• #الامانة ......
• الحلقة17.......
• يوم الدفع .....كانن حايسات وكل وحده ماسكه حاجه سمعن صوت زغريت سليمه لوووووووووووووووووللللي
• الحاجه مبروكه ....سلمك زغراته لعقبه لفرحة ايوب وية ان شاء الله
• سليمه ....ان شاء الله يارب وبوجودك ياعمتي بينا وكان مازغرتت لسعاد لمن زغرت ربي ان شاء الله يسعدها وايهنيها
• الحاجه مبروكه ان شاء الله يارب
• سليمه ....وين مافي حد جاء قيسه من سلفاتي
• الحاجه مبروكه..... مدري عنهن المهم جو خوتها وهنا نعنهن ماردن والنبي خليني ساكته خير
• سعاد ...جت وهيا مبتسمه خير ياسلومه
• سليمه ..... مبروك عليك ياسوسو وربي يسعدك وايهنيك ان شاء الله ماله وين البنات
• سعاد ...جوا قاعدت حايسات
• سليمه ... قالي مصطفي كلمه الراجل قالهمتعبوش ارواحكم مش جايبين عرب واجد قالي خوته الاثنين وعمامه وخواله بالكثير عشره ومصطفي مش مكلم حد قال
• الحاجه مبروكه ....اهاااا باهي ونحنا مادايرن شي زايد الا حاجه الاصول وربي يسترنا معاهم ان شاء الله
• سليمه ...باذن الله مستورين ان شاء الله اهو حسهم جو العرب
• الحاجه مبروكه ...وهيا اعيونها مليانات ادموع ربي ايتمم علي خيرريارب وايهني بنيتي يالله
• الحاج مصطفي وايوب استقبلوهم وخشوهم للمربوعه
• سعاد ....وصال حطي القهوه علي النار
• وصال .....اهي حطيتها من امبدري وخش عليهن ايوب
• سليمه ..... هاشنو الاخبار
• ايوب ...لعند توه تمام هاشن صار في القهوه مازال
• وصال ...خلاص اشويه انحط في الوجه بس
• سليمه.....ايه طلعي مثرد الحلويات وقربيه له في الصاله
• ايوب ...هاتي تو نعطيه لواحد من الشباب بره
• وصال .... خلاص واتيه القهوة راه
• ايوب ...تمام هي اشويه وجاء خذاها
• وقعد ايتفاهمو علي الشوط والفرح ودفعو فيها وبعدها مدلهم الضيافه كامله وبعد ساعه روحو العرب وخش عليهم ايوب
• ايوب .... حضنها ايوب وحب علي راسها مبروك ياسوسو وربي ايسعدك وايهنيك ان شاء الله
• سعاد ..وهيا الدمعه في عيونها الله ايبارك فيك يارب والعقبالك ياغالي
• وانقلب الحوش زغاريت لوووووووووووووولللللللللللللليييييييييييييييي
• ومن الفرحه قعدن يضبطن في سعاد ويبكن
• الحاجه مبروكه اضبطتها وهيا تبكي الحمدلله اللي ربي فرحني بيك وعيني حية ربي يسعدك وايهنيك يارب وانشوف اعويلتك يا الله
• سعاد ...وهيا تبكي ان شاء الله يارب و مايحرمني منك ياالغالية
• مصطفي ....خش عليهم السلام عليكم
• الحاجه مبروكه ....ووهيا تمسح في دموعها عليكم السلام ياغالي
• مصطفي ...قدم علي سعاد وسلم عليها مبروك يا غاليه هذا مهرك وربي ايهنيك ان شاء الله وانت بنتي قبل لاتكوني اختي وحوشك امك وحوشي مفتوحلك في اي وقت ليك صدر الحوش والعتبه لنا
• سعاد .... الله ايبارك فيك يارب وربي مايحرمنا منك ان شاء الله
• الحاجه مبروكه ....ها علي شنو تفاهمتو
• مصطفي....والله قالي يبي موعد الفرح بعد شهر كان طولت بس قال التاريخ شوركم عشان نحجزو في صاله براحتنا
• الحاجه مبروكه .... ان شاء الله غير انحصلو صاله الوقت ضيق
• ايوب ...عندي صاحبي يخدم في الصاله تو نشوفها بالك انحصل حجز فيها
