayan sunyi nisa da sukaji girgizar takun wani abu kaman yana biyosu a baya juyawa sukayi kowa yagyara zaman takobinsa suna jiran suga mai zai tasomusu ,koda kurar da ta tashi a wajen ta lafa sai idonsu yayi arba da dakarun boka gazaza wanda yana tsakiyarsu hannunsa rike da wani bakin sanda ,suna isowa basuyi watawata ba suka farma su yarima samhal cikin matsanancin salon yaki.
Yakine ya kaure a tsakaninsu yazamana ba abinda akeji sai karar takobi dakuma kurar da take tashi a sararin samaniya,bayan shafe wasu dakiku dasukayi suna gwabza wannan artabun sai wajen yafara girgiza yana rugujewa,kowa a cikinsu tsayawa yayi da yakin yana jiran tsammanin mai zai faru,aikuwa aikin gama ya gama domin da sunsan mai fadan su zai haifar da basuyi shiba,karar fadan sune yayi sanadin tashi dodanniya KANANATU daga baccin da take natsawon shekara da shekaru,tashi tayi tai girgiza kana ta kare musu kallo da jajayen idanuwanta masu matukar ban tsoro .
Ita dai wannan dodanniya tanada rabin jelar maciji sannan kuma tana da girma sosai wanda tsayinta har yayi musu rumfa a samansu,bude bakinta tayi ta kece da wata irin kara mai dauke da wari dakuma amo marar dadin ji ,wanda har saida yagigita wasu daga cikin dakarun ,kafin tace "lallai kunkawo kanku ga ajalinku kananan kwari ,kuyi sani cewa ni kananatu tun tsawon lokacin da'aka bani jiran wannan waje babu wani tsageran hallita daya taba shigowa sai ku ,dan haka yanzu zan kacaccala namanku nayi filla filla dashi sannank" ............."karya kikeyi baki isa ba ,da sannu zan cika burina akan wannan alkaryar kum" ...........wani wawan duka daya daki boka gazaza shiya hanashi karisa kudirinsa dayakeyi saida yatashi sama yayi fanka kafin yadaki dutse ya sume , dodanniya kananatuce  tace babu wani mahaluki daya isa yakatseni ina bayani"ganin abinda dodanniya kananatu tayiwa boka gazaza ne yasa dukkan daukacin dakarun yin kanta kozasu samu damar nasara akanta ,domin sunsan babu hanyar komawa da baya.
Karar takobine yafara tashi dakuma karyewar sa ,domin duk sanda takobinsu yasauka akanta ji sukeyi tamkar sun sari dutsi dan tauri al'amarinne yafara basu tsoro musamman ganin yanda take lankwamasu acikin wawakeken bakinta tamkar ta samu abinci,koda bayyanar dodanniya kananatu ,bai wuce sa'a guda ba amma duk ta karar da dakarun da suka shiga wajen ,sai jini dayake ambaliya dakuma sassan jikin bil'adama,fadane yakoma tsakanin yarima samhal da dodanniya kananatu ,yazamana cewar tana kaimasa sara da faratanta shikuma yana kaimata sara da takobinsa ,jan tunga sukayi inda suka fara kallon kallo a tsakanin su ,kara gwabzawa suka cigaba dayi akaro nabiyu inda dodanniya kananatu dasamu damar shammatar samhal takaimasa wani sara wanda saida yakarya takobinsa dan karfi ,faduwa yayi akasa cikin galabaita saboda karfin dukan da ya dakeshi ,saidai kafin yakai ga yunkurawa ya tashi har kananatu ta cimmasa inda ta dagashi sama da niyyar lankwameshi,lurada hakan dayayi ne yasashi doka mata hannayensa a tsakiyar kanta ,cikin matsananciyar kara tayi jifa dashi daga hannunta ,direwa yayi yana kare mata kallo cikin mamaki ,saida yakalli hannunsa ne yalura da hasken da zoben hannunsa yayi wanda hakan ya tabbatar masa da aikin zobenne ,takawa yayi da nufin kaimata farmaki sai kuma yaga kasa tafara darewa take dodanniya kananatu ta shige cikin kasa ,wajen ya koma ya rufe tamkar bai taba budewa ba.
Bayan wani lokaci yarima samhal yana tsaye shikadai bakowa a wajen sai fili ,girgiza wajen yafara yana sanjawa daga yanda yake zuwa jeji kananan dabbobi da korayen bishiyoyi da kuma filawoyi kala kala masu matukar kyau ,bayan wajen yagama sanjawa sai yaga wata hanya an kawata ta da ado ta mike sosai ,fara takawa yayi zuwa hanyar,har yayi tafiya mai dan nisa ya kusa kaiwa karshen hanyar sai yaji kamar takun wani abayansa ,juyawar da zaiyi idonsa yayi arba da boka gazaza yana masa murmushin mugunta ,shima ja yayi ya tsaya yana kallonsa kowa dauke dauke da burin abinda yakawoshi a cikin idan sa ,har boka gazaza ya fito da wuta zai kone yarima samhal ,sai yafara masa dariya kana yace "yakai wannan azzalumi kasani cewa kai ba namiji bane ,tunda har kke illata matatunka, sannan kuma inzaka tunkari maza saidai katunkaresu da tsafi ,to idan har ka cika namiji ka tunkareni da karfin damtsenka shine zanga ko kai namiji ne, ko kuma lusarine ,koda gama fadin hakan da yarima samhal yayi ,sai fuskar boka gazaza ta murtuke yayi wurgi da wutar dake hannunsa ,ta bace batt.
