• الامانه.......
• الحلقه 2.......
• دانا ... يانعليا كنه طول ولد عمك كلتنا الشمس
• وصال ....سامحيني عطلتك مش عارفه كنه تاخر هك
• دانا .....تعالي باهي في الجيهه هذك ظل نصبو فيها لعند مايجي
• وصال ....بحتت في الشارع وتنهدت تعالي باهي وهيا اتقص في الشارع رن فونهاوقفت وراء السياره وطلعاته وهياتمشي التقطت طاح تلفونها ونزلت قعدت تلم في التلفون خذاته شافته وقعدت اتدور في البطاريه
• دانا ...اهيا تحت السياره الزرقاء
• وصال.. بحتت وين ماقالتلها رنا قابلتها مشتلها وطبست تبي تاخذها من غير ماتشعر السياره تحركت وخرت غمضت اعيونها وهيا خايفه قعدت في ماكنها ومشقادره اتحرك
• دانا ...هييييي هاي هاي انت وقف وقف وفنصت اعيونها
• خالد ...وهو يوخر انفجع لما سمع عيطه وحده مسك السياره وفتح الباب ونزل بسرعه وبحت لقاء وحده حاطه ايدها علي راسها ومطبسه قدملها بسرعه ويبحت فيها وهو ميت خوف ياختي انت اكويسه فيك حاجه
• دانا ....جت تجري وهيا خايفه وصال وصال صارتلك حاجه
• وصال ...رفعت راسها وفتحت اعيونها وبحتت في خالد
• دانا ..طبست عليها ومسكتها من يدها انت كويسه صارلك شي
• وصاال ...صبت وهيا تبحت في خالدوهيا ترعش من الفجعه اكويسه اكويسه اهاا
• خالد...سامحيني ياخيتي والله ماشفتك
• دانا ...وهيا تكشخ علي شوي كانت راحت فيها شن كان ينفع اسفك يعني
• وصال ...مسكت يد رنا حصل خير وانا اللي اسفه ..انا اللي جيت تحت السياره
• خالد ... وهوويبحت في رنا بغل لو تحسي في حاجه انشيلك للمستشفي
• وصال ..بارك الله فيك تمام مافيا شي شكرا ومسكت يد دانا عن اذنك تعالي هيا
• دانا ...وهيا اتبحت في خالد بنظره ازدراء ومشت مع وصال وقفن يرجن في مكانهن
• خالد ...تنفس براحه اوووووف الحمدلله ربي ستر ومسح وجها بيديه وبحت فيهن
• ايوب .. وهو ايحاول ايرن علي وصال اوووف وقته توه تقفلي فونك وبحت قدامه لمحها قدم بالسياره ودرس جنبهن بحت فيهن هيا اركبن
• وصال ... بحتت في رنا هيا تعالي وبرمت علي السياره وفتحت الباب ورفعت عيونها وبحتت قدامها تلاقن اعيونها في عيون خالد نزلت عيونها بسرعه وهيا مرتبكه وركبت
• دانا.... السلام عليكم
• ايوب .... وعليكم السلام معليش طولت عليكن زحمه الطريق
• وصال ....بحتت فيه عادي ولا يهمك اهو جيت قتلك نتعبك معانا وصل دانا لحوشهم
• ايوب ..تمام شن صار في المقابله
• وصال .... ان شاء الله خير قالو حيتصلو بينا
• ايوب ... هز راسه وهو متكي بيده اليسار علي الباب وحاط اصابع يده علي فمه وبيده الاخري يسوق
