အစည်းအဝန်းခန်းထဲဝယ် လူတွေအားလုံးစုရုံးနေကြသည်။ ယခုက ဥက္ကဌကြီးက သတင်းတစ်ခုကြေညာမည်ဆိုသောကြောင့် ဌာနရဲ့ ခေါင်းဆောင် တွေကိုခေါ်လိုက်ခြင်းပင်။
"ကျုပ်အခုလိုခေါ်လိုက်ရတာက အားလုံးကို ကြေညာပေးချင်စရာရှိလို့ပါ" ဥက္ကဌကြီး၏အစချီလာသော စကားကြောင့် အားလုံး ငြိမ်သက်ကုန်သည်။ ဘဲဥပုံစားပွဲဝိုင်း၏ထိပ်မှာ ဦးမိုးမြင့်သွေးကထိုင်တာဖြစ်ပြီး သူ့ဘေးတစ်ဖတ်တစ်ချပ်စီမှာ ဦးမိုးနိုင်ထက်နှင့် သမိုင်းသွေးရှိသည်။
"အခု ကျုပ်ရဲ့သားက လန်ဒန်ကနေ မဟာဘွဲ့ရလာပြီးသားဖြစ်တဲ့အပြင် လုပ်ငန်းပိုင်းမှာလည်း အတွေ့ကြုံတချို့ရှိပြီးသားဆိုတာ အားလုံးသိကြပြီးသားဖြစ်မှာပါ"
ထိုအကြောင်းကိုတော့ အားလုံးကြားသိထားသည်။ အသွေးက ကျောင်းပြီးထားသည့်အပြင် မဟာဘွဲ့အတွက် အသက် ၂၂လောက်တည်းက စတက်ထားတာဖြစ်ပြီး ဤကြားထဲ လန်ဒန်အခြေစိုက် လုပ်ငန်းတွေမှာလည်း internဆင်းထားသေး၏။ အသက်ငယ်ငယ်နဲ့ အများကြီးသင်ယူထားပြီးသားမို့ အားလုံးကလည်း အားကျမှုအပြည့်ရှိပြီးသား။
"အဲ့တော့ ကျုပ်ပြောချင်တာကတော့ Thway group ရဲ့ CEOနေရာကို ကျုပ်ရဲ့သား သမိုင်းသွေးကို ခန့်အပ်လိုက်ကြောင်း ကြေညာချင်ပါတယ်"
ကြောညာချက်အဆုံး အံ့သြသွားသူများရှိသလို သဘောကျနေသူများလည်းရှိသည်။ ထိုထဲ မယုံကြည်နိုင်ဖြစ်နေသည့်သူလည်းရှိနေသေး၏။
"တစ်စုံတစ်ရာမေးချင်တာ ကန့်ကွက်ချင်တာများရှိသလား"
ထိုသို့မေးတော့လည်း အားလုံးကမရှိဘူးဟုသာ။ မယုံကြည်နိုင်သူ ဦးမိုးနိုင်ထက်ကတော့ ဇတ်ကိုချိုးထားကာ တွေဝေနေသည်။ သို့ပေသိ သူ့မှာ မေးခွန်းထုတ်ရန်အခွင့်မရှိခဲ့။
"ဟုတ်ကဲ့ အခုလို ဥက္ကဌကြီးက ယုံယုံကြည်ကြည်နဲ့ ဒီရာထူးပေးခဲ့အတွက် ကျွန်တော့်ဘက်ကလည်း အကောင်းဆုံးကြိုးစားပါ့မယ် ကျွန်တော့အနေနဲ့လိုအပ်တာတွေရှိရင်လည်း ကျွန်တော့်ကို ကူညီပြီးသင်ပြပေးကြပါလို့ တောင်းဆိုပါရစေ"
YOU ARE READING
အရိုင်းဆန်မဲ့သွေး (အရိုင္းဆန္မဲ့ေသြး)
एक्शनI don't wanna describe about this fiction.If you wanna to read something new, you can try in my work. By Hitoku
