• الامانة......
• الحلقه 5......
• عند خالد في الورشه ....
• خالد ...كان ايصلح في السياره
• صاحب الورشه ...خالد تلفونك يرن تعال شوفه بالك حد يبيك معش بطل رن راه
• خالد ..رفع راسه وبحت في الرجل وخذا فوطه مسح ايديه من الشحم اهو جاي وصل في تلفونه والرنه كملت خذاه وبحت فيه لقا خمس مكالمات من رقم غريب عقد حواجبه وجا بيرن عليه اشوي رد رن الرقم اخري فتح الخط ايوه
• البنت... بصوت تجعوين الوووو
• خالد ...رفع حواجبه من معايا
• البنت ... خالد معايا
• خالد ..بحت في صاحب الورشه وخر من يلاه ان شاء الله
• البنت ....انا معجبه بيك وبشخصيتك ونبي انتعرف عليك
• خالد .... وهو مصدوم من جرائتها في سره استغفر الله العظيم عليك وقاحه معليش يا اختي انت اكيده غلطانه
• البنت .... بصوت دللللع لالا مش انت خالد سالم الفلاني
• خالد ... وهو مش عارف مايرد اهاا
• البنت ...شفت انا منبي منك شي الا انك اترد عليا كل من رن عليك
• خالد ...رقتله منها ومن تجعوينها اسمعي يا بنت الناس رقمي معش اترني عليه وفوتي الجو هضا لانه هالمره رديت عليك باحترام مره اخري منعرفش كيف حتكون ردت فعلي وسكر عليه وهو راقيله خزي الاشكال المقلبه وحط رقمها في الحظر وحط تلفونه في جيبه ومشا يكمل في شغله
• 🍃🍃🍃🍃🍃🍃🍃🍃🍃🍃🍃🍃🍃🍃🍃🍃
• عند موسي ......
• موسي ...طالع من داره ويلبس في ساعته حاجه كيف حالك
• فايزه ...بخير احسن اليوم
• موسي ...الحمدلله
• هويدا ...خشت لدار المعيشه وفي يدها صفره القهوه وبحتت في موسي انت هنا قبل ضبحت عليك عشان تشرب قهوه ومدتله الفنجان
• موسي ...خذاه وقمعز
• هويدا ....حطت السفره علي الطاوله اللي جنب امها رندا تعالي اشربي قهوه و جيبي سفره للبنات
• رندا ...هيا جايه
• موسي ..وهو يشرب في قهوته عندكن طلبيه اليوم تبي توصيل
• هويدا ...وهي تمد في كبايه حليب لامها اهاا واتيه كملت تغليفها قلت تشيلها معاك وانت طالع بدال ماترد اخري
• رندا .... حطت السفره لخواتها وخذت فنجانها وقمعزت حطيتها لك في المربوعه علي المكيف عشان الحمو
• موسي ... تمام ابعتيلي الرقم اللي يبي يستلم خليني نسلمها له قبل وبعدها نمشي للمحل
• هويدا .... اهو سجله عندك وانا تو نبعتلها انك تبي تسلمه لها توه
• موسي ...تمام انا طالع تبن شي
• نسرين ... جيبلي معاك لوسي باهي
• فطومه ...حتي انا نبي وجيب لريم معانا
• موسي ..تمام تو انجيب هويدا ناقصه حاجه في الحوش دزيها ليا في رساله وانا مروح انجيبها
• هويدا ...تمام
• 🍃🍃🍃🍃🍃🍃🍃🍃🍃🍃🍃🍃🍃🍃🍃🍃
• عند حوش سالم ......
• صالحه ..يانعليا كرعيا ذابن من كثر اللف وانتن شي مايعجبكن العجب
• سميه ..والنبي اسكتي وانت من امبدري وانت تنقي كنك لعند خليتي احمد ايمل
• صالحه ...ت شن نسكت وانتن سوق هك كبره تخشي لمحل تطلعي من محل مش عاجبتك حاجه وهو والله في حاجات سمحه
• سميه ...انا نوعيتي نحبش ناخذ من اول محل ضروري نبرم قبل وونشوف بعدها انقرر
• امال .... كنكن شن في خاشات بالهرايج
• احلام ...فوتيهن تعالي شوفيلي هذين حلوات وطلعت لبسه شن رايك
• امال ...هكي حلوه بس علي اللبس اتبان اكثروانت سميه شنو شريتي
• سميه ..اهاا خذيت هذي شن رايك
• امال ...حلوة اتهبببل تلبسيها بالهنا يارب
• صالحه .... هاكي ياماما شوفي
• امال ... خذت منه الكيس وفتحاته طلعت منه عبايه ابتسمت سلمكن جيابات
• صالحه ...هاشنو عجباتك وخذت الكيس الثاتي طلعت منة ايشارب وكندره واطيه عاد مش سميه بس تلبس جديد في تخرجها
• امال ... من وين الفلوس اللي عطاهن لك باتك صاح
• صالحه .... انا خذيت قميص هضا شن رايك فيه والباقي خذيت بيه العبايه واللي نقص زاد عليهن ابراهيم من عنده
• احلام ..طبعا ذوقي العبايه سمحه صاح خذبتها لك زي البشت وبسيطه
• امال ...سلمكن جيابات وان شاء الله نفرح بيكن كلكن ونتهني عليكن
• احمد .... سلم علي راسها خير ياحويجه
• امال ..وهيا مبتسمه خير ياباتي
• احمد ..سميه صبي ديريلي حاجه ناكلها
• سميه ...باهي انغير دبشي بس
• احمد ...انا بره بعد يوتا ديري رنه
• امال ...وين ماشي حلك خشيت
• احمد ... قدام الحوش قاعد مش متباعد
• 🍃🍃🍃🍃🍃🍃🍃🍃🍃🍃🍃🍃🍃🍃🍃🍃
• عند خالد ......
