(هالووو عليكم 😂 رجعتلكم بالخاتمة ومن غير رغي كتير يلا ندخل بسرعة عليها 😂 التفاعل وحش 😔)
©©في ڤيلا الأسيوطي صباحاً ...
#كان أدهم وكريم ووليد يستعدون معاً لحفل الزفاف الذي سيقام في الڤيلا بعد عدة دقائق ...
وليد بمرح :- إلحقوني يا جودعان أنا النهاردة هتجوز وهبطل أبص ع البنات وهدخل قفص الزوجية برجلي ومش هعرف أفلفص منه خلاص .
أدهم برفعة حاجب وغيظ :- أيوة أنا عارفك شمال ودماغك زفت بس أقسم بالله لما تتجوز أختي كمان كام دقيقة وعرفت عينك راحت ف حتة كده ولا كده هطلع بميتينك فاهم ولا لأ .
كريم بغضب :- خلاص يا زفت أنت وهو مش كفاية البلوة إللي إتبليتها وهتجوزها مش مبطلة زن فوق دماغي وشغالة غيرة وشك وحاجة نيلة .
وليد بضحك شديد :- ههههههههههه أنت هتقول فيها مهو إللي بيحصلك ده كله من تحت دماغ مرات أدهم السوسة ولما قفشت مريم بتسمع منها كدرتها وخليت سهيلة التانية متقعدش معاهم بس شكلهم برضو لسه بيتقابلوا ويقعدوا مع بعض ويخططوا بلاوي .
أدهم بإيماءة وضحك :- قول كده بقى هههههههههههه أتاريني كل ما ألاقيها ماسكة تليفونها وأسألها بتعملي إيه تقول بكلم البنات وبقولهم ع الوصايا السبع لحياة زوجية سعيدة وأنا بفضل متنح .
كريم بغيظ وحنق :- أبوس إيدك يا أدهم قول لمراتك بنت خالي الهبلة دي ملهاش دعوة بفاطمة علشان أنا على آخري والله وشوية وهفرقع أصلا منها .
وليد بتساؤل :- صحيح يا أدهم أنت ناوي تاخد لوليتا شهر العسل فين ياترى .
أدهم بابتسامة صفراء :- مش هتعرف ريح دماغك أنا عارفك هتنط علينا وهتفقر الرحلة بتاعتنا علشان كده مش هتعرف حاجة وإهمد بقى ف يومك .
كريم بغمز وضحك :- أيوة بقى هههههههههه أموت أنا ف جو التخطيط الرهيب للرحلات ده يا أدهومة بس والنبي تاخد بالك على نفسك أنت ومراتك أصل عين وليد فظيعة وبتضرب لمسافات .
وليد بغيظ منهم :- نينينينيني جتكم نيلة أنتو الاتنين خلاص يا أخويا أنت وهو مش عايز أعرف حاجة من حضرتك وهاخد مراتي وأطلع بيها مكان رايق أحسن وبعيد عنكم خالص علشان ترتاحوا مننا .
سيلين وهي تدخل عليهم بابتسامة :- جرا إيه ياقلبي أنت وهو مالكم واقفين ومتأخرين علينا ليه والبنات زهقوا من القعدة ف الأوضة .
كريم بابتسامة مبادلة وجدية :- ولا حاجة يا عمتو أنا كنت بلبس البدلة وأدهم بيظبط شعره ووليد نيلة كان بيلبس جزمته وكنا نازلين علطول نروحلهم .
أدهم بإيماءة وابتسامة :- كنا بنجهز والله بس وأهو هننزل وراكي علطول وأنا بعت رسالة لسهيلة وقولت ليها كده وهي مستنية .
سيلين بجدية :- طيب يلا تعالوا علشان كمان الشيخ المأذون مستني علشان كتب كتاب فاطمة وكريم وأنا هروح أقول لفاطمة علشان تجهز .