Fadane ya kaure a tsakaninsu,suna kaiwa juna naushi duka ,duk wanda akayi nasarar samunsa sai kusa faduwa ,sai yaja ya tsaya ya cigaba da kaiwa hari ,suna cikin fadanne yarima samhal yasamu nasarar kaiwa boka gazaza wani wawan naushi a tsakiyar kansa ,sannan yadaga da niyyar kara sauke masa wani ,shikuma yafitar da guguwa ta dauki yarima samhal ta maka shi da kasa acan gefe ,karar bugunne yayi tasiri akan samhal har takai ga bakinsa yana fitar da jini ,dafa dutsen dake gefensa yayi ya tashi kyar ,inda yana tashi yayi arba da takobin maheer a gabansa ,batare da bata lokaciba yasa hannu yadauka ya mike rike dashi a hannunsa ,ya nufi boka gazaza dayake tahowa izuwa wajensa ,fuskar sa ta nuna alamar razana dayaga takobin dake rike a hannun yarima samhal ,amma hakan bai shima ya fasa abinda yake gudurin yi ba saima kokarin daya sawa ransa na kwatar takobin ,shima daga hannunsa yayi takobi suka fito yanufi yarima samhal cikin zafin nama ,fadane yasake kacamewa a tsakaninsu inda kowa a cikinsu yayi jina jina da jini ,boka gazaza ne ya yanki samhal a kafafunsa wanda saida yasashi durkusawa a kasa ya tokare da takobin ,dariya ce tafito daga baki boka gazaza kafin yace "dama na fada maka ,kayi kuskure hada hanya dani,yanzu zan kasheka anan wajen,itama matarka takusa mutuwa tunda haihuwarta yana gabb ,nahiyarku kuma urai-hilwa zata ji da wannan hhhhhhh"yana gama dariyarsa yanufi yarima samhal da nufin daukar takobin daya tokare dashi ,saidai sunkuyawarsa keda wuya yarima samhal ya dauke masa kai da takobin cikin zafin nama ,a lokaci daya ,gangar jikince ta fadi daban ta kama da wata irin wuta mai launin kore ,ganin nasarar irn nasarar daya samu akan bakin azzalumin sai yarima samhal yacika da farin ciki ,tashi yayi dakyar daga inda yake kana kuma yahada dutsen dake jikin zoben da wanda yake jikin takobin maheer.
Koda faruwar hakan sai yaji wata kara dakuma sautin fuka fukai asararin samaniya ,yana tsaye a wajen har sanda tsuntsuwa lahseel ta sauka a gabansa tana baza fuka fukanta a iska ,kama sirdin dake kanta yayi ya hau ,kaman jira take kuwa ta tashi dashi zuwa ga koramar damseel ,tana zuwa ta sauka a bakin koramar ta sunkuya domin bashi damar sauka daga kanta ,koda yarima samhal yaje ga koramar bai tsaya shafawa a ciwukan dake jikinsa ba domin yana ganin kara yin dakika daya a wajen dadai yake da rasa mulaifah a rayuwarsa ,yana tsugunnawa yadauki wata salga(buta ce da mutanen da suke deban ruwa a ciki)koda yaga ruwan yashiga cikin salgar sai kawai yatashi yanufi lahseel dan yasan ita kadai a sannan zata kai shi ga kasar khaisira a cikin kankanin lokaci ,yana hawa kuwa ta keta dashi cikin sararin samaniya ,sai kasar khaisira .

    *******      **********       ******* 
    A can kuwa kasara khaisira kowa ya zuba ido yana tsimayin mai zai faru ,kowa ka ganshi a sannan idan ba yaraba kasan yanacikin tashin hankali saboda tunanin abinda zai faru dasu .
     Bayan kaman wani lokacine wasu daga cikinsu da hankalinsu yake sama suka kula da wata farar halitta da rake tahowa daga samaniya ,take kuwa waje ya kaure da hayaniya masu gudu sunayi ,domin wasu harsun fara kaiwa labari cewar ga can boka gazaza yana zuwa 😊😊😊,mutane harsun fara shigewa gidajensu ,wasu kuma suna duruwa cikin masarauta ,kan kaceme wajen yarude da ihun mutane ,koda hallitar dasuke gani ta matso kusa ,sai suka ga katon tsuntsune da basu taba ganin mai girmansa ,sannan kuma yayi cikin fadar khaisira ,yana zuwa yasauka a tsakiyar fadar ,kowa yayi shiru domin ganin mai zai faru ganin saukowar yarima samhal ne daga kan tsuntsuwa lahseel yasa mutane fara ihun murna da farin ciki tare samun nasara ,koda yarima samhal yasauka daga kan lahseel bai zame ko inaba sai cikin fada inda aka kwantar da mulaifah ,bata mutane yake ba dasuke tareshi a hanya ,burinsa dayane yakai ga masoyiyarsa dake kwance a halin jinya ,yana isa dakin yaga kowa jikinsa yayi sanyi a dakin babu wanda yamasa magana ,shima zuba musu ido yayi fuskarsa dauke da alamar tambaya,karisawa yayi kusa da gimbiya jazila yana mai cewa "ummi mai yasamu mulaifah nah ,ummmi wani abune yafaru ,ummi karkicemin ta mutu ,na debo ruwan fah ummi ,ummi ki fadamin mana ",jijjiga masa kai tayi hawaye yana zubowa a fuskarta ,koda yarima samhal yayi tozali da hawayen dake fitowa a idon mahaifiyarsa sai nan da nan duk wani haske yadauke a duniyarsa ,yafadi sumamme shima ..............😥😥,wayyo yarima samhal.
    to ai hikenan kukasance dani a chapter ta gaba wanda ita ce ta karshe inshaallah,ina sonku masoyana .😊😊😊