" Ji... ထတော့လေ... ခါတိုင်း အစောကြီး
ထနေကြပါ... ဆိုင်ဖွင့်ဖို့ နောက်တောင်ကျနေပြီလေ Ji ရဲ့ ။ Ahjashi တောင် နိုးနေပီ
Jennie မျက်နှာသစ်ပြီးတာနဲ့ ရေသုတ်ရင်း Jisoo ကုတင်ဘေးကနေ နှိုးနေလိုက်သည် ။
" Hmmm"
Jisoo ရဲ့ညည်းသံလေး ကြားတော့ Jennie လန့်သွားပြီး အနားကို သွားကြည့်လိုက်တော့ မျက်လုံးလေးမှိတ်ထားပြီး စောင်ကိုလည်း လက်နဲ့ဆုပ်ထားကာ ပါးလေးတွေလည်း နီရဲနေတော့သည် ။
" Ji... ဖျားနေတာလား.... အမလေး....
ဟုတ်ပါရဲ့.... ကိုယ်တွေ ပူကျစ်နေတာပဲ... "
ပြောပြောဆိုဆိုနဲ့ နဖူးလေးကို စမ်းမိတော့ ပူကျစ်နေတာမို့ Jennie ပြာယာခပ်တော့သည် ။
" Arr... ဒီလောက် ဖျားနေတာကို Ji ရယ်...
ငါ့ကို မနှိုးဘူး... နေအုန်း.... ငါ ရေဘတ်အုပ်ပေးမယ်နော်... ပြီးတော့ ဆေးလည်း တိုက်ရမယ်...အာ ... ဆေးခန်းပို့ရမလားမသိဘူး... Ahjashi ကို သွားမေးလိုက်အုန်းမယ်... ခဏလေး... ရေဘတ်အရင်လုပ်ပေးမယ်နော်...အာ...အပူကြီးပြီး သတိမေ့သွားရင် ဘယ်လိုလုပ်မလဲ.. Ji... သတိထားအုန်းနော်... "
Jennie တောင်လျှောက်မြောက်လျှောက်နဲ့ ပြာယာတွေခပ်ပြီး ပါးစပ်ကလည်း တရစပ်ရေရွတ်ကာ Jisoo လက်ကလေးကို လာကိုင်တော့ Jisoo က မျက်စိမပွင့်ပဲ တစ်ချက်ပြုံးလိုက်မိသည် ။
" အ.... Jendeuk ရယ်... နင် ပြာနေတာနဲ့ ငါ့အဖျားက လန့်ပြေးလောက်တယ်... အဟင်း.. အရမ်းစိတ်မပူပါနဲ့... ရေဘတ်အရင်တင်ပေးနော်... အားးး ပြီးတော့ ခေါင်းအရမ်းကိုက်တယ်... ဆေးပဲသောက်လိုက်မယ် ရတယ်... ငါ မထနိုင်လို့.... Ahjashi ကိုလည်း ပြောလိုက်အုန်းနော် "
" အင်း.... အင်း.... နင် ငြိမ်ငြိမ်လေး အိပ်နေနော်... ငါ အကုန်လုပ်ပေးမယ် သိလား "
Jennie ပူနေတဲ့ စိတ်ကို အတတ်နိုင်ဆုံး
ငြိမ်အောင်ထားကာ ဇလုံလေးနဲ့ ရေခပ်ပြီး
တဘတ်လေးကိုရေစွပ်ကာ Jisoo နဖူးလေးပေါ် တင်ပေးလိုက်သည် ။ Jisoo က
နေမကောင်းဖြစ်ခဲတာမို့ Jennie မှာ
သူဖျားရင်ကို မလုပ်တတ်မကိုင်တတ်နဲ့
ကတုံကယင် ဖြစ်နေကျပင် ဖြစ်သည် ။
အမြဲပဲ သူကချည်း Jennie ကို ဂရုစိုက်စောင့်ရှောက်လာခဲ့တာကိုး ။
YOU ARE READING
From Zero to Infinity ~~~
Fanfictionဟိုးအစကနေ အဆုံးထိ ငါတို့လက်တွေ အမြဲတွဲထားကြမယ်နော်... ဟင့်အင်း... အဆုံးထိ မဟုတ်ဘူးလေ ငါတို့လက်တွေက အဆုံးမရှိ တွဲထားကြမှာ မမြင်နိုင်တော့တဲ့ အဆုံးမရှိထိ နင့်လက်ကို တွဲထားမှာ...
