(هالوووات عليكم يا غوالي .. رجعتلكم ببارت جديد ويارب يعجبكم وتحبوه وألاقي فيه تفاعل يفرحني علشان إحنا قربنا على النهاية للرواية دي كمان🤝)
©©وقت الغداء (عصراً) .. في أسيوط
#في منزل السيدة فريدة .. كانت فاطمة جالسة أمام التلفاز وهي شاردة الذهن وتفكر بصدمتها الكبرى بعد ما علمت بوجود والدتها وأيضاً صلة القرابة التي بينها وبين كريم ودراستها التي ستبدأ بعد يومان ...
فاطمة بتذمر وغيظ :- يعني ياربي هو أنا قدرت أكلم كريم وأظبط إللي خربته لما هتطلعلي حكاية أمي دي كمان وتبوظ الباقي يووه طب هعمل إيه دلوقت .
سلمى (صديقة فاطمة) بجدية وحِدة :- يابت إرحمي دماغ أمي العيانة حرام عليكي نفسك بطلي فرك بقى وإهمدي وبعدين خلاص إللي حصل حصل وأصلا ده أبوكي هو إللي كان شخص مش كويس إنما مامتك لأ يعني لازم تعذريها مش تقفي ضدها إنتي كمان يابطة وإرجعي القاهرة وصالحيها حرام عليكي .
فاطمة بغضب ونظرت إليها بغيظ :- ويعني أنا أتحرق وأموت مقهورة علشان أمي سابتني عند خالتي وكل الفترة إللي فاتت أبقى عايشة على كدبة وهي عايشة حياتها بعيد عني طب طب ليه عملت كده فيا هو أنا مش بنتها المفروض وكان لازم تبقى معايا ليه عملت كده وسافرت وسابتني لوحدي .
سلمى بهدوء :- قالتلك إنها كان ضد إرادتها وسابتك عند طنط فريدة ف أمان علشان كان ممكن أبوكي ده يحاول ياخدك بالعافية ويبهدلها وكريم قريبك كان حرفياً يتيم وعاشت معاه وربته بس كانت متأكدة إن إنتي هنا ف أمان يعني متحطيش اللوم كله عليها .
فاطمة بضيق وفركت عيونها بقوة :- هووف وبعدين بقى ف الموال المهبب ده والمطلوب مني إيه أعمله أنا دلوقتي علشان الكل يرتاح .
سلمى بابتسامة خفيفة :- زي الشاطرة كده تفتحي أم اللاب بتاعك وتحجزي تذكرة أول قطر رايحة للقاهرة بكرة الصبح وتروحي لمامتك وتعتذري وتسامحيها ع كل حاجة وتدّيها فرصة تانية كمان وتقبليها .
فاطمة بإيماءة :- اووك هعمل كده بس متتوقعيش إن أنا أعمل حاجة أكتر معاها فاهمة ولا لأ .
سلمى بغيظ وحنق :- خلاص ياختي إنتي حُرة وأنا مليش دعوة بأي حاجة خاااالللص ماشي ويلا وريني هتعملي إيه لوحدك بقى لما تيجي تسافري القاهرة .
^^نظرت إليها فاطمة بضيق وأمسكت بالحاسب لكي تحجز تذكرة ولكن قاطعها صوت طرقات على الباب فذهبت لتفتحه وصدمت حينما رأت كريم أمامها^^
فاطمة بصدمة وفاه مفتوح :- كريييم هو أنت بتعمل إيه هنا وعرفت البيت إزاي وإيه إللي جابك .
كريم بسخرية :- أنا بقول إن الصعايدة أهل الكرم أما إللي بسمعه منك ده دلوقتي بيقولِّي العكس تماماً .
فاطمة إنتبهت لما قالته وتمتمت بإعتذار :- احم أنا أنا مقصدش حاجة بجد والصعايدة كلهم أهل الكرم كله يا بشمهندش كريم وياريت متزعلش من كلامي وأنا آسفة مرة تانية ويارب تقبل إعتذاري .
