رواية مشاعر صادقة

الفصل السادس عشر

‏في أيامكم الصعبة ، اكثروا من هذا الدُعاء :

"اللهُمَّ أرني عجائب صنعك في دعائي وأرني لطفك ورحمتك في قضاء حوائجي وأرني كرمك وقدرتك في ما تعلق به قلبي إنك على كل شيء قدير."💛
" صلي ع الرسول 💙"
ذهبت بهجه نحو وجهتها حتي وصلت لمكانٍ ما
بعد مده من وصولها
صديقه بهجه :  مش هتقولي لهم بقي يا بهجه
مجهول الهويه (لكم مش ليا طبعاً ) : أه يا بهجه أحنا بقالنا مده مخبيين لازم نقول ليهم قبل ما يعرفوا وساعتها أحتمال مش يسامحوكي
بهجه : هيسامحوني أنا مش بعرفهم عشانهم مش عشاني أنا عاوزاهم يعرفوا بس بس مش قادرة أقول ليهم وأنت أنت وعدتني مش هتقول ليهم ولا أنتِ كمان ماشي
هما بإستسلام : ماشي اللي تشوفيه وأحنا ف جميع الأحوال معاكي مش هنسيبك
أحتضنتهم بهجه وقالت والدموع في عيونها : ربنا يبارك لي فيكوا
ثم أبتعدت عنهم وقالت : أنا راحه مشوار ألوقت
- الدار بتاع التحفيظ ؟
بهجه بٱبتسامه : جدعه حفظتي أهوا  أشوفكوا قريب

هما وهما يُلوِحانِ لها : في رعايه الله
بهجه بإبتسامه : في رعايه الله
ورحلت بهجه نحو وجهتها
- تفتكري السر دا هيتكشف
- أكيد هيجي وقت وهيظهر عليها وأتمني متحصلش مصيبه حاسه هنتهزق جامد
- حاسه مش متأكده
ضربته في كتفه وقالت : ربنا يستر بقي يلا بينا نخش عشان منتهزقش بجد المره دي
وذهبا إلي الداخل
توجهت بهجه نحو دار الفرقان لتحفيظ القرءان الدار التي كانت لها الفضل بعد الله عز وجل في حِفظها للقرءان وهي تذهب هناك لكي تُراجع بجانب أنها أصبحت صديقه لصاحبه الدار وتُساعدها أحيانا في تحفيظ الأطفال كما تُعطي لهم دروساً عندما تكون مُتفرِغه
بهجه : السلام عليكم و رحمه الله وبركاته
سناء (صاحبه الدار ) أمرأه في الأربعين من العمر لديها أبنتين عائشه وفاطمه وتعمل صاحبه لدار الفرقان لها روح طيبه وبشوشه ولا يظهر عليها السن كثيراً ترتاح لها ولذلك قد صادقتها بهجه وأصبحت تتعامل معها كأنها صديقتها بالإضافه إلي أنها تحترمها وتُقدرها ولكنها ترفض وتقول لها بأنهم أصدقاء
سناء بإبتسامه سعيده : وعليكم السلام ورحمه الله وبركاته يا جوجو عامله إيه
بهجه بإبتسامه : تمام الحمد لله وأنتِ أخبارك وأخبار القمرين اللي عندك
سناء: جعلك الله من الحامدين يا جوجو أنا تمام الحمد لله ففضل ونعمه والبنات قاعدين هناك ف أخر البنش أهم كانوا بيسألوني عليكي
بهجه بإبتسامه : حبايب خالتو
ذهبوا نحوها وأحتضنوها
فاطمه ٧سنين
عائشه ١٢ سنه
بهجه : أزيكوا يا حبايبي عاملين إيه
- الحمد لله
فاطمه بطفوله : تعرفي يا خالتو أنا دلوقتي قربت أخلص رُبع المصحف وإن شاء الله لما أخلصه ماما قالت لي هتجيب لي حاجه حلوه ليا
عائشه : وأنا خلصت نصف المصحف من كام يوم وماما جابت لي دبدوب و كتاب لقصص الرسول والصحابه
أحتضنتهم بهجه بفرحه كبيره وقالت : حبايب قلبي مباارك ليكوا يارب وإن شاء الله تختموه وأنا كمان هجيب لكوا هديه حلوه أقول لكوا سر تعالوا معايا نروح نجيب دلوقتِ وأنا هستأذن من ماما موافقين
