أحببت طريدتي قبل التعديل (مكتملة)

الجزء الثانى 14

( مشفى ✨)

قبيل سفر فارس بايام
يخرج عامل الاسطبل لمقابله رب عمله بعد ان اخبره بتدهور حاله حصانه العربى فيهرع فارس للاطمئنان عليه

يقف يمشط له شعره و يربت عليه بحنين و يردد:مالك يا عنتر بس...ولا انت زعلان منى عشان انشغلت عنك اليومين دول؟

ينظر للعامل و يساله بلهفه:ماله؟
العامل:يا فندم هو مش بياكل خالص و على طول بيصهل و يفرك و مش قابل ابدا اللجام و قله اكله اثرت عليه و جسمه ضعف

فارس بحده:و انت سايبه كل ده؟مبعتش تجيب الدكتور ليه؟
العامل:حصل يا فندم و زمانه جاى

تخرج ياسمين للحديقه و تنظر للحارس المرابط على الباب و تهتف متسائله:هو فارس فين؟
الحارس:فى الاسطبل يا هانم

تبتسم ابتسامه رقيقه و تتجه ناحيه الاسطبل فتجده يقف بزهو ممشوق القوام يتحدث مع الطبيب البيطرى فتشعر بقشعريره تدب فى اوصالها لتردد لنفسها:معقول انا متجوزه الكيان ده...فى راجل قمر كده فى الدنيا

ينتبه فارس لتلك الواقفه على مقربه منه تراقبه باهتمام و تفحص فيشير لها بالاقتراب لترضخ له و كانها تحت تاثير سحره فيقوم باحتضانها من خاصرتها و يكمل حديثه مع الطبيب

فارس بجديه:يعنى انت عندك حاجه مضمونه و تكون اصيله زيه؟.....انا مش حخليه يرمرم على اخر الزمن

الطبيب بابتسامه:متقلقش يا باشا، فرسه عربى برده بس مش من نفس الفصيله بتاعته اصلها نادره جدا بس نظيفها و تليق له

فارس بايجاز:تمام تقدر تروح تشوف شغلك
تنظر ياسمين باهتمام قبل ان تردف:ماله عنتر عيان و لا ايه؟

ينظرلها بخبث و يقرب فمه من اذنها ليهمس لها بمشاكسه:لا....عايز يتجوز

تضحك ياسمين ضحكه رقيعه ينتبه على اثرها فارس لذلك المرابط لهما فيردد بحده:زين....خد العامل بتاع الاسطبل و روحو الاستراحه انا مديكم بريك

يفهم زين على الفور انه يريد الاختلاء بزوجته فيتحرك بحرج و يصطحب عامل الاسطبل معه
يلتفت فارس لزوجته و يردد بحده طفيفه و اسلوب تحذيرى:مش ناخد بالنا شويه من امور المياعه دى قدام الخدم و لا ايه رايك؟

ياسمين متصنعه العبوس:هو ليك حلال و ليا حرام....ما انت بتتعامل قدام الدنيا كلها عادى

فارس بصرامه:عشان انا مهما عملت عمر ما واحد فيهم حيبص لى بصه اعجاب و لا اثاره...لكن انتى لما تتدلعى و تضحكى كده قدامهم و اغلبهم عذاب المفروض انهم كرجاله ايه؟مصنوعين من الحجر...اكيد مشاعرهم حتتاثر

تضع ياسمين يدها على حصانه و تربت عليه بيدها و تجيبه بدلال قاتل:انت اللى مرشق البيت رجاله و بعدين تحاسبنى انى واخده راحتى فى بيتى