(وحشتووني أوي 😂 رجعتلكم ببارت جديد تاني أهو ويارب يعجبكم وتحبوه وألاقي فيه تفاعل)
[بعد مرور شهر في المستشفى]
©©في غرفة أدهم وزوجته بالمشفى ...
#كان الاثنان نائمان على الفراش غائبان عن وعييهما وجانبهم تجمعت العائلة وفي إنتظارهم حتى يفيق أحدهم ويعود إليهم مرة أخرى ...
فاطمة بتساؤل ونظرت لوليد :- وبعدين بقى يا وليد دول بقالهم شهر ف غيبوبة والدكتور بتاعهم بيقولنا مؤشراتهم الحيوية طبيعية حالياً وكان المفروض حد فيهم يصحى من حوالي أسبوع لكن فات شهر ولسه الاتنين على نفس الحالة طب وآخرتها .
وليد بجدية :- أكيد هيصحوا يا فاطمة بس شكلهم مرتبطين روحيا وجسدياً ببعض وعلشان كده الاتنين هيفوقوا سوا ومع بعض بس إمتى مش عارف خلينا نصبر وندعيلهم لغاية ما يصحوا ونتطمن عليهم .
فريدة بدموع ونبرة باكية :- أنا بنتي وحشتني أوي ووحشني جداً أسمع صوت كلامها وضحكتها وأشوف لمعة عيونها لما بتفرح بحاجة اااخخ يابنتي ياقلبي يا حتة مني وحشاااااني أوي والله .
كريم بإستغراب :- يا جماعة أنتو واخدين بالكم من مسكة إيديهم لبعض عاملة إزاي الاتنين دول من يوم الحادثة وهما بالشكل ده حتى ف العمليات ومحدش قدر يفُك إيديهم من بعض لغاية النهاردة .
فاطمة بنبرة مغتاظة :- علشان الاتنين دول بيعشقوا بعض وحتى ف التعب محدش إتخلى عن التاني مش زي ناس تانية ولا إيه .
مريم بإيماءة :- فعلا والله والاتنين مترابطين ببعض جامد لدرجة ماسكين ف إيدين بعضهم لغاية دلوقتي والأكيد إنهم هيصحوا ويفوقوا سوا .
سيلين بابتسامة بسيطة :- ده إللي إسمه العشق وكده هما الاتنين وصلوا لأسمى مرحلة فيه ويارب يفوقوا ويكملوا حياتهم لباقي العمر سوا ونفرح بيهم .
فاطمة بتساؤل ونظرت لخالتها :- آلاه بقولك صحيح يا خالتي هو أونكل مراد فين بقى بقاله فترة مختفي ومش بيسأل يعني مش إبنه ومرات إبنه دول علشان ييجي يتطمن عليهم ويسأل عنهم .
مريم بجدية :- بابا سافر شغل ضروري يا فاطمة وأنا بكرة هكلمه وأقوله ينزل مصر ويرجع علشان يشوف أدهم ويعرف من الدكتور هما ممكن إمتى يصحوا .
وليد بتساؤل ونظر إلى كريم :- بقولك إيه يا كريم أنا مسألتش عن موضوع مروة ده قولِّي أنت وصلت لإيه مع الشرطة ف الحكاية الغريبة دي .
كريم بتنهد وعقد ذراعيه :- والنبي يا وليد الموضوع غريب ومعقد والشرطة لقت سلاح الجريمة ف نفس المكان إللي إتقتلت فيه مروة وأبوها هيتجنن علشان يعرف مين إللي عمل كده وطبعا مقدرناش نعرف هو مين إللي دفع كفالتها وخرجها من السجن وأيهم قال أنا مقدرتش أوصل لحاجة وفادي كمان طلع زيه .