بفرحه : موافقين
بهجه : أنا هاخد البنات شويه صغيرين هخطفهم منك وجايه ماشي ؟
سناء بإبتسامه : ماشي يا حبيبتي
وخرجوا من الدار
عائشه : أحنا هنروح فين
بهجه بإبتسامه : أستنوا بس شويه وهنوصل
وبعد قليل وصلت بهجه لمول كبير فأخذت الفتاتان وأخذوا يتجولون به حتي وجدت بهجه مُبتغاها
بهجه : عاوزه خمارين من الصغيرين دول لو سمحتِ
وقامت بِشراء خمار أبيض صغير لعائشه وخمار أصغر منه  لفاطمه وأخذوا يتجولون قليلاً إلي أن وصلت بهجه لِرُكن الألعاب
وأشترت عروسه صغيره لفاطمه وطقم طبخ لعائشه
ثم أتجهت لرُكن الحاجات الحلوه وطلبت من عائشه وفاطمه أن يختاروا ما يُريدونه ثم قامت بدفع حِسابهم وأتجهت نحو الدار مره أُخري
بهجه والبنات : السلام عليكم ورحمه الله وبركاته
سناء ومعها ٣بنات : وعليكم السلام ورحمه الله وبركاته
بهجه بفرحه : أنتوا جيتوا أمتي
زهراء : من شويه كدا
قامت بهجه بإحتضان الفتيات وقالت : عاملين إيه
زهراء ( فتاه ذات بشره بيضاء تميل للخمريه وعيون بُنيه جميله منتقبه طيبه القلب وخاتمه لكتاب الله وبهجه تُحبها كثيراً طولها متوسط  تكتب الروايات مثل بهجه ) : الحمد لله ف نعمه
سلمي ( فتاه ذات بشره خمريه وعيون سوداء طيبه القلب مُختمرة طيبه القلب وصديقه زهراء المُقربه وبهجه تُحبها كثيراً تدخل القلب دون إستأذان ) : الحمد لله
سُهيله ( فتاه ذات بشره بيضاء وعيون بنيه منتقبه ذات قلب طيب صديقه سلمي وزهراء المُقربه وبهجه تُسميهم الثلاثي الرائع أو الثلاثي المرح الذي تُحبه ولهم صديقه أُخري أسمها رويدا محجبه تُحب الكتابه وتكتب خواطر لها علي صفحتها الشخصيه  والأربعه أصدقاء لبهجه ويحفظون القرءان وهم تلاميذ للدار ويأتون مثلها من وقت لأخر للتسميع للأطفال ) : تمام الحمد لله
بهجه : أومال رويدا مش جت ليه 
زهراء : حصل عندها ظروف ومش قدرت تيجي
بهجه : طب يلا عشان نسمع للعيال عشان بعدها عاوزه أعطي درس
هم بحماس : موافقين يلا وهنشاركك فيه
بهجه : من عيوني لا بينا
وقامت كل فتاه بأخذ بعض الأطفال حولها وهي تُساعدهم في القراءه بجانب التسميع لهم وتعطي كل واحده لكل طفل بنوبوني أو شيكولاته كهديه بعد الأنتهاء
بهجه : خلصتوا ؟
زهراء : لسه معايا واحده هخلصها وجايه أسبقوا علي الأوضه اللي بنعطي فيها الدروس
بهجه : ماشي خلصي وهاتيها وتعالي
زهراء : ماشي
كُلثوم : مث زهراء أنا مش عالفه أحفظ دي
زهراء بإبتسامه حنونه : مش أحنا بنات شطورة متخافيش هتقدري أنا عارفه أن كلثزم بنت شاطرة وهتقدر خمس دقايق وهسمعها لك هي سورة صغننه وأنا واثقه أن كلثوم هتقدر وتسمعها غشان أعطيها حاجه حلوه لو سمعتها ماشي يا قمر
كلثوم بطفوله : ماثي يا مث
زهراء بضحك من طريقه كلامها ربتت علي ضعرها الصغير : عيون المث
وبعد قليل
كلثوم : مث مث أنا هلاص حفظتها
زهراء : أنا قولت برده أن مش فيه أشطر من كلثوم سمعي يلا
كلثوم :......
