أحببت طريدتي قبل التعديل (مكتملة)

الجزء الثانى 12

( سبوع😍) 
فى ڤيلا ساجد الفهد

يستيقظ من نومه على قبله رقيقه على صدغه فيقوم بفتح عينه بنعاس و يردد:صباح الخير يا حبيبتى

شيرين:صباح النور يا قلبى...يلا حتتاخر على الشغل عندك كبسه انهارده من فارس
ساجد بكسل:سبينى شويه بس

شيرين:انا حضرت الفطار قوم بقى بطل كسل
لتكمل بتزمر:انا كان مالى و مال الجواز بس يا ربى كنت عايشه ملكه زمانى و انام للظهر و اصحى الاقى الاكل جاهز...دلوقتى انا اللى بعمل كل حاجه

ساجد بحب:قلتلك اجيب حد يساعدك فى شغل البيت عملتى فيها لهلوبه
شيرين بدلال:طيب ما انا لهلوبه و لا عندك اعتراض؟

ساجد بغزل:لا طبعا.... بقولك ايه، ما تيجى
شيرين:اجى فين؟
ساجد:تعالى جنبى
شيرين بابتسامه:ما انا جنبك اهو
ساجد بخبث:لا قربى اكتر
شيرين بتزمر:ساجد انت مبتزهقش

ساجد ببرود:لا مبزهقش....ليه هو انتى بتزهقى منى؟
شيرين:اصل انت دماغك مفيهاش غير كده و بس
ساجد بمشاكسه:طيب عايزه دماغى يكون فيها ايه تانى و انا احطه

شيرين برفض مقنن:قوم بقى عشان متتاخرش على الشغل مش قلت ان فى اجتماع مجلس اداره بتحضره.....ولا عايز فارس يقول انك اتاخرت بسببى

ساجد بضيق:ماشى يا شيرى اى حجه و خلاص عشان تهربى الساعه لسه 7 على فكره
ليكمل و هو ينهض عن الفراش محدثا نفسه بتزمر: جواز مع ايقاف التنفيذ  ده انا فعلا زهقت
~~~~~~~~~~~~
فى مقر المجموعه العالميه

يصل فارس للشركه و التى تقف على قدم و ساق من اجل زيارته السنويه فيمر على مكتب المبيعات حيث يعمل ياسين

يدخل فارس لمكتب المبيعات ليردف دون مقدمات محدثا ياسين:تعالى ورايا عايزك

يومئ راسه باحترام و يقف ليتبع شخصه المهيب حتى يصلا لمكتب المدير التنفيذى و فور دخوله يقف ساجد احتراما و يردد بادب:نورت الشركه يا باشا
يجيب فارس باقتضاب و ايجاز:سيبنا لوحدنا يا ساجد

ايمائه خفيفه تبعتها خروجه دون التفوه باى كلمه....يجلس فارس على مقعد المدير بتباهى و هو واضع قدمه فوق الاخرى و ينظر لياسين باذدراء ثم يقطع صمته بعبارته المفاجئه لياسين

فارس متسائلا:موضوع جوازك من ياسمين اتفتح امتى بالظبط؟
ياسين بارتباك:نعم؟
فارس بحده:مش حعيد سؤالى

يبتلع ريقه بخوف و يردد ياسين مجيبا:من فتره كبيره....تقريبا من و هى هنا فى العالميه
فارس بغضب:يعنى مش من زمان ولا حاجه....زى الايام دى من سنتين بس

ياسين بتخوف:هو ايه بس اللى فتح الموضوع ده؟ دى حاجه وراحت لحالها
فارس بعصبيه مخيفه:ما انا لما اعرف ان الراجل اللى بعتبره اخو مراتى يطلع بيحبها و عايز يتجوزها فالمفروض انى اتعامل معاه ازاى؟