رواية مشاعر صادقة

الفصل الثاني عشر (الجزء الاول)

       أرسلت بهجه لفرح رساله تقول فيها:روحتي ؟
لم ترد فرح علي الرساله فعلمت بهجه أنها لم تصل بعد فجاءت لها فكره فقامت بتحميل برنامج صراحه ثم نشرته علي صفحتها "بائعه البهجه" وكتبت عليها
"دا لينك الصراحه بتاعي اللي عندها مشكله وعاوزه تقولها تكتبها هنا اللي عاوزه تفضفض تكتب هنا اللي عاوزه تعرف حاجه عن موضوع تقول وانا هنشر كل الرسايل اللي تيجي وهكتب فوقها الحل
من الاخر اللي حاباه يا قمر أكتبيه
دمتم بخير أحبتي "
وبعد أن نشرت المنشور وصلتها رساله من فرح تقول : اه وصلت معلش كنت بصلي
بهجه :ولا يهمك يا حبيبتي المهم أنك وصلتي بخير
" أحترام الخصوصيات ومعرفه أن كل منَّا مُعَرَض للتأخر في الرد لسبب خاص به ليس من الضروري معرفته شئ جميل فحاول أن تلتمس العذر لغيرك "
ثم أكملت بهجه : فرحانه لك أوي ربنا أستجاب لدعائك وبإذن الله ربنا يكمل لكوا ع خير ياارب يااه فرحانه جدا أنك هتيجي بقي تعيشي معايا هنا
فرح :حيلك حيلك أحنا لسه متخطبناش وكمان ما انتي كمان هتتجوزي وهتيجي هنا ثم أكملت بضحك أحنا بدلنا الادوار انا هاجي عندك وانتي هتيجي عندك ومظنش هيحسوا بفرق أصل البهجه والفرح الاتنين ليهم نفس المعني
ضحكت بهجه علي كلامها ولكن شعرت بحزن بداخلها
فرح وقد تذكرت شيء وقالت بقلق :انتي كويسه كنت حاسه أنك بهتانه كدا واحنا مروحين حد زعلك أخويا ضايقك ف حاجه قولي بس وانا هتصرف معاه
ضحكت بهجه وردت عليها بدفئ :لا يا حبيبتي انا كويسه والدكتور ياسين معملش حاجه بالعكس كان كويس ومحترم
فرح :ايوا بقي الله يسهل له انا هبقي فرحانه أوي لما تبقي مرات أخويا حقيقي انا لو دورت لأخويا ع حد مش هلاقس أحسن منك
بهجه :تسلمي يا حبيبتي دا من ذوقك انا هقفل ألوقت عشان بعمل حاجه محتاجه حاجه
فرح :لا يا حبيبتي تسلمي ف رعايه الله
بهجه بعد أن تنهدت بفرحه لحصولها علي صديقه وزوجه لأخيها مثل فرح ولكن شعرت بحزن داخلي بداخلها كلما تتذكر موضوعها ثم نفضت التفكير في ذلك الموضوع الان ثم أنتبهت للكثير من الرسائل التي وصلتها علي برنامج صراحه الخاص بها وفتحت أول رساله التي تقول "انا بنت بشرتها سمرا أتعرضت لتنمر كتير جدا من أصحابي وعيلتي وكدا وحقيقي كرهت نفسي بسببه ولدرجه أن كنت بفكر أنتحر بس مش حابه أخسر أخرتي وتعبت جدا من كلامهم وبقيت بكره نفسي اوي ممكن تقولي لي حل أغير من نفسي أزاي "
حزنت بهجه بشده لما وصل إليه بعض الناس بسبب ظاهره "التنمر" فقامت بأخذ أسكرين للرساله ونشرتها علي صفحتها وكتبت
" هتكلم ألوقتي ع ظاهره التنمر عموما
التنمر في حالات له كتير
كتكلم عن التنمر ع الشكل
في تنمر ع التخينه والرفيعه و اللي عندها بهاق واللي عندها حروق وسمراء البشره وحالات تانيه
بس كلامي هيخص دول بالذات
بصي يا قمر ربنا قال في كتابه العزيز
"ولقد خلقنا الانسان في أحسن تقويم "
مين قال
ربنا ربنا اللي قال ربنا قال أنه خلقنا ف أحسن صوره فهل يتري هتسمعي كلام مين ربنا ولا الناس
أعرفي حاجه
انتِ جميله مش بهزر او مجامله انتِ فعلاً جميله جميله جدا جميله في عيون اللي بيحبوكي في عيون اللي عارفين أن مهما كان الانسان شكله فهو جميل انتِ خلقه ربنا اللي مفيش بشري قدر يخلق دبانه جاي يتكلم ويقول عليكي وحشه الانسان الوحش بس الوحش قلبه الجميل جميل بأخلاقه وبروحه وبتعامله الجمال عمره ما كان بالشكل واللي بشرتهم سمرا أحب أقول لك " اللبن مش كل الناس بتحبه لكن مفيش حد مش بيحب الشيكولاته وانتوا شيكولاته الكوكب "
واي بشره جميله وليها ميزه خاصه
انت جميل زي ما انت
