• #الامانه......
• الحلقه 8.....
• هويدا .... اااااااااااه ضهري خلاص قريب يطربق انحسه
• رندا ..سيبي اشويه وتريحي انت من امبدري معش تريحتي تو اندير انا
• هويدا ... قمعزت اشويه حي بنصبي نرن علي موسي نعطيه اللي وتيناه امبدري هو سرح شكله وصبت تبي تطلع راسها برم غمضت اعيونها وردت قمعزت
• رندا ..كنك قمعزتي
• هويدا ..راسي برم حسيته اشويه وانصبي
• رندا ..سيبت اللي في يدها ..خليك تو انشيله له انا
• هويدا ..قمعزي كملي بس انت تو انصبي انا مافيا شي طلعت خذت الصفره ورنت علي تلفونه وقدمت صبت يلا الباب الفاصل بين المربوعه والحوش وقعدت ترجا فيه
• موسي ... طلع خذا منها الصفره قتلك جيبيلي خيط الشحن من جوا تو انجي ناخذه
• هويدا.....حاضر هي خشت جابته له وقعدت ترجا فجاءه ...
• خالد .... صبا وبحت في موسي طالع انرد علي التلفون طلع ورد الباب وراه ورفع راسه قابلاته هويدا ارتبك ورد فتح الباب وخش
• هويدا .... بحتت فيه هييييي وخشت بسرعه
• موسي ...كنك خشيت
• خالد . ارتبك لا شي نبي مفتاح السياره وخش خذا مفتاح السياره وطلع بسرعه من غير مايبحت جيهه الباب الداخلي
• هويدا ... خشت لرندا وهيا ترعش ولانه كان جسمها تعبان بحتت في رندا وهيا حاطه يدها علي راسها رندا الحقيني وطاحت
• رندا....انفجعت بسم الله عليك كنك وجتها تجري هويدا هويدا ردي عليا حي عليا شن اندير وقعدت تضرب في خدها بالشويه وناضت بسرعه وخذت كبايه اميه من غير ماتحس امها وجتهاا ورشت عليها اميه بس ماوعتش توترت حي عليا شن اندير
• موسي ...خش اهويدا وين خيط الشحن وبحت لقا هويدا طايحه ويلاها رندا جاها بسرعه منفجع كنها شن صار
• رندا ...مش عارفه خشت عليا وجها منصفر وطاحت معش وعت
• موسي ..عدي جيبي عطر والا بصل بسرعه
• رندا ...هيا هيا عدت جابت عطر حطت منا علي يدها تشمملها فيه
• موسي ....هويدا تسمعي فيا وايخبط علي وجهه بالشويه
• رندا ....اهي بدت توعه الحمدلله هويدا
• هويدا ...ااااااااه وحطت يدها علي راسها وفتحت اعيونها
• موسي ...شن اتحسي كنك
• هويدا ...غمضت اعيونها راسي بكلللل يبرم
• موسي .... هيا صبي نشيلك للمستشفي رندا جيبي عبايتها لبسيها علي بال ماعتذرت من الشباب
• هويدا ...وهيا يادوب تحكي لالا اكويسه انا مافيش داعي والله اشويه ونقعد اكويسه
• رندا .... خلاص عدي لاصحابك عيب قاعدين وحدهم وانا تو نقعد يالاها
• موسي .... صبا رندا جيبيلها عصير تشربه قبل وديرين في حسابكن انه هذا اخر طلب تستلمنه هالفتره
• رندا ... عندنا حجزين الشهر هضا انكملوهن وبعدها انوقفو فتره
• موسي ..تمام اشربي العصير وتريحي انا لما وافقت علي قصه التغليف مش عشان تعبي روحك لهدرجه وافقت قلت تمشن الوقت بيه مش عشان تتعبن هك
