• #الامانه.....
• الحلقه14......
• احلام ..حس الباب دق جو شكلهم انا نبي نطلع نشوفه من الروشن
• صالحه .... حي عليك وحي ايشوفك ابراهيم
• احلام ....طلع سمعته هو االلي فتح الباب وطلعت ولحقنها صالحه وسميه اهوو نزل من السياره شكله بيخش ياصالحه تعالي بسرعه شوفيه
• سميه ....هيييييييي ايهببببل ياصالحه
• صالحه.... سكري فمك انعن داء
• احلام .. ..شفتيه ياصالحه
• صالحة .....مشفت حد ومعش نبي انشوف بكل
• سميه ....كنك ياحاله شن درتلك انا خزي
• صالحه ...قمعزت علي السرير اووووف وهيا قريب تبكي مش عارفه كني ثخايفه ومتوتره بكل
• سميه ...حيييي علي الهبله صبي افرحي حصلتي طرف احلي حتي من خوتك ايهبببل وحيطلع اكويس اكيد زي وجهه مافيهش شك
• صالحه ..وهيا تضحك وتنهدت ان شاء الله خير وخلاص
• سميه ..هيا صبي انت خشي جو وانا واحلام نطلعو لماما حتنفصل علينا كان تاخرنا
• احلام ... طالعه قبلك انا
• امال ...مرحبتين خير ياحاجه كيف حالك
• الحاجه فاطمه.... الحمدلله بخير
• امال ... تفضلن تفضلن
• مروه ...خير ياعميمه
• امال ...اهلين انستن تفضلن
• الحاجه فاطمه ....الله ايانسك كيف حالكم
• امال ...طيبين الله ايسلمك
• الحاجه فاطمه ... انا فاطمه جارتهم البنات انا اللي مربيتهن بعد هلهن الله يرحمهم
• امال ..الله يرحمهم ويحسن اليهم وايخليك لهن ان شاء الله
• الحاجه فاطمه ..هذي بشري الكبيره وشيرت عليها وهذي مروه
• بشري ..كانت مقمعزه ومش عاجبهاشي وقالبه وجهها
• مروه ...قدمت عليها كنك قالبه وجهك افرديه عيب
• بشري ..خطيني وخليني في حالي
• مروه ...بحتت فيها وسكتت كلامي معاك في الحوش مش هنا
• الحاجه فاطمه ... يوم الي قالي بشير نبيك تمشي تخطبيلي ياعمتي قريب طرت من الفررحه لنا كم ونحنا نرجو فيه ايفرحنا وايوافق علي خاطر هالبنيات ايحصلن مرات اخ تونسهن في هالحوش حتي وكان انجيهن من الصبح لكن باقي اليوم وحدهن يبن وحده من عمرهن ينسجمنا معاها
• امال ...ان شاء الله ربي ايقدم اللي فيه الخير ان شاء الله
• احلام ..خشت بسفره العصير ولحقتها سميه حطتها علي الطاوله وسلمت عليهن
• امال ..هذين بناتي الاثنين اللي اصغر من صالحه سميه واحلام
• الحاجه فاطمه ..مشاء الله مشاء الله ربي يحفظهن لك ان شاء الله وين عروستنا عاد
• امال ...اهي تو اتجي صبت خشت لصالحه في المطبخ اشويه هك وخشي سلمي
• صالحه ..حاضر هي
• احلام ...خشت للمطبخ وجايبه السفره في يدها خوذي ياماما وين مشيتي
• امال ... هاتي انتن متطولنش في التقديم كيف ماقلتلكن طلعتن للراجل حاجه
• صالحه ..اهاا طلعنا خلاص خشي ياماما وحدهن قاعدات
• امال ...هي ماشيه
• احلام ..سميه حقيتي اخته كنها تكشخ ومش عاجبها شي
• سميه.....اهاا مش عارفه بس الثانيه شكلها اكويسه
• احلام ...اهاا مش زي هذك خلاص ياصالحه خشي سألن عليك
• صالحه ....غمضت اعيونها وسمت بسم الله وطلعت وخشت عليهن
• امال ...اهي صالحه ياحاجه
• صالحه ..خير ياعميمه كيف حالك وسلمت عليها وحبت يدها
• الحاجه فاطمه ...وهيا مبتسمه برضا خير خير ياعميمه كيف حالك يابنيتي
