• #الامانة.....
• الحلقة12.....
• خالد .... قتلك يا باتي امس كلمني بشير قال يبي ايناسبنا لو موافقين مبدائيا يبي ايجيب هله وايدير مقابله
• احلام ...كانت جايه بصفره الغداء وسمعت خالد شن قال قعدت تسمع
• سالم .....راجل ماعندي مانقول فيه ايتفضل لو امك واختك موافقه منلقوش خير منا وعارفينه
• امال ..... ماعندي مانقول بعد قولكم طلب من فيهن هو
• خالد ..ماقالش كل اللي قاله نبي اناسبكم وانا قتله نشوف باتي ونرد عليك
• سالم .... بحت في امال شوفي صالحه وخليها تستخير وان شاء الله يكون من نصيبها
• ابراهيم .... ننقانه راجل يعتمد عليه وصباي
• خالد ..خلاص انقوله ايتفضلو لانه قال نبي انجيب هلي هو قبل
• ساالم ..امك تعطيك موعد شورها هيا المواضيع هذين وتعرف روحها امتي فاضيين
• امال ....لا يبتي انا منقوله علي موعد هو ايشوف روحه وايحدد يوم وايقولك
• خالد ..خلاص انا تو انقوله تفضلو وحدد موعد وعطيني العلم
• سالم ....خوذي راي البنت قبل وبعدها ردو عليه
• امال .... تو نحكي معاها بعدين ونرد عليك ياخالد
• خالد ..تمام
• احلام ..ردت بالصفره في المطبخ صالحه صاااالحه
• صالحه ...كنك اتعيطي يافرخه هيييييي لعند توه ماما ترجا في الغداء عطك داء تو اتهزب
• سميه ...هاتي نشيلها وخذت السفره منها وانتن الحقني
• احلام ..تعالي هنا اسمعي جبتلكن خبر وبحتت في صالحه ايهببببل واعيونه خضر
• صالحه ..شن اتفترشي انت خبر شنو هضا
• احلام ....جايييبك عريييييسسسس ياهمي مبرررروك
• صالحه ..قعدت تبحت فيها وهيا متفاجاة وساكته
• سميه .... صااااح يييييي نعليا بنديرو فرح واخيرااااا
• احلام ..... اهااا ويبو ايجو هله لكن لعند تعطي صالحه الموافقه
• سميه ...منو باهي زعما
• احلام ...صاحب خالد اللي اسمه بشير
• صالحه ...فنصت اعيونها وبحتت فيها وجهاا انحمر
• احلام ... كنك ياحاله تبكشتي سميه شوفيها كنها حي عليا راه تقعد الصدمه اثرت فيها
• سميه ...انت يا فرخه كنك انصدمتي شكلك تعرفيه متقوليش اللي يومتها شافني
• صالحه .... وين نندري انا عليه شن شكله اللي شافك
• احلام ..انا مره شايفته ايهببببل اعيونه خضر ايهببببلن
• سميه ...اووووف لا لا الحمدلله مش هو معنها
• احلام ..ياسلام صالحه اختك طايحه في صاحب خوك ومش قايلتلنا
• سميه ....ياكلبه سكري فمك راه يسمعك حد من خوتك وايصدقك
• امال ..يبنات وين الغداء عطكن البلا
• سميه ...اهو ياماما جيت جيت هيا اطلعن راه يسمعنا حد يقهد نهارنا اسود
• 🍃🍃🍃🍃🍃🍃🍃🍃🍃🍃🍃🍃🍃🍃🍃
• عند الحاج مصطفي .....