متهتمش لكلام الناس الناس دول مش كاملين وأعرف أن أهم حاجه قلبك يبقي أبيض مش بشرتك
أهم حاجه خليك جميل قدام نفسك قول لنفسك أنك جميل بقلبك ولو أجتمع أهل الارض علي غير ذلك لا تهتم لكلامهم
الناس في جميع الاحوال بتتكلم
تخينه يتكلموا رفيعه يتكلموا فمتهتمش لكلام حد ويوم ما تقرر تغير من نفسك غير عشانك انت مش عشان حد لو أهتميت بكلام الناس عمرك ما هتستريح ولا هتحس برضا عن نفسك
اللي عندهم بهاق أعرفوا أنكوا الحاجه المميزه اللي في البشر أياك تزعل من شكلك  انت جميل جداا واللي بيعترضوا ع شكلك دول مش كاملين كلنا فينا عيوب
انت جميل زي ما انت
لا تهتم لكلام الناس
تحياتي"
ونشرت بهجه الرساله وقد حازت علي العديد من الاعجابات
ثم فتحت بهجه البرنامج مره أخري ووجدت فيها رساله بعنوان " انا أتغيرت بقيت بسيب فروض ولبسي مش حلو وعملت ذنوب كتير وخايفه
خايفه ربنا مش يسامحني ويرضي عني ويقبلني قولي لي أعمل اي عاوزه أرجع له من جديد عاوزه أتوب واتغير "
نشرت بهجه رسالتها بعد أن تأثرت وشعرت بالحزن عليها لكن أستجمعت بهجه شجاعتها ووأستعانت بالله ثم بدأت تكتب فوقها " أولاً تعرفي اي أشد الذنوب أنك تقولي ربنا مش هيسامحني ربنا يا حبيبتي كريم اويي وبيغفر وبيسامح وبيتوب علي عبده بس اللي بيبقي فعلاً عاوز يتوب فأنتِ أستغفري ربنا كدا وأنوي نيه أنك تتوبي عن أي ذنب مضي وتبدأي من جديد
فأول حاجه تعمليها أنك تصلي ركعتين توبه عن اي ذنب أنتِ عملتيه قبل كدا وتدعي ربنا أوي عارفه لما تبقي طفل صغير بيطلب من والدته تجيب له لعبه ويعيط ويترجاها
أعملي انتِ كدا كوني لحوحه وأدعي ربنا وانتِ ندمانه عن كل اللي فات وأدعيه بخشوع وقولي يارب نفسي أتغير يارب رجعت لك وانا كلي عشم أنك هتساعدني وهتهديني
وبعد كدا توكلي علي الله وأبدأي أعملي الحاجات دي
أولاً صلاتك
٥فروض
مش ٤
الفجر فرض ولازم تأدِّيه ف وقته
والسنن
٤قبل الضهر واتنين بعده
والعصر مش ليه سنن
أتنين بعد المغرب واتنين بعد العشاء
دول خليهم أهم ما في يومك
صلاتك اللي فيما معني حديث للرسول أن الفرق بين المؤمن والكافر الصلاه
الصلاه دي عمود الاسلام يعني اللي مهما أتكلمت مش هعطيها حقها
بس هقول لك مثال يساعدك تصلي ع طول
هسألك سؤال لما والدتك \صاحبتك |والدك أو أي حد بينادي عليكي بتعملي اي
بتردي ع طول صح
مبالك بقي بملك الملوك بينادي بربنا اللي معطي ليكي نعم لا تعد ولا تحصي بينادي وبيقول تعالي تعالي بكل حالاتك هستقبلك وهخفف عنك ربنا بينادي مش اي حد ليه نتأخر ف الرد عليه
تاني حاجه القرءان
مصحفك دا رفيقك وهو خير الرفقاء من رافقه ف الدنيا كان مؤنسه في قبره
المصحف دا أعتبريه شئ اساسي ف يومك مفيش يوم يعدي عليكي غير وانت بتمسكيه
اتعاملي معاه أنه صاحبك ومفيش صاحب بيسيب صاحبه ولا اي
وكمان من ترك المصحف لثلاثه أيام غضبت عليه الملائكه
آياته بتطبطب علي قلبك وبتداويه وبيساعدك ف حاجات كتير لان فيه أحكام وقصص فيها مواعظ كتير لمن يتدبر القرءان سيجد حلاوته
وكتير من الحاجات التانيه زي أذكارك أذكار الصباح وتُقرأ بعد الفجر والمساء بعد العصر وممكن تحفظي قرءان عن طريقه درس قرءان او ف البيت تخلي حد يسمع لك
والصحبه الصالحه من أهم عناصر الالتزام دي اللي بتاخد بإيدك لو وقعتي وإياكي وصحبه السوء لانها قادره توقعك من ملتزمه لمش بتصلي فركزي جامد مع صحبتك وأختاري الصالح منها وأمشي معاه لو عاوزه صحبه صالحه انا موجوده وأعرف بنات كمان أختاري الصحبه اللي تقربك من ربنا لان دي اللي بتحبك بجد
بكره هكمل كلامي بإذن الله  هكمل باقي الرسائل
لاتنسونا من دعائكم
دمتم بخير "
نشرت بهجه الرساله ثم قامت بفتح صفحتها وكتبت فيها
"

