" လရောင်ခြွေ " [[ COMPLETED ]]✔

ရှစ်ဇွမ်းပိစိလေး (၂၆)___

# Unicode #

[[ ရှစ်ဇွမ်းပိစိလေး ]] အခန်း (၂၆)
_______________________________

" သားခယ့် နေရထိုင်ရတာ အဆင်ပြေရဲ့လား..? "

ထျန်ခယ့် က တောက်ပစွာ ပြုံးလိုက်ပြီး..

"ဟုတ်ကဲ့ နေပြန်ကောင်းသလောက် ရှိနေပါပြီ "

"သားလည်း နေကောင်းနေပြီဆိုတော့ အဖေလည်း နန်းတော်ထဲ အခစား ဝင်လိုက်ဦးမယ် ဪ ဒါနဲ့ မင်းကြီးတောင် ဟိုတစ်လောတုန်းက အိမ်တော်ကို လာသွားသေးတယ်.. "

ထျန်ခယ့် မျက်ဝန်းအစုံက တစ်လက်လက် တောက်ပသွားခဲ့ပြီး ခိ ခနဲရယ်သည်..။ ပြီးနောက် ဖခင်အား ပြုံးစစနဲ့လိုက်ကြည့်ကာ..

" အချစ်ကို ပြိုင်လုရတာ ပျော်ဖို့ကောင်းလားအဖေ "

" သားခယ့် က ဘယ်လိုထင်လို့လဲ..? "

"အမေ က အဖေ့ ကို ချစ်ခဲ့ဖူးသလား..? "

" ဘိုးဘွားခန်းထဲမှာ မင်းအမေရဲ့ အမှတ်တရ ကျောက်တိုင်ရှိတယ် သွားမေးကြည့်ချေ.."

" အဖေကလည်း..ကျွန်တော်က ဒီအတိုင်းပဲ သိချင်တာကို "

ထျန်မင်း မျက်နှာက အနည်းငယ်မှုန်မှိုင်းသွားသော်လည်း အသက်အရွယ်ကြောင့်ထင်သည် နာကျင်မှုကို လှစ်လပ်၍ မပြတော့..။ ထိုအချိန်က စန်းရှင်းသည် အိမ်ရှေ့စံမင်းသား ဖြစ်နေပြီဖြစ်ကာ မိမိသည်ကား ထိုသူရဲ့အယုံကြည်ရဆုံး အငယ်ဆုံး အမတ်ဖြစ်သည်..။ ငယ်သူငယ်ချင်းဟူသော သံယောဇဥ်ကြိုးကြောင့်လည်း ပါမှာပေါ့..။

သူငယ်ချင်းနှစ်ယောက်နဲ့ ဆင်းရဲသောလယ်သူမလေး ဇာတ်လမ်းသည် ပုံပြင်ဆန်​ေနသော်လည်း တကယ့် ဖြစ်ရပ်မှန်ပင် မဟုတ်လား..?

ထောင်ဟွာ...သူမဟာ နာမည်နဲ့လိုက်ဖက်အောင်ပင် မက်မွန်ပန်းလေး တစ်ပွင့်လို လှပလွန်းသည်..။ နိမ့်ကျသောမျိုးရိုးနှင့် တော်ဝင်သွေးပေါင်းစပ်ဖို့ဆိုတာ ဘယ်နည်းနဲ့မှ မဖြစ်နိုင်ပေ..။ အနောက်နန်းဆောင် ဆိုတဲ့ ရှုပ်ထွေးပွေလီတဲ့ နန်းတွင်းမှာ မိဖုရားခေါင်းကြီး မဟုတ်ရင်တောင် ကျန်တဲ့သူတွေမှာ သင့်တင့်သော ကျောထောက် နောက်ခံရှိရမည်..။ သူချစ်သော မိန်းမတစ်ယောက်ကို အချစ်တစ်ခုအတွက် ဆူးပင်တွေကြားမှာ ရှင်သန်ခိုင်းရတာထက် စွန့်လွှတ်ခြင်းနဲ့သာ လီစန်းရှင်း က အဆုံးသတ်ခဲ့သည်..။