• وصال ...رنت الجرس وقعدت ترجا
• ايوب ...كنك مصبيه شنو مافتح حد وطلع مفتاح الحوش وفتحه
• وصال ..لا انا كيف جيت
• ايوب ...خشي اهي جتك تجري المطرشقه
• ايه ...ايوب معش اتقولها ليا الكلمه هذي
• ايوب .. حاضر معش انقولها يامطرشقه قصدي يا ويه
• ايه ... مش راكبه عليك الحناطه علي فكره
• وصال ..وبعدين انا نرجاعلي الباب والا نخش
• ايوب ....خش وسيبهن
• ايه ...ييي انسيتك بكل تعالي هيا اصلا كان مسكنتش علي تلفونك بالرن مكنتيش جيتي
• وصال .... عارفه روحك سكانه يعني
• ايه .....نبيك اتغير جوك انا عيت خالو جاييين وخويله حتي هيا والبنات
• وصال .... ايه فيها البنات خليني انروح لو سمحتي
• ايه .... تعالي تروحي عينك ايملحو والله ماتروحي عشانها اصلا ايوب مش زارطها غير هيا اتلصق فيه
• وصال ...اللي هو انا ماننسجمش معاهن بنات خالك
• ايه... عشاني وداد ورشا يبنك والله من امبدري رنن قاللي كلميها عشاني والنبي
• وصال .... اوووف باهي
• ايه ...نجك ليا تعالي نبي اندير بيتزا
• وصال ....هيا امري لله خشي قدامي
• ايوب ...السلام عليكم كيف حالك ياحويجه وسلم علي راسها خير ياحاج
• الحاج مصطفي ...خير خير
• سليمه ...خير يامي جيت في وقتك قمعز اشرب شاهي طويسه كيف ماتحب
• ايوب ...قمعز جنب امه سلم ايديك
• سليمه ....تغديت والا نحطولك
• ايوب ...لا متغدي طويسه شاهي هذي ومعش نبي شي
• سليمه ....صحه ان شاء الله
• وصال ...خشت عليهم السلام عليكم وقدمت علي عمها سلمت علي يده وراسه كيف حالك ياعمو
• الحاج مصطفي ... الحمدلله يا بنيتي كيف حالك انت
• وصال... حمدلله بخير وبرمت تسلم علي سليمه كيف حالك ياعميمه
• سليمه ...حمدلله طيبه وينك معش اتجي
• وصال ...وهيا مبتسمه والله ياعميمه ويه مش مخليتلي مجال انجي هنا
• سليمه ...بحت في ايه صدقتي اساع نمسكها هنا يومين عشان اتجينا
• ايه ...تو انوريك خزي كذابه
• ايوب ...وهو ايبحت فيهن رن تلفونه لحظه اشويه خير ياباشا شن الاخبار وقعد يسمع فيه شن ايقول
• ايوب .... والله حاله الغايه هن الاثنين ضروري وسكت وبحت في وصال تمام بارك الله فيك ونردها لك ان شاء الله تمام سلام ياعمده
• اية ...تعالي هيا معايا للمطبخ
• وصال .... هيا صبي
• ايوب ...وصال قتلك حصلتك عمل في ال*****السبت تمشي انت وصاحبتك وتستلمي الشغل
• وصااال ..وهيا فرحانه جديات تحكي
• الحاج مصطفي.... مبروك يابنتي نبو الحلون عاد
• وصال ...الله ايبارك فيك ياعمو حاضر غير نستلم وبعدها لك مني احلي حلوان وبحتت في ايوب حتي دانا قصدك معايا
• ايوب ..وهو مبتسم اهاا انتن الاثنين وانا حنوصلك ونكمل الاوراق مع صاحبي
• وصال ...وهي مبتسمه وفرحانه تمام بكللللل وشكرااااااااا وااااجد نبي انعدي انبشر سوسو وامي
• ايه ..ماشيه معاك عشن انجيبك معايا وطلعن وصبن في الجنان
• وصال .....خليني نكلم دانا حتنجن اسمعي بس فتحت السبيكر
• دانا ..ايوه
• وصال .. كنك صوتك شين
• دانا... شي مكتأبه نفستي تعبانه
• وصال ..باهي واللي غيرلك مودك وجوك وخليك منكلبه وتعيطي شن تعطيه
• دانا ..وصال مش رايقتلك انا
• ايوب..... كان يبي يطلع حقهن قعد يسمع ويبي يعرف رد فعل دانا
• وصال ..هيا شن تعطيني لو قتلك خبر ايفرحك
• دانا ..اكثر حاجه نحبها لالا غيرت راي مش عارفه علي حسب الخبر كان يسوا نعطيك اللي تبيه وكان لا انا نبي ناخذ منك اللي نبيه
• وصال .... اسمعي باهي وقبل الخبر السبيكر مفتوح وايه تسمع فيك فكينا من ردات فعلك الاوفر تمام
• دانا ....وصال سكري احسن مانا اللي نسكر في وجهك
• وصال ... تضحك ايوب حصلنا شغل انا وياك تعينا ويوم السبت حنمشو انباشرو
• دانا ... قولي والله وصال تطلعي تكذبي نهارك اسود مني
• وصال ..والله توه قالها ليا وطلعت كلمتك دغري
• دانا ..... قعدت اتعييييط وووووووووووه ياماما تعينتتتتتت لوووووووووولللللللللي
• وصال ..مش قتلك حتنجن 😂😂😂
• دانا...نجك ليا انت وايوب وعمك بروحه وريتها جيبت كل احبيب يوم اللي جاباته امه
• ايوب ...كان يسمع فيها ويضحك
• اية .... 😂😂😂انجنت رسمي حي عليك
• وصال ..اسكتي وسكرت السبيكر خلاص نسكر بعد اتكمل جرعه الفرحه انتفاهمو علي اللي نبيه باااي وسكرت
• ايوب.... طلع عليهن وهو مبتسم تبن شي
• هنا ..سلامتك وطلعن وراه لحوش الحاجه مبروكه
• 🍃🍃🍃🍃🍃🍃🍃🍃🍃🍃🍃🍃🍃🍃🍃
• عند عزيز .....
