أحببت طريدتي قبل التعديل (مكتملة)

الجزء الثانى 13

(انفصال 💔) 
فى فيلا مراد الفهد

يجلس مازن و ساجد فى تجمع عائلى صغير يجمعهم فى انتظار قدوم فارس

ساجد:عملت ايه مع نرمين؟
مازن:هى اشتكت لاختها؟
ساجد:نرمين كتومه و مش بتحكى بس شيرى بتحس بيها عشان تؤام

مازن:انا زهقت اصلا....اوڤر اوى فى كل حاجه
ساجد بضيق:انت عارف نفسك مش بتاع ارتباط....يبقى متعشمش حد بيك....ما تحكيلى طيب حصل ايه؟ على الاقل ابقى فاهم

فلاش باك ******

يجلس مازن بمنزله و معه احدى عاهراته يمرح و يلهو معها ليجد جرس الباب يرن......يقوم و يفتح الباب فيجدها نرمين

مازن بدهشه:نرمين!....ايه اللى جابك الساعه دى؟
نرمين بسخريه:لا ابدا، كنت سهرانه فى البار اللى جنبك و قلت اعدى عليك اكمل

مازن بضيق:ايه الكلام ده...انتى بتعملى ايه؟
تدخل نرمين و تبدء بالتجول فى المنزل لتجيبه:ابدا بتفرج على الشقه....و لا عندك حد

لتصل حتى حجره النوم فيوقفها مازن:استنى عندك،رايحه فين؟
نرمين بدلال مصطنع:حتفرج على الاوضه....مش دى اوضه نومك برده؟

تقوم بفتح الباب عنوه فتجد تلك العاهره عاريه بفراش مازن و لا يسترها سوى ملائه صغيره فتنظر له بخزى و تردد بالم

نرمين:انا من الاول عارفه انك مش حتتغير....بس كان عندى امل صغير اوى بس تقريبا مفيش فايده، احنا انتهينا و من انهارده كل علاقتى بيك انك اخو ساجد و بس

تخرج بسرعه و هى تبكى بشده فقد الامها رؤيته على هذا الوضع بالرغم من انها تعلم بماهيته

عوده من الفلاش ******

ساجد:يعنى انتو كده خلاص سبتو بعض؟
مازن بتهكم:هو احنا كنا مع بعض اصلا؟
ساجد برفض:امال ايه؟كل الوقت ده كان ايه؟مش كان لعب بمشاعرها

مازن بحده:جرى ايه يا ساجد؟انا اخوك الكببر على فكره، و انا مغلطش معاها فى حاجه...قلت خطوبه رفضت قال ايه لما اتاكد منك الاول.....قلت نتقابل و نتقرب من بعض كانت كل مقابله بالعافيه و كل فين و فين....كل ما اجى اقول كلمتين حلوين و لا احاول اعمل اى حاجه تقربنا من بعض الاقى رفض صريح

ساجد بسخريه:هم كده...ده انا لحد دلوقتى.......ولا خلينى ساكت احسن
مازن بمزاح: طيب يبقى على ايه وجع القلب بقى هى اختارت فبراحتها

يصل فارس و ياسمين و اخويه لمنزل عمه و بعد الترحيب و مداعبه الصغير تقوم بيرى بحمله و تقبيله قبل كثيره

بيرى برقه:بقى امور اوى....مش كده يا مامى بقى احلى من يوم السبوع
دينا:اه يا خراشى، عسل و سكر

چنى:كفايه بوس فيه بقى زهقتوه حبيب عمتو ده
فارس بسعاده:احنا كلنا بناخد الاذن من چنى هانم عشان نلاعبه و لا نبوسه