• #الامانة .....
• الحلقه... 24......
• في الليل الحوش امتلي معازيم وحطو العشاء كان كسكسو بالتقليه وبطاطا مبطنه ومسير ولحم وكانو دايرين خيمه في الجنان وحطن لصالحه فراش في وسط الخيمه وقمعزت عليه وقعدن ايحنن فيها والبنات ايدربكن يلاها
• حوش العز طلعتي منا ديري كيفه واحسن منه
• بالسلامه ياحوش البات يلي فيك الذكريات
• بالسلامه ياحوش الهل يادلالي وعزي الاول
• صالحه ...كانت تبكي من اغانيهن وتبحت في خواتها وامها
• مدي ايدك للحنه حني ياعروسه ان شاء الله اتهني
• مبروك الحنه في اقدامك والخير وراك وقدامك
• غلاكم عقدوه العقال وتميتي للزين حلال
• بين اشهود اليوم ختمنا صوبك ياغالي تممنا
• وقلبن البنات ودارن جو شلش
• دانا .....هبي هبي يارويحا النفسيه متريحه
• سميه ... حي حي حي لووووووووللللي
• وصال .....هبي هبي ياريح هضا هو الجو صحيح
• احلام ....ان شاء الله الجمعه جمعه خير كل حمامه تلقي طير
• البنات.......ووووووووووااااااااااووووووو ييييييييييييييييييياااااااا
• رندا ...همي نشكي فيه لروحي عليالص امت حطيت جروحي
• وصال ... نرمي شور المولي حملي واللي مكتوبه تقسملي
• وتمن ايتعايطن وايزغرتن وكل وحده اتقول في اغنيه
• كملن لصالحه الحنه ولفنها لها وتمن الصبايا بالوحده اتروح
• هويدا .....ماما هيا موسي يرجي بره
• فايزه ...هيا وين خواتك شوفيهن اختفن راه ايديرن حاجه
• هويدا .... طلعتهن رندا للموسي
• فايزه ..باهي الله ايربحها وبرمت تسلم علي امال مبروك عليها وان شاء الله بهناها يارب
• امال ...الله ايبارك فيك وعقبه للبنات وموسي ان شاء الله تفرحي بيهم
• فايزه ...ان شاء الله يارب
• امال ...متغيبنش عاد مش برانيات انتن
• فايزه ...ان شاء الله وانت طيبه وبحتت في صالحه مبروك عليك وان شاء الله دارك دارهناء
• صالحه ....الله ايبارك فيك ياعميمه
• هويدا ...سلام يبنات انتلاقو كانن مقمعزات يلا صالحه دانا وصال وايه واحلام وسميه وايهدرزن
• سميه ..... خلاص جاءتعبناكن معانا ياخيه نردوه لك فرحك يارب
• هويدا ....ابتسمت تعبكم راحه مش بيناتنا هيا سلام توه
• سميه ...سلامات
• صالحه... يابنات ضهري خلاص ايسطر قعد تعالن دخلني جوا هيا
• سميه .... صدق من قال العروس للعريس والجري للمتعيس اللي كيفنا انا كرعيا مش قادره انلم باقي الحوسه مش تبيني نشمرك كني ياخيه نكسر في ضهري شن قالولك عليا وين نقدرك انا
• صالحه ...طول عمرك لسانك طويل منبيش نهزب قدام البنات عيب عروس توه
• وصال ...هههههه بالشويه بس علي بعضكن كلمي خوتك يشمروها صاح صدقت ننقانه واعر عليها من امبدري مقمعزه ونحنا تو نخشو جوا
• ايه .... اهاا صاح كلمنهم اهن عبايتنا نلبسو و خليهم ايخشو ورن تلفونها شكله جاء ايوه بابا
• الحاجه مصطفي .... قريب منكن البسن ولما انرن اطلعن
• ايه ... خلاص نرجو فيك قاعدين وسكرت
• وصال ...شنو هيا
• ايه ...لا قال البسن جاي قريب من هنا
• احلام ..... تو انكلم واحد منهم ايو يا احمد قتلك كلم خوتك وتعالو
• احمد ....شن في كنكن
• احلام ...مافي شي تعال انت وياهم بس
• احمد ...تمام اشويه بس يلاهم الشباب توه
• احلام ...تمام وسكرت قال اشويه وايجو
• دانا ... باي يابنات نتلاقو بكرا سميه تعالي اشويه
• سميه .... نعم