• صالحه...الحمدلله بخير ومشت سلمت علي بشري اهلين
• بشري.... مدتلها يدها وبحتت فيها من فوق لعند لوطي ووقلبت اعيونها اهلا
• صالحه ..توترت اخري وقعدت مرتبكه
• مروة...وهيا تبي تلم الموقف صبت ابتسمت خيرات كيف حالك
• صالحه ..ابتسمت الحمدلله بخير
• الحاجه فاطمه..تعالي ياصالحه قمعزي جنبي هنا والله يا امال متحلفي فيا من يوم هو صغير كان راجل رغم صغر سنه مش كيف هالعيال الطايشين اللي توه كان متحمل مسؤليه خواته وعمره مشكا ولا قال كلمه كان ايجي ايقولي ياعمتي خلي خياتي يلعبن يلاك علي ماروحت من العمل منقدرش انسيبهن وحدهن نخافن ايضرن ارواحهن ناخذهن منا يلعبن عندي لعند ايروح وهو جايب غداهم وحاسبني معاهن حنون حن الدنيا فيه وبعد كبر مانلقي فيه الا كيف عيالي اللي جايبتهم من بطني عمره ماغاب عليا وكل عيد يحسبني بلبسه وليدي مايبي شي مغير يبي وحده تراعيه وتسعده وتعينه من ميتت هله وهو يكد ويجري عشان ايعيش خياته كيف مايبن واحسن وباذن الله ماتشوفي كان الخير معاه
• امال ...ان شاء الله يقدم اللي فيه الخير ياحاجه
• الحاجه فاطمه ...من ناحيتنا هو ماجاكم الا متوكل علي الله وموافق
• امال ....وان شاء الله من ناحيتنا مايطلع الا راضي باذن الله
• الحاجه فاطمه ...بحتت في صالحه وشنو تقري والا متخرجه ياصالحه
• صالحه ..لا متخرجه ليا ثلاث سنين
• بشري ...تشتغلي قصدك بشير مايبيش وحده تشتغل راه اصلا يبي يجوز عشان يبي وحده تقعد معانا في الحوش
• الحاجه فاطمه..... فنصت في بشري قصدها يبي يقعد متريح عليهن مش كيف لما يقعدن بنات وحدهن من الصبح لعند الليل
• امال ...وهيا مش عاجبها اسلوب بشري اهاا ياحاجه فاهمه قصدها
• صالحه ...قعدت متوتره وساكته ومابتش ترد عليه
• امال ....بحتت في صالحه وشيرتلها بعيونها عشان تطلع
• 🍂🍂🍂🍂🍂🍂🍂🍂🍂
• ابراهيم ..... وين القهوه وكلمي صالحه عشان اتخش معايا
• سميه ...هيا اشويه بس احلام عدي كلميها بسرعه
• احلام ...هيا هياتو انشوفها
• ابراهيم ...خلاص خفي روحك وديريلي رنه انجي ناخذها
• سميه ....تمام
• صالحه....طلعت لقت في وجهه احلام
• احلام .... تعالي هيا ابراهيم قال كلميها عشان اتخشي
• صالحه .... يانعليا متوتره بكل وزادت وترتني اخته كنها جايه بلغصب
• اخلام ...فوتيها وركزي مع بشير وبحتي فيه راه مش تنزلي راسك زي النعامه اسمها مقابله عشان ايشوف وجهك وتشوفيه راه ارخي روحك
• صالحه .... فوتيني انت كنك انقولك متوتره وقت حناطتك وكلامك المستفز
• احلام ...قلت الحق انا متبيش اتشوفيه خلي هو يشوف جمالك ياعسل وقرصتلها خدودها
• صالحه ...ايييي يابارده حولي
• سميه ...هيا خلاص عدي غيري لبستك بسرعه ابراهيم يرجا
• صالحه ...هيا هيا وطلعت عدت غيرت لبستها وخففت مكياجها وطلعت لقت ابراهيم ماسك سفره القهوه
• ابراهيم .... نخش بالقهوه اشويه هك والحقيني
• صالحه ...تمام وتنهدت في سرها يارب قويني واسترني من اي حركه عبيطه يارب
• ابراهيم ...خش للمربوعه وابتسم قدمله القهوه اشويه هك وخشت صالحه
