رواية مشاعر صادقة

مجموعة اسكريبتات '2'

اسكريبت

- يا دكتورة مريم تعالي بسرعه محتاجينك في حالة حرجه جايه لنا ومتوصِّي أنك تقومي بالعمليه
*حاضر حاضر جايه أستر يارب
"أعرفكوا بنفسي الأول أسمي مريم سليم دكتورة جراحه دخلتها لأنها حلمي من زمان وتفوقت فيها وشغالة في مستشفي كبيرة ومعروفه عندي ٢٧سنه متخرجه من ٣سنين وكنت بروح وأنا ف الكلية أتدرب وعملت كورسات وأبحاث كتير ف مجالي لحد ما بقيت من أشطر الدكاترة الجراحين ودلوقتي أسيبكوا عشان عندي حالة جديدة وصعبه زي أغلب الحالات اللي بتيجي لي يلا ربنا معايا "
لبست الزي بتاعي وعقمت نفسي وقولت لهم يجهزوا غرفه العمليات لأن الطلقه جايه قريبه من المخ وممكن يصاب بجلطه دماغيه ونزف منه دم كتير دا غير أن عنده جروح كتير أوي ف جسمه وطلقه ف عمود الفقري يعني الراجل دا ماله متشلفط كدا ليه يارب يعدي منها علي خير
بعد ٣ساعات
كنت طلعت الرصاصتين بصعوبه
وعقمت جروحه وأعطيته مخدر قوي عشان يستحمل الوجع ونجحت العمليه الحمد لله وطبعاً غيرت هدومي ودخلت أوضتي أريح شويه لأن الحاله كانت صعبه جداا ومرهقه أوي وبجد أنا تعبت وأتفرهدت ومني لله أن قولت عاوزه أدخل جراحه مالهم الأطفال ولا النفسي ولا أي حاجه خفيفه كدا ومريحه لا لازم جراحه وبهدله ومرمطه يلا الحمد لله
وللغريب محدش من عيله المريض موجودين أو أي حد سأل عليه!! دا إيه العيله دي بس ياربي
وشويه ولقيت مديرة المستشفي داخل وهو اللي بيسألني ع المريض !!
هو في إيه !؟
قولت له أن خرجت الرصاصه بس للأسف حصل له شلل مؤقت ومحتاج كرسي بعجل لفترة بجانب علاج طبيعي وبما إن الرصاصه جت ف المخ وبسبب النزيف اللي حصل ممكن يحصل فقدان ذاكرة لسه مش عارفه بس مستنيه يفوق عشا أطمن علي حالته ودا طبعاً الكلام اللي قولته لمدير المستشفي لقيته بيقول لي أنتِ هتبقي المشرفه عليه لحد ما يتحسن ويرجع يمشي
يادكتور أنا جرااحه جرااحه مش علاج طبيعي !!
مدير المشفي : أنا قولت كلمه يا دكتورة الحاله دي متوصي عليها جامد ومينفعش حد ياخد خبر بوجودها هنا أصلاً وأنا عشان واثق فيكي أعطيتك المهمه دي
مريم بتنهيده :حاضر يا فندم
يعني شحططه ف المجال وكمان أبقي مسؤله مسؤليه كامله عن مريض اللهم لا أعتراض بس ماله يعني أما الواحد يقعد ف بيته بفنجان النسكافيه وكيكه بالشيكولاته كدا ويتفرج علي كونان هاا ماله ماله هروح أطمن عليه بقي عشان متعبكوش بذنِّي
كلمت خالتو وقولت لها هبات ف المستشفي لأن عندي نبطشيه لان اهلي متوفيين وبعتبرها امي والمسؤله عني وهي بتحب تتابعني وتعرف اخباري زي ما وعدتها لما رفضت اقعد معاها عشان اولادها ومش بحب ابقي عبء علي حد فكلمتها عشان اعرفها واطمنها عليا وكمان عاوزه أركز مع الحاله دي عشان المدير ميتنرفزش وأتعصب عليه وتبقي ليله فل وطبعاً بعد وصله تهزيق وخلي بالك من نفسك ودي أخرو أنك بترفضي العرسان ومش بتوافقي علي حد يماما يا حبيبتي ليه بتحطي ع جرحي كلونيا ها ليه وطبعاً قولت لها متقلقش بنتك أسد وبنتها محصلتش قطه حتي وبعدين عرسان إيه دلوقت أنا يدوبك بروح بليل أصلي وأكل وأنام أنا مش فاكرة أصلاً أخويا شكله عامل أزاي وأنا معاكوا من الحدث يا جماعه وواقفه قدام أوضه المريض الغريب دا ويلا توكلنا علي الله دخلت لقيته لسه نايم ودماغه ملفوفه بالشاش ومشلفط خالص يا عين أمه ووشه كله جروح ومتوصل ف صدره أجهزه كتير قعدت جمبه وركزت ف ملامحه لاقيته بشره قمحيه وشعره أسود وناعم وجاي علي وشه بس قمر قمر يعني مفيش كلام مش خسارة دا يتشلفط كدا يعيني عليك يبني وعلي شبابك اللي ضاع بس متخافش أنا معاك وهتبقي زي البومب إن شاء الله بس إيه دا دا بيفتح ف عيونه !!
سبحان من صبَّ العسل في عينيه
إيه اللي أنا بقوله دا ألوقتي ركزي يا ماما عشان الواد بيبقي كويس الله يكرمك
- إي دا أنا فين
مريم :أنت ف الجنه يا باشا أحم قصدي ف المسشفي يا أستاذ يا كابتن ياا هو أنت أسمك إيه
- أنتِ مين وأنا بعمل إيه هنا اااه أنا عاوز أمشي من هنا
مريم :أهدي علي نفسك كدا أنت لسه تعبان ومحتاج راحه
- راحه إيه وزفت إيه أنا عاوز أخرج من هنا ورجلي !!مش قادر أحركها ليه
مريم :أهدي يا أستاذ أنت لسه خارج من عمليه وحضرتك تعبان لازم تستريح عشان ميحصلش مضاعفات
- ملكيش دعوة أنا عاوز أخرج من هنا
مريم:أتفضل أخرج
حاول النهوض لكنه لم يقدر
-في إيه أنتِ عملتِ إيه أنا مش قادر أتحرك
مريم : هشرح لك بس ممكن تهدي
-بنفاذ صبر :وأدي هديت أتفضلي أتكلمي
مريم :حضرتك جيت هنا لاموأخذه يعني متخرشم خالص وفي رصاصه جت قريبه من العمود الفقري لحضرتك فعملت لحضرتك شلل مؤقت وهتتحسن بإذن الله مع العلاج وأنا هنا المشرفه علي حالتك