• دانا .... قتلك زي ماتفقنا باهي نبي انفرحها واتجي حلوة بكل ومفاجاة اتهبل
• سميه ..... حاضر زي ماتفقنا وانا تو انسق مع المصوره والفرقه وا تجيها مفاجاة اتهبببل
• دانا ...خلاص تمام هيا سلام
• سميه ...سلام وبحتت لقت ايه وصال جايات جاء
• وصال ...اهاا مبروك عليها وعقبالك ايجيك عريس اللي في بالك وغمزتلها
• سميه ....ضحكت اميييين يارب
• وصال ... سلامات ياعسل وسلمت عليها بالخد
• سميه ....نجك ليا انت العسل والقشطه كلها وياعوين اللي يبي ايطيح فيك
• خالد....كان يبي ايخش سمعهن قعد ايضبح امي
• سميه ..... ضحكت هههههههه شكله جاء
• وصال ...فنصت اعيونها وهيا وجها احمر شن قصدك يافرخه
• سميه ...ابتسمت وغمزتلها خالد عشان يشمر صالحه 😂
• وصال ... طلعت باي وتو انوريك علي الجو اللي تديري فيه وطلعت قابلها خالد قدام الباب من جوا بحتت فيه ونزلت راسها وطلعت
• خالد .... كان يتبع فيها بعيونه وسرح وهو يفكر
• سميه ...ايوه كنك اتضبح
• خالد ..انفجع لعند نط كنك نعن
• سميه ...تضحك بسم الله عليك وين كان عقلك
• خالد ..رفع حاجبه شن تبن قال احمد تعال وخشو احمد وابراهيم
• سميه ...تعالو اشمرو صالحه قاعده بره في الخيمه ومحنيه دخلوها جوا
• ابراهيم ... مافيش حد روحو كلهم
• سميه ...قاعدين عيت خالي تو نخش انكلمهن
• احمد ...اسمعي كان في عشاء حطي جيعان بكل نبي انطيح علي وجهي
• سميه ... في اهاا تبو كلكم
• ابراهيم ..احسبينا اهاا مكليتش اكويس امبدري
• احلام ...خشو كنكم مصبيين هنا مافيش حد كلمتهن راه صبايا خوالي والبنات
• خالد .... تمام وخشو مع بعضهم
• ابراهيم ...اووووووو يابنت والله وصار منك
• صالحه .... ضحكت شفت عقبالك يارب
• ابراهيم ...امييين ان شاء الله
• خالد ...ها وين تبن انحطوها
• احلام ...ارجا نجيبلكم كرسي حطوها عليه واشمروها بيه اخسن
• خالد ...لالا نشمروها بالفراش مره وحده وخلاص غير خشي قدامنا بس
• سميه .... ارجو اشويه خليني ناخذلكم صوره معاها قربو هك من يلاها
• خالد ...تمام افففففف عليك بنه قويه كيف متحملتيها هذي
• صالحه .... تضحك وخلاص وتبحت فيهم وفرحانه
• ابراهيم ...شم واسكت و انت خوذي اللقطه بسرعه انخنقنا
• سميه ...تعال ياخالد انت من هنا وانت ياابراهيم من الجنب الاخر واحمد من لاوراء
• احلام ...جت تجري ارجييني تصوريش تجيش الصوره سمحه كان انا مش فيها وصبت يلا احمد
• سميه .... تمام هيا واحد اثنين ثلاثه وصورت
• ابراهيم ...بحت في احلام ضروري ادكي خشمك فيها
• احلام ...اهاا كان عاجبك
• خالد ...هيا بس وانتم معش سكتو ورفعوها وحطوها جوا في الدار وطلعو
• احمد ....سميه بعد يوتا العشاء رني عليا
• سميه ...تمام انسخنه بس
• صالحه ...احلام جيبي تلفوني حطي جنبي وسقمي مخدتي
• احلام ... قعدت اتسقملها في المخده هكي اكويس انجيبلك عشاء تعشي اكيد جيعانه
• صااحه ..لالا عنديش نيه منبيش
• احلام .... خذات التلفون من فوق الكامدينو حي في رقم ران عليك ورساله
• صالحه ....صااح افتحي الرساله زعما هو
• احلام .... اهاا كاتب فيها انا بشير
• صالحه .... صاااح باهي شن اندير
• احلام ... اكتبيله مسج قوليله مشفتش اتصالك وتوه غير شفته وهو حر بعدين كان رن باهي مرنش خلاص
• صالحه ...وكيف نكتبه انا وايديه هك ورفعت ايديها
