• #الامانه .....
• الحلقه 7.....
• عند حوش سالم ....
• سميه.... وهيا تلم في الكراسي وتحط فيهن في مكانهن تحت الضل احلام شيلي صفره القهوه جوا
• احلام ...انصلي المغرب وتو انجي وقت
• سميه ..خزي والله انوريك عليها باهي يعني انا منبيش انصلي مثلا قعدت تحط في الكراسي وهيا راقيتلها الوحده اليوم تخرجها مفروض ايدللوها مش ايخلوها تلم حوستهم في هالصهد والحمو
• موسي ..وصل قدام حوش سالم ونزل دق علي الحوش
• سميه ... وهيا خاشه كانت حاطه ايشربها حط وماسكه صفره القهوه دق الباب استغفر الله العظيم برمت وشالت معاها السفره لعند الباب وفتحت الباب من
• موسي ... معليش خالد قاعد
• سميه ... اهاا قاعد
• موسي ..معليش كلميه ليا قوله موسي يبيك
• سميه ..هياوجت تبي اتسكر الباب بيد واليد الثانيه ماسكه السفره وكان الجو فيه ريح رد عليها الباب لعند انقلبت الصفره وطاح وايشربها من علي راسهااا هيييييييييييي ورفعت اعيونها في موسي
• موسي ..بعد سمع صوت الصفره رفع عيونه فيها بسم الله ساهله ساهله
• سميه ..... وهيا ارتبكت رفعت ايشربها بسرعه علي شعرها وسكرت الباب في وجهه وحطت ايديها علي خدودها ومغمضه اعيونها وقريب تبكي يانعليا عليك موقف وعليك تزليط ووووه ووووه نهارك اسود مني يااحلام ونزلت اتلم في الفناجين اللي انكسرن بسرعه
• موسي ... كان واقف قدام الباب ومنسته فيهاا تبارك الرحمن في ماخلق عليك شعر حرير فيهابعدها فطن لروحه استغفر الله العظيم شن قاعد انقول انا اوووف استغفرالله وخلاص كني لاحول ولاقوة الا بالله ورد ركب سيارته وقعد يرجااشويه
• سميه ....خشت للمطبخ حطت السفره علي المرمره
• صالحه ... كنك طولتي بره هييي كسرتي مق ابراهيم حي عليك
• سميه ...برمت عليها وهيا منستها اسكتي اين مق توه اللي تحكي عليه صاحب خالد شافني بلا حجاب والكارثه وانا ماسكه الصفره تطيح مني ويتكسرن قدامه عليك تزليط
• صالحه .....هييييي وانت كيف تفتحي الباب اساسا
• سميه .... مش عارفه عليك موقف امعفن قريب نبكي انا
• صالحه ....وينا باهي هو عدا قصدك
• سميه .... وهيا تبحت في صالحه حي عليا قالي كلميه ليه انضني قاعد
• صالحه ...وانت ماده وجهك هنا امشي كلمي خالد الراجل اكيده قاعد بره
• احلام ...كنكن شن في
• سميه.... سلحت صباطها والله انوريك باهي كله منك يا كلبه
• احلام .. كرست وراء صالحه وقعدت ماسكه فيها كنها هذي فيش تحكي كنك انهبلتي يابنت وربي تضربيني نردها لك باهي
• سميه ...وهيا تبي توصل فيها وماسكتها صالحه حق الله انوريك باهي
• صالحه ...وهيا تدف في سميه ت امشي لخالد كلميه بسرعه الراجل له نص ساعه قدام الباب
• سميه ...عزقت صباطها ولبساته نكلم خالد ونجي انوريك بالك تحسابي ننساها لك وطلعت
• احلام ..وهيا متفاجاة كنها اختك عندها انفصام والا شنومن جاء شورها بكل
• صالحه ...اسكتي بس فتحت الباب لصاحب خالد وحقها بلاحجاب وطاحت الصفره منها قدامه
• احلام ...🤣😂😂ووووووه عليك تزليط قدامه