• دانا ...كانت تبحت في تفاصيله وعيونها ذايبات فيه يانعليا شن هالشخصيه والجمال هضا
• 🍃🍃🍃🍃🍃🍃🍃🍃🍃🍃🍃🍃🍃🍃🍃
• امال .....وهيا جايبه صفره الشاهي لراجلها مدتها له وقمعزت جنبه تفضل ياغالي
• سالم.... بابتسامه سلم ايديك وخذا منها الصفره وحطها قدامه ورفع البراد وصب الشاهي في طاستين وحط البراد ومدلها طاسه وخذا الثانيه وشرب منها وطلعلها فلوس من جيبه خوذي هذين وعطيهن للبنات مش سميه تبي السوق قلتيلي خليهن يطلعن مع بعضهن وياخذن اللي يبنه
• امال ...ربي يعوضك وايخليك لهن ولا يغيبك علينا ان شاء الله
• سالم .... امييين يارب وين خالد اليوم مجش علي الغداء
• امال ...علي جيه قال اليوم عنده اضافي
• سالم ... تنهد وهز راسه خاش انتريح وعيني علي العصر عندي مشوار
• امال .... حاضر احلام تعالي شيلي الصفره
• أحلام ..... صبت خذت الصفره ومشت شور المطبخ لقت ابراهيم متكي علي باب المطبخ ويسمع
• صالحه ....وهيا تغسل في حوسه الغداء كانت تغني وكان صوتها حلووو وهادي وسميه تلم معاها في الحوسه
• 🌹ريحيين علي فين وياتري هنقابل مين نرتاح وياه بعد فراق الغالييين الذكريات من كثرها فكرينها مش ناسين🌹
• 🌹والفرصه الثانيه بنستناها اهو بنصلح غلطات بعد معدنا الحسابات حتي ولو مش قاصدين 🌹
• صالحه... كانت تغني ومنسجمه وتغسل في التباسي
• ابراهيم ...وهو ايصفق الله الله من هما الغالييين
• صالحه ...برمت منفجعه وهيا حاطه يدها علي قلبها بسم الله الرحمن الرحيم
• ابراهيم ...انفجعتي سوك راح ياحنه وبعدين شن النكد هضا اللي ضاربتيه
• احلام ....خشت وحطت سفره الشاهي علي المرمره مش عارفه الناس تغني اغاني فرايحيه مش حزن ونكد
• صالحه ....برمت علي الحوض وردت تغسل اطلع انت وهيا ووخلوني انكمل بلاش سماطه
• احلام ....وراسك ماهي صايره وجتها ومسكت يدها وطفت المياه وقعدت اتغني وترقص هيا وياها الدنييا حلوة واحلي اسنين بنعشها واحنا ياناس عاشقين ننسي اللي فتنا ونعيش حياتنا علي الحب متوعدين
• احمد ...خش عليهن وخذا سفره وقعد ايدربك عليها
• ابراهيم وسميه ..... ايبحتو فيهن ويضحكو
• احلام .... انسي اللي راح علي طول علي طول متسيبش زعلك مره ايطول افرح اشويه واضحك اشويه كدا خلي روحك عليا وهاي ويا قل
• سالم .....أحلاااااااام سكري فمك راه نجيك
• أحلام ...فنصت اعيونها بابا حي عليا 😳 وطلعت تجري وكل واحد خش لداره يجري وصالحه وسميه ردن يلمن في الحوسه ولاكانه صارت حاجه
• 🍃🍃🍃🍃🍃🍃🍃🍃🍃🍃🍃🍃🍃🍃🍃🍃
• عند خالد ......