• احلام ....تو نكتبه لك انا ارجي وقعدت تكتب اهو شوفي
• صالحه ... بحتت في التلفون معليش مشفتش اتصالك التلفون كان مش معايا وتوه كيف شفت رناتك بحتت في احلام بالك سامطه اللقطه متدزيهاش
• احلام .... دارتلها ارسال لاسامطه لاسو وين سماعاتك اكيده حيرن يبي ايباركلك شكله واخيرا تحرك ورن ماني عارفه ليش مابش ايكلمك
• صالحه .... .. في الدرج قاعدات وبعدين هو راجل يخاف ربي يبيش ايدير حاجه حرام واكيده عشان خالد صاحبه
• احلام ...بحتت فيها ورفعت حاجبها كيف صار قعدن اندافعو والا كيف
• صالحه ...اكيييييده حتي هو رااااااااجلي
• احلام .... صااار راجلللللك اهو ايرن ياحنه وركبتلها السماعات خوذي راحتك يا راجلي وفتحت المكالمه وطلعت
• بشير .... ايوه صالحه
• صالحه ...وهيا متوتره اهاا
• بشيرر.... اهلين مبروك عليناوربي ايقدرني نسعدك ان شاء الله
• صالحه ...كانت مبتسمه وقلبها ايدق الله ايبارك فيك
• بشير ... وهو مبتسم وفرحان كيف حالك
• صالحه ...حمدلله بخير وانت شن اخبارك
• بشير .... تمام بكل بسمع صوتك
• صالحه ...كانت تسمع فيه وساكته
• بشير ... محبيتش نتصل بيك بعد انقرت الفاتحه علي طول عشان كنت داير اليوم عزومه العشاء وحوسه قلت انكلمك في الليل وانباركلك
• صالحه ...اهاا قالتلي مروه عندكم عزومه اليوم
• بشير ... كلماتك اليوم مروه
• صالحه ..اهاا عشان اتبارك وهك
• بشير ... سلام توه نبيش انطول عليك اكيد تعبانه وان شاء الله بكرا لنا لقاء
• صالحه ....كان قلبها قريب يطلع من مكانه من كثر الدق سلام
• بشير ...تصبحي علي خير
• صالحه ....اتلاقي الخير وسكر غمضت اعيونها وهيا مبتسمه وفرحانه
• احمد ...كان جاي هو ابراهيم وخالد عشان العشاء وسالم كان لاحقهم خشو سمعو صوت امهم وكانها تبكي
• خالد ....صوت امي صاح ومشى جيهة الصوت ولحقوه ابراهيم واحمد
• سالم ...خش وراهم حتي هو لحقهم
• امال .... انا قتلك منبيش انوقع هضا باتي كاتبه ليا وباسمي مستحيل انفرط فيه يكفي اللي شفته منكم
• منصور ...لو عندك اوراق لها الكلام طلعيهن متخليهاش توصل بينا للمحاكم
• امال ..... كنكم انتم معقوله كل العز اللي عندكم حلي توه الحوش في عيونكم
• منصور ... قدم عليها وهو مفنص اعيونه انا اللي عندي كله وحتوقعي علي الحوش غصبا عنك
• ابراهيم .... امي شن في كنك وقدم لخاله
• سالم ..... مسك ابراهيم من يده وولما يبقا الحوش باسمها هضك الوقت توقعلك علي اللي تبيه وقرب منهم وقف قدامها وخلها وراه
• منصور .... شن اتخرف انت وبحت في امال شن ايقول هضا وقدم شورها يتلاحق فيها من وراء سالم يبي يمسكها
• سالم .... مسكه وباعده عنه مازال محترمك لانك دايس بساطي وقاعد في حوشي عشان هك احترم نفسك وخر مازال نعد في عيونها
• منصور ... انا محترم غصبا عنك وعنها وحتوقع يعني حتوقع التنازال
• خالد .... وهو راقيتله قدم جنب امه وحضنها من مافيش حاجه في الدنيا تقدر تغصبها مادام هيا مش راضيه ونحنا موجودين واعلي مافي خيلك اركبه
• سالم ..... خااااااالد وبحت فيه انتم متدخلوش مانبيش نسمح حس حد فيكم وبحت في منصور ولو قتلك معندهش شي اتوقعلك عليه والحوش باسمي مش باسمها
• منصور ...كذاب هات اللي يثبت كلامك
• سالم ... لو مش متاكد من كلامي وعندي مايثبت مكنتش قلته وانت عارفني اكويس اني منكذبش