• سليمه .. شن اسمها الصاله
• ايوب ...صاله*****تو بكرا نكلمه واا نتكي عليه وانا ماشي للعمل
• سليمه ...لا سمحه الصاله هذي شوفها وان شاء الله تحصل حجز فيها
• ايوب ...خلاص تو انشوفها بكرا
• الحاجه مبروكه .... باهي وشن اخري اتفقتو عليه
• مصطفي ...والله بالنسبه للذهب قتله اللي ادايره للبناتك ديره لها وهو ماقالش الا الكلام الطيب هما مش دايرين فرح حيجي العريس وياخذها بعد من الصالحه والباقي حاجات الصبايا تفاهمي عليهن انت وهله
• الحاجه مبروكه .... ان شاء الله تو انشوف وانكلمها
• مصطفي ... ايوا واي حاجه تنقصها من البتات وسريبه اتقولي وباذن الله مانقصر معاها
• الحاجه مبروكه .... ربي يبارك في رزقك ان شاء الله ويفرحك بايوب عن قريب
• ايوب ...بحت فيها وابتسم
• مصطفي ...ان شاء الله
• ايوب ...خلاص وانا باذن الله نفضي روحي عشان تمشي تاخذ حاجتها كلها
• سليمه ...ربي ايخليك لها ان شاء الله ولانفقدوك
• الحاجه مبروكه .... امييين وايفرحني بيكم كلكم يارب
• 🍃🍃🍃🍃🍃🍃🍃🍃🍃🍃🍃🍃🍃🍃🍃🍃
• عند بشير .....
• بشير .... قتلك يا احمد انا طالع مروح بكرا عندي عمال نبي نبرم علي الحوش وهك وخلي مفتاح المحل معاك وافتح العشيه هالايومين هذين عشان منقدرش انسيبهم وحده
• احمد ...تمام خلاص ان شاء الله من بكرا نفتح حتي الصبح متخمم في شي
• بشير ... ماتزرش علي روحك عادي حتي ةلعشيه لو مش فاضي
• احمد ...لا تمام ماعندي شي ولو و تبي اي مساعده قولي نجيك والله
• بشير ...لا الامور تمام تسلم عارفك متقصر
• احمد ...خلاص عدي توكل متدور شي
• بشير ...تم هيا سلام وقول لخالد ايتواضع وايكلمنا
• احمد ...وهو يضحك حاضر حتي نحنا منشوفوش فيه الفتره هذي محصل شغل فترة الصبح فيه والعشيه في الورشه
• بشير ...ربي ايعاونه هيا خلاص لو استحقيت حاجه بيناتنا الو
• احمد ....تم ورد قمعز اشويه وسمع تلفون ايرن بحت لقا تلفون بشير اووو نسى تلفونه هضا وطلع لحقه لقاه مش قاعد عليك قصه خش حط التلفون يلاه علي الطاوله
• بشير .... روح وخش عليهن لقاء الحاجه فاطمه مقمعزه السلام عليكم خير ياعمتي فاطمه
• الحاجه فاطمه ...خير يا غالي شنداير
• بشير ...الحمدلله
• الحاجه فاطمه ...قالن البنات بكرا تبدا في الحوش
• بشير ...اهاا ان شاء الله وبعد اذنك البنات حيجن يقعدن عندك في الصبح وايروحن في الليل
• الحاجه فاطمه ...من غير قولك هذي ماله انخليهن هنا بين العمال انا قلتلهن هاتن دبشكن وعدن باتن معايا غير هنا مابنش قالن لالا
• بشير....ربي يحفظك لنا ان شاء الله
• الحاجه فاطمه ...وايخليكم ليا وربي ايتمملك علي خير يارب وينشوفك فرحان ومبسوط
• بشير ...قدم حب علي راسها تسلميلي يالغاليه وربي ايدووومك لنا بشرى مروه وينكن
• مروه ....هنا انا في دارك
• بشير ....خش عليها وابتسم بديتي كنتي خليته نديره انا
• مروه ... قلت نرتبتلك دبشك كله في شناطي وانت بعد جيت حط اوراقك وحاجاتك المهمه وحدك عشان تعرف مكانها لما تستحقها اهو جبتلك صناديق حط فيهن
• بشير ...تمام بكل وقعد ايحط في اوراقه وحاجاته المهم شن جو بشري
• مروه ..اكويسه معليش متزعلش منها انت عارف انك عندها خط احمر