• صالحه .... خشت وهيا منزله راسها السلام عليكم وقعدت مصبيه
• بشير ...رفع راسه وبحت فيها اعيونه ضحكن وابتسم وعليكم السلام ونزل راسه
• ابراهيم .. بحت فيها وبحت في بشير تعالي خشي قمعزي ياصالحه
• صالحه ..خشت وهيا مرتبكه وقلبها ايدددددق وقمعزت يلا الباب وقعدت ساكته ومنزله راسها
• ابراهيم ... تلفونه رن اشويه ونجي
• بشير ...تمام بحت فيها كيف حالك
• صالحه ..الحمدلله
• بشير .... طبعا انا معنديش اشروط وجيتي اليوم عشان نحكيليك علي وضعي عشان يقعد عندك علم بكل شي ونبدو من الاول علي صح
• صالحه ... حست براحه بعد سمعت صوته تفضل نسمع فيك
• بشير ... ابتسم طبعا اكيد عندك علم انه هلي متوفين ومعنديش في الدنيا هذي الا خواتي طبعا سكنتي حتكون معاهن لانه مستحيل نقدر انسيبهن وحدهن فعشان هك حندير جناح صغير دار نوم وحمام والمطبخ حيكون مع بعضكن هذا اولا وثانيا طبيعه عملي ايحتم عليا اني انغيب عن الحوش فترات طويله حيكونن خواتي في امانتك اما ثالثا خواتي نشوف فيهن بناتي ونحاول بقد جهدي اني منقص عليهن شي مش حنقولك خواتي خط احمر ومتزعليهنش وووو لان انت بمجرد تقعدي علي اسمي حتقعدي مسؤليتي زيهن يعني اللي منرضش في خواتي تأكدي اني منرضش فيك تمام
• صالحه ... ان شاء الله
• بشير .... هذا بس اللي نبي انقول غير هك معنديش شروط لو انت عندك شروط حابه اتقوليهن تفضلي
• صالحه ... انا مقدمه علي تعين فا لوطلعلي نبي نشتغل يعني الشغل حلم حياتي وليا ثلاث اسنين نرجا فيه وان شاءالله عندي امال انه يطلع اسمي قريب والخمار مانبيش نلبس خمار
• بشير.... هو انا العمل بصراحه مكنتش حابه بس حاضر لما ايجي وقتها لو صار نصيب ينقنعك ياتقعنيني المهم ايكون في رضا من الطرفين تمام اما الخمار لو وجهك طبيعي عادي متلبسيش بس لو حاطه حاجه عليه فحتلبسيه تمام عندك شي ثاني تبي اتقوليه
• صالحه ..رفعت راسها وبحتت فيه ابتسمت لا تمام هك
• بشير ....بحت فيها اكوووويس وابتسم تمام اتفقنا
• ابراهيم...معليش طولت عليك
• صالحه ...صبت وطلعت
• بشير .... تنهد وتكا علي المسند وهو فرحاااان
• ابراهيم ..ها شنو ان شاء الله تفاهمتو
• بشير .... بالنسبه ليا انا موافق ونرجا في ردكم
• ابراهيم ... ابتسم تمام ان شاء الله
• صالحه ....خشت عليهن للمطبخ وكرت الكرسي وقمعزت وحطت يدها علي قلبها يانعليا عطيني كبايه ميه ياسميه
• احلام ...هاشنو عجبك احكيلي شن قالك هيا
• صالحه .... خليني اشويه بس
• سميه ...هاكي اشربي واحكي هيا
• صالحه .... شربت وخذت نفس مش قادره نحكي المهم هو قال كلام واجد وانا قلت شروطي حسيته زي اللي موافق مش عارفه والله
• احلام ...باهي عجبك بحتي فيه
• صالحه ...اهاا حلوووو بكل وسيم هو الصراحه بحتت اشويه ونزلت عيوني
• سميه ...هابا وخلاص ياخساره ماوقضاتك احلام قبل لاتخشي هاكي شيلي الصفره يا احلام وجيبي التباسي ماما كلمتني عليهن
• احلام .... هاتي وانت بعدين تحكيلنا بالتفصيل راه
• صالحه .. حاضر غير اطلعي بسرعه بس
• 🍃🍃🍃🍃🍃🍃🍃🍃🍃🍃🍃🍃🍃🍃🍃🍃
• عند موسي .....
