أحببت طريدتي قبل التعديل (مكتملة)

الجزء الثانى 8

( اختطاف 😱)

يا فاتنة تسبح بـِ أعماقي
خذيني اليكـِ
ضميني اليكـِ
كـ طفل يـــرتجي الحنان
أخبئي رأسي بين يديكـِ
أجمعيني وردآ و ياسمين
ضميني بين حنايا صدركـِ
وأقفلي علي بـ مفاتيحكـِ
ولا تخرجيني من عالمكـِ أبدآ
.......................................................................
فى ڤيلا فارس الفهد

مرت ايام الحمل الاولى على ياسمين بصعوبه بالغه فقد كانت تقريبا لا تاكل و اذا نزل جوفها اى طعام سرعان ما تلفظه خارجها و كان حالها غير مرضى لفارس الذى اهمل قليلا اعماله لمحاولته التواجد بجانبها و مرابطته لها فى كل زياراتها للطبيبه المنوطه بمتابعه حملها

فى صباح كل يوم جديد اصبح يفيق فارس من نومته على اصوات التعب و الالم التى تاتى من مرحاض جناحهما ليهز راسه بالم على محبوبته

يدلف للمرحاض و يقترب من تلك الجاثيه على الارض ليبوبخها قليلا
فارس:متطاوعيش نفسك اوى كده، انتى اصلا مفيش اكل فى معدتك
ياسمين بتعب و وجهها يتصبب عرقا:مش قادره تعبانه اوى
فارس بتخاذل:مش حقدر اقعد من الشغل انهارده عندى كذا مييتنج و الشغل كله فوق دماغ مازن خصوصا ان مفيش حد يشيل شغلك
ياسمين باستسلام:روح شغلك و انا مش لوحدى چنى و داده معايا و حتصل بنرمو تيجيلى 
فارس بتزمر:و ساجد بيه شهر عسله مش عايز يخلص
تبتسم ياسمين و هى تغسل وجهها:معلش يا حبيبى عريس بقى و ما صدق
فارس بسخريه:دى شيرين طلعت عينه
ياسمين بحب و هى تحتضنه من رقبته:عشان تعرف بس انى مش لوحدى
فارس بتدليل:يا روح قلبى انتى مفيش زيك.... سيبك انتى من الشويه اللى عملتيهم عليا اول الجواز، لكن اول ما دخلنا فى الجد بقيتى محترفه
تضربه ياسمين بكتفه مردده بعبث: احترم نفسك
فارس باشتياق:وحشتينى اوى اوى....هى الدكتوره دى حتفرج عننا امتى بس؟
ياسمين بدلال:ابقى اسالها الزياره الجايه

بعد خروج فارس للعمل تتلقى ياسمين اتصال من ساندى و تجدها تبكى بشده
ياسمين بخضه:طيب انتى بتعيطى ليه؟قلقتينى يا بنتى
ساندى:تعالى قابلينى انا محتاجاكى اوى
ياسمين:طيب انا حبعت العربيه تجيب نرمين و حخليها تعدى عليكى تجيبك
ساندى:انا عيزاكى لوحدنا و مش حقدر اجيلك انا فى الشغل و عايزه اقابلك فى البريك
ياسمين: طيب انا حشوف فارس حيوافق و لا لأ بس لو موافقش تعالى انتى

تتصل بفارس الذى يجيب بلهفه:الو..... فيكى حاجه؟
ياسمين بهدوء:مالك قلقت ليه كده؟
فارس:عشان انا لسه خارج من البيت من شويه
ياسمين بتوسل:لا يا حبيبى انا بس عايزه استاذنك انى اخرج
فارس بضيق:تروحى فين؟
ياسمين:حقابل ساندى
فارس بضيق:ساندى مين؟

ياسمين بفروغ صبر:ساندى خطيبه ياسين يا فارس انت فقدت الذاكره و لا ايه؟ و قبل ما ترفض قلتلها تيجى البيت و قالت مينفعش عشان الشغل
فارس بايجاز:لا.... عايزه تيجى انا سامح لها باجازه غير كده مفيش خروج
ياسمين يتزمر طفولى:يا فارس انا زهقت من البيت و انت مش بتخرجنى بقالك كتير....يا اما زيارات عائليه يا الدكتوره
فارس بضيق:ياسمين...بلاش طريقه العيال دى و انتى عارفه انى مش بغير كلامى
ياسمين:ما انا حخرج مع الحرس
فارس بضجر:برده لا...لانك لو تعبتى فى الطريق الحراسه مش حتعملك حاجه