أحببت طريدتي قبل التعديل (مكتملة)

مناقشه هااامه

هاااى يا بنات ازيكم

انا انهارده عايزه اتكلم معاكم فى روايه

#احببت_طريدتى
#ترويض_الفهد

انا عارفه انها روايه قديمه شويه بس لحد دلوقتى بتيجى تعليقات على ابطالها و احداثها

حابه اتكلم فى اشخاص الروايه و هبدأ بالملك طبعا😍

#فارس_الفهد

البرنس بتاع الروايه طيب الايجابيات و السلبيات فى شخصيته

من وجهه نظرى ككاتبه و اللى حبيت اوضحها شايفه انه اكتر واحد مظلوم و برئ فى الروايه مهما كنتو شايفينه قاسى و معدوم الاحساس

ليه؟
لانه شاف طفوله زى الزفت من استغلال اعمامه لابوه و طمعهم فيه لخيانه امه و عمه لمشاهد مقززه شافها و سمعها منهم فى وجوده بدون مراعاه لطفولته البريئه و بعدها رميه فى مدرسه داخليه و عدم زياره امه ليه طول فتره دراسته و حتى فى الاجازه كان بيعيش مع عمه مراد و ده كان السبب الرئيسى فى الحاله اللى وصل ليها

و بالرغم من جبروته اللى الناس كانت شيفاه الا انه بيحب اخواته و امنلهم مستقبلهم مش كده و بس حتى لما منع اعمامه من بيع اسهمهم كان خوف على ولادهم  و راح يتعالج من نفسه مع ان مفيش حد من اللى حواليه حاول يقيم سلوكه عشان كده استخبى ورا قناع القسوه و الشده اللى مارسه على الكل و قدر بذكاءه انه يتخطى ازمته النفسيه او بمعنى ادق يخبيها لحد ما قابل ياسمين

نقف هنا وقفه للناس اللى قالت انه حبها عشان شكلها،  طيب معلش يعنى هى المجتمعات دى فى الحقيقه شكل البنات فيها عامل ازاى؟

كلهم زى القمر و اللى مش حلوه الفلوس بتخليها حلوه يعنى بمعنى ادق هو شاف كتير اوى حلوين زيها و احلى منها و كانو بالنسبه له ليله و تعدى و اكبر دليل على ده هى كارمه و اللى شاف صورتها اللى انا تخيلتها شاف انها حلوه جدا جدا
يعنى الخلاصه هو حب ياسمين لان قلبه دق لها و بس

#مازن_الفهد

عارفه ان جمهور محبى مازن كتير 😉 و يمكن يزعلو من التحليل ده

بس مازن يمكن يكون اسوء شخصيه فى رجاله عيله الفهد بالرغم من دمه الخفيف و ده لانه كان قدامه كل العوامل انه يطلع انسان كويس و سوى و لكنه اختار الطريق الغلط بدايه من اهله و تربيتهم ليه و اكبر دليل على حسن تربيتهم هو نموذج ساجد طبعا لكنه استغل فرصه وجود فارس فى حياته عشان يعمل كل الاخطاء دى

و اللى بياكد كلامى لو لاحظتم ان هو اللى كان دايما بيعزم فارس على السهرات المشبوهه مش العكس و طبعا حتى بعد ما اتعرف على نرمين محاولش ابدا يتغير عشانها حتى لو اقرينا انه اتشد ليها فهو محبهاش ابدا

نلس كتير سألتنى ليه جوزتيه لجنى مش لنرمين؟ لانى كنت شايفه ان نرمين انقى من انها تاخد انسان زيه باخلاقه دى و يكون هو اخد كل متع الدنيا و عاشها بالطول و العرض و فى الاخر ياخد واحده لا عمرها حبت و لا صاحبت و لكن كانت جتى الانسب ليه لانه وقعت ضحيه فخ و كان الصح انه هو اللى يشيل الشيله دى لوحده

#ياسمين_غزال

النموذج الحقيقى للبنت اليتيمه اللى الكل بيتحكم فيها و بالرغم من انها تقدر توفر لنفسها عيشه كويسه بشغلها الا انها مضطره تفضل عايشه مع اهلها

اينعم اهلها بيحبوها ما عدا مرات عمها طبعا لكن فى النهايه هم بيحبوها لما يتناسب مع مصلحتهم

شخصيتها قويه بالرغم من ضعفها مع اهلها،  ناجحه فى شغلها و ذكيه و لكن معندهاش خبره فى الحياه و ده وقعها فى اكتر من فخ بدايه من فخ فارس لها بعقد التوظيف و مرورا بفخ كارما اللى حول حياتها لجحيم و كمان فخ عاليا اللى كان ممكن تموت بسببه

لكن فى المجمل هى حبت فارس بعيوبه قبل مميزاته و ده اللى خلاها قبلت كل تصرفاته و سامحته

اتمنى اكون وضحت بعض الاجزاء اللى الناس مكانتش قادره تشوفها

اما الناس بقا اللى فهمت وجهه نظرى من الاول فدول ليهم شاااابوه طبعا 👏👏👏

#احببت_طريدتى
#ترويض_الفهد
متنسوش تقرو رواياتى
#لاجلك_نبض_قلبى
#اقتحمت_جنتى
#حب_ولكن
#ومن_الحب_ماقتل
#سجينتى_الحسناء

و قريبا مفاجأه من العيار التقيييل😉😉

الى اللقاء فى الروايه القادمه