• بشير ...وانا مزعلتش منها وعاذرها وفاهمها
• مروة ....هيا بعد حكيت معاها هدت خلاص ومعش حكت عليها ابدا كل تفكيرها توه حصراته انها تبي تفرح في فرحك وتلبس واتدير الجو كله
• بشير ...تمام انت شن رايك فيها اختك مخلتش مجال اني نسالك
• مروه .... ابتسمت مشاء الله عليها حلوة بكل وهاديه هك لما حكيت معاها اسلوبها حلو وجوها سمح وخايله عليك من غادي
• بشير ... ابتسم وسرح هو ايفكر في صالحه ورد ايحط في اوراقه
• مروه ... بكرا حيبدو يزلزو في الحمام
• بشير ..اهاا هو يبي يوم واحد قال بما ان جاي جنب الدار مافيش سريب بني جديد عباره عن نفتح باب في الساس هضا وفضت
• مروه ...اهاا تمام ربي ايهنيك يارب واتعيشو فيها ايام حلوة
• بشير .... امييين يارب
• مروه .... خلاص انا كملت انشيلهن انحطهن في المربوعه علي جنب ونخليلك مكان وتقعد ترقد فيها
• بشير .....تمام بس خليهن تو انشيلهن انا ونبي فنجان قهوه من ايديك
• مروه ...حاضر احلي قهوه لاحلي بشير
• 🍃🍃🍃🍃🍃🍃🍃🍃🍃🍃🍃🍃🍃🍃🍃🍃
• احمد ....ايوياخالد قتلك وين يسكن بشير
• خالد ... في **** كنك شن في
• احمد ... مافي شي بس نسى تلفونه في المحل ونبي نشيله له
• خالد .... اهاا تمام خلاص عدي لل*** مهم بعد اتخش غادي تلف ايسار ايجنك اربع شوارع تخش ايمين ثالث حوش علي اليمين بابهم ابيض
• احمد ....تمام بيناتنا الو لو معرفتش سلام
• خالد ...تمام سلام
• احمد .... كان جايه صاحبه ويستنا فيه ركب شيلني لل***
• صاحبه ...... تم الشباب يسألو عليك راه لك وين مش باين
• احمد ...والله معش حصلت وقت انروح تاعب الصراحه نكسد علي النت وبعدها نوم ومن بكرا ماسك صبح وعشيه
• صاحبه ...فضي روحك شي يوم ونديرو زرده علي البحر ونسقو فيها مع الشباب
• احمد ....تم خلاص نسقو وقولي بس خطا الاسبوع هضا
• صاحبه ...تم يامعلم
• احمد ....خش يسار ايوه من هنا توه خش ايمين تمام وقف هنا اشويه نعطيه التلفون وجايك ونزل وهو بيرن علي الجرس انفتح الباب
• بشري....كانت ماسكه كومه صنديق وتمشي بيهن ومش شايفه حد قدامها وتبي تحطهن قدام الحوش وتمتم وهيا راقيتلها
• احمد ....بحت لق الصناديق ايقربن منا وخر وقعد مرفع حواجبه
• بشري ....حطتهن وهيا راقيتلها وقتها توه الصيانه الواحد مش طايق روحه وهو في حوشه لابال عند الناس شن اندير ياربي بس عليك حياة سوده عايشتها ياريت متت مع هلي ولا قعدت عايشه هالحياة المرمده وبرمت تبي اتخش لقت احمد ايبحت فها بحتت فيه من فوق لعند لوطي وكشخت في حاجه اتبحت وبرمت خشت خزي قلة ادب طبقت الباب في وجهه
• احمد ...كان ايبحت ومصدوم ورقتله خزي وقحه استغفر الله وخلاص وقدم رن الجرس
• بشري ...طلعت من وفتحت الباب وكرست وراه
• احمد ...نفس الصوت مسك اعصابه وقعد يحكي بنفتر بشير قاعد قوليله يبيك صاحبك
• بشري ... اهاا قاعد اشويه انكلمه لك قدمت اشويه عشان اتشوفه وانصدمت سكرت الباب وخشت وهيا مرتبكه بشير في واحد يبيك بره
• بشير ...هيا جاي وطلع اوووو احمد ان شاء الله خير
• احمد ....ابتسم لا خير بس نسيت تلفونك في المحل شكلك مفطنتلش بكل
