• #الامانه.... .
• الحلقه1......
• سالم..... كان مقمعز علي سريره سرحان وايفكر
• امال ....خشت عليه وبحتت فيه وعقدت حواجبها وقمعزت جنبه وحطت يدها علي كراعه
• سالم ... انتبهلها وبحت فيها وابتسم
• امال ... كنك ياغالي من يوم جيه صاحبك وانت حايس ومشغول
• سالم .... تنهد نفكر في هالامانه اللي حاطها لياصالح وله كم شهر معش رد وانا خايف انكون مش قدها والا تصيرلي حاجه وهيا مازال في عهدتي وانا مش عارف حتي شن فيها اصلا
• امال.... بعيد السو عليك كنك تحكي هك ياراجل هذين وساوس شيطان وانت قدها ومعش اتفكر فيها وان شاء الله مافي الا الخير
• سالم :ان شاء الله وحط يده علي يدها انت شن اتحسي في روحك هالايام حاسك تعبانه
• امال ..ماتشغلش بالك الحمدلله وهذا وضع طبيعي لاني حامل بتؤام
• سالم:ربي اينوضك طيبه ان شاء الله ويحفظك لنا ومايحرمنا منك
• امال ..امين ان شاء الله ولايغيبك علينا
• 🍃🍃🍃🍃🍃🍃🍃🍃🍃🍃🍃🍃🍃🍃🍃🍃
• في مكان ثاني .....
• مبروكه ....كانت مقمعزه تشرب في قهوتها هيا وسعاد في الجنان وتبحت في وصال وهيا تلعب
• ايوب ... السلام عليكم ياحني كيف حالك سوسو شن الجو
• مبروكه ...وعليكم السلام خير بالغالي وينك لك يومين مجيتش
• سعاد ... تمام
• ايوب ...سامحيني والله كنت زارد انا والشباب
• مبروكه... مسامح مسامح شن داير في قرايتك وكيف حال هلك وباتك
• ايوب .....الحمدلله كلهم اكويسين وبحت في وصال وابتسم تعالي سلمي يابنت
• سعاد... جيت في وقتك اهو القهوه مازال ساخنه ومدلته الفنجان
• وصال ...رفعت راسها من العابها وبحتت فيه وابتسمت حيييي امتي جيييت وجاته تجري
• ايوب ... خذا الفنجان منها وحطه قدامه وفتح ايديه وحضنها وضحك من امبدري انت اللي انضر وين عقلك
• مبروكه ...اتبحت فيه وهو حاضنها ومبتسمه
• وصال ...جبتلي الشكلاطه اللي وصيتك عليها
• ايوب ...طلع طرف شكلاطه من جيبه ومداه لها خوذي هي
• وصال .... خذت الشكلاطه من يده وهيا تضحك وحضناته بالقوه انت احسن واحد في العالم عارف
• ايوب ....حضنها وحط يده علي شعرها وقعد ايحرك فيه ومبتسم
• مبروكه ...ربي ايفرحنا بيك وبتخرجك ان شاء الله
• ايوب ...ان شاء الله ياحني وقعد ايبحت فيها ويفكر فطن علي رنه تلفونه بحت فيه لقاه باته ايوه
• مصطفي .... ايوب وين قاعد
• ايوب ...في الحوش
• مصطفي .... قتلك تعال للمستشفي ومتخلي حد ايحس بيك
• ايوب ...وهو وجه انسود اهاا تمام
• مبروكه ....قعدت اتبحت في ايوب وقلبها نغزها حطت يدها عليه وبحتت في سعاد ان شاء الله خير
• مصطفي ...والله صالح داير حادث وجايبينه اسعاف وهو يبيك تعال اشويه وايخش للعمليات
• ايوب .... زمط ريقه وقعد اييبحت في حنه وسعاد ووصال اللي حتي هيا كانها حست في شي وتبحت فيه اهاا تمام اني جاي خليك معاي علي الخط اشويه وهو مبتسم للحاجه مبروكه بالغصب انا طالع اشويه وجاي
• سعاد ...شن في يا ايوب ان شاء الله خير