• ربيعه .... وهيا اتسكت في يوسف خلاص يمي خلاص يانعليا شن هالغل اللي في قلبها شوفي خده كيف قعد
• موده .... هاتيه عنك ياماما تو انسكته خلاص ياعمري تعال نديرو ثلج
• نوسه .... تبحت في خوها وساكته
• ربيعه .... اليوم كان ماخوك دارلها حد نحرش باتك ايوريها مدت اليد علي هالقزون شن
• موده ...عشان خاطري ياماما اهدي وين ايجي حرشيه باتي بالك تحشم علي وجها وتشد حوشها واعيالها مادام ماتبي حد يلعب معاهم
• عزيز ..... كنه يوسف ايعيط نسمع في عياطه من بره
• نوسه ... مشت تجري لعزيز مرت عمو ضربت يوسف عشان ريش شعر بنتها
• عزيز ... وهو عاقد حواجبه ورقتله هاتيه ياموده
• موده ...مداته له حطله عليه ثلج بس عشان ايخفف الاحمرار خلاص ياعمري ساهله
• ربيعه..... عطيها كسره في يدها ان شاء الله اسمع انت انا خلاص معش عندي جهد لسحن الكبد اليوم ضرباته ونحن غافلين عليه مره اخري مندري عنها شن اتديرله عارفه محد حيكلمها انت ماتقدر تفتح فمك علي مراه وانا كان عاركتها والا دويتلها تلقي خوك نازل يعارك ومايعقب كلمه الا مايقولها
• عزيز ...ساكت ويسمع فيها وحط يوسف علي كتفه وايهز بيه
• موده ...مش وقته الدوه هذي ياماما فكينا قريب ايخش باتي
• ربيعه ....خليه ايخش بالك يحلفله ويحط عقله في راسه ويتزوج وايريحني عليهم مراه خوك من حوشي منقدرش انلزها عشان خوك انتم اعيالي خشتكم عليا وقولت كيف حالك يا امي تكفي الله ايربحك لم اعويلتك في حوشهم وعلي عينك معش حد ييقدر يوصل فيهم وكان علي الزعل والحزن الحزن في القلب شن ذنبهم هالقزازين يقعدو ملطوطين بين هضا وهضا
• عزيز .... ان شاء الله خير موده تعالي خوذيه رقد
• موده ..... خذت يوسف منا وخشت ترقد فيه في دارهم
• عزيز ....طلع وهو متنكد وراقيتله
• ربيعه .... ربي يهديك ويصلح حالك ان شاء الله يا وليدي
• 🍃🍃🍃🍃🍃🍃🍃🍃🍃🍃🍃🍃🍃🍃🍃🍃
• حوش سالم .....
