• #الامانة ......
• الحلقه11.....
• خالد ...شن جو المحل
• بشير ...تمام ماشيه الحمدلله
• خالد ...باهي ربي يفتحها في وجهك
• بشير ...امييين ان شاء الله وقعد ساكت وايفكر
• خالد ....كنك حاسك حايس شن في كنك
• بشير ..والله مش عارف كيف انقولك الصراحه انا نويت نكمل نص ديني ولما فكرت قلت منلقاش احسن منكم عيله نتشرف بنسبها لو ترضو بيا قلت نحكي معاك قبل ونشوف رايك ولو موافقين نجيب هلي ونكمل الموضوع والا مش موافقين هذا نصيب من ربي وكيف ماكنا اصحاب وحبايب
• خالد ...... ابتسم علي البركه يا غالي ونتشرفو بيك اكيد بس نسال العيله ونعطيك الرد ان شاء الله
• بشير ...وهو باينه عليه الفرحه تسلم ياغالي وحتي لو مافيش نصيب زي ماقتلك كله علي الله ومازال خوت واصحاب
• خالد ... يطبطب علي كتفه واعز ياغالي تبي شي
• بشير ...وهو مبتسم سلامتك
• خالد ...ركب سيارته وبيبله وعدا
• بشير ....وهو فرحان عدا للكافيه خذا قهوه لاحمد ورد للمحل
• 🍃🍃🍃🍃🍃🍃🍃🍃🍃🍃🍃🍃🍃🍃🍃
• عند البنات
• صالحه .... وهن ايتحاوسن وايوتن في القهوه سوما قتلك دانا مخطوبه
• سميه ... لالا كنها عليش تسألي
• صالحه...نقانه البنت اتهبببل وجوها خيال وعليك جسم فيها بااااااربي تبارك الرحمن شن رايك فيها لو يخطبها خالد
• سميه ....مش صاحبتي اكيد حيطلع دمها عسل وسمحه كيفي
• صالحه ...ييييي اقطع قولي وخلاص شن ايسكتها توه
• سميه .... ههههههه هيا صح دمها خفيف وجوها ايهبل بس خالد يبي وحده عاقله كيفه عارفه انتمني يخطب وصال راكبه عليه بكل شوفيها حتي لما تحكي هاديه ورااازنه تحسيها
• صالحه .... اهاا مشاء الله عليها الصراحه حتي عمتها علي اسلوب وذوق تحسيها عيله راقيه هك
• احلام ...وينكن انتن متن في المطبخ علي فنجان قهوه قريب ايروحن راه
• سميه ...تعالي كملي بدالي انا نمشي لصاحباتي
• أحلام ...عدي هاتي انصبها انا وانت مدي باهي منحبش انجي في النهايه وبعدها نمد انا
• صالحه ...باهي هاتي وتو انمد وانت كل حاجه مطلعه فيها مية قصه الحقيني بالحلو هي
• احلام ...لاحقتك اهو هي
• صالحه ....خشت بالقهوه تفضلي
• سعاد ...ابتسمت شكرا
• دانا .. واخير يا سوسو فكيتي الحظر عليك ورديتي اتسوقي وبحتت في وصال كيف صار واقتنعت
• وصال ....وهي مبتسمه من حني بصراحه هي اللي حطتها تحت الامر الواقع
• دانا ...نا ريتك وافقتي صدقت فيك والله لعند امتي تبي اتسيبيها
• سمية..فهمونا عليش سيبتها حد يقعد عنده تصريح يسوق وايسيبها
• امال .. احلام شوفي الباب ايدق شكله
• احلام ...حطت فنجانها علي الطاوله حاضر هي وطلعت فتحت الباب لقاته خالد
• خالد ...وينكم ليا ساعه اندق
• احلام ...مسمعناش والله
• خالد ...شكله في حد عندكم
• احلام ...اهاا صاحبات سميه
