ဝေဠုဆိုင်ကယ်ဖြင့် ဝေဠုကမောင်း၍ ရှိုင်းခန့်က အနောက်ကနေ တက်စီးသည်။ဝေဠုဆိုင်ကယ်အမောင်းကြမ်းသောကြောင့် ရှိုင်းခန့်မှာ တင်းကျပ်စွာ သိုင်းဖက်ထားရသည်။ဝေဠုမှာ ဒါကိုသဘောကျ။
“ရှိုင်းခန့်..မင်းအိမ်ကို ဘာမှစိတ်မပူနဲ့ကြားလား။ငါမော်နီတာကို ဖုန်းဆက်ပြောခိုင်းထားတယ်”
“ဟမ်...ဘယ်လိုပြောထားတာလဲ..”
“ အပြန်ကနောက်ကျနေပြီ။တစ်ယောက်ထဲသွားလို့ မကောင်းဘူးလေ။ဒါကြောင့် မော်နီတာအိမ်မှာ စုအိပ်ကြတယ်လို့ ပြောခိုင်းထားတယ်”
ရှိုင်းခန့်မှာ ဘာမှမပြောတော့။ပြုံးစိစိနဲ့ပင်။
....
ဆိုင်ကယ်စတန်းနားတွင် ဆိုင်ကယ်ကိုထိုးလိုက်သည်။ဆိုင်ကယ်စတန်းနားရှိ ကျောင်းသူကျောင်းသားအချို့မှာ နံမည်ကြီးဝေဠုမင်းခင်နှင့်နံမည်အကြီးဆုံး ကင်းရှိုင်းခန့်တို့ ဆိုင်ကယ်အတူတူစီးလာတော့ သူတို့အတွက် ပွဲကျစေခဲ့သည်။ဆိုင်ကယ်စတန်းနားတွင် ကေခိုင်ဖူးရှိနေသည်ကို သူတို့မတွေ့။
“ကဲ..ငါအတန်းထဲ ဝင်တော့မယ်..”
“နေပါအုံး..ငါပြောထားတယ်လေး..အမြဲတမ်း ငါ့အနားပဲနေရမယ်ဆို”
“ဟာ..အခုက အတန်းထဲရောက်လဲ တွေ့မှာပဲကိုး..”
“မရပါ..အမြဲတမ်း ငါ့နားနေ။ငါခိုင်းတာလုပ်ပဲ..မလုပ်ရင် ငါ့အကောင့်ကနေ.. “
“အေအေ။နေမယ်နေမယ်။ဟုတ်ပြီလား”
ရှိုင်းခန့်မှာ ခပ်ဆတ်ဆတ်လေး ပြောလိုက်သည်။ထို့နောက် ဝေဠုမင်းခင်နှင့်ရှိုင်းခန့် တစ်ပြိုင်နက်ထဲ အတန်းထဲဝင်သွားလိုက်သည်။ရှိုင်းခန့်နှင့်ဝေဠု အတူတူဝင်လာသည်ကို မင်းသူမှာ တအံ့တဩ။ရှိုင်းခန့်မျက်နှာမှာ တရှုံ့ရှုံ့။ရှိုင်းခန့်မှာ မင်းသူဘေးဝင်ထိုင်လိုက်သည်။ဝေဠုမှာ လည်းဝင်ထိုင်လိုက်ပြီး စာအုပ်များကို ခေါ်ပေါ်တင်လိုက်သည်။
“ဒီနေ့ မေဂျာအချိန် ငါတို့ကန်တင်းသွားရမယ်။ငါတို့ ချိန်းထားတာရှိတယ်”
YOU ARE READING
သက်သေတည်၍(completed)
RomanceZaw gyi ခှဲခှာခွငျးဆိုတာ ငါတို့အတှကျတော့ ပုံပွငျတဈခုပါပဲဝဠေုမငျးခငျ အရာရာတိုငျးကို ဂရုစိုကျပွီးခဈြပွနဖေို့မလိုပါဘူး။ ရှိုငျးခနျ့ဆိုတဲ့ငါ့ကို အသကျပါတဲ့အပွုံးလေးနဲ့ စိတျပါပါ ရယျပွရုံတငျ ငါကနြေပျပါတယျ uni ခွဲခွာခြင်းဆိုတာ ငါတို့အတွက်တော့ ပုံပြင်တစ်ခုပ...