• هويدا ..تمام خلاص عدي لصحابك طولت عليهم
• موسي ..اهو ماشي وين خيط الشحن
• رندا....خذاته ومداته له اهو
• هويدا ...سقمت رقدتها ماما مقلتيلهاش صح
• رندا ....اهاا راقده قاعده خليني نجيبلك العصير ونجيك وطلعت
• هويدا ...تنهدت وغمضت اعيونها
• 🍃🍃🍃🍃🍃🍃🍃🍃🍃🍃🍃🍃🍃🍃🍃🍃
• امجد ... بحت في الساعه اوووو قريب الساعه واحد كلا انا مروح
• خالد ..هيا حتي نحنا خلاص بكرا وراي عمل من الصبح
• موسي ... سلام انتلاقو
• خالد ...اكيد بكرا العشيه جاي لامحل
• موسي ...تم نرجو فيك
• ابراهيم .... سرحان وايدخن
• خالد ...اوووي ابراهيم هيا
• ابراهيم ...نعم
• موسي ...اللي واخذ عقلك ايتهني
• ابراهيم..... ارتبك صبا هيا انت وياه تصبح عليك خير
• موسي ...وهو مستغرب وانت من اهله
• وطلعو كل واحد روح لحوشه
• 🍃🍃🍃🍃🍃🍃🍃🍃🍃🍃🍃🍃🍃🍃🍃🍃
• عند وصال .......
• وصاااال .... كساد وملل بكل قصه الواحد يقعد يكرد ويقرا عشان ايتخرج وبعدها يقعد راقد هو شهادته في الحوش عليك حاله وخلاص
• سعاد ...الله غالب هذا اللي هناك باهي ليش ماتخشي اي معهد انجليزي مثلا اهو علي الاقل تغير جوك
• وصال ...اقرايا اخري مليت والله انا نبي عمل نبي نشتغل ونحس اني درت حاجه يلا فوتي قتلك شن رايك بكرا نمشو العشيه للسوق انا وانت وايه ونكلم الفرخه دانا بالك تمشي حتي هيا وبالمره نتعشو بره نغيرو جو والله حتي انت لك زمان ماطلعتي
• سعاد ....ياريت والله خلاص انت شوفي ايه ودانا وانا نقولها لايوب
• وصال ...بحتت في الحاجه مبروكه باهي حني تقعد هنا وحدها
• الحاجه مبروكه ...انا متدورني بكل اطلعن وغيرن جو
• سعاد ...باهي شن رايك نخلوها مشيه للموف اوف بنغازي وتمشي معانا حتي انت تغيري جوك
• وصال ...صاح اهاا دانا لها ايام تحكي عليه تبي تمشيله هيا وخواتها
• سعاد ..خلاص كلميها واتفقي معاها كان فاضيه
• وصال ...صبت لا هيا اكيد فاضيه ان شاء الله خوها هو اللي يقعد فاضي وايشيلهن بس وخذت تلفونها ورنت عليها
• دانا ...خير ياحني شن الجو
• وصال ..ماشيه كساد وملل
• دانا ...مش غير عندك قاعد معرم حتي عندي
• وصال ...هههههه المهم قتلك
• دانا ..ان شاء الله خير شن في
• وصال ...بكرا ماشيه انا وسوسو وحني وايه للمول اف شن رايك اتجي انت وخواتك انتلاقو غادي
• دانا ... ياريت والله ليا كم خاطري نمشي بس علي خويا شن ايقول مرات مش فاضي
• وصال ...انت قوليله بس مرات يقعد فاضي وايجيبكن
• دانا... ان شاء الله تو انشوفه انتن من يبي ايشيلكن
• وصال ... سعاد انضني بس مش عارفه ايوب شن ايقول
• دانا ...اهاا تمام خلاص بيناتنا فون تو انقولك بعدين لو قال باهي
• وصال ...تمام سلام توه وطلعت للصاله لقت ايوب مقمعز مقابلها تبي اترد هو رفع عينه فيها شوي خشت بحتت فيه خير