• صالحه ...وهيا تضحك 😂بعدك تخيلت منظرها كيف منصدمه وتبحت فيه
• احلام .... وووووه متتتتت😂😂
• صالحه...اسسسس جت جت 😂
• احلام ....وهيا تضحك قعدت تلم في السفره حي عليها حي من ابراهيم كسرت المق متاعه
• صالحه ...مش غير حيدير شطحه سوده عليه
• خالد ...فتح الباب وطلع بحت لقى موسي مقمعز في السياره اوووووو موسي شن الاخبار
• موسي ... يامرحبا شن الجو
• خالد ...تمام والله هي تفضل
• موسي ...لا وين عندي امانه لك بس
• خالد ... ليا انا امانه شنو
• موسي...فتح باب السياره ونزل بوكس وبرم عليه تفضل
• خالد ...بحت في موسي ليا نا قصدك
• موسي ..وهو مبتسم اهاا والله جت بنت وصت عليه وقالت تسليم خدمه توصيل كيف معندكش علم
• خالد ...انحرج ووجهه قعد حمر مقلب صاح من واحد منكم
• موسي ..وهو يضحك كنك والله لا ماقلب لاشي خوذها ياراجل اهو فيها كرت مكتوب عليه شوفه بالك تعرف من من
• خالد ...قدم خذا الكرت وقرا اللي مكتوب هناك انت ❤حيث لايوجد غيرك في هذا الارض يعجبني بحت في موسي شن شكلها البنت حقيتها انت
• موسي ... اهاا كنت قاعد بس امجد هو اللي استلم منها
• خالد ...هو منحرج تمام تمام
• موسي ..مدله البوكس شنو ماتبيش تاخذه والا كيف
• خالد ...بالجو انا البنت منعرفهش اصلا من و اهاا مش حناخذه حلال عليك والشكولاطات عدي عطيهن لخياتك الصغار يفرحن بيهن
• موسي ... ههههه لا شكرا هذي شورك وبعدين كيف ناخذ الساعه ونلبسها وكان اتجي البنت وتشوفها ماشور شي
• خالد ... تملح انا شن ليا علاقه بيها بالجو منبيش ناخذها ايوه تبي تعزقها ومتبيهش عادي براحتك بحت لقا ابراهيم جاي بسيارته زمررري اهي كملت
• موسي ...وهو يضحك بحت في ابراهيم
• ابراهيم ...درس السياره ونزل اووووو موسي شن الجو غمزله بعينه علي البوكس شنو اللي في يدك هضا
• موسي ... وهو مبتسم يامرحبا والله خدمه توصيل جايه لخالد ومايبيش يستلمها
• ابراهيم ...بحت في خالد لا متقولهش ياراجل تويييين علي الحركات
• خالد ...ابراهيم فوتني وبحت في موسي اهو جاء صاحبك تبي شي
• موسي ....وين ياباشا مش هك عاد
• خالد ...شيرله بيده وهو ماشي للحوش بمعني فوتني
• ابراهيم ..وهو يبحت في خالد ويضحك جديات شوره والا مقلب
• موسي ....هههههه والله شوره بنت جت عطت اسمه وعنوان حوشكم وتبي تغلفها من رقادت بخته جت المحل متاعنا
• ابراهيم ...قصدك مايبيش ياخذها وبحت في الساعه بعدك ساعه مقنطه هات تو ناخذه انا جاء في وقته وصل ياباشا
• موسي .... تم تبي شي يا غالي
• ابراهيم ..خش اشرب قهوه
• موسي ... اذكر سميه ابتسم تسلم كاني شربتها وركب سيارته وشيرله وطلع
• ابراهيم ...سلام ابتسم هيا خلينا نفرحو الفرخه سميه ورد لسيارته خذا من الكرسي الكيس وطلع منا سلسه فضه بسيطه وحطها بدال الساعه وحط الساعه في الكيس وسكر سيارته وخش للحوش مبتسم سلام عليكم
• امال ...وعليكم السلام وابتسمت مشاء الله شنو اللي في يدك
• ابراهيم ... ابتسم برفعه حاجب هديه لسميه شن رايك يا غاليه صقع عليهم صاح
