(هلواااات عليكم 😂 رجعتلكم ببارت جديد أهو 😂 ويارب يعجبكم وبعدين أنا مش لاقية تفاعل .. المرة الجاية بقى مش هكتب غير لما ألاقي تفاعل كبير)
©©في منزل السيدة فريدة المنصوري بأسيوط ...
#كانت سهيلة تقف أمام المرآة وهي مرتدية سلوبيت چينز وأسفلها تيشرت حمالات أصفر باهت لائق على بشرتها القشدية وتعقد شعرها الطويل كقطتين فبدت كالأطفال الصغيرة حقاً .. ودخلت عليها فاطمة وهي مرتدية فستاناً قصيراً صيفي أبيض ومنقط بالأحمر تاركة شعرها للعنان على ظهرها فضحكت للغاية على مظهر إبنة خالتها فضربتها سهيلة بقدمها ...
فاطمة بضحك :- هههههههههههههه يوغتي قطة طفلة إيه العثل ده يا سوو والله شكلك يخبل وكأنك رايحة الروضة دلوقتي ههههههههههههه فينك يا أدهم تيجي تشوف مراتك الهبلة إللي شبه الأطفال دي .
سهيلة وهي تضربها بقدمها :- عبووومنظرك يا باردة اسم الله عليكي ياختي ده إنتي إللي كأنك طالعة من مسلسل تركي صيفي دلوقتي حالا غوري من قدامي قبل ما تندمي وتزعلي مني أحسنلك .
فاطمة بتأوه :- ااااه يا رجلي يامي ياني هو إيه أصله ده كنت بهزر معاكي يا رشيدة مبتهزرش يا رمضان .
سهيلة بغيظ :- لأ ياختي بهزر بس هزارك تقيل زي دم حضرتك بالظبط وبعدين هو ماله أصلا بمنظري يبقى جوزي على ورق وبس ومفيش إللي ف دماغك ده هـا إنسي خالص مالص الكلام ده .
فاطمة بخبث :- طب أنا هنسى إنما هو بقى هتمنعي جوزك ياخد حقه الشرعي يا لوليتا والملايكة تلعنك من أول ما تنامي لغاية ما تصحي هينفع كده .
سهيلة بإرتباك :- والله ما هيحصل قلة الأدب دي على جثتي وبعدين هو إللي بلسانه قال الجواز على ورق وبس ومفيش حاجة هتحصل عايزاني أرمي نفسي عليه وأتلزق فيه ولا إيه لأ لأ طبعا مش هعمل كده أنا ومش معنى إنه جوزي يبقى يلمسني غصب عني اوك ياقلبي وإهمدي بقى أنا أصلا خايفة .
فاطمة بسخرية :- هممم قلة الأدب ومش هيحصل طيب ياختي بكرة نقعد جنب الحيطة ونسمع الزيطة وهتيجي إنتي بنفسك تقوليلي حصل يا بطوطـة .
سهيلة بغضب وألقت عليها وسادة :- طب نقطيني ب سُكاتك ده وغوري شوفي الباشا وصل ولا لأ .
فاطمة تفادت الوسادة وقالت بمرح :- هاهاها مجتش فيا نينينينين وعلى فكرة بقى الموز بتاعك تحت من شوية ومستني سيادتك تتكرمي تنزلي .
سهيلة بغيظ وأمسكت بحقيبتها الكبيرة :- متخلفة يا بطوطة ومقولتيش ليه إنه تحت ومستني خلينا ننزل يلا قبل ما ماما تطلع تنزلنا بالشبشب إتنيلي يلا خدي شنطتك وإنزلي قدامي وإنجزي .
فاطمة ببكاء مزيف :- عااااااااااا اهئ اهئ اهئ بطلي تشتميني يابت إنتي يووه والله هقول لأبيه وليد بقى وأخليه يقرص دراعك ويزعلك علشاني .