• مقمعزات يشربن في قهوة
• سميه ....صاح خالد بيكمل شقته
• امال ...اهاا باتك له ايام حاكيله عليها في هاليومين بيبدا فيها هيا وشقت ابراهيم
• احلام ...قصدك حتي ابراهيم
• امال ... اهاا الاثنين باذن الله حنطلع فرحهم مع بعضهم ان شاء الله
• صالحه ... اهاا احسن اصلا بعدين صعب ايكملها وفي شقت خالد مراه وعمال وقصه متجيش
• امال ...اهاا عشان هك باتك قاللهم انا شوري العمال انجيبهم ونصبي عليهم وهما وافقو
• احلام .... ننقانه قصه سريب البني والحوسه
• امال .... مافيهش كيف المهم مطلع الدروج وحدهم مش شورنا وحطت فنجانها وبحتت في صالحه اليوم خالد قال في واحد تقدملك ياصالحه وباتك وخوتك موافقين وقالولي شوفي رايها وخليها تستخير عشان انردو عليهم وايجو يطلبو رسمي
• صالحه .... قعدت مرتبكه مش عارفه ياماما قصدك خوتي عاجبهم وسالو عليه
• امال....يعرفوه هو صاحب خالد اللي امه وباته توفو عنده اختين بس ممكن وحده ثالث اعدادي وحده في الثانوي المهم شبابات
• احلام ...اهاا عرفته زمان ديما مع خالد
• امال ...خلاص شوفي روحك وصلي استخاره عشان انردو عليهم
• صالحه ...ان شاء الله حاضر ياماما
• سميه ...نعليا قصدك ياماما كان وافقت بيطلع فرحه توه
• امال .... الله اعلم المهم انت فكري اكويس وخوذي وقتك محد ايزر عليك
• صالحه ....ان شاء الله وغيرت الموضوع شن اندير العشا زعما
• سميه ...خليه تو اندير انا ابراهيم قال نبي فاصوليا
• صالحه ... تمام وخذت سفره القهوه وشالتها للمطبخ
• 🍃🍃🍃🍃🍃🍃🍃🍃🍃🍃🍃🍃🍃🍃🍃
• بعد مرور ايام ......
• بشير .... وهو سرحان ومضايق شكله باته رفض خالد وتحشم ايقولي حتي احمد مفتحش معايا الموضوع بكل كانه معندش علم وتنهد عارف حظي انا ان شاء الله خير وخلاص
• بشري ..... بشييييير وين سرحان
• بشير ...نعم دويتي
• مروه ...من امبدري وتحكي معاك وانت مش معانا بكل
• بشير ....سرحت اشويه في الشغل بس شن قلتي
• بشري .... اهااا قتلك كنك مضايق لك ايام كانك ترجا في حاجه
• بشير .... ابتسم مافي شي غير شويه خربطه ومشاكل العمل المهم في هاليومين نبي انشيلكن لحوش صاحبي انتن وعمتي فاطمه كان سخر الله الحال وردو عليا العرب
• مروة .... نعرفوهم نحنا الا لا
• بشير .... لالا تعرفوهمش بس انا حكيت مع صاحبي وخطبت اخته ونبيكن اتشوفنها انتن وعمتي ولو وافقو حندير مقابله ونخطبها رسمي
• بشري ..... من هذي قصدك انت شايفها وتبيها
• بشير ....بحت فيها حنمشي سؤالك واسلوبك المره هذي وحنجاوبك لالا مش شايفها عباره عن خوتها اصحابي وناس اكويسه وفاهمين وعارفين ضروفي مش حنلقي احسن منهم يفهمو عليا فهمتي توه
• بشري .... وهيا مش عاجبها اهااا وهما ليش مردوش لعند توه
• بشير ...مش عارف انا مليش واجد مكلمه وحنرجا لعند بكرا لو مردش حنسأله
• مروه ...ابتسمت ان شاء الله حيوافقو اكيد بس تلقها البنت مازال اتفكر
• بشير ...حط يده علي شعرها قعد ايحركلها فيه وهو مبتسم
• 🍃🍃🍃🍃🍃🍃🍃🍃🍃🍃🍃🍃🍃🍃🍃🍃
• احمد .... شن صار ياخالد في الموضوع رد علي الراجل له كم يوم حايس وجوه شين وكم مره سالني عليك لاني موضحتلش اني عندي علم بالموضوع
• خالد .... والله راح عن بالي بكل ولهيت هاليومين تلقاه داير انه نبيش انقوله انه رافضين
• احمد ..اهاا اسالها عيب الراجل يرجا وهيا فايتة الموضوع لو مش موافقه اتقول وخلاص
• امال ...انا خليتها براحتها قلت اتفكر اكويس تو اناديها لكو وانت اسالها وحدك صاااالحه ياصاااالحه
• صالحه ....نعم ياماما وخشت عليهم
• خالد ...تعالي قمعزي جنبي نبيك
• صالحه ...توترت ووجها انحمر وقمعزت جنبه
• خالد .... حكتلك امي علي بشير صاح
• صالحه ...وهيا تعصر في يدها من الارتبارك اهاا
• خالد ....باهي الراجل يرجا له كم يوم عيب طولنا عليه متجيش لو مش موافقه قولي متخافيش محد حيزرك علي شي ولووموافقه خليني انقوله عشان ايجيب هله ويخطب رسمي
• صالحه ....
• يتبع .......
• بقلمي .....احلام