• ايوب .... مافي شي واحد صاحبي يبيني في موضوع مش مطول ان شاء الله وطلع وصل سيارته فتح الباب وركب مسافه الطريق وانكون عندك في اي مستشفي هو
• مصطفي ..في مستشفي ********
• ايوب.... تمام وسكر وعلق السياره وطلع بسرعه وهو قلبه مليان خوف علي عمه
• مبروكه ..يانعليا ان شاء الله خير طلعت العيل هكي مش بلاش كانه داس علينا حاجه يارب ان شاء الله خير
• سعاد . ..ان شاء الله خير يامي مافي شي باذن الله
• ايوب ...وصل للمستشفي لقا باته وعمامه مصبين قدام العنايه وهو يسرع في خطوته وصل لباته شن في كنه عمي وشن وضعه وشن صارله
• مصطفي.... حادث قوي في العمليات وان شاء الله خير ادعيله انت ان شاء الله يطلع منها
• ايوب .غمض اعيونه بالم وجت صورت وصال وهيا مبتسمه وتضحك قدام اعيونه فتحهن يارب يشفيه وايعافيه لبنته يارب ملهش حد غيره يارب
• مصطفي ....كان يسال عليك قبل لايخش العمليات اصر انه ايشوفك بس مقدروش يرجو لعند انت اتجي
• ايوب ..وهو ايبحت في باته وعلامات الالم علي وجه مقالش شن يبي
• مصطفي .... مخلوش يحكي ودخلوه علي طول للعمليات
• ايوب ...ان شاء الله خير يارب قعدو يستنو فتره لعنند
• الدكتور ...طلع من باب العمليات وايوزع في نظره عليهم
• ايوب ..بحت فيه وجاه بسرعه هو باته وعمامه شن وضعه
• الدكتور .. العمليه ناجحه بس منقدروش نعرفو شن وضعه الا بعد مايوعا بس مبدائيا وضعه مستقر انتو ادعوله وان شاء الله خير
• ايوب ... وبحت في باته وتنهد ربي يشفيه يارب وايعافيه
• مصطفي... نقدرو انشوفوه يادكتور
• دكتور ... حاليا علي الاقل لا لعند يستقر وضعه توه نستاذنكم
• مصطفي وخوته ..اذنك معاك تفضل وقعدو يستنو علي وايفكرو كيف ايوصلو لخبر هذا لامهم
• بعد فتره طلع عليهم الممرض
• الممرض ... حمدلله علي سلامته وعا وحالته مستقره بس يبي ايشوف واحد اسمه ايوب ومطصفي ضروري
• ايوب ..انا ايوب
• الممرض .. الدكتور سمحلكم اتخشو اتشوفوه بس ضروري متجهدوش
• ايوب ومصطفي ..تمام
• ايوب ...خش مع الممرض ولبس دبش التعقيم وقدم لعمه اللي كانن الاجهزه في كل مكان في جسمه وراسه ملفوف بشاش كبير وصل فيه سلامتك ياعمي الف لاباس عليك
• مصطفي... لاباس عليك ياصلوحه طهورا ان شاء الله
• صالح .... بحت فيه وهو يفتح في عيونه ويحكي بصعوبه مد يده لايوب
• ايوب ..مسك يده وضغط عليه تريح يا عمي متتعبش روحك
• صالح ...وهو يحكي بصعوبه اسمعني اكويس والكلام اللي نبي انقوله لك منبيش حد يعلم بيه وخليه بيناتكم
• ايوب ...تريح وبعد تنوض طيب تحكيلي اللي تبيه
• صالح ..وهو داهش ومش قادر ايتنفس مت ق اطعنيش وخليني انكمل كلامي
• ايوب ...حاضر حاضر وقعد يسمع في اللي يقوله فيه عمه هو وباته وعلي وجوهم علامه الصدمه واللي بمجرد ماطلع من عنده سأت حالته وتوفي
• ياتري شن اللي قاله صالح لايوب ومصطفي
• 🍁🍁🍁🍁🍁🍁🍁🍁🍁🍁🍁🍁🍁🍁🍁🍁
• بعد مرور سنوات ......