• ايوب ..خلي روحه عادي هلا وبحت في سعاد شنو مافيش عشاء جيعان بكل قريب انطيح علي وجهي
• سعاد ...جت تبي اتصبي هي تو انديرلك نحنا تعشينا خفيف
• وصال ...خليك ياسوسو تو انصبي انديرله انا وصبت
• سعاد ...بعد خطرها بكرا خاطرنا نمشو لمول بنغازي انا والبنات وامي شن رايك تشيلنا انت معنديش نيه نسوق السياره بعد هذك الحادث
• ايوب ...امتي تبن تمشن انتن انا الصبح مش فاضي ممكن انروح بعد الغداء
• سعاد ..عادي حتي مع الخمسه والا سته مادام ماشي
• ايوب ...خلاص تمام نمشو مع بعضنا بس غلط راه تسيبي السواقه هك هيا خبطه بسيطه الحمدلله جت ساهله
• الحاجه مبروكه ... صدق فيك متخليش روحك ذاله هك كان ماطلعتيش مش حتقدري اتسوقي مره اخري
• سعاد .. ساهل ساهل المهم توه نعبا عليك راه جايه حتي صاحبة وصال
• ايوب ..ان شاء الله وصبا خليني نخش اندوش ونصلي قولي لوصال بعد يوتا اتجيبه هنا تو انجي
• 🍃🍃🍃🍃🍃🍃🍃🍃🍃🍃🍃🍃🍃🍃🍃🍃
• صباح يوم جديد.....
• صالحه ..صباح الخير ياماما
• امال ...صباح النور تعالي ديري الفطور لخوتك مش عارفه حاجه غامه عليا وجسمي تاعب وراس صداع
• صالحه .... وهيا خايفه عليها مسكتها من يدها وقمعزتها علي الكرسي تعالي تريحي تو انجيبلك باندول
• امال .. قمعزت وقعدت تستغفر وتقرا في ايات قرانيه عشان الضيقه
• سميه...صباح الخير
• امال ..صباح النور
• صالحه....في يدها كبايه اميه وباندول خوذي ياماما هاكي بالشفاء ان شاء الله
• سميه ...كنك ياماما
• امال ... خذت االميه وشربت الدواء مش عارفه راسي صداع انا خاشه نتريح في الدار وبسرعه ديري فطور خوتك اشويه ويوعو يطلعو
• سميه ...بابا طالع
• امال ...اهاا من الفجر كلموه معبي ايروح علي الغداء قال
• صالحه ....خليني اندير الفطور بسرعه وانت عدي ابرمي علي الحوش وعي احلام
• سميه ... وعت تو اتجي
• خالد ...صباح الخير
• سميه وصالحه ..... صباح النور اهو الفطور اشويه بس قريب ايطيب الشاهي
• خالد ...لالا مستعجل ديري فنجان قهوه نبي نطلع وين امي
• صالحه ...في دارها راسها صداع قالت نبي نرقد اشويه
• خالد .... اهاا برم خش ودق علي الدار اموله كنك قالو مريضه لاباس عليك
• امال ... رفعت راسها اللي رابطته وبحتت فيه مافيا شي اشويه صداع اكيده من الوعيه بدري بعد طلع باتك مرديتش رقدت
• خالد ...اكيده حاجه بسيطه بالك اتصبي انشيلك للمستشفي
• امال ...لالالا اربح انت تو نرقد اشويه ونوعا اكويسه
• خالد ...تمام تبي شي من بره
• امال ..سلامتك ربي يفتحها في وجهك
• خالد ...سلم علي راسها وطلع
• صالحه ..اهي قهوتك
• خالد.....سلم ايديك عينك منها لو طولت وهيا راقده كلميني تمام
• صالحه ...حاضر
• خالد ...مدلها الفنجان هي سلام
• صالحه ...مع السلامه
• وقعدن كل وحده اتدير في حاجه لعند اذن الضهر
