أحببت طريدتي قبل التعديل (مكتملة)

الجزء الثانى 21

( مشاعر ❤)
فى ڤيلا فارس الفهد

يخبر الحرس المرابط على البوابه الرئيسيه بقدوم ضيوف لزياره ياسمين و التى بدءت فى تجهييز استقبالهم استقبال حافل من المأكولات و المشروبات و المسليات

تدلف كل من بيرى و عاليا و چنى ليتبعهم بعد قليل نرمين و شيرين و يجلسن جميعا يمرحن و يتحدثن بامور زواج نرمين المقبل

نرمين:المهم بما اننا عاملين Girls day تيجو كل شهر نتجمع...تبقى عاده لينا
شيرين:يا ريت و الله
لتنحنى على ياسمين و تهمس قائله:بس من غير عاليا دى
ياسمين بهمس محذره:انا مش فهمتكم الدكتور قال ايه..اتلمى بقى

عاليا بتوتر:يااسمين...هو انا ممكن اشيل جاسر شويه
ياسمين بترحيب:يا ستى شيليه على طول ده مجننى و من ساعه ما بدء يحبى و هو كل يوم يكسر حاجه و بقى شبه فرقع لوز

يضحك الجميع فتدخل عليهن فريده و تردد باقتضاب:ما تضحكونا معاكم
چنى برقه:ابدا يا مامى بنضحك على جاسر
ينقشع وجهها بحمره غاضبه و تردد بضيق:ليكو نفس تضحكو و مدحت فى السجن؟
چنى بمهادنه:ربنا حيقف معاه يا مامى ان شاء الله

تزفر فى ضيق و تنظر لياسمين بحقد و تردد باهانه:مشفناش يوم عدل من ساعه ما دخلتى حياتنا...ربنا يبعدك عننا
تتضايق ياسمين فهى دائما ما تهينها و بالاخص فى وجود ضيوف فتربت بيرى على كتفها و تردد بضيق:معلش يا ياسمين

تهز راسها بحزن و لا تجيب فتنظر نرمين لها و تردد بعصبيه:انتى بتسكتلها ليه؟......كل ما حتسكتى هى حتزيد على فكره
ياسمين باستسلام:مقدرش ارد عليها دى ام فارس و لو فارس ممكن يسمح بده فهى برده ام چنى و ساهر اللى بعتبرهم اخواتى
چنى بحزن:معلش يا سو هى نفسيا مش مظبوطه و الله

تجلس عاليا تداعب الصغير جاسر لتنسى معه الوقت حتى يحضر فارس من العمل فيجد تجمع الفتيات فيردد بمرح:ايه التجمع الجميل ده؟
ياسمين بحب:ايه رايك؟و الله يوم كان جميل و يا ريت يتكرر
چنى:و اتفقنا كلنا نلبس نفس الفستان فى فرح نرمين

يهز راسه بالموافقه و ينظر لتلك الجالسه على الارض بين الالعاب تداعب الصغير فيهمس فى اذن زوجته متسائلا:عاليا عامله ايه معاكم؟
ياسمين ببسمه:زى الفل
فارس بتنهيده ارتياح:الحمد لله ربنا يتمم شفاها على خير

يستاذن الجميع بالانصراف بعد تناول العشاء و عند توديعهن تنحنى چنى على اذن اخيها و تردد:خلى بالك مامى مزوداها اوى مع ياسمين
فارس:عارف...انا حتصرف

يصعد فارس لغرفه فريده و يطرق الباب طرقه خفيفه و يدلف ليحدثها بصرامه:مش معنى انى مقعدك معايا هنا يا فريده هانم تفتكرى انى ممكن اسيبك تهينى مراتى و اسكت
فريده بتذمر:لحقت تشتكيلك؟
فارس:مش محتاج اقولك انها مش بتحكى و لا تشتكى انتى معانا بقالك شهر و زياده و اكيد عرفتى انها كتومه انا عارف كل اللى بتعمليه و ساكت بمزاجى بس للصبر حدود