• خالد ...باهي شوفيلي طريق نبي اوراق من الدار
• احلام ...تعال مش باينات
• خالد ...تمام جيبيلي كبايه اميه مصقعه في الدار وخش
• احلام ...حاضر هيا
• سعاد ...والله درت حادث غير الحمدلله جات بسيطه بس خلاص قعدت انخاف انسوق
• امال ...ياخيه حمدلله علي سلامتك المهم منظريتش
• سعاد ...لالا الحمدلله رضدود بس وربي ستر اللي وحدي مامعيش حد في السياره
• صالحه ...الحمدلله ننقانه انا منحبها السواقه نخاف حتي توه لابال ندير حادث
• وصال ...وهيا تضحك عاد متخوفيهش عشان تقدر اتروح بيا بعدك مافيش حد ايروح بينا
• سعاد ...بحتت في وصال اطمنيي مش حنخاف
• دانا ... قدمت علي وصال هابا الا باين الخوف والتوتر من عند عصرت ايديها
• وصال ....فنصت فيها وهياتضحك تبي اتحط الفنجان في التبسي متاعها ينقلب ينكب علي سروالها
• امال .....بسم الله بسم الله ان شاء الله غير مش ساخنه
• وصال ... لالا ساهله بحتت في سميه معليش منديل
• سميه ...تعالي معايا اغسليها بالك انحرقتي والا حاجه مافيش حد في الحوش
• امال ...عدي اغسليها خوذي راحتك
• وصال ...طلعت هيا وسميه وخشت الحمام قعدت تمسح في القهوه عليك قصه اووف ومسحتها بفوطه عطتها لها سميه وطلعت سكرت الباب وبرمت تبي تمشي
• خالد ...طلع من داره وهو يقلب في الاوراق سمع باب الحمام انفتح احلام وين الميه قتلتينا بالعطش ورفع راسه وانسته فيها
• وصال .... بحتت فيه بصدمه وحطت يدها علي راسها ونزلته وقعدت متوتره
• سميه ...طلعت من المطبخ شافت الموقف وكيف خالد منسته فيها ابتسمت وردت تجري
• خالد .. فطن لروحه ارتبك اسف اسف وبرم ورد خش لداره وحط يده علي راسه وقعد يبرم في الدار اوووف اوووف استغفرالله العظيم كنك ياراجل قريب كليتها بعيونك عنجد وجهي شن اتقول عليا توه اووووف
• وصال ... من الارتباك حتي هيا ردت للحمام وسكراته ونسندت عليه وحطت يدها علي وجها وقعدت اتهدي في روحها اشويه وسقمت شكلها علي المرايه وتنهدت وفتحت الباب وقهدت اتضبح علي سميه
• سميه...ابتسمت تعالي مافيش حد شنو ان شاء الله محرقاتكش
• وصال ...لالا تمام وخشن للدار الضيوف
• دانا ..وين غطستي يافرخه
• وصال.... وجها انحمر سكري فمك وين يعني
• دانا ..حييييي كنه وجهك قعد حمر في حاجه صاح
• وصال ...نعن مرض سكري فمك راه يسمعنك بعدين نحكو
• دانا ...تمام اول ما نروح انرن عليك مافيهش فضول بيقتلني
• وصال ...بحتت فيها بنص عين ومابتش اترد عليها
• خالد ...وهو راقيتله فتح باب الدار اشويه وبحت قابلاته سميه ماشيه جيهه المطبخ انت يافرخه تعالي
• سميه ..ارتبكت نعم كنك
• خالد ..خوذيلي طريق نبي نطلع وقت عليا
• سميه .....اطلع مافيش حد
• خالد ... فتح الباب وطلع وهو راقيتله ويتمتم
• 🍃🍃🍃🍃🍃🍃🍃🍃🍃🍃🍃🍃🍃🍃🍃🍃
• عند موسي.....