• بشير ...ابتسم والله مافطنت بكل بارك الله فيك والله تعبتك معايه هيا خش تفضل
• احمد ...لا والله معايا صاحبي يرجا فيا
• بشير ...فنجان قهوه باهي معقوله توصل هنا ومتخشش
• احمد ...الجايات اكثر ان شاء الله اسمحلي توه نبيش انعطلك هي سلام
• بشير .. تم في امان الله
• 🍂🍂🍂🍂🍂🍂🍂🍂🍂🍂🍂
• عند موسي ......
• هويدا ... موسي قتلك في وحده دزتلي وتبيني انغلفلها انا مابيتش انرد عليها لعند نعطيك علم
• موسي ....شن قلت انا من يومتها قلت لو حتاخذيها كاهواية عادي معنديش مشكله بس انك تبي اتديريها عشان اتساعدي في المصروف وتعبي روحك معنها فوتيها ومن غير ماتسالي انت عارفه ردي
• هويدا ....بغض النظر علي اللي قلته انا خلاص خذيت علي الشغل بصراحه مش قادره نقعد اكثر من هك وياسيدي خلاص مش حناخذ شغل اكثر من اللازم حناخذ مثلا وشهر تغليفتين والا ثلاثه بالكثير
• موسي...تمام بس مره اخري تتعبي وتفجعينا عليك صدقيني مش حنخليك ترديله مره اخري بكل
• هويدا ....ابتسمت نجك ليا تمام خلاص انرد عليها البنت
• موسي ...ردي واي حاجه تبيها قوليلي عليها ونمشو انجيبوها
• هويدا ...تمام وعد مني سياق فرحك نغلفه انا واحلي تغليف اخر و مدرتش لحد قبلك
• موسي ... ضحك عليها خلاص تم مش ناسيها لك راه
• هويدا ... تمام وانا عند وعدي
• رندا ....شن رايك يا هويدا نخطبوله عشان توفي وعدك بعدك البنت اتهببببل اتخافي تنخطب وتريح منا
• موسي ...بحت فيها مفروض خطبتنها وخلاص بدون علمي عادي يعني اصلا انتن اللي حتزوجنها مش نا
• هويدا ...ضحكت ماه عارفينك مش حتقول عليها لا والله صدقني
• فايزه .... من كثر ماشكرتنها هالبنت خليتني خاطري انشوفها والله
• رندا ...والله ياماما ماشيه من غادي علي موسي سبحان الله
• موسي ...هاهاها ماشيه معاك شن المصطلحات هذين الي اتقولي فيهن اسمها خايله مش ماشيه
• رندا ...اللي هو المهم وصلت المعلومه وبعدين كيف انت تبيش تعرف من معندكش فضول بكل
• موسي ...لاعندي ومتشوق نعرف من هذي اللي كل مانخش نلقاكن تحكن عليها واخري تحكن معاها
• هويدا ...بحتت فيه وابتسمت سميه اخت صاحبك
• موسي...صاحبي من قصدك اخت ابراهيم
• رندا ...اهاا شن رايك فيها اكيده شفتها يومها
• موسي .... ارتبك لا ماشفتها وين نبي انشوفها يعني
• فايزه ..... هيا امها يومها جت وحده بعد طلعتي من المستشفي مشاء الله عليها عليك مراه
• موسي ....عيلتهم كلها يا امي مشاء الله من كبيرهم لاصغيرهم متربيين علي الاصول والله صبو معايا تصبايه عمري ماننسها لهم هما وامجد
• فايزه .... ربي ايدوووم صحبتكم وما ايطيحك الا في عيال الحلال ان شاء الله
• هويدا .... باهي هاشن رايك جديات نحكي نخطبوها لك والله حرام تفوتها
• موسي ...لالا شن تخطبوها بعدين موال الزيجه محوله من بالي توه معنديش له راس ولا عندي له افلوس
• فايزه .... باهي نخطبوها لك والا نعطو فيها كلمه و كمل شقتك اللي فوق براحه عليك كل ماتحصل حاجه حطها فيها
• موسي ... لالا لاخطبه لا كلمه لما ايجي وقت الموضوع هضا ساهل وصبا انا طالع للمحل تبو شي
• هويدا ...تنهدت لا سلامتك
• موسي ...تمام هي سلام
• 🍃🍃🍃🍃🍃🍃🍃🍃🍃🍃🍃🍃🍃🍃🍃🍃
• عند عزيز ......
