(وحشتونااااي جدااااا والله 😂❤️ إيه أخباركم بقى 🤔😂 أهو رجعتلكم ببارت جديد تاني أهو ويارب يعجبكم زي كل مرة)
Flash back أعرفكم فيه أدهم عرف الحقيقة إزاي
©©في ڤيلا الأسيوطي بالتجمع الخامس ...
#كان والد أدهم يتحدث مع صديقه المقرب عن إبنة أخاه الصغيرة التي تعيش في صعيد مصر مع والدتها فوقف أدهم يستمع إليهم وملامح الصدمة مسيطرة عليه بالكامل ووجهه واجم للغاية ...
منصور بغضب :- وبعدين معاك بقى يا مراد باشا أنت إمتى ناوي تفكر ف بنت أخوك المتوفى ومتنساش إنها مرات ابن حضرتك المهندس أدهم وأهي قربت تكمل العشرين ولو عرفت بحكاية ورثها إللي عندك هتيجي تاخده منك كله .
مراد ببرود شديد :- ملهاش حاجة عندي علشان تفكر تيجي وتاخدها وأنا إللي عملت كل حاجة وبنيتها أنا بعرقي ومجهودي ف الوقت إللي أبوها كان عايش مع أمها أسعد لحظات حياته ومتنساش يا منصور إنه هو خطف حبيبتي مني زمان وأنا أخدت بنته منه .
منصور بجدية :- ملوش لازمة نفتح القديم يا مراد أنا هنزل الصعيد وهجيب مرات إبنك تعيش عندي لأن كمان وليد واصي عليها وهخليها تقعد ف شقة أبوها إللي ف المعادي وده إللي عندي .
مراد بتعب وجلس على الكرسي :- يا منصور ده أنت إللي تعرف بمرضي وكمان ليه أنا كنت بعيد عن ولادي أدهم ومريم لدرجة إنهم بيكرهوني دلوقتي وبالذات بنتي الصغيرة وغير كده أدهم لما يعرف إنه متجوز من بنت عمه معرفش ردة فعله هتكون إزاي بقى .
منصور بهدوء وربت على يده :- كله خير إحنا أحسن حاجة نعملها نرجع الحق لصحابه وننزل الصعيد بعد ما وليد يروح ونتكلم مع فريدة ونتعرف على بنتها وتحاول بقى بمعرفتك تقنعهم يعيشوا هنا ف ڤيلتك ولما هي تكمل السن القانوني تتطلق من أدهم عادي وتاخد ورثها ف أبوها الشرعي وكده كل حاجة تتحل والمشاكل بتاعت زمان تخلص .
أدهم دخل إليهم وملامحه واجمة :- ممكن أعرف إيه إللي أنا سمعته دلوقتي ده يا مراد باشا طلعت متجوز بنت عمي ومعرفش عنها أي حاجة خالص وكمان أنت واخد حقها ومضيعه بقالك سنين طويلة ده غير كده حضرتك مريض وإحنا منعرفش حاجة كمان .
مراد بضيق ونظر إلى صديقه :- يابني الموضوع مش زي ما أنت فهمت ده جدكم الله يرحمه هو إللي عمل كده وأنتو صغيرين وكان عندك حوالي 21 سنة وهي 15 سنة ف الوقت إللي مكنش فيه كتب الكتاب عند مأذون وكده لكن فيه عقد يثبت صحة جوازكم حاليا ومرضي بقى لسه عارفه إمبارح وعلشان كده قررت إن ورث بنت عمك يرجعلها وهي كمان تديره لوحدها لما تتم السن القانوني ويحقلها تطلب الطلاق منك لو أنت حابب تطلقها براحتك .
منصور بإيماءة وجدية :- أيوة يا أدهم زي ما أبوك بيقولك ده كله إللي حصل وجدك عمل كده علشان يحفظ حقها بعد موت عمك وهي عندها 10 سنين ف قرر يجوزكم لبعض ويكتب ورث أبوها ليها وأبوك يديره لغاية ما تكبر وتستلمه بما يرضي الله .
