(رجعتلكم ببارت جديد أهو ويارب يعجبكم بقى 😂 أنا زهقت الصراحة ومش لاقية تفاعل يعجبني 🥺)
©© في الوكر المخصص لأدهم ...
#أنزل أدهم زوجته على الأرض وإبتعد عنها للخلف قليلاً حتى تشاهد هي وكره بحرية .. أما هي تفاجئت للغاية حينما رأت صورة كبيرة بالحجم الطبيعي لها موضوعة على الحائط ومزينة بورد الچوري .. نظر هو إليها وظل يتابعها بعينيه ويشعر بضربات قلبه أنها سريعة ومتتالية ويستمع لدقات قلبها أيضا ...
سهيلة بإندهاش ولم تصدق ما رأته :- مش معقول ده أنا والصورة الكبيرة دي ليا وف الجامعة كمان عملت كده إزاي وإمتى أنا أنا بجد مش مصدقة ده والله .
أدهم بابتسامة :- فعلا دي إنتي ودي صورتك وإنتي ف الجامعة التيرم إللي فات وأنا إللي صورتهالك ف اليوم ده لما صحبتك إتخطبت وقتها مش عارف إيه إللي جرالي ساعتها ولقيت نفسي بصورك وعملتها ب الحجم الطبيعي ليكي وحطيتها هنا وقولت أكيد جاي اليوم إللي هتكوني فيه معايا وهتشوفيها بنفسك .
سهيلة بتساؤل ونظرت إليه :- هو أنت جيت إزاي يا أدهم هناك ولاحظت وجودي إزاي كمان وسط البنات زمايلي هو أنت كنت معيد ف جامعتي .
أدهم بنفي وابتسامة خفيفة :- لأ أنا مش معيد هناك بس كنت جاي زيارة مش أكتر يومها وقابلتك واقفة بتتفرجي على صحبتك وخطيبها وبتتكلمي مع بنات واقفة جنبك ف لقيت نفسي طلعت الموبايل وصورت أجمل بنت شافتها عينيا ويمكن القدر كان كاتب أروح جامعتك وألاحظ وجودك من بين 50 بنت موجودين حواليكي وأختارك إنتي بالذات علشان تُبقي معشوقة الأدهم وملكة قلبه وحياته .
سهيلة بدموع ونبرة خافتة :- يعني أنت حبتني من أول مرة شوفتني فيها وعلشان كده مش ناوي إنك تطلقني وفرحت لما عرفت إني بنت عمك وعلشان كده أنت متمسك بيا وقولت وإحنا فوق متسألِنيش على سبب وجودي جنبك وتغير إتفاقك علشاني .
أدهم بإيماءة ومسح دموعها بأنامله :- مظبوط ياقلب أدهم علشان كده قولتلك تنسي كلمة طلاق وتمسحي حاجة إسمها تبعدي عني وهتكوني لغيري من دماغك خالص وللأبد كمان ياروحي .
سهيلة بغيظ وضربته في صدره بقوة :- ولما هو كده قولتلي على الإتفاق ليه وإحنا ف الجنينة وقال إيه أدورلك على عروسة وأجوزهالك كمان قالولك عني مقطف ولا كيس جوافة ومش مالية عينك .
أدهم بتأوه وأمسك ذراعها يقربها منه :- ااااهه جايبة العنف ده منين ياقلبي وبعدين هو فيه ست محترمة تمد إيدها على جوزها وتضربه ف قلبه وتوجعه كده .
سهيلة بضيق وتحاول جذب ذراعها :- أه فيه طالما أنا عملت كده يبقى فيه وبعدين جوزي غتت وغلس ويستاهل الشنق كمان على كلامه وبعدين أنت ماسك دراعي كده ليه كأني ناوية أهرب .
أدهم بابتسامة وقبّل عنقها :- ومش هسمحلك تهربي أصلا وتبعدي عني وكل حاجة تحصل تبقى بينا إحنا الاتنين وبس ومحدش يتدخل ولو إتخانقنا نلاقي أنا وإنتي نقطة رجوع ونتصالح ف نفس الوقت وكمان محدش فينا ينام زعلان من التاني وشايل جوا قلبه حاجة مزعلاه من حبيبه خلاص وأوعدك بعمري كله أشيلك جوا عيوني وأحميكي ومش هزعلك .
