(وحشتووني أوي والله 😂 رجعتلكم ببارت جديد أهو ويارب يعجبكم وتحبوه وألاقي تفاعل كبير عليه)
©©في ڤيلا الأسيوطي ...
#وصل كريم بسيارته إلى الڤيلا فنزلت عمته منها ثم دخلت وطرقت بيدها على الباب وبعد أن أغلق كريم سيارته ووقف جانبها وحاول يفك شفراتها ...
كريم بجدية وحاول تهدئتها :- عمتي لو سمحتي أنا عايزك تكوني هادية قدامهم ممكن .
سيلين بإيماءة ودموع :- حاضر يابني هحاول أعمل كده بس مقدرش أوعدك علشان دي بنتي الوحيدة .
سهيلة بابتسامة وفتحت لهم الباب :- أهلا وسهلا يا بشمهندس كريم تعالى تعالى إتفضل نورتنا أومال أنا مش شايفة أدهم معاك يعني .
كريم بهدوء ونظر لعمته :- احم أهلا بيكي ومنورة بــ وجودك يا مدام سهيلة وأدهم أنا كلمته وجاي ورايا .
سهيلة تنحت جانباً وأفسحت لهم :- تمام ماشي طب تعالوا إتفضلوا أُدخلوا جوا وماما وفاطمة موجودين كمان تعالوا نورتونا أهلا وسهلا بيكم .
سيلين بإندفاع ونبرة باكية :- فاطمة فينها يابنتي أنا أنا عايزة أشوفها أرجوكي خليها تيجي أكلمها .
فاطمة بتوتر ونظرات مندهشة لوجود كريم :- أهلا يا كريم إزيك منور الڤيلا وهي مش حضرتها دي عمتك سيلين إللي عايشة فــ تركيا من فترة طويلة وشوفت صورتها أنا عندك صح .
كريم بإيماءة وضيق :- أه هي عمتي سيلين وأصلا أنا جاي هنا معاها علشان فيه حاجة حصلت زمان وحابة تقولها ليكي يا فاطمة وأنا هستنى برا .
فريدة بصدمة وهي تتجه إليهم :- سيلين إنتي إنتي إيه إللي رجعك من تركيا تاني وعايزة إيه مننا وإزاي عرفتي إننا عايشين هنا حالياً .
سيلين بحزم ومسحت دموعها :- رجعت النهاردة من تركيا يا فريدة وناوية أستقر كمان وبالصدفة عرفت من كريم ابن أخويا إنكم عايشين هنا ومعاكي بنتي فاطمة إللي أنا سيبتها زمان ليكي وسافرت .
سهيلة بإستغراب ولم تفهم شيء :- طيب تعالوا يلا أُقعدوا علشان مينفعش تتكلموا كده على الباب قدام الخدم عقبال ما يوصل أدهم وعمي مراد للڤيلا سوا .
فاطمة بإندهاش وفتحت عيونها على وسعهم :- بنت مين وبتاع إيه أنا مش فاهمة حاجة خالص فهموني ياريت لو سمحتوا قبل ما أفهم غلط .
كريم بفتور وجلس جانب عمته :- عمتي سيلين لما شافت صورتك قالت إنها مامتك وسابتك عايشة مع طنط فريدة من حوالي عشرين سنة وهي أصلا كانت مقررة تسيب تركيا حالياً وتعيش معايا ف الڤيلا إللي أنا ورثتها عن المرحوم أبويا .
سهيلة بصدمة ونظرت إلى والدتها :- نعععمممم يعني إيه الكلام إللي أنا بسمعه ده يا ماما ممكن تفهمينا هو بجد ده حصل وكريم بيقول الحقيقة .