• صالحه ..احلام عدي شوفي ماما الظهر اذن كان مازال راقده وعيها
• احلام ..هي تو نمشي نشوفها وخشت عليها ماما نوضي الظهر اذن بابا اقريب ايجي
• امال ...كانت راقده وتأن
• احلام ..قدمت وحطت يدها عليه ماما كنك
• امال .... وهيا مش قادره تحكي حطت يدها علي صدرها ااااااااه
• احلام ...وهيا خايفه ماما كنك شن اتحسي ردي عليا
• امال .... مش قادره تفتح اعيونها تعبانه راسي صدااااع مش قادره
• احلام ...قعدت تعيط صاااالحه سميه
• صالحه ...خشت منفجعه كنك كنها ماما وقدمت بسرعه
• سميه ....حي عليا كنها ماما
• صالحه ...تسمعي فيا ياماما بحتت في سميه بسرعه رني علي خالد احلام كلمي احمد بسرعه
• احلام ..طلعت بسرعه وهيا تبكي حي عليا ماما يارب يارب فتحت الدار علي احمد
• احمد ...انفجع كنك شن في
• احلام ..تعال بسرعه ماما تعبانه
• احمد ...نط بسرعه شن وطلعو يجارو خش عليهن لقا صالحه تلبس فيها في محرمتها
• صالحه... بسرعه يااحمد انشيلوها للمستشفي بسرعه
• سميه ..خشت عليهن وهيا لابسه عبايتها رنيت علي خالد قال جاي لبسنها بس
• صالحه ....وهيا خايفه وترعش احلام بطلي بكا تعالي امسكيها معايا نلبسلها عبايتها بسرعه
• احلام... مسحت ادموعها وجتها مسكتها وصالحه لبستها عبايتها
• احمد .... خش حولي بسرعه خالد جاء ومعاه سياره بسرعه وشمر امه وطلع بيها
• سميه .....وطلعت معاه وهي تبكي
• صالحه ...سميه خوذي تلفونك عشان اتطمنينا وانا تو انكلم ابراهيم يلحقكم
• سميه ....شيرتلها بانه معاها
• صالحه ...وهيا الدموع في عيونها ربي يشفيها لنا يارب
• احلام ...وهيا تبكي يارب يارب
• احمد ...حطها من لاورا وركبت سميه معاهاوماسكتها وفتح الباب وركب
• خالد ...وهو مرتبك طلع يجري شن صار كنها سيبتها اكويسه
• سميه ..وهي العبره خانقتها مش عارفه من اول مارقدت معش وعت انخشو نشوفوها اتقول اكويسه لعند خشت عليها احلام عشان اتوعيها تصلي الضهر لقتها تأن وتقول صدري وراسي
• خالد ..ربك يستر ان شاء الله خير
• احمد ...وهوايبحت في امه امي اموله خليك معانا تسمعي فيا
• امال ..تهز في راسها بمعني نسمع فيك
• احمد ...مازال واعيه بسرعه يا خالد ورن تلفون احمد هذا ابراهيم ايوا
• ابراهيم ..ايوه كنها امي شن فيها
• احمد ..كيف وصلنا المستشفي خلينا انخشو ونرن عليك
• ابراهيم ..لا جاي انا انتم وين
• احمد ..في مستشفي *****خشينا الطواري سلام ونزل
• خالد ....نزل من السياره وبرم فتح الباب وشمرها وخش بيها ولحقوه سميه واحمد دكتور نبي دكتور بسرعه لو سمحتو
• الممرضه ...تعال حطها علي السرير وانتم معليش خليكم بره كنها شن اتحس
• خالد ... راسها صداع وقالت حاجه غامه عليها
• الممرضه ..عندها ضغط والا سكر اي امراض اخري
• خالد ...لالا معندهش