• ابراهيم .....خش للحوش سلح كندرته قدام الباب سميه انت يافرخه
• سميه ... وهيا طالعه من المطبخ هنا نعم شنو طلعت النتيجه
• ابراهيم..اهاا وجهه عليه علامات الحزن اتعوضيها لكن تزعليش روحك صفيتيهن كلهن
• سميه...وهيا اتبحت فيه بنظره صدمه كيف شنو قصدك مصفيتش
• صالحه .... تضحك حرام عليك يابارد مبروك قالك صفيتيهن كلهن كنك
• ابراهيم ....يضحك عليها مبروك ياهبله صفيتيهن كلهن وطلعتي قدها مشاء الله
• سميه ..وهيا تضحك الحمدلله ياربي واخيرااااا مازالي المشروع بس توه انقدمه ونتخرج واخيرا
• امال..وهيا طالعه من الدار ومبتسمه هاشنو صار معاك
• ابراهيم...هذي ماينسألش عليها سووووس اقرايه مصفيه موادها كلهن بامتياز
• امال ..بحتت في سميه مبروك يا امي العقبه ان شاء الله للمشروع
• ابراهيم ...وانا مليش دعوه هك والا هك كنك يا اموله
• امال ...ضحكت ربي يفتحها في وجهك ان شاء الله وين ماتجهت انت وخوتك وخياتك يارب
• ابراهيم ..بحت فيها ودار حركه بخشمه مش من قلبك حاسها الدعوه
• امال .... بحتت فيه بنص عين
• ابراهيم ..ها شفتي معلقتيش اخري عشان تعرفي اني ولد البطه السوده
• امال ...ياليد كنك تبيني ندعي عليك والا كيف عشان تعرفها طالعه من القلب والا المصرن
• ابراهيم ..اووو وتعرفي اتشفطي اخري يا اموله وقدم حضنها بيده لا وراس اسلومه ماديريها انبصر معاك انا كنك شايطه تعالي معايا اكيده الفرخه سميه واحلام مرقياتها لك صاح قاعدات مادات وجوهن علي التلفزيون ومسلسلات وخلاص
• امال .... اهاا والله انت يااحلام صبي يافرخه لمي حوسه المطبخ مع خواتك راه نجيك
• احلام ...حاضر ياماما يكمل المسلسل بس اوووف خزي هالسوسه توه معش حيسكت لعند انصبي وتفوت عليا الحلقه خزي وناضت طلعت من الصاله وبحتت في ابراهيم بنص عين وهيا راقيتلها
• ابراهيم ..طلعلها السانه ورقصلها حواجبه عشان انوريك شن المسلسل اللي ميته عليه مره اخري
• امال .. وين خوك خالد كنه ماروح غير حتي دبشه اليوم
• ابراهيم ....في الورشه قاعد عنده عمل مش مروح قال
• امال ....شوف احمد وين خذا وجهه قالي طالع اشويه وجاي
• ابراهيم ...اهاا شفته وانا جاي مع جماعته قال لاحقك
• امال .....هزت راسها صالحه خلاص اشويه وايجي باتك حطن علي طول
• صالحه ...حاضر ياماما
• 🍃🍃🍃🍃🍃🍃🍃🍃🍃🍃🍃🍃🍃🍃🍃🍃
• عند خالد في الورشه
• خالد .... وهو ايسكر في شنطه السياره ويمسح في يده خلاص تمام السياره علي التجريب بس
• صاحب الورشه... خلاص امشي جربها مطولش صاحبها اشويه وايجي ياخذها
• خالد ...تمام ان شاء الله وركب السياره ولعها وطلع بيها مشا بيها مسافه قابله كافي نزل خذا قهوه ورد ركب
• 🍃🍃🍃🍃🍃🍃🍃🍃🍃🍃🍃🍃
• دانا ... يانعليا كنه طول ولد عمك كلتنا الشمس
• وصال ....سامحيني عطلتك مش عارفه كنه تاخر هك
• دانا.....تعالي باهي في الجيهه هذك ظل نصبو فيها لعند مايجي
• وصال ....بحتت في الشارع وتنهدت تعالي باهي وهيا اتقص في الشارع رن فونهاطلعاته وهياتمشي التقطت طاح منها نزلت قعدت تلم في التلفون خذاته شافته وقعدت اتدور في البطاريه
• دانا ...اهيا تحت السياره الزرقاء
• وصال.. بحتت وين ماقالتلها رنا قابلتها مشتلها وطبست تبي تاخذها من غير ماتشعر السياره تحركت ووخرت غمضت اعيونها وهيا خايفه قعدت في ماكنها ومش قادره اتحرك
• دانا ...هييييي هاااااي هاااااي انت وقف وقف وفنصت اعيونها
• الراجل .....
• يتبع .......
• التنزيل حيكون ثلاث ايام في الاسبوع قراءة ممتعه ❤❤
• بقلمي..... احلام