• ربيعه .... العرب قالو محصلوش حجز الا نهايه الشهر هضا والا بعد ثلاث اشهور كلمو باتك وقال حددووانتم الموعد
• عزيز ... ديرو رايكم انت وباتي واللي بديروه عليا ماشي
• ربيعه .... انت كنك قعدت هك شن في عقلك قولي مش متريحه للبرودك هضا
• عزيز .... شن في كنك ياحاجه انا عادي مش انتم تبو تريحو ويستقرو العيال خلاص وانا كيف ماتبو اندير
• ربيعه .... ياعزيز تبي تشغلني عليك انت والا كيف انا كل همي انك تعيش وتريح بدال ها الشقا والهم اللي كبرك وانت صغير عندك حق تحزن عليها بس برضو حقك تزوج وتستقر عاجبتك عيشتك يعني توه
• عزيز ...تنهد تريحي يامي ولاتشيلي هم انا قتلك من يومها اني موافق وكان علي الموعد خلاص قولي للحاج علي نهاية الشهر هضا والشقه خلاص شبه كملت مازال اثاث بس
• ربيعه .... تنهدت ومابتش تزيد في الدوه معاه خلاص تو نكلم المراة ونقوللها علي الموعد اللي قلت عليه
• عزيز .... تمام واي حاجه تبوها قوليلي عليها
• ربيعه ... ان شاء الله المهم عشان يقعد عندك علم حنديرو عشاء يوم الفاتحه عزومه للاقارب بس مش مكثرين عرب وبعدها تمشي اتجيبها من الصاله ويمشن معاك سيارتين والا ثلاثه عشان ايحننها
• عزيز ... تمام عشان خاطرك حنوافق مع اني قتلك سريب فرح منبيش
• ربيعه .... ربي يجبر بخاطرك ان شاء الله عشان البنت منبوش انقصو عليها شي مهما كان هذي فرحة عمرها
• عزيز .... تنهد تمام اللي تبوه حاضر
• ربيعه .... ربي يسعدك يارب وايعوضك خير ان شاء الله ويجعل قدومها ناصية خير ياالله
• 🍃🍃🍃🍃🍃🍃🍃🍃🍃🍃🍃🍃🍃🍃🍃🍃
• عند سالم....