• الممرضه ..تمام استني بره اهو جاء الدكتور ايشوفها وانشاء الله ايطمنكم عليها
• خالد ..وهو ايبحت في امه اللي شبه غايبه عن الوعي ان شاء الله وطلع
• سميه ..وهي ادموعها ينزلن ها شنو
• خالد ..الدكتور جوا يفحص فيها مازال ومسكها من كتوفها تعالي قمعزي و امسحي ادموعك ان شاء الله اكويسه
• سميه ..ان شاء الله يارب يارب
• احمد ...متكي علي الساس ويرجا ويدعي
• وقعدو يستنو فتره لعند مابان عليهم ابراهيم جاء يجري هو سالم
• سالم ..وجهه منسود شن صار وينها
• خالد ...مازال جوا معش طلع علينا حد
• سميه ... وهياتبكي نبي انكلم صاحبتي خالتها دكتوره هنا اكيد عندها حد ايجي ايطمنا
• ابراهيم..... وهو خايف شوفيها شن ترجي
• سميه ....رنت وقعدت ترجا فيها
• دانا ..سوما ياقلبي شن اخبارك
• سميه ..حمدلله بخير
• دانا ..كنه صوتك ان شاء الله خير
• سميه ..وهيا العبره مازال في صوتها ماما تعبانه وجبناها للمستشفي ال****ومعش طلع علينا حد ايطمنا عليها
• دانا ..كنها لاباس عليها وربي يشفيها وايعافيها يارب
• سميه ..يارب ان شاء الله نبي لو خالتك ماسكه والا تعرف حد ايجي ايطمنا عليها
• دانا ..حاضر هي تو انكلمها وانشوفها ونرد عليك
• سميه ..تمام نحنا في الطواري قاعدين سلام
• احمد . هاشنو
• سميه.... ترن عليها واتقولي وقمعزت ترجا ورن تلفونها ايوه صالحه
• صالحه ..ها شن صار شنو ماما كيف حالها
• سميه ..مازال مطلع علينا حد وطمنا
• صالحه ....قعدت تبكي حي عليا كنهم طولو
• سميه ..مش عارف سكري دانا انتظار نرد عليها وانعاودلك
• دانا ..ايوه سوما طلعت قاعده قالت اشويه وتجيك
• سميه ...تمام شكرا تسلميلي
• دانا ..العفو وان شاء الله عميمه لاباس عليها
• سميه ..ان شاء الله يارب سلام سكرت وبحتت فيهم قالت قاعده تو اتجي اشويه و لقت دكتوره جايه شورهم
• الدكتورة ..السلام عليكم سميه
• هما ...وعليكم السلام
• سميه ..اهاا انا اسفه عطلتك بس خشو معش حد طلع علينا ايطمنا لنا توه قريب ساعه
• الدكتوره ..ابتسمت لا عادي ولايهمك تريحي انخش انشوفها وانقولكم ان شاء الله لاباس عليها
• سالم ..بارك الله فيك
• الدكتوره ...خشت وبحتت في الدكتور هادكتور طمني عليها شنو ان شاء الله اكويسه
• الدكتور .. الحمدلله اكويسه بس عندها ضغط مرتفع واجد وقاعد نزلو فيه لها
• الدكتوره ..يعني شنو حالتها اكويسه انطمنهم
• الدكتور ... اكويسه هيا توه احسن ومن لما جت الحمدلله لحقوها قبل لايسببلها اي مضاعفات اخري بس حنرقبوه اليوم لعند انعدلو لها وانشوفو
• الدكتوره ..الحمدلله تمام انا طالعه انطمنهم لانهم منشغلين عليها وطلعت
• هما بعد طلعت جوها يجارو ها شنو طمنينا
• الدكتوره ..لا الحمدلله اكويس توه احسن بس عندها الضغط راقي مازال اينزلو فيه لها بس مبدائيا اكويسه ومعليهش خوف الحمدلله فطنتولها بدري قبل لاتزيد مضاعفاته
