" လရောင်ခြွေ " [[ COMPLETED ]]✔

ရှစ်ဇွမ်းပိစိလေး (၁၂)__

## UNICODE ##

[[ရှစ်ဇွမ်းပိစိလေး]] အခန်း(၁၂)
______________________________

" မရဘူးကျွန်တော် ဒီနေ့တောင်အောက်ဆင်းမှ ကိုဖြစ်မှာ "

အဲ့လိုကလန်ကဆန် ပြောနေသူက ထျန်ကျန့်ကလွဲပြီး ဘယ်သူရှိဦးမှာလဲ..? ရိပေါ်မှာ ထိုကောင်လေးအား မျက်မှောင်ကြုတ်၍ ကြည့်လိုက်ပြီး..

"မင်းက တောင်အောက်ဆင်းပြီး ဘာလုပ်မှာလဲ..?

" ေမှာင်ခိုစျေးမှာ ပစ္စည်းနည်းနည်းရောင်းပြီး ဝယ်စရာရှိတာ သွားဝယ်မလို့.."

"ဘာပစ္စည်းတွေမို့လို့လဲ..? ငါ့ဆီမှာရောင်းလိုက် "

"အဲ.."

မထင်မှတ်သော စကားကြောင့် ထျန်ကျန့်မျက်ခုံးအစုံဟာ အပေါ်သို့ ပင့်တတ်သွားခဲ့ပြီး ဘဘအလှလေးအား မသိမသာ စိုက်ကြည့်မိသွားတယ်..။ အကြမ်းဖျင်း မှတ်ချက်ချရင်တောင် ဒီတောင်သခင်ဆိုတဲ့သူက သိပ်ကိုလှသည်..။ အာ..သူလှတာ ငါနဲ့ဘာဆိုင်လို့လဲ..? ကျစ်! ခေါင်းထဲက ထုတ်လိုက်စမ်းပါ..။

" ပြောလေ ဘာပစ္စည်းတွေ မို့လို့လဲ..? "

ထျန်ကျန့်က ထိုသို့စျေးကိုင်၏..။

" တကယ်ဝယ်မှပြမယ် ကျွန်တော့်ပစ္စည်းက ကြေးကြီးတယ် "

" ဝယ်မယ်ကွာ ဒီနေ့ မင်းတောင်အောက်မဆင်းရင် ရပြီ "

ရိပေါ် က ပြီးပြီးရော ခေါင်းညိမ့်လိုက်သည်..။ ဒီနေ့ အရင်ဂိုဏ်းချုပ်ဟောင်းနှင့် လက်ထောက် အကြီးအကဲတို့က ခွမ်းဟွာတောင်ကို လာမယ်လို့ ချူးကောဆီက အသံမန္တန်တစ်ခု ရထားတယ်လေ..။ ဒါ့ကြောင့် ဒီငမွှေထိုးကို တောင်အောက်ဆင်းပြီး အလေမလိုက်အောင် နားချနေရခြင်း..။

ထျန်ကျန့် က ရှုံ့အိတ်ထဲက ပစ္စည်းများကို ေမွှနှောက် ရှာဖွေနေပြီး အတော်ကြာမှ ပစ္စည်းနှစ်ခုကို ထုတ်ပြလာသည်..။ ပထမတစ်ခုကိုကြည့်ပြီး ရိပေါ့်နှာခေါင်းရှုံ့မိသွားတယ်..။ သို့ပေမဲ့ ထျန်ကျန့်ကတော့ ဘဝင်မြင့်နေပုံနှင့်..