زهراء : شطوورة يا كوكو خُدي شيكولاته أهي وتعالي يلا عشان نحضر الدرس بتاع المس بهجه
ودخلوا سوياً للقاعه التي تُعطي فيها بهجه أو أحد البنات أو مدام سناء بإعطاء دروس دينيه بها
بهجه : أقعدي يلا يا كلثوم جنب البنات وتعالي يا زهراء أقعدي جنبي هنعطي الدرس أحنا الأربعه عشان مدام سناء خرجت عشان طلب وجايه
زهراء : ماشي علي بركه الله
وخلست الفتيات سوياً علي شئ أشبه بالمدرجات ولكن صغيره وجلست بهجه والفتيات كل واحده علي كُرسي وبدأت كلامها
بهجه :هبدأ أنا واللي عاوزه تضيف تقول معايا أوك ؟
الفتيات بحماس :أوك
بهجه : السلام عليكم يا بنوتات أولاً
الفتيات بصوت واحد :وعليكم السلام ورحمه الله وبركاته
أبتسمت لهم بهجه وبدأت تقول : بسم الله الرحمن الرحيم والحمد لله رب العالمين والصلاه والسلام علي أشرف المرسلين وخاتم النبيين ورحمه الله للعالمين سيدنا محمد وعلي آله وصحبه أجمعين وبعد زي ما أحنا عارفين هنتكلم أنهردا عن درس جديد زي ما أتعودنا ٣أيام ف الأسبوع يعني ٣دروس ف الأسبوع وهكون أنا اللي هقول الدرس المره دي واللي عندها إضافه لكلامي أو سؤال تتفضل تقول بس ترفع إيدها لأن من إحترام المتكلم أنك تنصت له وبالذات لو كبير عنك ومش توقفه إلا بطريقه محترمه ماشي يا عسولات
جميع الفتيات :ماشي يا مس
أبتسمت لهم بهجه بإشراق وبدأت تقول :هتكلم انهردا يا بنات يا قمرات عن الرسول وأنهردا الكلام عام وشامل عن الرسول صفاته أسمه معلومات عنه أحاديث له سنن كان بيعملها مواقف له هنتكلم عن كل دا وهيبقي فيه مشاركه من الكل هنا سواء المُعلمات أو البنوتات الصغننين ماشي يا حلوين وهبدأ أنا بأسم الرسول أولاً أسمه مُحمد أبن عبد الله بن عبد المطلب بن هاشم بن عبد مناف بن قُصي بن كِلاب بن مُره بن كعب إلي نسب سيدنا إسماعيل عليه السلام ثم إلي سيدنا أدم عليه وعلي الرسل أفضل الصلاه وأتم التسليم حد عارف زوجات الرسول مين
جويريه : ممكن أقول يا مس
بهجه بإبتسامه : أتفضلي يا جوجو
جويريه : أول واحده السيده خديجه ودي تزوجها وهو عنده ٢٥سنه وهي كانت ٤٠ ودي قبل البعثه
والباقي كانوا بعد البعثه وهم
سودة بنت زعمه
ميمونه بنت الحارث
عائشه بنت أبي بكر ودي الوحيده اللي تزوجها بِكر ( أي لم تتزوج من قبل )
وواحده منهم علي أسمي اللي هي جويريه بنت الحارث
وزينب بنت جحش وزينب بنت خزيمه
ورمله بنت أبي سفيان (أم حبيبه )
وصفيه بنت حيي
حفصه بنت عمر
وأخيراً هند بنت أبي أميه (أم سلمة)
وممكن نسهل علي نفسنا ونفتكر أول حرف من كل أسم في جمله
(خس \مع\جزر\صحه )
ودول كدا أسماء زوجات الرسول رضي الله عنهن جميعاً وفي واحده الرسول كان خطبها لكن لم يتزوجها أسمها أم شريك
بهجه بفرحه : أحسنتي يا حبيبتي صقفوا لها
وصفق لها الجميع ثم عادت بهجه تُكمل كلامها وتقول : ودلوقت عاوزه نقول نفكر بعض بأحاديث للرسول اللي عارفه واحد تقول
حفصه :
......................................................
