(سلامااااات عليكم يا غوالي .. رجعتلكم ببارت جديد تاني أهو ويارب يعجبكم وتحبوه وألاقي تفاعل عليه يفرحني علشان الرواية بتخلص خلاص 😂)
©©في المخبأ الخاص بمروة ...
#بعد خروج مروة من السجن وأخذت أموالاً طائلة ذهبت لتختبئ في مكان سري صغير لكي تستطيع التخطيط للإنتقام من أدهم وعائلته الصغيرة ...
مروة بغضب :- أنا لازم أنتقم وأرد كرامتي من أدهم ومراته الزفتة الطفلة إللي متجوزها وبيقارنها بيا أنا مروة الدهاشني ست ستها وضُفري برقبتها .
مساعدها بخوف منها :- طيب قوليلي عايزاني أعمل إيه وأنا هعمله علشان ترتاحي يا هانم .
مروة نظرت إليه بإنفعال وحِدة :- شوفلي داهية ليها تاخدها مراته علشان أعرف أشفي غليلي منها وبكرة ألاقيها عندي وقدامي فاهم .
مساعدها بإيماءة :- حاضر خلاص أنا هخلي الرجالة يخطفوها من قدام جامعتها لما تروحها علشان عرفت منهم إن دراستها هتبدأ وهتروح وهناك أنا هتصرف .
مروة بابتسامة خبيثة :- طيب حلو أوي كده الكتكوتة الصغننة رايحة جامعتها وللأسف مش هتلحق توصل وتكمل حياتها يا عيني مع جوزها .
#جلست مروة على كرسيها وهي تضحك بشدة على أفكارها الشريرة التي ستفعلها بزوجة أدهم حينما تقع بين يديها وتحضرها إلى مخبأها ...
©©عند كريم وفاطمة في أسيوط ...
#خرجت فاطمة من المنزل بعد أن وضبت أغراضها وتحدثت مع خالتها وأخبرتها أنها عائدة مع كريم إلى ڤيلا الأسيوطي ووجدته يستند على سيارته وينتظر حضورها بفارغ الصبر وبرود ...
سلمى بابتسامة وهي تودعها :- خدي بالك يا فاطمة على نفسك ولما توصلي كلميني أتطمن عليكي ماشي وكمان متتزربنيش عليه وإهدي شوية .
فاطمة بغيظ وهي تنظر إليه :- وإنتي مش شايفة هو واقف عامل إزاي وعمل إيه من شوية يا زفتة يوووه وحاضر ياختي هكلمك أول ما أوصل هناك .
سلمى بضحكة خفيفة :- هههههههههههه ماشي ياختي توصلوا بالسلامة يارب وركزي ف الدراسة كمان لأن سنة تالتة صعبة شوية ومحتاجة تركيز أكتر فاهمة .
فاطمة بإيماءة وإحتضنتها بقوة :- طيب ياروحي وأنا كل شوية هكلمك أتطمن عليكي ماشي هتوحشيني يا سلومتي والله وخدي بالك على نفسك .
سلمى بابتسامة وحضنتها :- وإنتي هتوحشيني أكتر يا زقردة وسلميلي على البت لوليتا وطنط فريدة .
كريم برفعة حاجب وبرود :- إنجزي شوية ياريت يا فاطمة هانم علشان كده إحنا هنتأخر ف الطريق وكتر السلام بيقل المعرفة على فكرة .
فاطمة بغيظ وسبّته داخلها بغضب :- يحرق برووودك يا شيخ أوووف طييييب أنا متنيلة جاية أهو وخليك ف حال سيادتك ياريت وملكش دعوة بينا .
