( لقاء تلفزيونى 💟)
فى احدى العيادات النسائيه
يجلس فارس و تجلس زوجته الى جواره وسط غرفه الانتظار و الى جوارهم بعض المشاهير من الاوساط الفنيه فتنظر لها ياسمين و تحدث فارس بهمس:مش دى الممثله اللى عملت الفيلم اللى دخلناه سوا فى السينما؟
فارس بلامبالاه:مش عارف
ياسمين بتاكيد:بص كده...هى انا متاكده بس مش فاكره اسمها
فارس بغزل:يا حبيبتى انا مكنتش مركز فى الفيلم....انا كنت مركز مع مزه جامده اوى كانت قاعده جنبى
ياسمين بتساؤل:مين دى؟ اذا كنت حاجز السينما كلها برايفت مكانش فى غيرنا و الحرس
فارس بمزاح:يبقى بذكاءك كده اقصد مين؟
ياسمين بطفوله:اناا......هو انت لسه شايفنى حلوه حتى بعد ما تخنت و بقيت بكرش
فارس بتدليل:ده انتى بقيتى احلى من الاول و انتى كيرڤى كده
تقترب الممثله منهما و تتحدث بلباقه:بشبه عليكم من بعيد بس بصراحه كلامكم مع بعض شدنى
ياسمين بحيره:احنا صوتنا كان عالى؟
الممثله:لا ابدا...بس غزله فيكى يجنن ربنا يخليكم لبعض.....مش حضرتك فارس الفهد برده؟
فارس بثقه:ايوه....و حضرتك.....؟
الممثله:منال رشوان
فارس متصنعا التذكر:ايوه افتكرت....تشرفنا
منال:و انا اكتر....انا ممكن اعمل معاكم برنامج..انتو كل ما خبر ينزل عنكم بصراحه بيكون ترند و وجودكم فى البرنامج بتاعى حينجحه
فارس:هو انتى ممثله و لا مذيعه
منال:الاتنين....عندى برنامج اسمه سهره مع منال على الهوا كل خميس و بجد حتشرف بيكم جدا
فارس بتصميم:بس انا مليش فى الظهور الاعلامى و اكيد انتى عارفه ده
منال:طيب ايه رايك لو نخلى الحلقه مسجله و نمنتچ اى حاجه حضرتك مش حاببها....او نصور فى البيت عندكم مش الاستوديو و من غير جمهور و ممكن كمان اخلى الاعداد يوريكم الفقرات قبل ما تتصور و تحذف منها اللى مش عايزه و تراجع كمان على الاسئله و السؤال اللى مش عايزه يتشال
فارس بثقه:انا لو وافقت على المبدأ مش حيكون عندى اى مشاكل لا فى الاسئله و لا فى الفقرات....انا مش بحب النوعيه دى اصلا
ياسمين برجاء:و فيها ايه يا حبيبى...منه تغيير و منه اعلانات و ظهورك بيعلى اسهم الشركه جدا و اكيد لاحظت ده فى المؤتمر الصحفى
فارس بحب:يعنى انتى موافقه؟
ياسمين بحذر:بعد موافقتك طبعا
فارس بقوه:طيب ادينى وقتى...اراجع الموضوع فى دماغى و ابلغك برايى
منال:و ده رقمى ارجوك توافق
يدخل فارس و ياسمين غرفه الكشف و تبدء الطبيبه بالكشف على نوع الجنين ثم تنظر لهما و تردد بفرحه:يا ترى كان نفسكم فى ايه؟
أنت تقرأ
أحببت طريدتي قبل التعديل (مكتملة)
Roman d'amourتحدته فتوعدها و اصر على التهامها و لكن المفترس وقع فى حب فريسته قصه رومانسيه +18 الجزء الاول بعنوان احببت طريدتى و الجزء الثانى بعنوان ترويض الفهد قبل التعديل انتظروا الجزء الثالث بعنوان روضتنى