• صاحب الورشه ...ها شنو امورها السياره
• خالد .. مدله المفتاح تمام بكل مشيت بيها مسافه امورها ميه ميه
• صاحب الورشه ..تمام خلاص انت اربح كان كملت شغلك
• خالد ... تم هي السلام عليكم
• صاحب الورشه ....وعليكم السلام
• خالد ...طلع من الورشه وهو ايفكر في البنت لو صارتلها حاجه غمض اعيونه وتنهد اشويه وصل للحوش فتح الباب وخش لقاهم مقمعزين في الجنان ابتسم السلام عليكم
• هما ...وعليكم السلام
• امال ...وعليكم السلام يا امي ربي يعطيك الصحه ان شاء الله
• خالد ... الله ايسلمك ياغاليه وسلم علي راسها وقمعز ووبحت في سميه شن صار معاك طلعت النتيجه
• سميه ...وهيا مبتسمه اهاا صفيت الحمدلله بأمتياز
• ابراهيم ... نقصي اشويه من الضحكه مش حاجه كبيره علي فكره
• سميه ... بحتت فيه بنص عين وماردتش عليه
• خالد ...لف يده علي رقبه سميه وحضنها مبروك يافرخه لعقبه للمشروع
• سميه .... وهيا مبتسمه الله ايبارك فيك يارب
• امال ...صبي يا صالحه جيبي غداء خيك
• صالحه .. هيا حاضر نسخنه بس
• خالد .....صبا اندوش وانصلي العصر بعدها جيبيه ليا هنا وبحت في امه باتي وين سيارته مش قاعده
• امال .....طالع قال عنده مشوار
• احلام ...وهيا طالعه بصفره القهوه خلودي شن الجو ياصقع
• خالد ..حط يده علي شعرها وقعد ايريشلهافيه شن قتلك عليه الاسم هضا
• احلام ..اييييي شعري بطل يا سامط تنكب القهوه ماما قوليله
• امال ....وطي صوتك يافرخه قاعدين في الجنان يسمعو فيك الجيران
• احلام ... اييي قوليله باهي تو نسكت
• احمد .... خذا السفره من يد احلام وحطها قدام امه وقمعز عطينا القهوه راه تنكب وترزينا فيها وبحت في خالد وتوه خوذ راحتك
• احلام ...والله انوريك باهي اايييييي بطللللل
• احمد .... وهو يصب في القهوه وبحت فيها ويضحك علي نرفزتها
• خالد ..... طلقها عدي هي عشان مره اخري معش اتقولي الاسم المستفز هضا
• احلام .... مشت قمعزت يلا امها وهيا تكشخ عليه
• امال ....خلاص انت وياها راسي صداع امتي تبو تعقلو بس
• ابراهيم ...في الساعه السعيده يا اموله
• امال .....خذت صباطها ورفاعته تبي تعزقه عليه صبي يافرخ من قدام وجهي
• ابراهيم ...وهو يضحك صبا وحاط ايديه قدام وجها والله ماهي صايره وسعي بالك بس كنك قعدتي ترقالك بسرعه معقوله هك وجاها حضنها بالقوه مش اكويس علي صحتك راه ايجيك ضغط والا سكر يضربلك سلومه ضره بعدها
• امال ....يافرخ خطاني راه خيرلك وخليني نشرب قهوتي وانا رايقه
• ابراهيم ....وهو يسلم علي راسها هذي بس حاضر هاه وطلقها عاد فكينا من الزعل بس اه
• احمد ....وهو يمد في الفنجان لامه ويضحك
• امال ..... خذت الفنجان وهيا تضحك علي ابراهيم وجوه اللي ايدير فيه
• 🍃🍃🍃🍃🍃🍃🍃🍃🍃🍃🍃🍃🍃🍃🍃🍃
• في مكان ثاني......
• هويدا ....كنك يا ماما شن اتحسي
• فايزه ....وهيا داهشه عطيني دوايا
• هويدا ....وهيا اتبحت في رندا حاضرهيا حطيلها الاكسجين بسرعه
• رنده ...وهيا تجري خذت حاطته لامها ولعاته لقاته فاضي
• هويدا ...خذت الحبه وحطتها لامها في فمها
• رنده ....الاكسجين شكله كامل
• هويدا .. وجها انصفر شن عينك عليها اشويه بس وخذت تلفونها وطلعت من الدار وحطت علي رقم وقعدت ترجا في الرد
• موسي .... ايوه
• هويدا ...موسي وين قاعد
• موسي ...كنه صوتك شن في امي فيها حاجه
• هويدا ....ءءءءداهشه والاكسجين كامل عطيتها دواء بس مازال تعبانه
• موسي ...مسافه الطريق وجايكم لبسيها علي ماوصلت
• رندا .... ماماااااا الحقيني يا هويدا
• هويدا......حي عليا ماما طلقت تلفونها وخشت تجري
• موسي .....
• يتبع ......
• قراءة ممتعه ❤❤
• بقلمي . احلام