• فايزه .... تعالن اشربن قهوه
• رندا ... الله عليك ريحه اتهبببل نجك ليا ياماما وربي ايدوم عليك الصحه لنا زمان عليها قهوتك وتقمعيزتك هك معانا
• فايزه ..ان شاء الله وايفرحني بيكن ان شاء الله عن قريب
• هويدا .... قولي انتفكا منكن قصدك سلم ايديك
• فايزه ...هييي انا انتفكا منكن انتن الونس في هالحوش بلاكن راه مش عايشه لعند توه بالمرض
• هويدا.... بعيد السو عليك يا ماماا انبصر انا
• موسي ...السلام عليكم
• فايزه... وعليكم السلام ياعيني
• رندا ...حماتك اتحبك اللي انضر من هذي
• موسي .... ابتسم واذكر سميه صبيلي ياحويجه البنه واصله لباب الحوش
• فايزه ...تفضل ياغالي حسبتك بفنجان قلت قريب ايجي اكيد
• موسي ...سلم ايديك خذا الفنجان وشرب منا
• هويدا ... شن رايك ياماما نخطبو لموسي بعدك نرجا امتي يقعد عندي مرت اخ اتهبببل هك وتغيرلناالجو
• موسي ....علي اساس مهرج عشان اتغيرلك الجو
• رندا ....لا ماو هويدا حاطه عينها علي وحده عاجبتها
• فايزه ....ياريت هو ايقول موافق ومن بكرا نخطبله
• موسي .... وهو مبتسم وبحت في هويدا ومن هذي ان شاءالله اللي تبي تخطبيها ليا
• هويدا ...انقولك من في حاله اتوافق غير هك لا مش حنقول
• موسي .... هو مبتسم حلو الشرط اقنعتيني انا خاش انتريح اشويه وطلع لشباب ماشي عند ابراهيم مكسدين غادي
• هويدا ....خدوها انحمرن وارتبكت بعد سمعت اسمه
• فايزه ... رندا صبي حطي لخيك ياكل وانت خش تريح علي بين ماوتا
• موسي ...لالا تريحي واكل في المحل معنديش نيه توه
• رندا ...قتلك موسي لو فاضي نبو نمشو للمحلات معزومين الاسبوع الجاي علي فرح بنت جيرانه
• موسي ...حاضر انفضي روحي يوم وانقوللكن
• رنده ...نجك ليا تمام بكل امتي ماتفضا عادي المهم نمشو
• موسي .... هههههه وين امغطسات الفرخات ملهنش حس راه يطلعن دايرات كارثه وانتن مقمعزات
• هويدا ...هييييي ونطت تجري حي عليا سيبت المربوعه مفتوحه فرخه نسرين انت يا بلا ء وينك
• نسرين ...طلعت من الدار كنك مدرت شي والله
• موسي .... هههههههه خافت دايره روحها هاااابا منك انت ياصاحبة الكوارث تعالي
• نسرين .... جاته تجري وحضنها وقعد يلعب معها
• فايزه ... قعدت اتبحت فيه ومبتسمه ربي ايخليك لهن يارب ولا يحرمنا من خشتك علينا
• 🍃🍃🍃🍃🍃🍃🍃🍃🍃🍃🍃🍃🍃🍃🍃
• الحاجه مبروكه ....شنو كيف حالها امال
• سعاد ...اكويسه تسلم عليك واجد
• الحاجه مبروكه ...سلمك وسلمها باهي غيرتن جو
• وصال ...بكللل عارفه ياحني اتخشي للحوش تحسي براحه هك حوش بسيط تحسي مافيش جو فخفخه تهدرزيمع هذي وهذي وانت متاكده انه محد يفهمك غلط والا ينظرلك بنظره شينه بلعكس ايخلنك تحسي انك لك زمان تعرفيهم
• الحاجه .مبروكه ...ربي ايدوم عليهم يارب من زمان باتك الله يرحمه كان ايقول لما نبي انتريح ونريح راسي من هم الشغل نمشي عند سالم نروح منهم وانا رايق
• سعاد ....بصدق عمري ماتريحت ومحبيتش انروح زي اليوم تمنيت الوقت مايمشيش تحسيهم قاعدين علي بساطه زمان وبحتت في وصال بعد خطرها كنك امبدري شن قالتلك الفرخه دانا لعند كبيتي القهوه
• وصال ... بحتت فيها واذكرت خالد وجهها انحمر ااااه كني لا شي نكبت مني بلغلط ماقالت شي
• سعاد ..عارفتها انا الفرخه هذك انضر شن قايله
• وصال ...ههههههه شن تبي اتقول يعني عمرها طويل اهي ترن
• سعاد ....هاتي خليني انرد عليها انا انشوفها شن تبي مش كنتن مع بعضكن