• منصور ...بحت في امال ضحك عليك وخلاك اتوقعي يعني عادي تعطيه لهضا وقعد ايشير علي سالم وخوك اللي من لحمك لا
• كانو الشباب ماسكين اعصابهم بالغصب من كلام وحراكات منصور
• ابراهيم ...كان مسكر ايديه بالقوه وضاغط عليهن قريب ايهد علي خاله انت زودتها راه
• سالم ...ابراااااهيم شن قلت انا
• احمد ...مسك ابراهيم من يده وبحت فيه
• امال ..... كانت منقهره وتبحت فيهم انت خليت فيها اخوه بكل اين خو اللي تحكي عليها بالله وريه ليا اللي جاي وعشان اتنكد عليا فرح بنتي وينها الاخوه وريها ليا اللي تبي تاكل حقي بيها هذي الاخوه في نظرك جاي وتبي تحكي علي سالم وتتهمه بالكذب حشاه لاعمره كذب ولاعمره كلا حق حد عشان ايكون سراق هذا بات اعيالي وسندي نعطيه كل شي من غير تفكير هضا ساسنا اللي حامينا من اللي زيك
• منصور ....صار هك انت اللي اخترتي المحاكم معنها شدي ماجايك حنشوفو من اللي معاه الحق
• سالم ..... تمام وانت الخسران لانه من اول جلسه حنكسب القضيه واهو قاعد انقولك لانه الحاج عارف شن عنده وشن امربي عشان الحوش كاتبه ليا بيع اشراء وملش دخل في الورث بكل وانت حر تبي تمشي للمحاكم قدامم واللي عنده حق ياخذه وبحت امال اللي كانت ادموعها ينزلن
• منصور .... بحت في اخته بنظره استحقار ماشي من اليوم اعتبري روحك معندكش هل لا خوت ورن علي هله اطلعو بسرعه نرجا فيكم بره وطلع
• امال .... قمعزت وقعدت تبكي بعبرتها
• خالد ...حضنها خلاص يا امي م الله ايربحك ضغطك يرقا متخوفينش عليك
• سالم .... استهدي بالله ياامال امت عارفه منصور ايقول كلام وبعدها متلقي شي من الكلام اللي قالع وبعدين مايقدر ايدير شيحتي ورفع قضيه اصلا وكان لازم الكلام هضا انقال من زمان عشان مايتمادوش
• ابراهيم ...جاء يلاها وين دموعك مكملنش تو ينفجعن البنات معقوله يااموله مانحسابكش بكايه هك
• امال .... قعدت تمسح في دموعها كيف نسكت هذيم خوتي ايديرو فيا هك عشان رزق دنيا فاني والله لولا باتي كنت من زمان عزقته لهم في وجوهم لكن الله غالب ياما قتله مانبيش لكن هو سكر راسه الله يرحمه
• خالد .... ربي يهديهم خلاص انت متفكري في شي و استهدي بالله وان شاء الله مايصير الا الخير
• امال ....لا اله الا الله محمد رسول الله
• سالم ..... احمد كلم اختك اتجيبلها حبه الضغط وكبايه اميه
• سميه ....جت وجايبه سفره العشاء انتم هنا وانا من امبدري نرجا امسك يااحمد وبحتت فيهم كنكم شن في كنها ماما
• سالم ...مافي شي كلت امك اليوم
• سميه .. تغدت بس العشاء لالا مابتش اتقمعز
• سالم .... حط يا احمد الصفره وبحت في امال هيا صبي تعشي وباذن الله مايصير الا الخير
• احمد ...حطها قدام امه وقمعزو هيا ياحويجه انا جيعان ومش حناكل لعند تاكلي راه
• امال ...كانت اتبحت فيهم وتنهدت ربي ايخليكم ليا ان شاء الله وماننحرم منكم يارب
• خالد ...وايخليك لنا يا غاليه وخذا كشيك ومده لها هيا تفضلي
• ابراهيم .....قمعز يا حاج سايرنا
• سالم .... نقمعزو ناخذوحتي كاشيكين وبحت في امال هاشنو العشاء كله تمام
• امال ..الحمدلله ربي العالمين كيف مانبو واحسن
• سالم ....باهي الحمدلله
• سميه ..... كانت ماسكه تلفونها بحتو فيا كذا اشويا برمو عليها صورتهم تهببببل طلعو الف صحه
• 🍃🍃🍃🍃🍃🍃🍃🍃🍃🍃🍃🍃
• عند بشير.....