• امال ... وهيا تضحك ننقانه صقع عليهم
• ابراهيم ....انت يافرخه سميه وينك
• سميه ...حي علياابراهيم
• صالحه ...اطلعي شوفيه شن يبي
• سميه ...طلعت وهيا تضحك في ضحكه صفره نعم
• ابراهيم ...بحت فيها شن الادب اللي نزل عليك فجاةهضا
• سميه ....عادي يعني وبحتت في يده شنو هذي
• ابراهيم ..تعالي هاكي شنو اتحقي فيها يعني دجاجه هديه اكيد
• سميه ...وقدمت منا وخذت البوكس هيا فرحانه قصدك هديه ليا انا الله اتهبببل 😍
• ابراهيم ...عشان مره اخري تعرفي علي من تبكي لا مشوري نبي خالد ايجي خزي مادورتيني بكل
• سميه ... والله فقدتك باهي يا بارد وشكراااا واااجد اتهبببببل بكللللل 🥺
• ابراهيم .... باهي مش ضروري اتنزلي ادموعك فهمنا انك تأثرتي
• سميه ... وهيا تضحك وتمسح في اعيونها
• ابراهيم.... وهو مبتسم مبروك ياهبله
• سميه ...حطت البوكس علي الطاوله الله ايبارك فيك وحضناته شكراااا واجد
• امال ...وهيا اتبحت فيهم ومبتسمه ربي ايخليكم لبعضكم ان شاء الله
• ابراهيم .... باعدها عنها وحط يده علي كتفها باه شنو مازال العشاء
• امال...بسم الله عشاء شنو اللي توه مازال مغرب
• ابراهيم ...بحت في سميه طيري ديري حاجه ناكلها بسرعه اشويه وطالع للشباب
• سميه .. حاضر هي وخذت البوكس وخشت لدارهن
• احلام ... بحتت الله محلاه شنو هضا
• سميه ...هديه ابراهيم جابها ليا
• صالحه ...الله البوكس ايجننننن
• احلام .... بكللل سميه عطيني الورده هذي
• سميه ..خوذيها حتي ومازال راقيلي منك
• احلام ..عاد انا مش شوري انت اللي حطيتها في راسي بس ارجي خليني انصورها ونزليها في صفحتك واكتبي عليها ❤وما الاخ الا نعمه تعجز الحروف عن وصفها دمت لي يا اخي ❤❤
• سميه ... حلوه بكل هيا صوريها وهاتي نزلها
• 🍃🍃🍃🍃🍃🍃🍃🍃🍃🍃🍃🍃🍃🍃🍃🍃
• عند بشير .....
• بشير ..فتح الحوش وخش للدار السلام عليكم
• جارتهم ... وعليكم السلام خير ان شاء الله كنك جاي بدري ياك لاحر لاشر
• بشير.... الحمدلله حصلت واحد يمسك معايا المحل هذا ليش روحت بدري
• جارتهم ..وباهي ربي يفتحها عليك ويعينك ياوليدي
• بشير ... امييبن يارب سامحيني ياعمتي عارف روحي مثقل عليك
• جارتهم .... عيب عليك خواتك بنياتي وربي يرحم امك وباتك كانو خيرت الجيره
• بشير ... الله يرحمهم ويغفرلهم ان شاء الله وين البنات مش يالاك
• جارتهم ...كانن هنا بالك جو خشن
• مروه ...خشت للصاله خيرات
• بشير ..هلا شن الجو
• مروه ...تمام تشرب قهوه
• بشير ...اهاا وخليها مره
• مروه ..هي حاضر وطلعت
• جارتهم ...امتي تبي اتفرحنا بيك عاد خلاص كبرت لعند امتي ترجا
• بشير ..والله ياعمتي فاطمه مانفكر فيه الموضوع هضا بكل
• الحاجه فاطمه ...ولعند امتي تبي ترجا ياوليدي جيب مراه تعاونك وتشيل الحمل معاك وتونس خياتك خير من قعدتهن وحدهن
• بشير ... ومن اللي تبي ترضا بيا ياعمتي فاطمه كل وحده تبي شقه وحدها وانا خواتي مستحيل انسيبهن وحدهن وانا باللي عندي يادوب انزوق بيه الحوش ونشري دار نوم حتي حق الفرح معنديش بيش انطلعه