• فايزة ......كانت مقمعزه والبنات يلعبن في الالعاب طولن هذين وين هضا كله يبمرن
• موسي ... اهو تو انرن عليهن انشوفهن لما نزلت شفتهن مازال ايدورن لفطومه في لبسه هيا بس محصلنش لها
• فايزه ...اهاا عاد سوق هضا كله وملقنش
• موسي...اهن جن شن صار معاكن
• هويدا ..يانعليا كرعيا خلاص مش قادره انصبي عليهن بكل
• راندا....اهااا واخير لقينالها فطومه عذبتنا من امبدري ونحنا نبرمو
• موسي ...المهم خذيتن لها زي خواتها
• هويدا ..اهاا احلي بدله هيا حصلتها
• موسي ..حظ مشاء الله ها شنو نطلب اتعشن
• رندا ..اهاا ميته جوع بس قبلها نبي اميه عطشانه بكل
• موسي ...تمام هيا تو نمشي نطلب وانجيب ميه وعدا
• فايزه ..شنو الاسعار غالي
• هويدا ..في هك وفي هك بس اكويس حصلنا علي قد فلوسنا الحمدلله
• فايزه ...الحمدلله
• المراه...السلام عليكم
• رندا ..بحتت فيها وعقدت حواجبها وبحتت في هويدا
• فايزه ...وعليكم السلام
• المراه.... كيف حالك ياعمتي فايزه
• فايزه ...وهيا مستغربه الحمدلله سامحيني معرفتكش والله
• المراه....اناساميه بنت عيت الفلاني جيرانكم زمان
• فايزه ...توترت اهااا عرفتك خير ياساميه وكيف حال هلك كلهم
• هويدا ..بحتت في امها وكيف توترت وردت بحتت في رندا
• ساميه ...حمدلله ياعميمه من اول ماشفت بنتك شبهت عليها نسختك سبحان الله
• فايزه ...اهاا وبحتت في رندا وهيا متوتره يابنات سلمن بنت جيران هلي
• هويدا ...خير كيف حالك
• ساميه .... بخير حمدلله ابتسمت فرصه سعيده وسامحيني كان تطفلت عليكن غير بعد شفتك وعرفتك قلت انسلم عليها امي لعند توه تحكي عليك والله
• فايزه ...وهيا متوتره وقعدت ترعش اهاا
• ساميه ...مع السلامه توه
• فايزه ...حطت ايديها تحت الطاوله وقعدت اتحاول تبين روحها طبيعيه مع السلامه
• رندا .... تعرفيها ياماما هذي
• فايزه ..... وهيا عاقده حواجبها اهاا جيران هلي زمان وهذي بنتهم اصغر وحده
• هويدا ... اهاا االبنات منسجمات حيطيحن دغري نوم من كثر الجري
• رندا .... مش غير شوفي حتي ريم كيف تجري
• موسي .... جاء وحط العشاء علي الطاوله خلين انجيب البنات وانجي
• هويدا ... خليك انت تو نمشي انجيبهن انا
• موسي ...تمام هاكي الميه اشربي
• رندا ... شكراااا
• موسي ...بحت في امه وجها اصفر وتبرم وتبحت في الناس كنه وجهك اصفر تحسي في حاجه يا امي
• فايزه .... لالا اكويسه انا ماافي شي
• رندا ...بحتت فيها هاكي اشربي اميه ياماما ومسكت يدها لقتها ترعش ضغطت علي يدها كنك ياماما لو تعبانه نروحو
• فايزه ... لا لا اكويسه متخافيش مافيا شي
• موسي....اكيده لو تحسي في حاجه نلفه ونروحو نتعشو في الحوش
• فايزه ...كنكم ركبتو عليا عادي غير مش واخذه علي هالدوشه بس راسي صداع انتعشو قبل وبعدها نروحو
• موسي ...تمام
🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃
• عند عزيز ......
• الحاج يوسف.....انا كلمت الراجل وخذيت منا موعد بكرا تمشن تخطبنها له
• ربيعه ...ياحاج ولدك مايبيش كيف نمشو وهو مش راضي ومايبيش يتزوج وبنت الناس شن ذنبها كنت صبرت لعند بالك اقتنع
• الحاج يوسف .. مسيره راضي غير توه معند لعند امتي يقعد هك بلا زواج خلي نغصبه بالك يحط عقله في راسه وبعدين مش كنتي تبيه ايتزوج وكل يوم شبه تحكيله شن اللي تغير
• ربيعه ...اهاا نبيه ايتزوج ونتهني عليه لكن مش بالغضب ياحاج ولدك هضا راسه مسكر لو كان مقتنعش بالحاجه وافق عليه مايديرش خير وانا منبيش نظلم بنت الناس وناخذو ذنبها
• الحاج يوسف .....انا قلت كلمتي وتمشن بكرا يعني تمشن فاهمه يا ربيعه والا لا