• بشير .... كان راقد وحاط يده علي عيونه وسرحان ومبتسم
• مروه ...دقت الباب وفتحت بحتت فيه نخش
• بشير.... عدل رقدته تعالي
• مروه .... وهيا مبتسمه دوووم مبسوط يارب وقمعزت
• بشير ... ابتسم وحط يده علي راسها وحركها شنو تعبتن اليوم
• مروه ...عادي تعب حلو وبفرحه مايسمش تعب
• بشري ..... خشت عليهم خيانه هذي امتي جيتي علي اساس نبي نسبقك
• مروه ... وانا سبقتك
• بشير ... تعالي قمعزي قرميلي شورك انت
• بشري ...لا تمام كله معنديش مانقرم الا عيت عمك
• بشير ....لا هذيم خليهم في حالهم ههههه
• مروه ...البنات وعمتي فرحانت كانه فرح خوهن والله محشينش انا وحدانا والا معندنش حد اصلا بعدروحو عيت عمي الجو قعد احلي والجيران جو كلهم والله عمتي فاطمه عازمتهن في صبايا منعرفهنش بكل
• بشير .... لانه انا قلتلها عمتي فاطمه اعزمي اللي تبيه عشان هك عزمت ولانه انا عزمت الرجاله علي العشاء وفي منهم حتي في الفاتحه
• بشري .... اهااا بعد خطرها راه قالت نبي انقول للعرب نبو انديرو اسبوع والعشاء شورها قا وحلفت عليه
• بشير .... كيف هك لالا تو نحكي معاها وكان ضروري تبي اتدير اسبوع انا حنصرف بعدين
• مروه ..هيا قالت متقولنهاش له راه لانها مصره عليه ومتبيش اتزر عليك
• بشري ..لما حكيتلها قلتلها باهي انديرو اسبوع كان تبيه انت بس حنقول لبشير عليه وهو يصرف زعلت بكل وقالت خلاص ديرو رايكم مادام انتم معتبريني برانيه شوي قلتلها خلاص ديري اللي يريحك
• بشير ...لاحول ولاقوة الا بالله
• مروة ..هيا فرحانه وتبي فرحك كامل ومتبيش اي حاجه ناقصه فيه قالت بكرا تبي اتدير جو حنايات ونمشو نحنا قبلك هك منسقه كل حاجه
• بشير ... ربي يحفظها ان شاء الله وايطول في عمرها خلاص تو انكلمها بكرا انا ونتفاهم معاها
• مروه .... خلاص انا نبي انصبي نرقد نعست
• بشري ... جايه معاك تصبح علي خير
• بشير .... وانتن من اهله
• 🍃🍃🍃🍃🍃🍃🍃🍃🍃🍃🍃
• ثاني يوم .....