• الحاجه فاطمه ....انت غيرتوكل علي الله حتلقها محلوله قدامك ويعدين توه خلاص بطلوه الفرح كلهم قعدو يوم الفاتحه ايدير عشاء ويعزم اصحابه واحبابه الاقارب وكان علي موافقتهن هم غير يسالو عليك طول حيوافقو من اللي حتلقي كيفك والله لو عندي بنت ماكنت الا انا اللي خطبتك لها من غير حتي ماتقول
• بشير ..وهو يضحك الله يعزك ياعمتي و ان شاء الله خير
• الحاجه فاطمه ...انت غير فكر فيها وصلي استخاره بس وان شاء الله تنفتح قدامك وتلقي اللي تسعدك وتهنيك وانا الي حنمشي نخطبها لك انت غير انوي بس
• بشير... ان شاء الله
• مروه ..خشت وحطت صفره القهوه قدامه
• بشير ..وين بشري
• مروه....قاعده جوا تبيها
• بشير ..لا تمام نسال بس
• الحاجه فاطمه ... هيا انا تصبحو علي خير دام روحت بدري انعدي
• بشير ..كنك ياعمتي مازال بدري
• الحاجه فاطمه ..بدري من عمرك بعد انك جيت وقاعد مع خياتك حتي انا نروح لحوشي انتريح
• بشير ... براحتك هي خليني انوصلك وناض
• الحاجه فاطمه ... قمعز كمل قهوتك اهو الحوش خطوتين هو
• بشير ... لاهيا طالع معاك
• الحاجه ..فاطمه تصبحن علي خير يابنات
• بشري ...كنك ياحني مازال بدري
• الحاجه فاطمه ..بدري من عمرك ياحني وطلعت
• 🍃🍃🍃🍃🍃🍃🍃🍃🍃🍃🍃🍃🍃🍃🍃🍃
• عند موسي .....
• فايزه ....شن صار في القماش مكلمش موسي
• هويدا..كلمني الحمدلله حصل نفس اللون بس قالي مش فاضي توه انجيبه قتله عادي خلاص خليه لعند ماتروح
• فايزه ..واعر عليك هك مش حتريحي شوفي وجهك كيف منصفر وشاحب من قله النوم
• هويدا ...اكويسه ياماما رقدت امبدري والله وخليت رندا وحدها اتدير فيهن عشان انا في الليل انكمل عنها
• فايزه .... ربي ايعاونكن وايفرحني بيكن انتن وخيكن يارب
• هويدا ..ان شاء الله
• موسي ..خش هو في يده حاجات حطهن في المطبخ علي الطاوله السلام عليكم كيف حالك يا امي
• فايزه ..بخير ياباتي الحمدلله
• موسي...بحت في هويداحطيتلك القماش في الصاله
• هويدا.... باهي ربي يعوض عليك
• موسي ....قتلك الشباب جاييين عندي بعدين جبت اشويه حاجات حطي منها
• هويدا ...تمام حاضر وانا تو نصبي نبرم علي المربوعه نشيل الحاجات نحطهن في الصاله
• موسي ..خليك انا تو انحطهن لك اثقال عليك
• هويدا ....لا تو نمشي معاك وقعدو ايلمو في القماش والبوكسات وحطوهن في الصاله
• موسي ...قولي لرندا توتيلي العشاء بدل مادوشت
• هويد ... حاضر هي ومشت رندا حطي لموسي يبي ايتعشا قال اصحابه جايين
• رندا ...هي نوتي الصفره بس
• هويدا ... اناتوا انحط الشاهي ونوتي الضيافه عشان بعدين نلهو بالتغليف
• رندا ...ان شاء الله نلحقو مازال واجد
• هويدا ...نلحقو ان شاء الله انا مش حنرقد لعند انكمله هيا سبحان الله هو في ناس بسرعه ماتكملي حاجتهم وفي ناس تحصلي فيها وايصيرلك مية موضوع
• رندا.... اهاا والله سبحان الله
• 🍃🍃🍃🍃🍃🍃🍃🍃🍃🍃🍃🍃🍃🍃🍃🍃
• عند الحاج مصطفي .....
