رواية مشاعر صادقة

الفصل الاول

( وأختَرْتُكِ مِن بين الزحامِ بأنْ تكوني رفيقتي )
إستيقظت بهجه علي ضوء الشمس الساطع في غُرْفَتِها أدَّت صلاة الضُحي وقرأت أذكارها ووِرْدَها اليومي من القرءان الكريم ثم خرجت لتناول الإفطار مع عائلتها
بهجه : صباح الخير يا ست الكل
الام ( نرمين ) : صباح النور يا حبيبتي صليتي
بهجه : اه الحمد لله
الام : ربنا يزيدك من فضله يا حبيبتي روحي صحِّي اخوكي عشان يفطر
بهجه بزهول :هولاكو عاوزاني أصحِّي هولاكو من النوم يا ماما
نرمين : بس يا بت روحي صحِّي اخوكي عشان يفطر
بهجه :حاضر حاضر متزوقيش راحه أهوا
دخلت بهجه غرفه اخيها كاللص كي لا تجعله يشعر بها
بهجه بصوت عالي : يا احمدد يا ابو حميييد الحق البيت بيولعععع
(تخيلوا المنظر كدا )
احمد قام مفزوع من النوم
احمد : الحقوني طفوني ياماما حريق حريييق
بهجه : وقعت علي الارض من شده الضحك
احمد لسه بيستوعب : مين طفي الحريق
بهجه:زادت ضحكاتها
احمد بعد ما اخيرا فهم :اه يابت *** تعالي هنا يا بت بقي انا البشمهاندس احمد العدوي  أصحي كدا بالمقلب دا
بهجت طلعت تجري وقبل ما تخرج : بلا بشمهاندس بلا برنجان اخرك بياع كفته امشي ياض العب بعيد
وطلعت تجري وأختبأت  وراء والدها
بهجه : الحقني يا حج
الاب (محمد العدوي): في اي تاني انهردا
بهجه  وهي تنظر له بعيون القطة البريئه : الحق يا حج ابنك هيضربني يرضيك يضرب بنتك حبيبتك
محمد: اي دا هو فيها حبيبتي عملتي مصيبه اي يا روحي
بهجه ببراءه : مفيش يا حاج كنت بصحِّيه عشان يفطر انا غلطانه
احمد : عاملالي فيها القطه البريئه دي خرمت ودني يا حج دا انت لو سارينه مطافي يا شيخه مش هتعملي كدا
بهجه : بس ياض الله اكبر عليا يلا نروح نفطر مش فاضيين لرغيك
احمدبزهول :رغي
ونسيب احمد يستوعب
وراحت العيله لتجلس علي  السفره لان الام كانت جهزت الفطار وجلسوا يتناولون إفطارهم
بهجه : بابا انا خارجه انا وصاحبتي زي ما قولت لك نلف شويه ف اسكندريه وممكن نتأخَّر شويه
الام : لا مفيش خروج
بهجه : ياماما انا طول الفتره اللي فاتت كنت ف الكليه والمزاكره والامتحانات وهَمْ ما يتلم وما صدقت اخلص عشان اريح شويه ما تحضرنا يا حج
الاب : ماشي يا حبيبتي اخرجي بس أخوكي هيجي معاكي  عشان لو حد حاول يضايقكوا
بهجه : اعوذ بالله اخد ده
احمد :اي مشبهش ولا مشبهش
بهجه : تعالي يا اخويا هي شكلها خروجه باينه من اولها
وذهبت بهجه للاتصال بصديقتها فرح للتأكيد عليها في  موعد الذهاب بعد قليل
يتبع
( وانتِ الوحيده مَن اكونُ معها بكل ما بي من صِفَاتٍ  دون خجل ❤)