• ربيعه ....لاحول ولا قوة الا بالله حاضر ياحاج اللي تشوفه وطلعت وسيباته
• موده .... صاح كلم العرب وعطاهم موعد
• ربيعه ...اهاا ومسكر راسه بكرا قال تمشو اتشوفنها وتخطبنها له اخري
• موده ....ييييي وعزيز كيف هك يستر الله وخلاص
• ربيعه ....بنخش نعطيه علم منمشيش للعرب وهو مش راضي هك ونظلمو بنت الناس معاه
• موده ...اهاا خشي قوليله حتي الواحد يعرف يصرف بعدين
• ربيعه .... وين العيال ملهمش حس
• موده ...راقدين ونوسه يلا عزيز شكلها رقدت عنده
• ربيعه .... باهي ومشت لدار عزيز ودقت علي الباب
• عزيز ...كان متكي ومكسد علي تلفونه خشي يا امي وقمعز
• ربيعه ...فتحت الباب خير يا امي مزال مارقدتش
• عزيز ...حط تلفونه جنبه لامازل مكسد علي النت
• ربيعه .... خشت وصكرت الدار وقمعزت جنبه علي السرير وبحتت في نوسه رقدت جنبك حتي اليوم
• عزيز ...اهاا لعبت اشويه وبعدها رقدت
• ربيعه ... هزت راسها وتنهدت وقعدت ساكته
• عزيز ... شن في يا حاجه قولي شكلك تبي اتقولي حاجه
• ربيعه ...باتك خذا موعد مع العرب بكرا ويبنا نمشو نخطبولك البنت اللي قالك عليها
• عزيز ... برود اهاا
• ربيعه ...بحتت فيه شنو اهاا اسمع لو كان متبيش قول انا منمشيش للعرب ونعشم بنت الناس وبعدها مايصير شي علي الاقل نمشي ونعرف شن نحكي
• عزيز ... كيف يعني انت غيرتي رايك والا كيف مش كنتي تزري فيا علي الزواج اهو جت معاك
• ربيعه .... شنو جت معاك هذي انا نحكيلك نبيها برضاك مش غصب عنك تبيني نجيب وحده تظلمها معاك وناخذ ذنبها لا والله ماتصير
• عزيز ... ابتسم ..اطمني ياحاجه عدي اخطبيها انا موافق
• ربيعه ..وهيا مش مصدقته كيف هك وافقت مش عوايدك
• عزيز ... ماعاش ولاكان اللي يكسر كلمة باتي يا امي وكلمته سيف علي رقبتي
• ربيعه ...ابتسمت وعيونها امتلن ادموع ربي ايبارك فيك ويحفظك لنا ياعيني ربي يرزقك ب بر اعيالك كيف مابار فينا يارب
• عزيز ...وهو مبتسم اللهم امييين يارب
• ربيعه ...يعني نمشي وانا فرحانه ومطمنه
• عزيز .... اهاا بس خلي عمران هو اللي ايشيلكم
• ربيعه ... ان شاء الله خلاص انسيبك انا تصبح علي خير
• عزيز ...وانت من اهل الخير وبحت في امه وتنهد
• ربيعه ...طلعت من داره وهيا فرحانه
• موده ...هاشنو قالك
• ربيعه .... قالي موافق عدي واخطبيها ومستحيل نزل كلمه لباتي
• موده ...اووووف الحمدلله ياربي الواحد يقدر ايتريح ويرقد توه
• ربيعه ...ايو الله تصبحي علي خير
• موده ...تلاقي الخير
• 🍃🍃🍃🍃🍃🍃🍃🍃🍃🍃🍃🍃🍃🍃🍃🍃
• عند الحاجه مبروكه.....
• الحاجه مبروكه .....وانت تعرفهم العرب هذوم
• الحاج مصطفي ...اهاا نعرف الحاج ناس اكويسه معروفين هو خذا مني موعد علي بكرا ايجوكم وبعدها ايصير خير ولها القرار ياتوافق ياترفض
• الحاجه مبروكه .... ربي ايقدم اللي فيه الخير ان شاء الله
• الحاج مصطفي ....انا مابيتش انلط عليها بعد قال نبو موعد منكم قتله تفضل
• الحاجه مبروكه .... لا صاح صدقت بالك يطلع راجل اكويس وانتريح عليها
• الحاج مصطفي .... ان شاء الله وصبا تبي شي يا امي
• الحاجه مبروكه ....سلامتك
• الحاج مصطفي .... اللي ناقص تو انجيبه انا وسليمه
• الحاجه مبروكه .. سلمك جياب ان شاء الله وقول لسليمه اتجي نبيها تكون قاعده
• الحاج مصطفي ...حاضر تو انقوللها هي السلام عليكم
• الحاجه مبروكه.... وعليكم السلام وقعدت سرحانه وتسبح
• سعاد ...امي كنه مصطفي جاي توه في هالليل مش عوايده ان شاء الله خير
• الحاجه مبروكه ....
• سعاد .....😳😳😳
• يتبع ......
• بقلمي ....أحلام