• هويدا ..... موسي ماشي للمحل اليوم
• موسي ...مش عارف علي الفضوه ماشي توه للشباب بالك يبو حاجه
• هويدا .... اهاا باهي طق في المحل تجيبلي هذي حقيتها عندكم منزلينها علي الصفحه نبيها بعدين ضروري
• موسي .... تم تو انجيبها
• هويدا ...تمام بكل خوذ هذا حقه
• موسي .... بحت فيها ورفع حاجبه والله غير خلي بس
• هويدا .....هههههه هيا هديه لصاحبتي مفروض تكون مني يعني
• موسي .... تبيها مغلفه والا لا
• هويدا .... اكيد مغلفه يعني
• موسي .... تمام وانا جاي انشيلكن للصاله نتكي انجيبها لك ورن تلفونه بحت فيه ايوه ياباشا
• ابراهيم.... وين قاعد
• موسي ...في الحوش وتوه كنت جاي عندكم كنك في حاجه
• ابراهيم ... لو فاضي تعال بالله نبو السياره بنشيلو الدبش للصاله
• موسي ...تم هيا مسافة الطريق
• ابراهيم ..تمام بكل سلام
• موسي .....سلامات خلاص ماشي للشباب يبو السياره امتي تبن تمشن انتن
• اهويدا ...مع السبعه هك
• موسي ...تمام سلامات توه
• هويدا ...سلام
• فايزه ....وين موسي طلع
• هويدا ...اهااكلمه صاحبه يبو السياره
• فايزه ...كانت سرحانه وتفكر
• هويدا ...كنك يا ماما
• فايزهو...وهيا مرتبكه كني مافي شي قتلك وصال من وين تعرفتن عليها
• هويدا .... والله صاحبه سميه هيا تعرفنا عليها يوم تغليف دبش صالحه وبات سميه صاحب باتها الله يرحمه
• فايزه ...توترت اهاا غريبه مش جايه معاها امها مادام صحبه هك
• هويدا .... وهيا مستغربه ردت فعلها لا امها متوفيه ومربيتها جدتها قالت متقدرش تطلع ممكن اليوم اتجي
• فايزه .... بان علي وجهه الخوف وناضت بسرعه خاشه انتريح حاسه جسمي متكسرومن تقمعيزه بره
• هةيدا ...تبحت فيها تريحي تو انوعيك العصر
• فايزه ...خشت للدار وهيا ترعش ومردتش عليها قعدت ماشيه جايه في الدار يارب سترك يارب سترك
• 🍃🍃🍃🍃🍃🍃🍃🍃🍃🍃🍃🍃🍃
• عند سعاد ......
• ايوب .... سوسو شن الجو
• سعاد ...اهلين كيف خطرنا علي بالك
• ايوب ...والله نبي منك مصالحه ران عليك
• سعاد ...قولها من الاول عارفه اصلا اتصالك هالوقت مش بلاش
• ايوب ...المهم عارفه اليوم شنو طبعاونبيك اتجي نبي انديرلها مفاجاة
• سعاد ....اهاا اكيد يعني من كان ايرتب في الجو غيري
• ايوب ...تمام عارفك اصليه ها شنو نعبا عليك والا خلاص تزوجنا
• سعاد .... هههههههه شن الكلام هضا اللي تقول فيه علي العموم تو انشوف عزيز بس البنات وامي ماشيات للفرح وانا كان جيت حنخرب عليهن
• ايوب .... هنا ماشيات المغرب شايلهن باتي انت تعالي بعد المغرب تلقيني نستني فيك
• سعاد ... تمام تو انشوف عزيز بس مرات ايروحن متاخر وعزيز ايروح بدري يعني امتي يبي ايحطني ويروح بيا مش عارفه والله لو ماصارش خليها بكرا وخلاص وهيا تحكي خش عزيز للدار
• ايوب ...والله شوفي روحك انت لو حصلتي باهي لو لا عادي يعني متزريش علي روحك
• سعاد ..تمام تو انشوف وانقولك
• ايوب ...تمام سلام ياسمحه
• سعاد .. سلام سكرت وبرمت علي عزيز اهلين طولت اليوم
• عزبز ...اوهو يسلح في ساعته اهاا شلت السياره للورشه خذت وقت علي ماوتت طلعيلب دبش نبي اندوش