• خالد ...خير يا باشا
• بشير ....اوووو خلوده خير ياقدر عاش من شافك
• خالد ... تعيش ياغالي شن الاخبار
• بشير... بخير والله انت شن داير وشن امورك
• خالد ...ماشيه الحمدلله شن جو المحل
• بشير ...اهو والله مره هك ومره هك وماشيه
• خالد .... ربي يفتحها عليك ان شاء الله شنو حصلت واحد يمسك معاك
• بشير ...لا والله مازال اشويه اخري وبنسكر عشان البنات قاعدات في الحوش معاهن جارتنا مره كبيره اتجيهن من الصبح تقعد معاهن
• خالد ...تمام بكل انا جاي نبي انقولك احمد خويا ايدور في مكان يشتغل فيه خير من قعدته في الحوش خطرت علي بالي قلت انشوفك
• بشير ...من بكرا نرجا فيه يمسك المحل معايا
• خالد ...تم معنها بكرا العشيه ايكون عندك
• بشير ..تمام بكل خلاص نستنا فيه
• خالد .....هي نتلاقو منبيش نعطلك سلام
• بشير ... سلام
• 🍃🍃🍃🍃🍃🍃🍃🍃🍃🍃🍃🍃🍃🍃🍃🍃
• عند الحاجه مبروكه .....
• ايوب ..... فتح باب الحوش وخش للصاله وهو يسمع في هدرزه وضحك السلام عليكم
• هنا ... كانن مقمعزات ويهدرزن في دار المعيشه ومعاهن ايه وعليكم السلام
• الحاجه مبروكه ...ربي يعطيك الصحه ياحني وينك اليوم
• ايوب...عمل والله مافضيتش وبحت في وصال شن صار معاك في العمل
• وصال ...وهيا منزله اعيونها مافيش جديد
• ايوب ...بحت فيها وسكت سعاد حطيلي العشاء ميت جوع علي بين ماصليت
• سعاد ...صبت هيا عقبنالك من الغداء نسخنه لك بس
• ايوب ...صبا وخش لداره توضي وصلي وطلع خش علي سعاد في المطبخ كر الكرسي وقمعز
• سعاد ... قبل نبي انجيبه لك في الصاله تعال غادي تقمعز براحتك
• ايوب ..لا هاتي حتي هنا نتعشا وبعدها نشرب الشاهي يلا حني
• سعاد ..حطت الصفره قدامه علي الطاوله وقعدت تلم في الحوسه
• ايوب ..بدا ياكل بسم الله وهو منزله اعيونه خذت الظرف
• سعاد ...طفت الميه وبرمت بحتت فيه وهيا ساكته
• ايوب .....رفع عيونه وبحت فيها كنك ساكته
• سعاد ...كرت الكرسي وقمعزت تعشا قبل وبعدها نحكو
• ايوب ...حط الخبزه من يده لا احكي نسمع فيك
• وصال ...كانت مقمعزه يلا الحاجه مبروكه في الصاله تحكي هيا ودانا علي النت
• دانا ...ها شن صار حتمشي معايا راه
• وصال ...مش عارفه نشوف ايوب قبل مرات مش فاضي
• دانا ..صبي شوفيه انت قوليله لو مش فاضي نقول لخويا هو ايشيلنا صبي هيا شن ترجي
• وصال... تمام اشويه ونرد عليك اتجهت للمطبخ كانت تبي اتخش بس سمعت صوت سعاد
• سعاد ...بحتت فيه وتنهدت هو سؤال ونبي جواب واضح عليه ليش تغيرت معاملك مع وصال
• وصال ...حطت يدها علي قلبها وغمضت عيونها
• ايوب ...تنهد مش عارف شن انقولك او بلاصح انا اللي نبي نسالك هل معاملتي مع وصال تعدت معامله الاخ يعني عمرك حسيتي اني ا نعامل فيها عكس ما نعامل في ايه مش عارف انا منبيش انكون محور حياتها ابدا وصال هيا اختي واكثر حتي من اختي ممكن فهمت معاملتي واسلوبي معاهاحاجه ثانيه بس انا عمري ماشفتلها الا انها اختي وامانة عمي اللي يوم ماحك معايا وعدته اني نصونها ونرعها ونكون ليها السند والاخ اللي تحتاجه في حياتها
