(وحشوووني أوي أوي والله 😂 رجعتلكم ببارت أهو جديد وطازة ... ويارب يعجبكم وتحبوه وألاقي فيه تفاعل يفرحني)
[بعد أسبوعين على الجميع ... وقد تم عقد قران وليد ومريم .. وسفر كريم وعودته من تركيا]
©©صباحا .. في منزل كريم وعمته ...
#كانت سيلين تجلس في غرفتها شاحبة وهي تمسك بصورة لإبنتها الوحيدة ودموعها تسري على وجنتيها حين دخل عليها كريم ومعه الطعام ...
كريم بحزن شديد :- يا عمتو بقالك تلات أيام مفيش لا أكل ولا شرب والله حرام عليكي نفسك بجد .
سيلين بنبرة مبحوحة من كثرة بكائها :- لأ يا كريم أنا مش هاكل ولا هشرب لغاية ما تسامحني فاطمة بنتي وتنسى إللي عملته فيها زمان وتديني فرصة أعوضها عن كل حاجة قاستها وعاشتها .
كريم بضيق :- على فكرة كده غلط إللي بتعمليه ده يا عمتي وأصلا فاطمة محدش يعرف عنها حاجة لغاية دلوقتي من يوم ما سافرت أسيوط وقالت إنها حابة تفضل لوحدها هناك ولما تروق هترجع تاني .
سيلين بغضب ونظرت إليه :- يعني إيه تروح لوحدها ومحدش يروح معاها ويتطمن عليها ودراستها هتبدأ كمان يومين وأنت يا عاقل يا كبير دي بنت خالتك والمفروض تروح تجيبها بنفسك ومتسيبهاش هناك .
كريم بإيماءة وبرود :- طيب طيب هروح أجيبها من هناك بس لازم تاكلي الأول يا عمتي وبعدين هشوف الموضوع ده بنفسي معاها .
سيلين هزت رأسها بحزن :- ماشي يابني حاضر وأنا هستنى لما ترجع وخليها تيجي هنا وتعيش معايا .
كريم بابتسامة وهو يطعمها بيده :- زي ما تحبي بس تخلصي كل الأكل ده علشان أعرف أقنعها أجيبهالك هنا وتقعد معانا ف الڤيلا .
#ظل كريم يطعم عمته بكل حنان ثم تركها تخلد إلى النوم قليلاً وعزم أمره أن يذهب لفاطمة ويعيدها ...
©©في ڤيلا الأسيوطي ...
#وفي الجناح الخاص بأدهم وزوجته .. كانت سهيلة تجرب أمام المرآة ملابس الجامعة الجديدة وزوجها يجلس على الفراش ينهي بعض الأعمال حين دخلت عليهم مريم ومعها زوجة عمها والدة سهيلة وجلسوا جانب أدهم فوق الفراش بملامح واجمة ...
فريدة بحزن وتساؤل :- وبعدين يا جماعة دي فاطمة بقالها حوالي أسبوعين ف أسيوط ولسه مرجعتش أنا عارفة إنها مصدومة بس كفاية كده والمفروض تيجي لأن الدراسة هتبدأ كمان يومين وهتاخد وقت علشان تستعد وتشوف هتعمل إيه .
سهيلة نظرت لها من خلال المرآة وقالت بإيماءة :- أه والله يا ماما عندك حق والسنة دي بيقولوا إنها صعبة وغير أول سنتين ولازم هي تكون موجودة علشان لما نروح الجامعة وندفع المصاريف كمان .
مريم بنبرة جادة :- يا جماعة بجد كده أوڤر وبقالها أسبوعين هناك لوحدها وكده مينفعش والمفروض أنا وأدهم أو أدهم وبابا يروحوا أسيوط ويرجعوها .