• سعاد ....اهااا ربي يعطيك الصحه فتحت الدولاب وقعدت اتطلعله في دبش
• عزيز ... وين العيال ملهمش حس
• سعاد ... من اشويه نزلو يلعبو مع عيال موده
• عزيز ....اهااا كنه ايوب يبيك تجي في حاجه عند هلك
• سعاد .... اليوم عيد ميلاد وصال ودايرلها مفاجاة قال تعالي وهيا ماشيه للفرح مرات ف يبي ايديره لها بعد اتروح
• عزيز ...تبي تمشي انشيلك وباتي عندهم وبكرا انروح بيك
• سعاد ....تمام بس العيال حيمشو وايباتو معايا غير هك لا
• عزيز ..... ايتعبوك بالك
• سعاد ...لا عادي اساسا ماما تبيهم ولو نمشي ونسيبهم حتزعل
• عزيز ...علي راحتك معنها
• سعاد ...وهيا مبتسمه تشرب قهوه
• عزيز .... نشربو ليش لا
• سعاد .. خلاص خش دوش وحتلقها واتيه وطلعت وهيا فرحانه
• 🍃🍃🍃🍃🍃🍃🍃🍃🍃🍃🍃🍃🍃
• امال ...مشاء الله تبارك الله يا عيني ربي يحفظك من العين يا امي
• صالحه .... نجك ليا ياماما شنوو مكياجي حلو
• سميه ...ايهبببل بكل مغيرك طالعه خياااال
• صالحه ....نجك ليا يارب فرخه احلام وين
• سميه ...جوا قاعده تعالي هيا خشي
• امال ...هاكي اشربي وسمي
• صالحه ....شربت اميه وخشت تمشي بالشويه وكانت طالعه اتهببببل والمصوره اتصور فيها لعند وصلت للمسرح وقمعزت
• احلام .... قعدت اتساويلها في الفيلو تهبببلي يافرخه طالعه
• صالحه ... متغيره حسيت روحي مش انا شن جو كله تمام
• احلام ...احلي مايكون انخليك توه ونمشي للبنات
• صالحه .... تمام
• وبدت الفرقه اتغني وركبن البنات علي المسرح وشالت الدنيا وبدن رقيص وجو اشويه وقالو الحنايات وصلن وخشن كانن لابسات عربي والحاجه فاطمه حنتنها بخاتم ذهب ومفتاح وشتن وغنن ورقصن طبعا مغباكن في زحمه الحنه
• دانا .... سوما ها وين حطيتي التورته
• سميه ...في دار العروس حطيتها شكلها ناسيه بكل
• دانا ...اهاا بكلل تندريش عليه شنو كلمتي الفرقه والمصوره
• سميه ...اها كلمتهن كله تمام
• وصال ...كنكن انتن شن عندكن من ورايا
• دانا.... شن بيكون يعني هيا تعالي نرقصو
• وصال ... هيا وقعدن يرقصن هن الاثنين لعند قالو جاء العريس نزلن بسرعه وطل وحده لبست عبايتها وقمعزن
• سميه ...صبي هيا صالحه
• صالحه ...صبت وقعدت ترعش وايديها صقعن ونزلتلها الطرحه ونزلت
• بشير .... خش للصاله قابلته مروه وبشري ابتسم وحضنهن هنا الاثنين مع بعضهن
• مروه ...مبروك ياغالي ربي يسعدك يارب
• بشير.... الله ايبارك فيك
• بشري .... تباعدت عليه طالع طرف وين السمحه هذي كلها
• بشير .... من بعض ماعندك وقرص خدها بالشويه
• مروه ...هياسمي وخش
• بشير ....تمام خش قابلاته الحاجه فاطمه سلم عليها بالخد وعلي راسها ويدها وكمل طريقه وعيونه علي صالحه والابتسامه ماليه وجها وركب علي المسرح ورفع الطرحه وسلم علي راسها مبروك يا سمحه
• صالحه .... وهيا منحرجه منه الله ايبارك فيك وجت المصوراته وخذتلهم كم لقطه وغيرو الدبل وقصو التورته وكلها وكلاته
• بشير ...هيا نروحو
• صالحه ....تمام وقعدت تدور بعيونها في خواتها وامها
• بشير ...مسك يدها وقعد ايساعد فيها تنزل وطلعو والفرقه اتغني