• وصال ...كانت مغمضه عيونها وحاطه يدها علي فمها ودموعها ينزلن وبمجرد ماسكت برمت وخشت لدارها
• سعاد ...انت شن اللي خلاك تقول الكلام هضا يعني شن اللي خلاك اتحس انها تنظرلك غير انك خوها
• ايوب ...سمعتها بالصدفه تحكي هيا وايه
• سعاد ...سكتت
• ايوب ....بصدق انا منصدم ومتفاجى من يومها ومشعارف كيف حنصرف انا منبيش نجرحها ولاهاين عليا زعلها صدقيني
• سعاد ..بس اسلوبك هضا جرحها يوم اللي اتجي وتمد مصروفها لأمي في ظرف انت اتكون هك كسرتها مصروفها اللي كانت لما تستحق اتجي واتقولك و تاخذ فيه من جيبك مش من يدك حتي صدقني هياعارفه ومتأكده انك انت متكنش لها الا مشاعر الاخوه عشان هك تغيرك جرحها لانها تحس انها ملهش حد غيرك انت باسلوبك هضا باعدتها عنك منغير ماتحسب احساب لشعورها كأخ ممكن انا وامي عوضنها عن امها بس مافيش حد قدر يعوضها عن باتها غيرك انسي الكلام اللي سمعته وتعامل معاها كيف ماتعامل في ايه وخلي القلوب للزمان هو اللي ايداويهن
• ايوب ... كان ساكت ويسمع فيها
• 🍃🍃🍃🍃🍃🍃🍃🍃🍃🍃🍃🍃🍃🍃🍃🍃
• عند سالم .....
• كانو مقمعزين في دار المعيشه
• سميه ...خالد بكرا نبيك اتجي خوذ اجازه حتي ساعات
• خالد ..وهو يبي ايرقيها لها مش عارف بكرا عندي كم سياره يبن تسليم ومازال ماكملتهن صعب اني انجي
• سميه ..وهيا راقيتلها مش شوري ايوه انت بالذات نبيك اتكون قاعد
• ابراهيم ...قالك مش فاضي عليش السكنان ومش حاجه كبيره هيا تخرجك شغله اهم
• سميه ..وهيا قريب تبكي مش حاجه مهمه بالنسبه لك اما انابالنسبه ليا تعب اسنين ونبي تكمل فرحتي لما يقعد قاعد
• خالد ... جاء يالها ياهبله تو صدقتي اني مش جاي انبصر معاك وبعدين حتي لو مش فاضي كنت مستحيل نفوت تخرجك
• سميه ..وهيا تبكي وتضحك المهم اتجي
• احمد ..بلا ادموع مسرع ماينزلن علي سبله قاعدات
• سميه ..بابا كلمهم ياخطوني انا بروحي متوتره عشان بكرا
• ابراهيم .. من جاء شورك هو انت اللي متسبله
• امال .... سيبوها في حالها انتم معش اتركبو عليها
• احلام ... خشت وهيا جايبه سفره فيها تفاح وموز وحطتها قدام باتها وقمعزت يلا احمد
• سالم ...شنو مش ناقصك شي
• سميه ...لالا كله تمام
• خالد ...بحت في احمد وبعدها في باته اليوم كلمني بشير يبي واحد يمسك معاه المحل عشان خواته قتله انشوف احمد يمسكه معاه شن رايك
• سالم ... مافيش مشكله بشير يستاهل كل خير انا من قبل رافض لانه كان مازال شهاده ثانويه منبيش العمل يلهي علي قرايته بس توه هو حر مادام ماعنده شي اقل شي خير من قعده الحوش والتصباي في الشوكه
• خالد ....بحت في احمد خلاص بكرا بعد العصر تمشيله وتبدا معاه من بكرا
• احمد .....وهو مبتسم تم
• خالد .... وهو يحكي رن تلفونه بحت لقاه رقم غريب داره صامت ورد يحكي سكن التلفون ايرن
• امال ... وهيا تقشر في التفاحه خالد تلفونك شكله ايرن وانت لاهي في الهدرزه
• خالد ..خذاه وبحت فيه اهاارقم غريب مش عارف من
• سميه.... بحتت في خواتها وجها انصفر
• صالحه ... اللي مقمعزه يلا سميه ضربتها بمرفقهابمعني رنت عليه
• خالد ..بحت في التلفون لقاه مازال يرن صبا وطلع بيه بره وفتح ايوه