اللى مكتوب بإسمك يستحيل يبقى بتاع شخص غيرك .. واللى مش مكتوب لك نصيب فيه .. والله لو عملت المستحيل ما هاتقدر تطول الوصول إليه. يمكن الحاجة الوحيدة اللى يجوز تغير فـ القدر الدعاء ده بعد اجتهادك وحسن الظن بالله تجاه اللى نفسك وتجاه كل شيء عامةً، الأمر الناهي الوحيد فى تخليص أمورك هو "ربنا" مش أى حد تاني. وكل اللى مطلوب منك تشتغل، تتعب، تدعي وتقول يارب ، ثم التوفيق من عنده وبس .. وكلام الناس مش مهم فى حاجة ما دمت راضي ربّ الناس."
ثم نشرتها وكتبت منشوراً أخر مضمونه
"جميلتي..

فليكُن رداءك فضفاضًا، ووجهك خالي من أي زينة، افتخري بطبيعتك الجميلة، فالله جميل وما خلق فينا إلا كُل جميل..

تمسَّكي بحجابك ولا تستمعي لصوت الفتنة، كوني فريدة بذاتك، فكلهنَّ مُتشابهات..

اعلمي أن صبرك علىٰ طاعة الله له أجر عظيم.. فهلا تركتي لهم زينة الدُنيا لينعم عليك الله بزينة الجنة!

تدللي وارضي أنوثتك وحبك الفطري للتزين، ولكن لا تنسي أن لهذا حدود، فلا يحق لغير محارمك الإطِّلاع على كل هذا الجمال، أنتِ غالية عند الله يا عزيزتي، ولذلك كان الحجاب لك حصنًا منيعًا من كل طامع، فكل لؤلؤة مكنونة وجب أن تُصان.💛
_لقائلته."
ثم أغلقت حسابها وضبطت المنبه علي الساعه الثانيه بعد منتصف الليل لتقوم وتصلي قيام الليل ثم أراحت جسدها علي السرير وتذكرت اليوم وكم كان طويلاً وقد أستمتعت كثيراً وفرحت به بشده وعندما تتذكر حديث ياسين تبتسم ولكن سرعان ما تذكرت شيئاً جعل الحزن يرتسم علي ملامحها ثم نفضت التفكير بالامر الان لكي تستطيع النوم جيداً فقد أصبحت الساعه العاشره مساءاً وتريد النوم قليلاً قبل أن تقوم لصلاه القيام  وقرأت أذكار النوم وبعد فتره قصيره ذهبت في نوم عميق
فماذا يا تري السبب الذي جعل بهجه تحزن هكذا
أسفه معرفتش أنشر الفصل كامل
صلوا علي الحبيب
جمعه مباركه
لا تنسوا قراءه سوره الكهف
دمتم بخير