• وصال ...هاكي ردي اكيد تبي تسال وتقرم
• سعاد ... ماعندها ماتقرم خذت الفون ايوه شن تبي رانه
• دانا ...خير ياسوسو وين وصال غريبه راده علي تلفونها
• سعاد ....عقاب عشان كلمتك اللي امبدري قلتيها
• دانا ...طح سعدها قصدك قالتلك شن قلت
• سعاد ...يعني قايله عليا حاجه
• داتا ...سوسو لو سمحتي عطيني وصال انت شكلك مكسده وتبي اتزلقيني في الكلام وانا رصيدي صفر وقولي للفرخه وصال ترن عليا توه نبيها ضروري
• سعاد....هابا منك انت والضروري بتاعك هاكي ياحنه قالتلك رني عليا تبيك علي قولتها ضروري رصيدها كمل
• وصال ....خذت تلفونها وخشت دارها ورنت عليها ايوه ياحاله كنك
• دانا ...شن قايله يافرخه لسعاد طح سعدك
• وصال ...شي شن نبي انقول وبعدين شن تبي توه مش كنت معاك
• دانا ...خزي تبي تهربي صقع عليك قولي هيا كنك امبدري خشيتي مش علي بعضك بسرعه فضول بيقتلي من امبدري وانا نجري ماما طلعت المشيه والتهدريزه من عيوني اطلعي انشري الدبش ولمي المطبخ وضمي الدار قريب قالتلي اطلعي سيقي الجنان
• وصال ...ههههههه ربي يحفظها وايخليها لك تستاهلي اكيده محوسه الدنيا ومسيبتيها
• دانا ....لخصي وعطيني المفيد عشان رصيدك مش حنسكر قبل لانعرف
• وصال ...تنهدت شي شن بيكون في
• دانا ....وصاااااااال
• وصال ... باهي وانت تعيطي نقصي صوتك علي اساس خفت توه المهم
• دانا ...ييييييييييي علينا
• وصال ....وانا طالعه من الحمام تلاقيت انا وخو سميه اللي يومتها
• دانا .....هيييييي قصدك حقك هك بالقرعه
• وصال ..... نعن مرض كنك تشهقي هك تزيدي اتوتري فيا وبعدين لا انا ولا هو قاصدينها
• دانا ...والفرخه سميه وهيا اتعايب في صوتها تقول خشي مافي حد تو انوريها الكذابه
• وصال ...لالا حي عليك وحي تحكي معاها والا تقوليها لها بعدين هو مسكين انصدم وتأسف وخش في دار والا مش عارفه وين وانا رديت للحمام بعدها ضبحت علي سميه قالتي تعالي مافي حد شكلها متعرفش انه قاعد
• دانا ....انت يابنت كنك حاسه في صوتك نبره متغيره شكله عجبك بعدك العطيب وسييييييم وايهببببل
• وصال ...سكري دانا احسن ما نحطك في الحظر
• دانا ..😂😂خلاص خلاص سكتت بس اسمعي قتلك شن حسيتي بعد حقيته جديات
• وصال .داااانا كنك انت
• دانا 😂والله خلاص وجهك المهم خذيت الزبده تصبحي علي وجه خااااااالد وسكرت
• وصال .. بحتت في التلفون سكرت خزي قمعزت علي السرير وتنهدت وهيا مبتسمه علي حركات دانا واسلوبها
• الحاجه مبروكه ...كلمتي ايوب اكدتي عليه انه مش جاي
• سعاد ...لالا معش كلمته من امبدري لما سالته علي المشيه وقالي مش معروف انروح والا لا
• الحاجه مبروكه ..هاكي رنيلي عليه انشوفه
• سعاد ....خذت تلفون امها ورنت عليه هاكي اهو اينادي
• الحاجه مبروكه ...ايوه خير يامي
• ايوب ....خير خير كيف حالكم
• الحاجه مبروكه .... شنو يااوليدي جاي والا بايت غادي
• ايوب ..لا روجت كيف خشيت بنغازي اشويه وامروح
• الحاجه مبروكه ....باهي توصل طيب ان شاء الله
• ايوب ..تبو حاجه يا امي
• الحاجه مبروكه ...سلامتك غير قلت نطمن عليك قبل نخش نرقد
• ايوب ...تريحي اهو اشويه ونوصل للحوش
• الحاجه مبروكه ...باهي يا غالي مع السلامه سكرت وبحتت في سعاد قال قريب نوصل للحوش
• سعاد ...اهاا باهي خشي تريحي في دارك تو انقوله ايخشلك
• الحاجه مبروكه ....اهو نايضه
• 🍃🍃🍃🍃🍃🍃🍃🍃🍃🍃🍃🍃🍃🍃🍃
• عند حوش سالم ........