• اجعل ليلتها ضاويه كيف طريق الزاويا
• اجعل ليلتها ضي في ضي مايشمت فيها حي
• وصلو الريسبشن ولبستها سميه الكاب وهيا عيونها مليانات ادموع
• صالحه .... حضنتها وهيا تبكي
• سميه ...تبكيش ربي ايهنيك يارب هيا اطلعي بسرعه
• صالحه ...ماماواحلام وين باهي نسلم عليها
• سميه ...هيا اطلعي الراجل يرجا فيك خلاص تو تشوفيهن بكرا باي
• بشير ...مسكها من يدها وركبها في السياره وطلع وكانو اصحابه دايرين زفه وراه
• احلام .... كانت تبكي ويسكتن فيها البنات
• هويدا ....خلاص ربي يسعدها يارب وايهنيها وعقبالك ساد دموع
• احلام ...تمسح في دموعها
• دانا ....بحتت في الساعه وغمزت للبنات هيا نركبو علي المسرح نديرو جو هيا احلام صبي قبل لاتكمل الفرقه وصلتها
• احلام ...تمام هيا تعالن وركبن والفرقه بدت وصلتها وقعدن دايرات جو عليها
• دانا ....احلام وين سميه
• احلام ..في دار العروس
• دانا ...تمام مشت خشتلها ها شنو وينك من امبدري نرجا فيك
• سميه .... كانن اعيونها حمر من البكا كنت هنا اهو وتيتها لك خوذيها تو نطلع انكلم متاع الصاله عشان تطفي الضي
• دانا .....تمام وخذتها وطلعن مع بعضهن وصبت في الاستقبال لعند طفا ضي الصاله وخشت دانا ومعاها سميه وهيا ماسكه التورته علي موسيقي هابي بيردي تو يو وكل ماتمشي الاضاءة تولع
• وصال ...كانت مصبيه فوق المسرح وهيا متفاجاة وتضحك وتغيرت الاغنيه وحطو اغنيه
• حضر حالك ياقمر لتكون انت الهديه عيد ميلاد اغلي البشر ونجومك نزلا هيا
• دانا ...وصلت فيها وحضنتها كل سنه وانت طيبه يارب يا احلي وصال
• وصال .... وانت طيبه شكراااا بكل مفاجاة اتهبل ماننحرم منك يارب
• دانا ...مش مجهود شخصي معايا البنات والله .بس الفكره فكرتي
• وصال ....وهيا تضحك واعيونها مليانات ادموع نجك ليا يارب
• سميه ..كل سنه وانت طيبه يارب
• وصال .وانت طيبه يارب شكرااااااا مش قادره انوصفلكن فرحتي والله
• الحاجه مبروكه ....ركبت علي المسرح كل سنه وانت طيبه ياعيني وعقبال انشوفك عروس يارب
• وصال ...حضنتها وانت طيبه ياغاليه وربي مايحرمني منك
• دانا ...هيا طفي الشمعه ذابت تعبت من مسكتها
• سميه .... هاكي حطيها هنا وانت طفي الشمعه هيا
• وصال .... غمضت عيونها وهيا فرحانه وطفت الشمعه وكانت المصوره تاخذلهن في لقطات
• ايه .... قلبي العمر كله يارب
• وصال..... تسلميلي ياعيني
• هويدا ....تفضلي هديه بسيطه ان شاء الله تعجبك
• وصال ...نجك ليا شكرا والله مافي داعي
• هويدا .... العفو ياسمحه والعمر كله ان شاء الله
• وقصن التورته ودارن عليها جو وبعدها بدا كل واحد ايروح
🍃🍃🍃🍃🍃🍃🍃🍃🍃🍃🍃🍃🍃
• وصال .... نزلت من السياره وخشت وهيا اتساعد في الحاجه مبروكه بشواش يا امي وفتحت الباب وخشن يييي ايوب شكله طافي الضي دنيا كلها مضلمه
• الحاجه مبروكه ..... بسم الله هاتي يدك يا ايه منشوف في شي
• اية .... تعالي يا حني بالشواش
• وصال ...خليك مكانك يا امي انولع بس الضي راه تطيحي ولعت الضي هيييييييييي
• يتبع .....
• قراءه ممتعه ورايكن في الحلقه ❤❤❤
• بقلمي ...احلام
•