• ايه ...هي خايفه حي عليا ياوصال ايوب فاصل بكل
• وصال .... متخافيش انت مادرتي شي كنك تو ايحقك خايفه هك يفكر انك علي علاقه معاه
• ايه ..حي عليا حي عليا اسمعي صوته
• ايوب ... التافه جايك ومش متحشم علي وجهه وايقولك انها عارفه من غير انه متزوج واكبر منها بعمر وغير هضا كله سمعته في كل الجامعه معروفه شن ٠
• مصطفي ..اول حاجه نقص صوتك وانت تحكي وثانيا انا عارف شن امربي المواضيع هذين ميجنش بالتعصيب
• ايوب .. كيف ياحاج اتقول هك هضا دكتور سمعته سابقته وانا اللي عارفه وبعدين لو ماهي عاطيته وجهه راه ماشفنش وجهه وبحت في امه امي وين ايه كلميها
• سليمه ...وهي ترعش وخايفه وسع بالك ياايوب والله البنت ماشورها ولاعندها علم بالموضوع كله
• ايوب .. وهو مايشوف في شي قدامه تمام تو نعرف عندها علم والا لا ومشا شور دارها ودق عليها اييييييه افتحي الباب
• ايه ...وهي تندب حي عليا ومسكت في يد وصال حي عليا شن اندير
• وصال ...كنك اهدي بس شن يبي ايدير يعني حولي يدك خليني نفتح الباب واطلعي وامسحي ادموعك بسرعه
• ايه ...مسحت ادموعها وقدمت شور الباب وفتحاته وصال
• ايوب ..بحت فيهن وجهه منحمر من كثر التعصيب تعرفي واحد اسمه عامر الفلاني
• ايه ...وهيا ترعش مسكت في يد اهاا دكتور ايقري فيا
• ايوب ....وعندك علم انه اليوم جاي يخطب فيك من باتي
• ايه ... لا وحق الله ماعندي علم الا من ماما قالتها ليا
• ايوب ..ايه اخر مره نسالك في حاجه مابيناتكم لانه قايل هو عندها العلم
• ايه ..وخايفه حق الله مانعرفه ولا ليا بيه علاقه مره وحده وقفني وقالي نبي انجي نخطبك ونبي نعرف رايك قبل وانا فته ومرديتش عليه والله وهذا كل اللي صار واهي وصال اسألها
• ايوب ..بحت في وصال وسكت
• وصال ... مابتش اتبحت فيه ونزلت اعيونها عنه
• ايوب ..المهم توه حتي لو كلمك تعالي قوليلي وليا تصرف ثاني معاه وبالنسبه لطلبه مرفوض من غير حتي مانفكرو
• ايه ..اللي تبيه انا المهم عندي انتم مش هامني الموضوع ولانبيه
• ايوب ...تمام بكل وبرم وبحت في باته
• ايه وصال .... خشن للدار وسكرن الباب
• ايوب... سامحني ياحاج لو عليت صوتي عليك وانت ياغاليه سامحيني كان فجعتك وحب علي راسها وراس باته
• مصطفي ...وسع بالك مره اخري مع اختك واحكيلها بالهداوه تقهم منك وتفهم منها
• ايوب ..حاضر ياحاج وخلي الموضوع شوري انا نرد عليه
• مصطفي ...تمام اللي تبيه
• ايه....قمعزت علي السرير قريب متت مكنتش متخيله ردت فعل ايوب هك
• وصال ..بلعكس متخيلتها اكثر من هك لانه الدكتور هضا معروف من قبل حتي مانقرو
• ايه .....قولك شن حيدير زعما
• وصال ...مشعارف اساسا انا ايوب مش عارفه حتي كيف ايفكر
• ايه ..بحتت في وصال في حاجه صايره صاح بينك وبين ايوب
• وصال ..تنهدت مافي شي صاير شن حيكون في
• ايه ... وصال متحكيش معاه ومتباعده تحسابي مش ملاحظه
• وصال ...انا درت اللي هو يبيه هو يبيني معش نحتك بيه تخايلي عطا لامي في ضرف افلوس عشان منجيش نطلب منا وياريت غير عطاهن ليا هو لا خلهن عند امي وقاللها عطيهن لها
• ايه ..ايوب دار هك كنه هضا شن صاير لعقله
• وصال ....وهيا موجوعه مش مهم براحته وصبت توه سلام خلاص نبي انروح
• ايه ..كنك اقعدي معايا مازال هالفجعه في اعظامي
• وصال .. لالا خلاص معنديش نيه سلام توه
• ايه ..سلام اطلعي هيا طالعه معاك نصبيلك لعند توصلي وان شاء الله غير ايوب طلع
• وصال... هياوطلعت روحت
• 🍃🍃🍃🍃🍃🍃🍃🍃🍃🍃🍃🍃🍃🍃🍃🍃
• عند موسي .....