• امال ..... احلام قولي لصالحه حطي الغداء باتك جاء وكلمي خوتك
• احلام ...هيا واتي هو وخشت للمطبخ صالحه والا سميه عدي كلمي خوتك نبيش انخش عليهم
• سميه ....قصدك علي شان ابراهيم عدي كلميهم فكينا من الجو
• احلام ...ايهزبني في الشارع وتبيني انكلمه شنو انا معنديش كرامه
• صالحه ...عاد انت الغلطانه وبعدين هو مهزبكش في الشارع اصلا كم مره محذرك هو علي الايشرب هذا ومعاها تضحكي بصوت عالي باهي اللي ماضربك احمدي ربك اللي قالك غيري الوشاح بس واطلعي ت عندك حظ بس معاه
• احلام ...مشةشوري علا حسه عليا وانا في السياره وقهرني غير عشانك انت وماما والله كنت فتتها المشيه بكل
• سميه ...المهم توه عدي كلميهم علي الغداء فكينا تو بابا ينفصل طولنا
• احلام ....منيش ماشيه انا هاتي السفره تو انا انشيلها
• ابراهيم ...خش عليهن وبحت فيها وقدم يسمط وايريشلها في شعرها قصدك مازال زعلانه ودايره فيها جو متبيش تحكي معايا وتكلميني
• احلام .ابراهيم خطاني لو سمحت
• ابراهيم ...تو منو الغلطان بالله كم مره انا قايلك عليه الايشرب هضا اصفر مستفز يشكع من بعيد حقوني
• احلام ...انت عارفني اني مش قصدي هك خذيته وقعد في خاطري كل مانلبسه تهزب وتعيط
• ابراهيم ...معنها اقصري الشر ومعش تلبسيه واخر مره نقولك عليه لانه مره اخري حنشرطه وبالنسبه علي تعلاي صوتي عليك اسف بس انت استفزيتيني لما سكرتي راسك وحقك عليا انجيبلك غيره المهم هضا معش نبيك تطلعي بيه
• احلام ..... يعني اللي اتدير فيه هضا حتديره بعدين لماتتزوج متخليهش تلبس اوشحه ملونه بالوان فاقعه
• ابراهيم .... ونلبسها خمار اخري غير فكينا من الوشاح هضا
• احلام ... حتشوفو وربي لو تلبس وشاح قريب من هضا مش حنسكتلك عليه واني قتلك
• ابراهيم ...غير هاتي الغداء اللي صقع وانا مازال انراضي فيك وين تلقيه انت خو زي ايهزب وايراضي
• احلام ..... في خو عندي عمره ماهزب وايجي باسلوب وعمري ماعندته
• امال ...خشت عليهن وين الغداء باتك من امبدري وهو يرجا
• صالحه ....هاك الصفره شيل انت وفوتها اسمله عليا انا وخلاص
• ابراهيم ...هاتي هاتي واللي يفتح معاكن دلاله يحصل
• صالحه ...قلتها حتي انا اسمله عليا وخلاص
• ابراهيم ...طلع بالصفره وهو يضحك وخش للدار وحطها قدام باته وقمعز
• خالد .... قتلك يا باتي امس كلمني بشير قال يبي ايناسبنا لو موافقين مبدائيا يبي ايجيب هله وايدير مقابله
• سالم .....
• صالحه ......😳😳😳😳
• يتبع .......
• قراءه ممتعه ❤❤
• بقلمي...... احلام