• امال ....صالحه يا سميه تعالن بسرعه
• صالحه ....كنك يا ماما شن في
• امال .... صاح خوك خالد داير علاقه مع ايمان بنت عيت الفلاني
• سميه .... من وين سمعتيها ياماما
• امال ...كلمتني اختها توه وتقولي ياعمتي امال ايمان كبسوها خوتي وهيا تحكي مع خالد وشافو رقمه ومحادثاتهم وعطوها طريحه قريب قتلوها وراه ايتوعدو لخالد لو ماجاء خطبها حيصير فيها القتل
• صالحه ...وهيا اتبحت في سميه اهدي ياماما مترعشيش روحك كذابه والله مافي بينها وبين خالد حاجه
• امال .. وكيف خوتها مسكو محادثاتهم قوليلي كان مش صاح ليش مجاء قالي راه خطبتها له كان يبيها
• احلام ... هييي تمشي داهيه الكلبه خالد مستحيل ايدير علاقه معاها ياماما والله كذابه هذي من قبل مكلمه قايلتلها نبي خالد خوك ونبي رقمه غير سميه فاتتها ومعدلتش عليها
• سميه ....بحتت في احلام وهيا ترعش وفنصت فيها
• امال ... حي عليا شن الهم اللي جاني يانعليا خلاص ملقاش الا الجيران انخشو في وجيج معاهم
• سميه ....اهدي ياماما ضغطك يرتفع الله ايربحك متخوفينش عليك والكلبه اختها عليش اتكلم فيك ليش ماكلمت خالد كان صاح
• امال ...ربي يستر ياارب مايديرو للبنت حاجه في جراير خوك
• صالحه ...ان شاء الله مافي الا الخير انت غير اهدي ياماما
• خالد .... خش عليهن السلام عليكم
• امال ...ساكته مردتش عليه
• خواته ...بحتن فيه وهنا خايفات وعليكم السلام
• خالد ...كنكم شن في يا امي شن صاير
• امال .... كلمتني جارتنا بنت عيت الفلاني وقالتلي قولي لخالد راه ايمان مسكوها خوتها وهيا اتكلم في خالد ولدك
• خالد .... انصدم نعممممممم خالد من
• امال ...بحتت فيه ليش ماجيت وقلت نبيها يا امي اخطبيها ليا مدام تبيها وداير علاقه معاها
• خالد ...رقتله غير ارجي اشويه بس نبي من وعلاقه من كنك يا امي من امتي انا متاع علاقات والجو هضا
• سميه ...كانت ترعش وخايفه هيا وصالحه
• امال .... اختها قالت مسكوها خوتها ولقو في تلفونها بينكم محادثات واعدها بالخطبه ومشهدره عند الناس كلهم وخوتها سمعوها من الناس
• خالد .... تمشي تملح تكذب علي غيري عنجد هذي وانت عارفتيني مش متاع الوجيج هضا يا امي ولا الكلام الفاضي تكذب علي واحد غيري كان ماسكينها اتكلم في حد اخري وتجي هيا وتبي اتدبسها فيا تعدي اتملح فرخه متسوش اليوم تكذب عليا
• امال ...بس خوتها ايتوعدو لك لو كان متجيش تخطبها
• خالد .... خلاص خليهم ايجو وانا انوريلهم اختهم شن نبيك تعرفي انا يوم اللي بنخطب مش حندير حاجه كيف هك وحتي لو عاجبتني اللي منرضاش علي خواتي ومنرضاش علي بنات الناس وكان مش عارفين يمسكو اختهم انا انعرفهم وهما يحكو قعد باب الحوش ايدق بالقوة وصوت هرجه وصوت ابراهيم واحمد عالي
• امال ...مسكت يده يانعليا يا خالد متطلعش الله ايربحك
• خالد .... حولي يا امي متخافيش مايقدروش ايديرو شي صدقيني
• صالحه ....حي علينا صوت ابراهيم واحمد بره
• امال ... الله يربحك متطلعش هذوم مشرانين ايديرو فيك حاجه
• خالد ...فك يده من امه كيف هك يا امي حولي منيش خايف منهم انا امسكيها يا سميه ومتطلعنش ولةشن ايصير فاهمات وطلع
• ابراهيم ....وهو ايدف فيه وسع غادك وتحشم علي وجهك وعد الجيره اللي بينا
• خو ايمان ...خلا خوك فيها جيره ا وقوله يطلع العيل احسنله انا عارف انه جوا اللي يضحك علي بنات يحساب ماورهنش رجاله
• احمد ....بيهد عليه بيضربه صكر فمك مافيش عيل غير يا ######
• خوها .... امشي يا###انت وياه اليوم والله انوريكم عشان تحسبو علي الرجاله اطلع اطلع خليك راجل واجهني
• خالد .....
• يتبع .........
• بقلمي..... احلام