• سميه ..وهيا تبكي الحمدلله المهم هي توا اكويسه واعيه
• الدكتوره ....اكويسه وبحتت فيهم بس اليوم حتقعد هنا عشان نطمنو ان تعدل ضغطها والعلاج ناسبها
• سالم ...بارك الله فيك وفي ميزان حسناتك
• الدكتوره ...فيك بارك الله ياعمي والحمدلله علي سلامتها والف لاباس عليها وبحتت في سميه نكمل شغلي ونجي انمر عليها انشوفها
• سميه ..تمام وشكرا واجد
• الدكتوره ..العفو هي لاباس عليها مره ثانيه
• خالد ...اووووف الحمدلله بس من وين جاها الضغط هك
• سالم ...ان شاء الله خير المهم هيا توه اكويسه
• ابراهيم ....سمعت حد من خوالي الصبح ايكلم فيها
• سالم ... عقد حواجبه وبحت فيه متاكد بالك حد اخري
• ابراهيم ...متاكد اهاا تقريبا الي كلمها منصور
• سالم ...تعقد وقعد ايهز في كراعه ساهل ساهل خليها تطلع طيبه توه وبعدها نفهم منها
• 🍃🍃🍃🍃🍃🍃🍃🍃🍃🍃🍃🍃🍃🍃🍃🍃
• في المول .....
• كانن مقمعزات علي طاوله ومعاهن ايوب
• ايه ...شن الجو ياحني عجبك المول
• الحاجه مبروكه ..اهاا مشاء الله مكان سمح غير يحافظو عليه بس
• ايوب ...ان شاء الله
• سعاد ...وصال شن صار في دانا جايه قالتلك
• وصال ...اهاا كلمتني وقالت جايه
• ايه ..هيا صبن ندهورو شن قاعدين هنا
• سعاد .... هيا باهي
• وصال...لا انا نرجا دانا قبل
• ايه ...تمام هيا سوسو
• الحاجه مبروكه ...شن صار في قطعه الارض اللي متخاصمين عليها عمامك ويبو ايبيعوها
• ايوب ...ماصار شي لانه الورقه اللي يبوها ملقوهش وباتي مايبيش ايبيع
• الحاجه مبروكه .....ربي يهديهم حتي هما حاجه مش لهم ليش يبوعها لكن هاتي من يفهم
• ايوب.... اهو عاد مش كل حد يفهما الكلام هضا كان يحكي وايبحت في وصال اللي دايره روحها سارحه في تلفونها
• الحاجه مبروكه.... رني عليها صاحبتك بالك مصار شي من جيتهم وامشي ادهوري معاهن اساس الطلعه كلها عشانك
• وصال .... حاضر تو انشوفها ورنت عليها ايوه دانا وينك
• دانا ... وراك بحتي
• وصال ...برمت عليهاوشافتها جايه شورهم هيا وخواتها الاثنين ابتسمت وصبتلها
• دانا ...هلا شن الجو وسلمت عليها
• وصال ...تمام طولتي
• دانا ..لعند مؤيد رقد وعا تعالي انسلم علي جدتك السلام عليكم كيف حالك ياحني
• الحاجه مبروكه ...خير يابنيتي كيف حالك
• دانا ....حمدلله بخير خير ايوب شن الاخبار
• ايوب ...تمام الحمدلله
• دانا ...ابتسمت وبرمت لوصال شنو تقمعزي والا نمشو جوا البنات خشن شكلهن
• وصال ..لا نمشو برمت لايوب ماشيه لسوسو
• ايوب ...تمام
• وصال.... هيا تعالي وخشن جو
• ايه ...تعالي نخش المحل الالعاب خاطري فيه
• سعاد ... تعالي هياوخشن وقعدن ايتفرجن وجوهن سمح لعند فجاءه اخبطت حاجه في سعاد لعند وخرت هييييييي....
• يتبع ......
• بقلمي ...احلام