• ايمان ..واخيراااا رديت
• حالد ..وهو راقيتله قسما بذات الله ماتسكري وتحترمي نفسك نجيب رقمك ونعرفك من وبعدها حتشوفي شي عمرك ماشفتيه وقد اعذر من انذر وسكر عليهااستغفر الله العظيم من كل ذنب عظيم ايخلن الواحد قريب بلاعقل واحد ايحطها في حضر ومازال ترن برقم اخر صحه وجه وقلت تربيه
• ابراهيم ..وهو يطلع في الدخان من جيبه كنك راقيلك
• خالد ..... وهو يحط في تلفونه في جيبه مافي شي
• ابراهيم .... شن صارشفت السياره اللي قالك عليها الحاج
• خالد ..اهاا شفتها ماشيه واجد وصالتها مش حاجه فتتها
• ابراهيم ..اهاا كيف خطر عليك بشير
• خالد ..والله بالصدفه كنت ماشي للحدائق اشوي قلت نشوفه كان محصلش حد انقوله علي احمد اهو يفوته الفرخ هضك ونتفكو من وجيجه
• ابراهيم ... احسن اهاا علي الاقل يقعدن فلوسه في جيبه لو يبي حاجه
• خالد ..حاول اتكلمه فكني منا جو ميكلمش فيك وانت مشي الجو كبر عقلك واحكي معاه هو حيفوت ويقعد عادي
• ابراهيم ..وهو يدخن ان شاء الله خير
• 🍃🍃🍃🍃🍃🍃🍃🍃🍃🍃🍃🍃🍃🍃🍃🍃
• عند الحاجه مبروكه .....
• وصال ... وهيا تفطر سوسو قتلك قولي لايوب نبي نمشي للجامعه معزومه علي حفله تخرج بنيه صاحبتي وتبي اتجي دانا تاخذني خوها يوصلنا
• سعاد ...قعدت اتبحت في عيونها اللي متورمات من كثر البكا باهي تبيش اتقوليلي كنك وعليش البكا هضا كله لعند اعيونك هك قعدن
• وصال ... مافي شي تشغليش بالك وصبت تغسل فنجانها المهم نعبا عليك تعطيه العلم اشويه وجايه دانا
• سعاد ...تمام عدي كان تبي اتوتي روحك
• وصال ...خذت مكعبات ثلج من الفريزر وطلعت وخشت لدارها وقعدت اتمشي فيهن علي وجها وغيرت دبشهاوبرمت علي وجها بشويه ميكاب ولبست ايشاربها علي رنت تلفونها ايوه دانا
• دانا ..اهلين هيا اطلعي قدام الحوش نحنا
• وصال ..ه تمام طالعه خذت شنطتها وطلعت حني طلعت انا جت دانا
• الحاجه مبروكه ... مربوحه يمي ربي يحفظك ويحميك ان شاء الله وايفرحني بيك يارب
• 🍃🍃🍃🍃🍃🍃🍃🍃🍃🍃🍃🍃🍃🍃🍃🍃
• عند سميه في الجامعه ....
• سميه وهيا تحكي لصاحبتها متوتره بكلللل ان شاء الله خير
• صاحبتها ...اشر منك المهم الواحد تفكا من هالقرايه
• سميه ... مش غيرررر واخيرا بحتت قابلتها دانا وصال مشتلهن وهي مبتسمه
• دانا ...وهيا تحضن فيها سوما يا عسل مبروووك والله صار منك وتخرجتي
• سميه ..وهيا تضحك الله ايبارك فيك يارب
• دانا .... هذي وصال عرفتيها
• سميه ...اهاا وصال بنت عمي صالح صاح عاش من شافك
• وصال ...اهااهلين وسلمت عليها الف مبروووك
• سميه ..الله ايبارك فيك يارب شن اخبارك وشن دايره
• وصال ...بخير الحمدلله
• سميه ....بابا وماما هنا حيفرحو لما يعرفو انك جيتي وبرمت اتدور في باتها وشيرتلهم
• وصال ...بحتت في دانا وهيا متوتره خليهم انا نمشي انسلم عليهم
• سميه ..تمام تعالي وبحتت في دانا مكنتش نعرف انك مازال تواصلي معاها
• دانا ..وصال صاحبتي متفرقنش من ايام الاعدادي
• سميه ...عمرك ماحكيتلي عليها وصلت فيهم وكانو اييحتو فيهن
• وصال ... خير ياعمي سالم
• سالم .....
• يتبع .....
• بقلمي احلام