في فيلا عائله السيوفي
ضحي : بابا ممكن تكلم صهيب يجي عاوزه أتكلم معاه
والدها : ماشي يا بنتي بس هو فيه حاجه في مشكله أو كدا
ضحي :لا يا بابا أتصل بيه بس عاوزه أتكلم معاه
والدها :ماشي يا بنتي هكلمه
وبعد حوالي نصف ساعه
يدخل صهيب من باب الفيلا ويقول :السلام عليكم يا عمي
والد ضحي بترحيب وإبتسامه : وعليكم السلام ورحمه الله وبركاته يبني عامل إيه ووالدك ووالدتك وأخواتك عاملين إيه
صهيب بإبتسامه :كلو تمام الحمد لله كلهم كويسين
ثم أردف بتساؤل كنت عاوزني ف إيه يا عمي في حاجه أقدر أخدمك فيها
والد ضحي : لا يبني مش أنا اللي عاوز دا ضحي عاوزه تتكلم معاك شويه
أتفضل أقعد ع أما أنادي لها
صهيب بإيماءه : متشي يا عمي وجلس صهيب بإنتظار ضحي
وبعد بعض الوقت خرجت ضحي ترتدي فستان أصفر مزرقش بالأبيض بنصف كم وتركت لشعرها العنان 
صهيب عندما وجدها تخرج هكذا قال في نفسه : الله يخرب بيت كدا بقي الواحد ماسك روحه بالعافيه
ثم حمحم بهدوء وقال وهو يحاول التحكم في نفسه : ضحي قبل ما تقعدي روحي غيري اللي أنت لابساه دا وألبسي خمار أو طرحه طويله وفستان بأكمام طويله
ضحي بإستغراب : بس مفيش حد غريب أنت خطيبي وعادي ألبس كدا ما في بنات كتير بيلبسوا كدا قدام خطيبهم عادي
تنفس صهيب بهدوء وهو مازال يغض بصره عنها : روحي غيري وتعالي نتكلم بس روحي غيري الأول
ضحي بمضض : طيب
وذهبت للداخل وخرجت بعد قليل ترتدي عباءه رمادي مزركشه بورود بنفسجيه وأرتدت عليهم طرحه طويله لونها أبيض بنقط بنفسجيه
ضحي : كدا حلو
صهيب بإعجاب : قمر ثم تدارك قوله بعد أن لاحظه كما لاحظ الدهشه علي وجهه ضحي فأستغفر ربه بسره وقال : أه كدا تمام أقعدي بقي عاوز أفهمك الموضوع مش أنتِ عاوزه تعرفي ليه رفضت تقعدي كدا
ضحي بفضول : أه ليه
أبتسم لها صهيب وقال : لأن حرام أنا لسه مش محرم ليكي أنا زي زي الغريب دلوقت لازم تبقي مغطيه جسمك كلوا وشعرك ومش مسموح لي أشوفك كدا غير بعد كتب الكتاب وبمناسبه كتب الكتاب أحنا مخطوبين بقالنا حوالي ٣شهور أهوا موافقة نكتب الكتاب ؟
ضحي :بس أنا لسه مقولتش اللي عاوزاك فيه
صهيب :ممكن نأجله لبعد كتب الكتاب علي طول لأن أظن أعرف إيه هو اللي عاوزه تقوليه بعد كتب الكتاب علي طول هنتكلم براحتنا ماشي ؟
شعرت ضحي بالحيره ومر بعض الوقت وهي صامته إلا أن قالت له :أعطيني مهله يومين وهبعت لك ردي مع بابا
صهيب بإبتسامه :ماشي عن إذنك السلام عليكم
ضحي :وعليكم السلام ورحمه الله وبركاته
وبعد أن رحل صهيب نظرت ضحي للفراغ بشرود ثم جاءت لها فكره فصعدت لغرفتها وقررت فعل شئ ما
فما هو يا تري ؟
..............................