• امجد ..يرا العب اكويس وانت قهرتني هذا لعب بكل
• خالد ... وانا فيش قاعد اندير الورق بروحه زفت
• ابراهيم... يضحك معليش مازال مأثره فيه فجعة الهديه
• امجد ....ههههههههههه بعدك توصي ييها موسي ونسقها علي كيف كيفك عشان تعجبك
• موسي ...يضحك خساره علي الفاضي مابش ياخذها للاسف خذاها هضا كيف خشييت بيها علي باتك
• ابراهيم ...لاهو الحاج مش قاعد بس انا نعرف كيف نصرف حتي لو قاعد مانوحلش
• امجد.... ننقانه ساعه صح ماركه وغاليه تلبسها بالهنا ياخلودي قالها بصوت بنت تجعون هههههههه
• خالد ..يرا بلا معيله انت وياه اصلا شن جابني للفروخ زيكم
• امجد ..وسع بالك بس انبصرو معاك كنك بس والله طرف اللي جت تاريتك تعرف تختار
• خالد ..زمري وبرم وجهه وهو راقيله يرا منعرفهش والله ولاعمري شفتها ولاحتي حكيت معاها
• موسي ... قصدك معجبه سريه نعليا انا من الي يكبدو عليه خلاص انحلوها لك نحنا تعال للمحل وشوف الكاميرات بالك تعرفها
• خالد ...قصدك عندكم كاميرات في المحل
• امجد ..اهاا اكيد
• خالد ..تم بكرا انجي معناها
• موسي ...ت العبو هيا
• ابراهيم ..حط ورقته وخذاهن كلهن
• امجد ....بلا علي الحظ اربع ديناري والحيه مروه وحده وبحت في خالد عاجبك هك
• ابراهيم ..قل اعوذ برب الفلق
• موسي..... يضحك عليهم
• هويدا .... اااااااااااه ضهري خلاص قريب يطربق انحسه
• رندا ..سيبي اشويه وتريحي انت من امبدري معش تريحتي تو اندير انا
• هويدا ... قمعزت اشويه حي بنصبي نرن علي موسي نعطيه اللي وتيناه امبدري هو سرح شكله وصبت تبي تطلع راسها برم غمضت اعيونها وردت قمعزت
• رندا ..كنك قمعزتي
• هويدا ..راسي برم حسيته اشويه وانصبي
• رندا ..سيبت اللي في يدها ..خليك تو انشيله له انا
• هويدا ..قمعزي كملي بس انت تو انصبي انا مافيا شي طلعت خذت الصفره ورنت علي تلفونه وقدمت صبت يلا الباب الفاصل بين المربوعه والحوش وقعدت ترجا فيه
• موسي ... طلع خذا منها الصفره قتلك جيبيلي خيط الشحن من جوا تو انجي ناخذه
هويدا.....حاضر هي خشت جابته له وقعدت ترجا فجاءه ....
• يتبع ....
• قراءه ممتعه ورايكن توقعاتكن للحلقات الجايه ❤❤
• بقلمي .... احلام
